উইকিপিডিয়া bpywiki https://bpy.wikipedia.org/wiki/%E0%A6%AA%E0%A6%AF%E0%A6%BC%E0%A6%B2%E0%A6%BE_%E0%A6%AA%E0%A6%BE%E0%A6%A4%E0%A6%BE MediaWiki 1.47.0-wmf.24 first-letter মিডিয়া বিশেষ য়্যারী আতাকুরা আতাকুরার য়্যারী উইকিপিডিয়া উইকিপিডিয়া য়্যারী ছবি ছবি য়্যারী মিডিয়াউইকি মিডিয়াউইকির য়্যারী মডেল মডেলর য়্যারী পাংলাক পাংলাকর য়্যারী থাক থাকর য়্যারী হমিলদুৱার হমিলদুৱার য়্যারী TimedText TimedText talk মডিউল মডিউল আলাপ ইভেন্ট ইভেন্ট আলোচনা 0 54797 897366 893165 2026-10-22T20:14:59Z Usingha 10 Source চুমকরানি অইল। 897366 wikitext text/x-wiki {{পৌরঝাপি ব্যাক্তিত্ত | name = গোকুলানন্দ গীতিস্বামী | image = | caption = বিষ্ণুপ্রিয়া মণিপুরী সমাজ সংস্কারক বারো কবি গোকুলানন্দ গীতিস্বামী | image_size = 250px | birth_date = [[নভেম্বর ২৬]], [[মারি ১৮৯৬]] | death_date = [[জুলাই]] , [[মারি ১৯৬২]] (বয়স ৭৬) | birth_place = [[মাধবপুর]], [[ভানুগাছ পরগনা|ভানুগাছ]], [[বাংলাদেশ]] | death_place = [[ত্রিপুরা]], [[ভারত]] | parents = ঙৌবা সিংহ <br> আমুতলা দেবী | children = '''জিলক''' শ্রীমতি রোহিনী সিংহ | education = মাধবপুরে নিম্নবাংলা পাশ <br> ত্রিপুরার কৈলাসহরে অষ্টম মান <br> আগরতলাত সংস্কৃত চতুষ্পাঠিত সংস্কৃতর জ্ঞান | known_for = সমাজসেবা, সমাজ সংস্কার বারো বিষ্ণুপ্রিয়া মণিপুরী ঠারর সাহিত্যর পথিকৃৎ আগো }} গোকুলানন্দ গীতিস্বামী গিরক এগরে <span class="plainlinks">[https://web.archive.org/web/20170902003806/https://bishnupriya.com/ বিষ্ণুপ্রিয়া মণিপুরী] </span> জাতর জনকগো বুলিয়া মাততারা। গোকুলানন্দ গীতিস্বামী গিরক এগই বিষ্ণুপ্রিয়া মণিপুরী সমাজেত্ত নিরক্ষরতা,অন্ধবিশ্বাস,কু-সংস্কার, ভ্রষ্টাচার, অনাচার বারো অরাজকতা কিতা কিতি সেচানিরকা মহতী সমাজ সংস্কারর লালফাম অকরেসিল। এতাবাদে গিরক এগই বিষ্ণুপ্রিয়া মণিপুরী সমাজ নিয়া নিয়ামপারা সমাজ-সংস্কারমুলক এলা, কবিতা, নাটক বারো আরতাউ নানান রচনা ইকরিয়া বিষ্ণুপ্রিয়া মণিপুরী জাত, সংস্কৃতি বারো ঠাররহানরে গজে কাকরিয়া গেসেগা। সমাজ-সংস্কার বারো জাগরনে নিয়াম ভুমিকা থনায় গিরক এগ গীতিস্বামী উপাধি পাসিল। = গোকুলানন্দ গীতিস্বামীর বারে কথাচুটি = গেলগা শতকর আগর শতক লমনির পাতাপে বিজাতীয় সংস্কৃতির হৎগত বাহিয়া মিমুৎ অনার পথহাত্ত জাতহানরে রক্ষা করানিরকা গিরকএগো আবির্ভুত অসিল। গিরকর যুগে বিষ্ণুপ্রিয়া মণিপুরী জাতর মানুরাং নিজর জাতর বারে সচেতনতা বারো বাহানাহান জবরে কমসিল। আকসময়ৎ [[মিয়াঙ|মিয়াঙে]] পাশ্চাত্য শিক্ষা পেয়া যেসাদে সায়েপ মালনির গৈগ অসিলা, উসাদে বিষ্ণুপ্রিয়া মণিপুরীর শিক্ষিত সমাজ মিয়াঙ মালনিরকা উন্মাদ অসিলা। পুরানা গিরিগিথানিয়ে বারো [[মেইতেই]] মালনিরকা গৈগ অসিলা। ঔ সমেইৎ অন্যান্য সভ্যজাতর মুঙে নিজর মাতৃভাষাহান টটারতে কুনো বিষ্ণুপ্রিয়া মণিপুরী আগই লাজ নাপেইতে নাদেখেসি,শিক্ষিত বারো অশিক্ষিত কুনো বিষ্ণুপ্রিয়া আগই