Wikipédi bewwiki https://bew.wikipedia.org/wiki/Bal%C3%A9-bal%C3%A9 MediaWiki 1.48.0-wmf.3 first-letter Wasilah Istimèwa Kongko Pemaké Kongko pemaké Wikipédi Kongko Wikipédi Gepokan Kongko gepokan MediaWiki Kongko MediaWiki Sablonan Kongko sablonan Pertulungan Kongko pertulungan Bangsaan Kongko bangsaan TimedText TimedText talk Modul Pembicaraan Modul Pegelaran Kongko Pegelaran 0 3118 35304 29696 2026-11-10T11:37:22Z Dr. Thomas Liptak 4261 /* Sejarah */ current photo added (2026) 35304 wikitext text/x-wiki [[Gepokan:Red Chinese Lanterns at Night.jpg|jmpl|Tanglung Tionghoa mèra]] '''Tanglung'''<ref name=":0">Chaer, Abdul. (2009). ''Kamus Dialek Jakarta''. K. Rép. Penerbit Masup Jakarta.</ref> (hurup Arab Gundul: تڠلوڠ; hurup Tionghoa Ringkes: 灯笼; hurup Tionghoa Terdisionil: 燈籠; basa Koanwé/Mandarin: ''dēnglóng''; basa Hokkièn: ''teng-lóng''; basa Kanton: ''dang¹ lung⁴'') atawa '''tènglolèng'''<ref name=":0" /><ref>Saidi, Ridwan. (2007). ''Glosari Betawi: Kamus kata-kata, nama, dan peristiwa dari zaman prasejarah hingga zaman moderen''. Betawi Ngeriung. h. 113.</ref> (hurup Arab Gundul: تڠلولڠ) entu lentèra nyang dikeja deri kertas tèplèk nyang kelirnya terang. Tanglung ada macem-macem bentuk ama ukurannya, serènta juga' cara ngebikinnya. Tanglung nyang paling ringkes entu cuman kantong kertas ama ditaroh lilin di jeronya, bagèn bentuk nyang lebi ribet entu ada juga' arku<ref>Chaer, Abdul. (2009). ''Kamus Dialek Jakarta''. K. Rép. Penerbit Masup Jakarta. '''Arku''' (hurup Arab Gundul: ارکو) – ''kerangka bambu'' (Indo.); ''bamboo frame'' (Ing.).</ref> atawa ram logemnya nyang dikrèdongin paké kertas nyang rada keras. == Sejarah == [[File:Seoul, Jongno District, National Folk Museum of Korea (lanterns).jpg|thumb|Lentera di koleksi Museum Rakyat Nasional Korea]] Tanglung kemungkinan asalnya deri lentèra nyang maké laèn-laèn bahan tembus cahaya, kaya' sutra, tanduk, atawa kulit animal. Tu bahan krèdongannya dipaké biar tu lentèra punya api kaga' padem ketiup angin, biar bisa tetep mentèr. Tèhnologi ngebikin kertas asalnya deri Tiongkok nyang paling kaga' semprakan 105 M selamanya jaman Wangsa Han Wètan,<ref name=":1">Tsien, Tsuen-Hsuin (1985). "Chemistry and Chemical Technology, Part 1: Paper and Printing". Dalem Needham, Joseph (per.). ''Science and Civilisation in China''. J. 5. Cambridge University Press. h. 128. ISBN <bdi>0521086906</bdi>.</ref><ref>Hogben, Lancelot. "Printing, Paper and Playing Cards". Bennett, Paul A. (per.) ''Books and Printing: A Treasury for Typophiles''. Niu-Yorek: The World Publishing Company, 1951. h. 15–31. p. 17. & Mann, George. ''Print: A Manual for Librarians and Students Describing in Detail the History, Methods, and Applications of Printing and Paper Making''. Londen: Grafton & Co., 1952. h. 77</ref> cuman kaga' tau pastinya semprakan kapan tu kertas dipaké bakal krèdongannya lentèra. Ada sair-sair pasal tanglung nyang mulain nongol dalem [[Tiongkok]] punya sejarah pas jaman abad ke-6 M.<ref name=":1" /> Tanglung lumbrah di jaman Wangsa Tong (690–705), èn di entu jaman juga' keriaan tanglung saban tahonan mulain diadain.<ref name=":1" /> Deri Tiongkok, ni tanglung mulain nyebar dah tu ke mana-mana jiran [[Asia Wètan]], [[Asia Kidul-wètan]], èn Asia Kidul. == Jenis == Paling kaga', ada tiga jenis tanglung nyang paling lumbrah, ya'entu: * Tanglung gelayutan – jenis tanglung kertas nyang paling umum bakal lampu. Ni tanglung bisa' dibawa, digantung, atawa dicokol di penjogrogan. * Tanglung terbang – balon udara panas kecit deri kertas, ada bolongannya di bawah, di mana api kecitnya ditumpil. * Tanglung aèr – Tanglung nyang diambangin di aèr. == Ruju'an == <references /> [[Bangsaan:Tionghoa]] [[Bangsaan:Terdisi Betawi]] [[Bangsaan:Keriaan Betawi]] gus5pe1i0ujr6yyy437ugnz01j9itfo