Wikipedia fiu_vrowiki https://fiu-vro.wikipedia.org/wiki/Wikipedia:P%C3%A4%C3%A4leht MediaWiki 1.47.0-wmf.24 first-letter Meediä Tallituslehekülg Arotus Pruukja Pruukja arotus Wikipedia Wikipedia arotus Pilt Pildi arotus MediaWiki MediaWiki arotus Näüdüs Näüdüse arotus Oppus Oppusõ arotus Katõgooria Katõgooria arotus TimedText TimedText talk Moodul Mooduli arutelu Üritus Ürituse arutelu 0 4275 185457 178361 2026-10-27T13:47:23Z Eluonilus 9440 toim 185457 wikitext text/x-wiki {{Elokäük | nimi = Pulga Jaan | eestikeeline_nimi = Jaan Pulk | pilt = | sünnüaig = [[27. märtekuu päiv|27. märtekuu pääväl]] [[1947]] | sünnüpaik = [[Varstu]], [[Rõugõ kihlkund]] | ammõt = talo-, muusiga- ja kirämiis }} '''Pulga Jaan''' ('''Jaan Pulk''', sündünüq [[27. märtekuu päiv|27. märtekuu pääväl]] [[1947]] [[Varstu|Varstun]]) om [[Võromaa]] talomiis, muusik, laululuuja, kirämiis ja [[Võro liikminõ|Võro liikmisõ]] tegeläne. Timä kirotõt laul "Egamehe reilendri" ("Tulõ aga tulõ") om väega lajalt tunnõt nink tuud pidäväq pall'oq joba [[rahvalaul]]us. ==Elokäük== [[Pilt:WIKITONGUES- Pulga speaking Võro.webm|pisi|Pulga Jaan]] Pulga Jaan sündü [[27. märtekuu päiv|27. märtekuu pääväl]] [[1947]] [[Rõugõ kihlkund|Rõugõ kihlkunnan]] [[Varstu]]n. Tä kasvi üles Kul'drin [[Miku külä]]n. Haridusõ om tä saanuq Kul'dri 8-klassilidsõn koolin, Valga 1. Keskkoolin, [[Tarto Ülikuul|Tarto ülikoolin]], kon oppõ neli aastakka [[arstitiidüs]]t, ja EPA-n, mink lõpõt' eläjäravitsõja (tsootehniku) erialal. Pulga Jaan om pidänüq pääeläjäravitsõja ammõtit Kamara sovhoosin [[Mulgimaa]]l ja [[Antsla sovhuus|Antsla sovhoosin]]. Sovhoosiao lõpost om tä [[Antsla vald|Antsla vallan]] [[Oe külä]]n talomiis. ==Pereq== * Esä: Aleksander Pulk * Imä: Agnes (Jauk) Pulk * Naanõ: Elina (Korjus) Pulk (s. 1949) * Latsõq: ** Pulga Joel (s. 1972) ** Pulga Tambet (s. 1977) ** Pulga Marju (s. 1979) ==Haridus== *Kul'dri 8-klassilinõ kuul *Valga 1. Keskkuul *[[Tarto Ülikuul]], oppõ neli aastakka [[arstitiidüs]]t *[[Eesti Põllumajandusõ Akateemiä]], lõpõt' eläjäravitsõja erialal. ==Tüükotussõq== *Pääeläjäravitsõja Kamara sovhoosin [[Mulgimaa]]l *Pääeläjäravitsõja [[Antsla sovhuus|Antsla sovhoosin]] *Sovhoosiao lõpost pääle talopidäjä ==Ütiskundlinõ tegevüs== Pulga Jaan om võro liikmisõ üts välläpaistvamp tegeläne. Tä om avitanuq alostaq ja kõrraldaq [[Kaika suvõülikuul]]õ jt. võro liikmisõga köüdetüid tegemiisi. 