মাতৃভাষাহানলো চিঠিআহান ইকরতে বা ইকরুয়েইতে না দেখেসি; এলা কীর্ত্তন দেনাতে দুরেই থাক। নিজর জাতর হাবি সংস্কৃতি রুহিবৃত্তি আচার নিয়ম হাবি মানুয়ে পাহুরানি অকরলা। জাত এহান এসাদে নিশ্চিণ্হ অনার পথে সালসিলা সমেয় উহাত গীতিস্বামী গিরক [[সক্রেটিস]]র সাদে নুয়া আশার, নুয়া সম্ভাবনার বাণী আমার গরে গরে প্রচার করিয়া বুললো। তা দেহাদিলো যে, এরে ঠার এরে সংষ্কৃতি এহার বিতরে ডাঙর সম্ভাবনা আহান আছে। হুদ্দা মানুর থতাৎ বুলের লেইরাপা ঠার এহানলৌ সাহিত্য অনা য়াকরের, রসসৃষ্টি অনা পারের। গিরকর মুল্যবান ইকরা বারো অবদান ঔতা হাবি সংরক্ষন করানি সম্ভব নাসে। এলা বারো কবিতা পেয়ার উতার বপতাই মানুর থতাত্ত থতাৎ বুলে বুলে মৌখিক সাহিত্য আকারে। [[ডঃ কালীপ্রসাদ সিংহ]] বারো [[হরিদাস সিংহ]] গিরকে গীতিস্বামীর করপেখ কতহান খমকরানির হৎনা করেসি। রচনা যেহানি পেয়ার অউতাত্তই গিরক এগোর প্রতিভা বারো অবদান সম্বন্ধে হারপানি য়াকরের। গোকুলানন্দ গীতিস্বামী গিরকর অমর রচনাবলীরমা হাবিত্ত জনপ্রিয় বারো নাঙকরাহান অইলতা - "কালে কালে কালর কথা নাহুনানি নাকরের, জিগয় বনহান পুড়িয়া আনলে কাচায় মজায় নাধরের"। = জরম বারো লেইরিক তামকরানি = গোকুলানন্দ গীতিস্বামীর জরম এবাকার [[বাংলাদেশ]]র [[মৌলভীবাজার জিলা]]র [[ভানুগাছ পরগনা|ভানুগাছে]] ১৮১৮ শকর আগন মাহাত। তারিখ এহান ইংরেজী সালর হিসাবলো লামসাম ১৮৮৬ খ্রীস্টাব্দর ২৬ নভেম্বর পড়েরগা। গিরক জরম নেসেগা গাঙউহার নাঙহান [[মাধবপুর]] যেহান হৌবাকার [[ভানুবিল]] পরগনার বিতরে পড়িসিল। গীতিস্বামীর বাপকর নাঙহান [[ঙৌবা সিংহ]]। ঙৌবা সিংহ সংস্কৃত ভাষার বিদ্বান বারো পন্ডিত আগো আসিল। মালক আমুতলা দেবী আদর্শবতী বেয়াপাগ আসিলি। কনাকেত্ত গোকুলানন্দর বুদ্ধিলৌশিং নিয়াম চৌখাত অসিল। লেইরাপা গরর শৌগ অনায় বপকারে লেইরিক তামকরে নারেসে। কিন্তুমান লেইরিক তামকরানির কাজে গিরকর খৌরাঙ বারো হৎনার লম নেয়সিল। মাধবপুরেত্ত নিম্নবাংলা পাশ করিয়া ইংরেজী তামকরানিরকা গোকুলানন্দ [[ত্রিপুরা]]র [[কৈলাশহর]] গেসিলগা বারো অপেইৎ অষ্টম মান পেয়া তামকরেসিল। ত্রিপুরার [[রাতাছড়া]] নাঙর গাঙউহৎ গিরক এগো থাইল। উতার পিসেদে সরকারি অনুদান পেয়া গোকুলানন্দ আগরতলার সংস্কৃত চতুষ্পাঠিত সংস্কৃত তামকরিয়া নানান শাস্ত্রত বিধিগত জ্ঞান অর্জন করেসিল। এতার হেরেদে ১৯২৫ সালে ত্রিপুরার রাতাছড়া গাঙে ব্যক্তিগত উদ্যোগে প্রাইমারী স্কুল আগ প্রতিষ্টা করিয়া বারো উগৎ নিজে লেরিক বাগাদিয়া শৌশুমারা মানু হংকরানিৎ মেইখ্যু অসিল। = গীতিস্বামীর রচনা = [[ছবি:Gokulananda2.jpg|300px|ডান|থাম্ব|শিশির সিংহর ইকা গোকুলানন্দ গীতিস্বামীর প্রতিকৃতির ড্রয়িং আগো ]] বিষ্ণুপ্রিয়া মণিপুরী ঠারর সাহিত্যত আদি আধুনিক যুগর (গেলগা শতাব্দির তৃতীয় দশকে) চারিগো প্রধান সাহিত্যিকরমা গোকুলানন্দ গীতিস্বামী নাঙহান অগ্রগন্য। সাধারনভাবে মাতিকবুল্লে ঔ সমেইত সাহিত্য ভাষা বারো রচনাভংগির কুনো নির্দিষ্ট রূপ আহান লেপ নাসিল। উহানে রচনা ঔতা সমালোচনার সুক্ষদৃষ্টিলো মিল্লেঙ দেনা