উইকিপিডিয়া bpywiki https://bpy.wikipedia.org/wiki/%E0%A6%AA%E0%A6%AF%E0%A6%BC%E0%A6%B2%E0%A6%BE_%E0%A6%AA%E0%A6%BE%E0%A6%A4%E0%A6%BE MediaWiki 1.48.0-wmf.3 first-letter মিডিয়া বিশেষ য়্যারী আতাকুরা আতাকুরার য়্যারী উইকিপিডিয়া উইকিপিডিয়া য়্যারী ছবি ছবি য়্যারী মিডিয়াউইকি মিডিয়াউইকির য়্যারী মডেল মডেলর য়্যারী পাংলাক পাংলাকর য়্যারী থাক থাকর য়্যারী হমিলদুৱার হমিলদুৱার য়্যারী TimedText TimedText talk মডিউল মডিউল আলাপ ইভেন্ট ইভেন্ট আলোচনা 0 56674 897370 897157 2026-11-07T09:02:23Z ~2026-59268-25 28638 /* */ 897370 wikitext text/x-wiki {{unreferenced}}'''[[বাংলাদেশ]]''' [[খা এশিয়া|খা এশিয়ার]] হুরুকাং রাষ্ট্র আহান। থাইনাকালেত্ত এপেইর লয়া কতহাত তেইপাং মানুর অস্তিত্বর প্রমাণ পেয়ার। থাইনাকার অইলেউ বাংলাদেশ লয়ার মানু অউতায় তঙাল সভ্যতা লিংখাত করে নারেসি। তবে স্বতন্ত্র ও বিশিষ্ট সংস্কৃতি আহানল টিকিয়া আসিলা যুগে যুগে। হুত্তুমে বাংলাদেশ প্রাচীন ইতিহাসর কোন থাকেউ স্বাধীন বারো একতাবদ্ধ অয়া নিজর রাষ্ট্র আহান লিংখাত করানি সুযোগ নাপাসি, পেইলাতা [[১৯৭১]] সালে। তবে বাংলাদেশর জনসমাজ কুম্পাগাউ কারতাউ অধীনতাও না স্বীকার নাকরেসি। নানান লালফামর জরম অসে লয়া এহানাতঅনেক। দেশএহার তিনহান দিকেদে [[ভারত]] বেরিয়া থসে বারো দিক আহানদে আসেতা [[বঙ্গোপসাগর]]। প্রাগৈতিহাসিক কালেত্ত দেশ এহার দাঙর অংশ আহান বঙ্গোপসাগরর তলে বুরিয়া আসিল। বাংলাদেশর মূল অংশউহান সাগরর উরুহানাত্ত নুকুলেসেহান। ==প্রাচীন বাংলা== [[File:BD Mahasthangarh8.JPG|thumb|right|220px|বগুড়ার [[মহাস্থানগড়]]]] উয়ারি-বটেশ্বর লয়াত ২০০৬ সালে প্রাপ্ত পুরাতাত্ত্বিক নিদর্শনর মাতুঙ ইলয়া বাংলাদেশ লয়াত মানু লাম পাতেসিলাতা আজিত্ত প্রায় ৪ হাজার বছর আগে। নিঙকরানি অর দ্রাবিড় বারো তিব্বতীয়-বর্মী জনগোষ্ঠীর মানু এপেইত লাম পাতেসিলা পিসে লয়া এহান ক্ষুদ্র ক্ষুদ্র রাজ্যেত বিভক্ত অসে। এপেইত স্থানীয় বারো বিদেশী শাসকে রাজত্ত করলা। আর্য জাতির হমানির পিসে খ্রিস্টীয় চতুর্থত্ত ষষ্ঠ শতক পেয়া [[গুপ্ত রাজবংশ]]ই বাংলা রাজত্ত করেসিলা। থাংনাত [[শশাঙ্ক]] বুলিয়া স্থানীয় রাজাআগই কতমারি ক্ষমতাহান দখল করিয়া থসিল। প্রায় আহৌ বছরর অরাজকতা (যেহানরে ''মাৎসন্যায় পর্ব'' বুলিয়া মাততারা ) লমনির পিসে বৌদ্ধ লিচেতর [[পাল রাজবংশ]] বাংলার প্রায় হাবি লয়া দখল করলা বারো পিসেকার চারিহৌ বছর শাসন করিয়া গেলাগা। থাংনাক বার হিন্দু লিচেতর [[সেন রাজবংশ]] ক্ষমতাত কাহিলা। দ্বাদশ শতকে সুফি ধর্মপ্রচারক ঔতার আতে বাংলাত [[ইসলাম|ইসলামর]] প্রবর্তন অইল। পিসেদে নানান সময়ে সামরিক অভিযান বারো যুদ্ধত জিঙিয়া মুসলিম শাসক ঔতায় ক্ষমতাহান দখল করেসিলা। ১২০৫-৬ মারির বারাদে ইখতিয়ার উদ্দিন মুহম্মদ [[বখতিয়ার খীলজী]] নাঙর তুর্কী আগই রাজা [[লক্ষ্মণ সেন|লক্ষ্মণ সেনরে]] তালকরিয়া সেন রাজবংশর পতন করুয়াসিল। ষোড়শ শতকে মোঘল সাম্রাজ্যর তলে আহানি আগে পেয়া বাংলা স্থানীয় সুলতান বারো জমিদার উতার আতে শাসিত অইল। মোঘল বিজয়র পিসে [[ঢাকা|ঢাকাত]] বাংলার রাজধানীহান স্থাপিত অইল বারো এহার নাঙহান থইলা [[জাহাঙ্গীর নগর]]। ==তথ্যমালা== [[থাক:ইতিহাস]] 27iezd2kigwv1cvat9hzjxvfz1wm80w