Wikipedia fiu_vrowiki https://fiu-vro.wikipedia.org/wiki/Wikipedia:P%C3%A4%C3%A4leht MediaWiki 1.47.0-wmf.9 first-letter Meediä Tallituslehekülg Arotus Pruukja Pruukja arotus Wikipedia Wikipedia arotus Pilt Pildi arotus MediaWiki MediaWiki arotus Näüdüs Näüdüse arotus Oppus Oppusõ arotus Katõgooria Katõgooria arotus TimedText TimedText talk Moodul Mooduli arutelu Üritus Ürituse arutelu 0 17504 185244 185020 2026-07-06T22:29:00Z Fredpuss 13662 185244 wikitext text/x-wiki [[Pilt:Agenda Parva 1622.jpg|pisi|"Agenda Parva" edeleht]] '''„Agenda Parva“''' om edimäne alalõ ollõv raamat, kon om seen [[lõunõeesti kiil|lõunaeesti keelen]] trükitüt teksti ja tuud või pitäq [[tarto kiräkiil|tarto kiräkeele]] algusõs. Teos tull' vällä 1622. aastagal Braunsbergin (põraaignõ Poola liin Braniewo) ja oll' kirotõt Liivimaa pappõ tarbis. Raamadu päälkiri tähendäs „Väiko käsiraamat“. Sääl om katoligu liturgia man tarvitõt lausiid läti, [[Tarto kiil|tarto]], poola ja s'aksa keelen. Teosõ sündümist tugõsi Tarto jesuiitõ kolleegiumi ja tõlkõseminääri tüü aastil 1583–1625. Teosõ tekij om tiidmäldäq, a autor' või ollaq Wilhelm Buccius (Bock, 1585–1643) [[Halliste kihlkund|Hallistõst]]. „Agenda Parva“ kiräviis' om esiqmuudu ja lätt lahku nii tuuaigsõst s'aksaperätsest põh'aeesti ku illatsõmbast lõunaeesti umast. Keelelidselt om tekst 20. aastagasaa algusõ Õdagu-Võromaa ja Lõuna-Tartomaa keele muudu, a teosõ murdõtaustas om pakut ka Mulgi keele alla. Teosõn om mitu tarto kiräkeelele umast juunt. Peräsilbin tarvitõdas ''o''-d, näütüses sõnan ''sinno'', kuikiq taad sõnna üteldi 19. aastagasaa Tarto- ja Õdagu-Võromaal vällä ''u''-ga: ''sinnu''. Hellü ''õ'' kirotõdi ''e''-ga (''ensas'' ’õndsas’), edepoolist ''e''-d panti kirja ''e''-ga või poolaperädse ''ie''-ga. Ülipikkä hellü märk' tsirkumfleks ˆ helü pääl (''eên'' ’iin’). Kurgupeethellü ei olõq teossõn märgit. Ütenkäänüse tunnus -''ga'' om sõna man jakukriipsiga (''nenä-ga'' ’nõnaga’). Tekstile om umanõ kimmäs ''ä''-harmoonia kolmanda tsilbini vällä (''ristmätä'' ’rist'mäldäq’). [[katõgooria:tartokeelidseq raamaduq]] [[katõgooria:tarto kiil]] a3tlwcuzj7vxtlg7ntvrs8zc2asleq6