থকনেই। তবে গীতিস্বামী গিরকরাং দেহিয়ারতা অভিনবত্ব আহান- তার ইকরাৎ সাহিত্যিক চিন্তাধারার যথার্থ প্রকাশ আহান ঘটেসে। গোকুলানন্দ গীতিস্বামী গিরকর চিন্তা চেতনা জীবন র্দশন প্রকাশ পাসে তার ইকরা, তার রচনা বারো এলার মাধ্যমে। গিরক এগোই বিষ্ণুপ্রিয়া মণিপুরী সমাজ নিয়া নিয়ামপারা সমাজ-সংস্কারমুলক এলা, কবিতা বারো নাটকর বারেউ নীতিশাস্ত্র বা চরিত্র গঠনমুলক আরতাউ নানান রচনা করিয়া গিয়াসেগা। গিরকে বেনামউ নানান এলা, নাটক, কবিতা ইকরেসে। ডঃ কালীপ্রসাদ সিংহ গিরকে ১৯৬৬ ইংরেজী সালে গীতিস্বামীর জিলক শ্রীমতি রোহিনী সিংহ গিথানকরাঙতো করপেখ খানি যোগার করেসে। এতাবাদে হরিদাস সিংহ গিরকে বিচ্ছিন্নভাবে সিতারাসে গীতিস্বামীর রচনা কতহান খমকরেসে। ডঃ সিংহ গিরকে গীতিস্বামী গিরকর রচনা উতারে তিনহান প্রধান ভাগে ভাগ করিয়া দেহুয়াসে - সমাজ সংস্কারমুলক বা সমাজ জাগরনীমুলক রচনা, পদাবলী কীর্ত্তন বারো অন্যান্য কবিতা। == সমাজ সংস্কারমুলক বা সমাজ জাগরনীমুলক রচনা == গীতিস্বামীর সামাজিক সংস্কার মুলক রচনারমা হাবিত্ত উল্লেখযোগ্যহানি অইলতায় - 'মাতৃমঙ্গল গীতাভিনয়' বারো 'সমাজ সংস্কার' এরে নাটক দিয়হানি। গিরকর আত্মজীবনীৎ নাটক দিয়হানির বারে কথাচুটি উল্লেখ পেয়ার। মাতৃমঙ্গল গীতাভিনয় নাটকর পয়লাকার এলাঅহান নিয়াম জনপ্রিয়তা পাসিল - <blockquote> ইমা ইমা তোর মহিমা কিতা মাততু শৌগো মি <br> ... ... ... ... ... ... ... ... <br> জিপুত পাচগো পেইলে, হাবি মান্না নাইলে<br> তোরাঙতে ইমা হাবিয়ৌ মান্না। <br> ... ... ... ... ... ... ... ... <br> মানুয়ে আলি পেইতারা উগো তোরাঙতো তামফাগো<br> ইগোর কাজে বুলিয়া মরুরি।।<br> </blockquote> এসাদে নিপুনভাবে ইমার মহিমা বর্ণনা কোরাঙৌ নাদেহিয়ার। ইমা ইন্দলর প্রতি গিরকর শ্রদ্ধার শ্রেষ্ট নিদর্শনহান নাটক এহান। নাটক এহানাৎ সত্যবাদী পাগালা ইগর চরিত্র আহান পেয়ার। সামজর হাবি বক্তব্য এর সত্যবাদী পাগালা এগরাংতো নিকুলিসে বারো এগোর মাধ্যমে গীতিস্বামী গিরকে তার চিন্ত্ধারা প্রচার করিয়া গেসেগা বুলিয়া সমালোচকে নিঙকরতারা। হৌগদে 'সমাজ-সংস্কার' নাটকে গীতিস্বামী গিরকে সমাজর নানান অসংগতি, আর্থিক দুরাবস্থা, যুবসমাজর নৈতিকতা, সামজিক অবক্ষয় ইত্যাদি নানান দিক তুলিয়া ধরিসে। লগে লগে গিরকে সমস্যা এতাত্ত মুক্তির পথৌ দেহাদিয়াসে। বিষ্ণুপ্রিয়া মণিপুরী জাতহানরে ঘুম বাগুয়েয়া পৃথিবীর মুঙে নিকালনিরকা তার চেস্টার অন্ত নেয়সিল উহান তার ইকরা নানান সমাজ জাগরনীমুলক এলাত্ত হারপেয়ার। তার সমাজ জাগরনী এলারমা নাংকরা অতা অইলতা - * অজ্ঞান আধারে মা ঘুমিতায় কতি * উঠো উঠো রাজার গাঙ, উঠো উঠো মাদই গাঙ * বর দেই বর দেই গিরিগিথানী * বারা বুলিয়া বুলিয়া হাবিয়ে থাইলাঙ ঘুমজিয়া * উঠো ক্ষত্রিয় সন্তান, সলকরো জয় ভগবান == পদাবলী কীর্ত্তন == গোকুলানন্দ গীতিস্বামী রচিত পদাবলী কীর্ত্তনর বিতরে উল্লেখযোগ্যতা অইলতা - বাসক, নৌকাবিলাস, মোহিনীবেশ, মান, মাথুর ইত্যাদি নানান রসকীর্ত্তনগীতি। এতা বাদে বিছ্ছিন্নভাবে লেঙকরা কতহান