1998. a. lehekuu [[Keel ja Kirjandus|Keelen ja Kirjandusõn]] kirotas [[Võro kiräviis|kiräviisiprobleemest]]. Om olnuq [[ABC kiräoppus ja lugõmik|võro aabidsakogo]] liigõq. Aastagil 1993-1996 oll' tä [[Võro Keele ja Kultuuri Fond]]i edemiis. ==Looming== ===Kirändüs=== Kirotanuq om Pulga Jaan veidü, a õnnõ [[Võro kiil|võro keelen]]. Laulutekste, midä om tett "poiskõsõst pääleq", om avaldõt "Võro-Seto tähtraamatin" [[Võro-Seto tähtraamat vai kallendri 1997. aastaga pääle|1997]] ja [[Võro-Seto tähtraamat vai kallendri 1998. aastaga pääle|1998]]. Tähtraamatin nigu ka [[Võrokiilne lugõmik|võrokiilsen lugõmikun]] om ilmunuq viil maal elolõ jäämise oppuisi, vai "eläjäsuguelo juttõ". Kunst'kirändüsligõmbist jutõst om "Üts päiv ja üü Aruküla Antsu elust" ilmunu [[Võro-Seto tähtraamat ehk kallendri 1992. aastaga pääle|1992. a. tähtraamatun]] nink neli tükkü helükaseti "[[Pini hind]]" pääl. ===Muusiga=== Pulga Jaan om loonuq pall'o rahvalikkõ laulõ (nt. "Egamehe reilendri", "Ei olõq hullu"), bluusilukõ (nt. "Murõt ei olõ") nink sõnno mõnõ tunnõdu viie pääle (nt. "Liisa", "Mercedez-Benz", "Linda, vaim!"). Nuuq lauluq ommaq joudnuq nii timä hindä ku ka tõisi artistõ (nt. [[Nipernaadi]], [[Ummamuudu]], [[Lõkõriq]], [[Sannaliseq]]) [[albom]]mõ pääle. Ummi laulõ om Pulga Jaan kitra saatõl nii ütsindä ku [[Viie pääle]] seltskunnaga laulnuq pall'odõl võro üritüisil ja kontsõrdõl. Uma muusigutegevüse peräst om Pulga Jaani vahel kutsut [[Võromaa]] [[Võssotski Vladimir|Võssotskis]]. ==Teossõq== *Jutualbom "[[Pini hind]]", 1998, [[Võro Instituut]] *Jutu- ja muusigaalbom "[[Aknõ kõigi raamega]]", 2002, Võro Instituut *Kontsõrtalbom "[[Elläv Pulga Jaan]]", 2003, ARM Music *Muusigaalbom "[[Hoitmise vägi]]", 2004, Võro Instituut *Raamat-albom "[[Viie pääle]]", 2005, Väiku Välläandja *Muusigaalbom "[[Murõt ei olõ]]", 2006 *Üte laulu om laulnuq albomi "[[Laulami latsilõ, laulami latsiga]]" pääle *Jutualbom "[[Letipäälne elu]]", 2013, Võro Instituut *Muusigaalbom "[[Litsmõtsa tango ja tõsõq lainatu looq]]", 2021, Võro Instituut ==Hobiq== * Pulga Jaan om olnuq jahimiis, tegelnü [[hopõn|hobõsidõga]] ja [[pini|pinnega]], pidä iks viil mehitsit ja kodotsirke. Timä tund huvvi hiina alternatiivmeditsiini (Reiki) vasta. ==Välislink== *Pulga Jaani kotsilõ [http://www.hot.ee/vorukirandus/pulk.htm Võro kirändüse kodolehe] päält. [[Category:Võromaa inemiseq]] [[Category:Võrokeelitsit laulõ laulnuq artistiq]] [[Category:Võro kiräniguq]] [[Category:Võro luulõtajaq]] hq7ba19awbeh4epaz4dp8e66ogzoam3