ধর্মীয় এলা কতহানৌ আছে। == অন্যান্য কবিতা == গীতিস্বামীর কবিতারমা নৈতিকতা, চরিত্রগঠনমুলক বারো সদাচারর নিয়াম বাণী পেয়ার। বিচ্ছিন্নভাবে লেংকরা কবিতা উতাররমা উল্লেখযোগ্যতা - ইমা, বাবা, বেয়ক-বনক, নিজর গরগো, সৎসঙ্গ, হবানেই মানু, আকতা অনি, পরার কথা, কল লামানি, তাপকো লায়লায়, বিহাসি মাটিহান, লেইরিক তামকরানি, নিজর গাঙহান ইত্যাদি। নীতিজ্ঞানমুলক কবিতার বারে বিয়ান, বরিষা, আলুৱা ইত্যাদি কবিতা পেয়ার। = গীতিস্বামীর জীবন-দর্শন = কথা আকহাৎ গোকুলানন্দ গীতিস্বামী গিরক এগোর পরিচয় মাতিক বুল্লে - তা বিষ্ণুপ্রিয়া মণিপুরী সমাজ জাগরনর বৈতালিকগো। গিরকে আর আর জাতর লগে বিষ্ণুপ্রিয়া মণিপুরীর তুলনা করিয়া এ জাতর পশ্চাৎপদ অয়া থানার কারণহানি বিসারতে বিসারতে লেপকরেসে - শিক্ষার অভাব বারো পরর অনুকরন - এ দ্বিয়হানিরেই জাত এহার পিসে পড়িয়া থানার কারণহানি বুলিয়া তার আত্মজীবনীৎ মাতিয়া গেসেগা। গিরকে তার জীবনেত্ত উদ্ধৃতি দিয়া মাতেসে যে, আকখুরুম তার আকখুলী জিলকরে অন্য জাতর বেশে হাজেয়া ট্রেইনে যিতেগা অন্য জাতর মানুয়ে বিষ্ণুপ্রিয়া মণিপুরী এতা পরনুকরনশীল বুলিয়া তার মুঙে তুচ্ছতাচ্ছিল্য বারো টিটকারী করেসিলা। উদিনেত্ত তা পরানুকরন বেলানির ওয়াসাক করেসিল। গিরকে তার জীবনে যথার্থভাবে ঔ ওয়াসাক অহান থসে বারো অসাদে মানুরেউ উপদেশ পরামর্শ দিয়া গেসেগা। উহানে যেবাকা আত্মবিষ্মৃতি বারো অন্ধতালো সমাজ এহান নিশ্চিহ্ন অনার পথে সালসিলা, উবাকা ঔ আত্মবিস্মৃতি বারো অন্ধকারর কহাগত্ত সমাজ এহানরে নিকালেয়া বহির্জগতর লগে পরিচিত করেদেনা, বারো আর আর জাতর সমান তালে তানুরে কাকেই বেলুয়ানির চিন্তাঅহানে তার বিতরর সত্তাগো বুজিয়া থসিল। এরে উদ্দেশ্যে এহানেই গীতিস্বামী গিরকর পুল্লাপ জীবনহান, তার ইকরা. তার হাবি কবিতা, এলা, তার জীবনর ধ্যানধারনা বারো তার জীবনর হাবি আহির পানির উৎসহান বুলিয়া হারপা পারিয়ার। পরানুকরনশীল,আত্মবিষ্মৃত তথাকথিত আধূনিক গিরকগাছির প্রতি কটাক্ষ করিয়া গিরকে মাতেসিল - <blockquote> চিনো এগো কুংগো, হাবিয়ে চিনো এগো কুংগো। <br> মিয়াঙ বুললেউ মিয়াঙগো নাগই মেরাক সেরাক দুই-কাছুয়াগো।<br> </blockquote> পয়লা পয়লা আধুনিক শিক্ষা পেইলা বিষ্ণুপ্রিয়া উতায় নিজর ঠারে টটরানি লাজপেইলা বারো বাংলা ঠারে টটরানি অভিজাত্যহান বুলিয়া নিংকরলা। অন্যবেদে পুরানা পন্ডিত উতায় বারো মেইতেই ঠারে টটরলা বারো লেইরিক থিকরলা। এসাদে মানুর অন্য ভাষার প্রতি মোহ বারো নিজর ভাষার প্রতি অশ্রদ্ধারকা তানুরে ধিক্কার দিয়া মাতের - <blockquote> কতিয়ৌ তলইলাঙতা!<br> টটরানি অহান পেয়া গরে আকতা বারে আকতা,<br> এলা দিলেউ মিয়াঙর ঠারলো, লেরিক দিত্উ খাইরতা!<br> </blockquote> মণিপুরী সংস্কৃতির ধারক বাহক ইসালপা-ডাকুলার বারে সমাজর মর্যাদা বারো দরদর অভাব দেহিয়া গীতিস্বামী নুঙেই নাপাসিল। ইসালপা ডাকুলার বিদ্যা,উপার্জন, পরিশ্রম বারো অর্থব্যয়র যথাযথ মুল্য বারো সম্মান নাদিয়া,তানুরে উপযুক্ত দহিনা নাদানি ফলে এসাদে জাতীয় সংস্কৃতি আহান তাপ্প তাপ্প লুপ্ত ইয়া যারগা এহান গীতিস্বামী অনুধারন করিসিল। সমাজর এর বিচারহীনতার বিরুদ্ধে গীতিস্বামীয়ে তীব্র বাক্যবান বর্ষন করিয়া গেসেগা - <blockquote> বিদ্যা বেলা বেলেই, হাবিয়ে বিদ্যা বেলা বেলেই<br> গৃহস্থিহে জবন করো, মণিপুরীরাঙ নাখালহান নেই।<br> ... ... ... ... ... ... ...<br> লেইরাপা আগই দাক বারেইতে দাকগো ফারে বেলল<br> দখিনা পেইতে দ্বিআনা পেইলো, কিসাদে বিদ্যাহান করতৈ ?<br> ... ... ... ... ... ... ...<br> শাস্ত্রই মাতের বিদ্যা এতা অর্থকরী নাইলে <br> নাঙহান পেইবে, ভাত নাখেইবে, শাস্ত্রর কথা মিছা নেই।<br> বিদ্যার মুল্য নেয়ইলেতে বিদ্যা বেলা বেলতায়<br> সময় থাইতে বিচার করিয়ো, কিহান আহান লেপকরেই।।<br> </blockquote> গোকুলানন্দয় সাহিত্যসাধনা করেসে হায়হান, কিন্তু আর আর কবি সাহিত্যিকর সাদে রস বা প্রেম আস্বাদনর অবসর গিরকে নাপাসে। এ সমাজর অন্ধতার সংকীর্ণতার যে নিদারুন ছবিহান তার হৃদিগৎ রাতিদিন হজাক ইয়া আসিল উহানে তার হৃদিগৎ রসাস্বাদনর ফাম না থদেসে। গীতিস্বামী নীতিবাদীগো, তার ইকরাৎ তার নৈতিক চিন্তার প্রকাশ পাসে - কিন্তু তার হাবিত্ত ডাঙর দৃষ্টিহান সমাজর মানুর গজে। <span class="plainlinks">[https://web.archive.org/web/20170902003806/https://bishnupriya.com/ বিষ্ণুপ্রিয়া মণিপুরী] </span> সমাজর বিতরে ইমা-বাবার প্রতি শ্রদ্ধার উন্মেষ করে দেনা, বেয়াপা-বেইবুনির বিতরে মধুর প্রীতিসম্পর্ক হঙকরানি, দলাদলি কৌলিখান্নার বিষক্রিয়াত জর্জরিত জাতরে অন্ধকুপেত্ত নিকালেয়া বারার জগতর মিঙাল দেহুয়ানি, সমাজে ন্যায়নীতি বারো ঐক্য প্রতিষ্ঠা করানি - উহানেই তার জীবনর আদর্শহান আসিল। = সমাজ সংস্কারক গোকুলানন্দ = [[ছবি:Gigitiswami song.jpg|300px|বাম|থাম্ব|গোকুলানন্দ গীতিস্বামীর মাতৃবন্দনা এলা উহান। যোরহাটেত্ত ফঙসিল মালিনী কাব্য সঙ্কলেত্ত। পুলকরেকুরা: চন্দ্রকান্ত সিংহ ]] অগ্রগতির পথে সমাজহানরে উৎসাহ বারো অভয়বাণী হুনুয়েয়া গিয়াসেগা গীতিস্বামী গিরকে। তার সমাজ সচেতনতামুলক বারো সমাজ সংস্কারমুলক কামরমা হাবিত্ত উল্লেখযোগ্য অবদান অইলতা বিষ্ণুপ্রিয়া মণিপুরী জাতর বিতরে শিক্ষার গুরুত্ত বারো মর্ম উপলব্ধি করুয়ানি। গিরকে সামাজিক নানান হবানেই প্রথা বারো কুসংস্কার বিরুদ্ধে, রাজারগাঙ-মাদইগাঙ বিভেদর বিরুদ্ধে, জাতর হুরুডাঙর বিভেদর বিরুদ্ধে বারো দলাদলি খেইপাখেইপির বিরুদ্ধে গর্জিয়া প্রতিবাদ করসে। এতাবাদে তরুন সমাজর অবক্ষয় রোধ করানিরকা দিকনির্দেশনা দিয়া বারো নিজস্ব শিল্প পুরর্জাগ্রত করিয়া অর্থনৈতিক মুক্তির লালফামরকা হাবিরে উদ্বুদ্ধ করেসে। == শিক্ষাবিস্তারে গোকুলানন্দ == ত্রিপুরাৎ থানার সমেইৎত নিজে ব্যক্তিগত উদ্যোগ নিয়া প্রাইমারী স্কুল আগ খুলিসিল বারো উগৎ নিজে লেরিক বাগাদিয়া শৌশুমারারে শিক্ষা দিয়াসিল। জ্ঞান শিক্ষার মুল্য বারো অপরিহার্যতা গিরকে অনুধাবন করে পারিসিল। বিষ্ণুপ্রিয়া মণিপুরীর ঘুম বাগেদিয়া পৃথিবীর মানুর মুঙে তানুরে নিকালানিরকা গীতিস্বামী গিরকর লেখনীত্ত নিকুলেসে সঞ্জিবনী এলা বারো সুর। তর নারগৎতো নিকুলেসে এলার চৌরাপা পারেঙ কতহান - <blockquote> অজ্ঞান আধাররমা ঘুমিতাই কতি<br> উঠো আজি হাবিহান, জালিয়া চেই জ্ঞানর বাতি<br> ... ... ... ... ... ... ... <br> উঠো ক্ষত্রিয় সন্তান, সলকরো জয় ভগবান<br> বিষ্ণুকৃপা বৌহানে ককইল আকতা নানির মেলহান<br> ... ... ... ... ... ... ... <br> বর দেই বর দেই গিরিগিথানী<br> আজিতো অকরিক ইমার সম্মান রক্ষা করানি<br> ... ... ... ... ... ... ... <br> ধন, বিদ্যা, সম্মান বারো হাবিয়ে আকতা অনি।<br> </blockquote> == সামাজিক কুপ্রথা বারো কুসংস্কার বিরুদ্ধে == চরাচরিত সামাজিক কুপ্রথা উতারে চিরসত্য বুলিয়া ধরিয়া থনা ইহান অন্ধতাহান বুলিয়া বারো প্রগতির বিরোধীহান বুলিয়া গীতিস্বামীয়ে প্রচন্ডভাবে আক্রমন করেসে। গিরকে জঞ্জাল হাবি বেলেয়া নুয়া জগতর নুয়া ভাবধারালো অগ্রহতির পথে আগুয়ানিরকা আহবান হারপুয়াসে - <blockquote> রুহিবৃত্তি মৌতুপ বুলিয়া ধরিয়া থইলে নাচলতই,<br> সত্যত্রেতার রুহিহানলো কলিযুগ নাচলতই।<br> ... ... ... ... ... ... ... ... ... <br> কালে কালে কালর কথা নাহুনানি নাকরের, <br> জিগয় বনহান পুড়িয়া আনলে কাচায় মজায় নাধরের।<br> </blockquote> এলা এহানাৎ গিরকর বৈজ্ঞানীক বারো প্রগতিশীল মানসিকতার পারিচয় পেয়ার। অউ সমেইৎ এসাদে উপলব্ধি বস্ততপক্ষে গীতিস্বামী গিরকরে ঋষিতুল্য করেসে। == অর্থনৈতিক মুক্তির লালফাম == সমাজ সংস্কার নাটকে গীতিস্বামী গিরকে সমাজর অর্থনৈতিক দুরবস্থারকা - সমাজর কর্মবিমুখতা বারো প্রয়োজন সামর্থর অতিরিক্ত ব্যয় বাহুল্যরে দায়ী করেসে - <blockquote> ধানগুলি পাবেলবাইতায় পাচদিন থাইলায় বুলিয়া,<br> কুরাঙ বাসক খুপাখুচেই বিসারা বিসারিয়া।<br> পয়সা দুহার পেইবায়তারতে কীর্তন আখার হানজেইলায়<br> বি-গুরু-মোষ হাবি বেসিয়া ধারর তলে হাবি থাইলায়।<br> ব্যয়বাহুল্য বিলাসিতা এতার মাঝে লইকরলে<br> খানি কানি মেলতায় বুলেতে আরতাউ পাতালে গাড়লে। <br> </blockquote> এসাদে কর্ম বিমুখ বারো সামর্থর অতিরিক্ত ব্যয়বাহুল্যর কটাক্ষ করিয়া কর্মর মাথ্যমে অর্থনৈতিক দুরাবস্থা সেচানির কাজে গিরকে মাতের - <blockquote> আলু মকসি গুয়া পানা ডাইল মসরি থৌসিতা<br> মটরচানা জিরা বাখর মুগ শাগলখই আন্দি আদা <br> হাবি খেতিত ফলেরতা।<br> এতা হাবি খেতিত পলের আকগৌ নাগয় বিলাতি<br> নিজে আলহান দরিয়াতে করলে কিতা গিরস্থি?<br> রূপা পয়সা নেয়ইল বুলিয়া আদে দাতে লামকরলে<br> মণিপুরীর কি অভাবথাঙ গারিত লাগয়া হৎকরলে।<br> </blockquote> == যুবসমাজর পদপ্রদর্শক গোকুলানন্দ == সমাজর কর্মবিমুখতার কথা মাততে গিয়া বিশেষ করিয়া যুবক গাওরাপা যেতায় খানিমানি লেইরিক তামকরিয়া গরবারর কাম করানিরে লাসপেইল মাটিকহান বুলিয়া নিঙকরতারা বারো বিলাসিতা করিয়া সময় মাঙকরতারা উতার বিরুদ্ধে কটাক্ষ করিয়া মাতের - <blockquote> আজিকালির গাবুরাপুয়া অনথকপাখান অইলা<br> বিদ্যা আখান তামকরিয়া দশগর তুনো মান্না অনি<br> অখানতে হাদানাপেয়া বুলিয়া বাঙিয়া থাইলা<br> গিরস্তির কাম যেতা করতারা সময় নেইতাই হাবিয়ে দেখতারা<br> গিরস্তিতে কুরাঙ করতা বুলিয়া সাঙ নাইলা<br> কুংগয়থাঙ গিরস্তি করিয়া গরর জিনিষ খেইলা থুঙিয়া?<br> ... ... ... ... ... ... ... ...<br> বিদ্যাখান নেয়নি অখান হারানাপেইলা, বুলিয়া লাজখান<br> সেন্ধাৎত নিকুললা অতায় রাতিনঙিৎ আইলা! <br> </blockquote> নিঙল গিথানক গাসিরেউ কটাক্ষ করিয়া মাতের - <blockquote> আহিকালির পুরিজেলেই-মৌ লাজখান তিকা হারনাপেইলা<br> গঠন গাঠন ফিজেৎ করতে কাতদুমতে আককুনে থইলা<br> নিজরতাততে বাকখান পেয়া পররতা হাদা পেয়া<br> মণিপুরর তলফুতি নাইলে পিদানি নাকরলায়<br> গঠনহানতে হাদাপেয়া আতহানতে কুরুকনা করিয়া<br> হুচির কামতে পাহুরেবেল্লা, যতরহানতে লেইলেক অইলায়<br> </blockquote> হুদ্দা সমালোচনা করিয়া গীতিস্বামী গিরকে লম নাকরিসে। ইতার লগে লগে পথৌ দেহাদিয়াসে। মুনি জেলা ইমাইন্দোল হাবিরে উদ্ধেশ্য করিয়া মাতের - <blockquote> চেইতা গিরি চেইতা গিথানীনকেই, চেই হবাকরে চেই<br> নিজর আতর বুনা ফুতি কুযগয়থাঙ পিদিয়া আইলায়<br> আতহান নাজানরাইতা নাগয়<br> করলে গিদেই হাবি জানতেই<br> ... ... ... ... ... ... ... ...<br> রুপা আখার হুতা লয়া অখান নিকালিক<br> লেইরাপা গিরক, আঙেই ফেইচম নেয়া কিয়াকা <br> গরে বয়া থাইলায়?<br> ... ... ... ... ... ... ... ...<br> আনা আখার হুতা লয়া হুয়ার করে লুরি কাটিয়া<br> ইন্নাফি গরে বুনিয়া লেইরাপায় উরিক<br> </blockquote> == রাজারগাঙ মাদইগাঙ বিভেদর বিরুদ্ধে == রাজরগাঙ মাদইগাঙ- এরে দ্বিয়তার বিতরে বিভেদ দুর করানিৎ গীতিস্বামীর এলা নিয়া উৎসাহ যোগাসে - <blockquote> উঠো উঠো রাজারগাঙ, উঠো উঠো মাদইগাঙ<br> আরতা কতি গুমজিয়া থাইতেই?<br> রাজারগাঙ মাদইগাঙ যেতা বাপক আকগোর জিপুত এতা<br> তঙাল বুলিয়া জাত না বিসারেই।<br> .. ... ... ... ... ... ... <br> রাজারগাঙ মাদইগাঙ বেলেই, হাবিয়ে বিষ্ণুপ্রিয়া বুলেই<br> আমি হাবি ক্ষত্রিয় সন্তান<br> জাতিহিংসা বেলাবেলেই, নিঙোল আঙনা আঙনি করেই<br> আকতা অনির এহান উপায়হান।<br> </blockquote> সত্যবাদী গীতিস্বামী গিরকে রাজারগাঙ মাদইগাঙ দ্বিয়তার বিতরে বিভেদ বৈষম্য দুর করানির একমাত্র উপায়হান - তানুরমা বিবাহসম্পর্ক চালানি বুলিয়া আজিত্ত চারিকুড়ি বছর আগে পরামর্শ দিয়া গেসেগা। আরাক উল্লেখযোগ্য বিষয় আহান গীতিস্বামীর ইকরা বারো এলাৎ রাজারগাঙ মাদইগাঙ দ্বিয়ঠারর সমান হারে সংমিশ্রন দেহিয়ার। গিরকে এহানরেই আমার ঠারর সাহিত্য আদর্শ ভাষাহান বুলিয়া দেহুয়াদিয়া গেসেগা। == জাতর হুরুডাঙর বিভেদ নিয়া == সময় আহাৎ বিষ্ণুপ্রিয়া মণিপুরীর বিতরে ডাঙর-জাত হুরকা-জাত, ডাঙর-বংশ হরু-বংশ এসাদে বিচার করিয়া আগই আরাক আগর টুপিৎ নাখেইলা। এবাকা পেয়াউ অই বিভেদ অউতা সমাজেত্ত নাগেসেগা। এসাদে বিভেদবুদ্ধির বিরুদ্ধে গীতিস্বামী গিরকে মাতে গেসেগা - <blockquote> দাঙর হুরু কিতা বুলতাং হাবিয়ৌ খালকরেই<br> সাককা অয়া খুটা নেইতা দুনিয়াৎ আকহৌ নেই<br> .. ... .. ... .. ... .. ... .. ... .. <br> কীর্ত্তনর ভাত খানাত গিয়া পানি বুজলা তঙাল করিয়া<br> বহানির পরে ঠেলাঠেলির কারাঙে লিতইতায়<br> .. ... .. ... .. ... .. ... .. ... .. <br> সায়েপ মান্ডপে হমিলে মাঙইল বুলিয়া ভাগিয়া বেললে<br> বাঙ্গালগো হমেইলেতে প্রায়স্চিত্ত নেই।<br> .. ... .. ... .. ... .. ... .. ... .. <br> বাজারে জাত না বিসারলা, সংকীর্ত্তনে জাত বিসারলা !<br> </blockquote> == দলাদলির বিরুদ্ধে == বিষ্ণু্প্রিয়া মনিপুরী সমাজর দলাদলির প্রখরতা কুনো মানুর দৃস্টি লিতয়া নাযারগা বারো এসাদে দলাদলি দেহিয়া কুনো বিবেকী মানু মর্মাহত নায়া নারতারা। গীতিস্বামীয়ৌ নিয়াম দুঃখ পাসিল। এসাদে দলাদলির স্রস্টা সর্দার বা মুক্তিয়ারর বিরুদ্ধে গীতিস্বামী গিরকে মাতের - <blockquote> সরদার নাগয়, দরবারর দৌ মুক্তিয়ার বুলরাঙ এতা<br> দুগোয় আগয় হিঙ দারিয়া গাঙ পাচকরত করতা ?<br> বেয়ক দুগোয় কৌলি লাকলা, দিয়বারাদে দুগ অইলা<br> বাপক আগর কর্ম দুখানতানো কররাইতা?<br> গাঙহান বাকলা, সাকেই খেয়ইলা, বেইবুনিয়ৌ থিনা অইলা<br> খালকরিয়া চেই মুক্তিয়ার অয়া হাব করলা কুংতা?<br> ... ... ... ... ... ... ... ... ... ...<br> মারুপসাকেই প্রেম না থুইলায় দলাদলি করিয়া<br> আগো মরলে আগোয় নাচেইলায় দলাদলির ফলতে এতা।<br> </blockquote> = গীতিস্বামী উপাধি = সমাজ-সংস্কার বারো মাতৃমৃক্তিরকা নিবেদিত গিরক এগ গীতিস্বামী উপাধি পাসিল। = দৌর খয়া পানা = হাবিরে কাদুয়েয়া ১৯৬২ খ্রীষ্টাব্দর জুলাই মাহার ১০ তারিখে ত্রিপুরাৎ গীতিস্বামী গিরক দৌর খয়া পেইল। ঔদিন ত্রিপুরা সরকারর বারাদেত্ত রাজ্যহানাত সাধারন ছুটি ঘোষনা করানি অসিল। = ওয়েব মিলাপ = * [http://manipuri.wordpress.com/2007/11/05/gokulananda-gitiswami-%e2%80%93-the-father-of-bishnupriya-manipuri-community/ Gokulananda Gitiswami - The Father of Bishnupriya Manipuri Community] * [http://manipuri.htmlplanet.com/bpmsongs.html গীতিস্বামীর করপেখ কতহান] * [https://web.archive.org/web/20170902003806/https://bishnupriya.com/ বিষ্ণুপ্রিয়া মণিপুরী সোশ্যাল সাইট ] * [http://indne.com/ মনিপুরের ইতিহাস ] = তথ্যমালা = # ফাগু, বর্ষ - ২, সংখ্যা - ১০, শিলচর, ১৯৬২ # প্রবন্ধ মালা (৩য় খন্ড), ড. কালীপ্রসাদ সিংহ, শিলচর , ১৯৯১ # নুয়া এলা বর্ষ - ১৪, সংখ্যা - ৬, শিলচর, ১৯৯৬ # দিল্স লক্ষিন্দ্র সিংহ, মেঙসেল, ১৯৯২ # কনাক পাঠ (৩য় ভাগ), নিখিল বিষ্ণুপ্রিয়া মণিপুরী মহাসভা, ২০০০ # নিখিল বিষ্ণুপ্রিয়া মণিপুরী সাহিত্য পারিষদর ষ্মরনিকা, ২০০৬ # Barun Kumar Sinha. Imarging Pattern of the Bisnupriya Manipury Society- A Study in Cultural Identity, an essay. Dept. Of English, S.S.College Hailakandi. #ঠারআহান জিংতা করানি -'''[[মধু মঙ্গল সিনহা]]''' {{লইনাসে}} [[থাক:বিষ্ণুপ্রিয়া মণিপুরী]] [[থাক:বিষ্ণুপ্রিয়া মণিপুরী সাহিত্যিক]] [[থাক:মারি ১৮৮৬-এ উজ্জিসিতা]] [[থাক:মারি ১৯৬২-এ মরিসিতা (দৌ ইসিতা)]] in5saxk6onk5it7507jvybnq6mx0rnp