Wikipedia gotwiki https://got.wikipedia.org/wiki/%F0%90%8C%B0%F0%90%8C%BD%F0%90%8C%B0%F0%90%8D%83%F0%90%8D%84%F0%90%8D%89%F0%90%8C%B3%F0%90%8C%B4%F0%90%8C%B9%F0%90%8C%BD%F0%90%8C%B9%F0%90%8C%BB%F0%90%8C%B0%F0%90%8C%BF%F0%90%8D%86%F0%90%8D%83 MediaWiki 1.47.0-wmf.9 first-letter Media Special Talk 𐌽𐌹𐌿𐍄𐌰𐌽𐌳𐍃 𐌽𐌹𐌿𐍄𐌰𐌽𐌳𐌹𐍃 𐌲𐌰𐍅𐌰𐌿𐍂𐌳𐌾𐌰 Wikipedia 𐌸𐌹𐍃 Wikipedia 𐌲𐌰𐍅𐌰𐌿𐍂𐌳𐌾𐌰 𐍆𐌴𐌹𐌻𐌰 𐍆𐌴𐌹𐌻𐌹𐌽𐍃 𐌲𐌰𐍅𐌰𐌿𐍂𐌳𐌾𐌰 MediaWiki MediaWiki talk 𐍆𐌰𐌿𐍂𐌰𐌼𐌴𐌻𐌴𐌹𐌽𐍃 𐍆𐌰𐌿𐍂𐌰𐌼𐌴𐌻𐌴𐌹𐌽𐌰𐌹𐍃 𐌲𐌰𐍅𐌰𐌿𐍂𐌳𐌾𐌰 𐌷𐌹𐌻𐍀𐌰 𐌷𐌹𐌻𐍀𐍉𐍃 𐌲𐌰𐍅𐌰𐌿𐍂𐌳𐌾𐌰 𐌷𐌰𐌽𐍃𐌰 𐌷𐌰𐌽𐍃𐍉𐍃 𐌲𐌰𐍅𐌰𐌿𐍂𐌳𐌾𐌰 TimedText TimedText talk Module Module talk Event Event talk 0 5599 48955 43393 2026-07-05T17:52:00Z 𐌼𐌹𐌺𐍃𐌰𐌹𐍂 23019 /* growthexperiments-addlink-summary-summary:2|0|0 */ 48955 wikitext text/x-wiki [[File:The Fall of the Damned.jpeg|250px|thumb|''𐌳𐍂𐌿𐍃 𐌲𐌰𐍅𐌰𐍂𐌲𐌹𐌳𐌰𐌽𐌴'' 𐌸𐌰𐌹𐍂𐌷 [[𐌳𐌹𐍂𐌺 𐌱𐌰𐍅𐍄𐍃]]..]] [[𐍆𐌴𐌹𐌻𐌰:Frawaurhts.ogg|thumb|𐌷𐌰𐌿𐍃𐌴𐌹 𐌸𐌰𐌽𐌰 𐌻𐌰𐌿𐍆]] 𐌹𐌽 𐌼𐌹𐍃𐍃𐌰𐌻𐌴𐌹𐌺𐌰𐌹𐌼 𐌲𐌰𐌻𐌰𐌿𐌱𐌴𐌹𐌽𐌹𐌼 '''𐍆𐍂𐌰𐍅𐌰𐌿𐍂𐌷𐍄𐍃''' 𐌹𐍃𐍄 𐌿𐌱𐌹𐌻 𐌸𐌰𐌿 𐌼𐌹𐌽𐌽𐌹𐌶𐍉 𐌿𐌱𐌹𐌻 𐍄𐌰𐌿𐌹 𐍅𐌹𐌸𐍂𐌰 𐍅𐌹𐍄𐍉𐌳𐌰 𐌲𐌰𐌻𐌰𐌿𐌱𐌴𐌹𐌽𐌰𐌹𐍃. 𐍅𐌰𐌿𐍂𐌳 𐌲𐌰𐍃𐌺𐌴𐌹𐍂𐌴𐌹𐌸 𐌸𐌰𐍄𐌴𐌹 𐍈𐌰𐍃 𐌽𐌹 𐌿𐍆𐌷𐌰𐌿𐍃𐌾𐌰𐌹 𐌲𐌿𐌳𐌰 𐌾𐌰𐌷 𐍅𐌰𐌿𐍂𐌳𐌹𐍃 𐌱𐍂𐌿𐌺𐌾𐌰𐌳𐌰 𐌹𐌽 𐍇𐍂𐌹𐍃𐍄𐌰𐌿𐍃 𐌲𐌰𐌻𐌰𐌿𐌱𐌴𐌹𐌽𐌰𐌹, 𐌹𐌿𐌳𐌰𐌹𐍅𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹 𐌾𐌰𐌷 [[𐌹𐍃𐌻𐌰𐌼|𐌹𐍃𐌻𐌰𐌼𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹]], 𐌰𐌺𐌴𐌹 𐌽𐌹 𐌹𐌽 𐌱𐌿𐌳𐌷𐌹𐍃𐌼𐌰𐌿 𐌾𐌰𐌷 𐍄𐌴𐍅𐍉𐌼 𐌸𐌰𐌹𐌼𐌴𐌹 𐍃𐍅𐌴𐍃 [[𐌲𐌿𐌸]] 𐌽𐌹𐍃𐍄. 𐍆𐍂𐌰𐍅𐌰𐌿𐍂𐌷𐍄𐍃 𐌿𐍆𐍄𐌰 𐌲𐌰𐍅𐌹𐌳𐌰𐌽𐌰 𐌹𐍃𐍄 𐌼𐌹𐌸 𐍃𐌺𐌿𐌻𐌳𐌰 𐌹𐌽 𐌲𐌰𐌻𐌰𐌿𐌱𐌴𐌹𐌽𐌰𐌹. ==𐍆𐍂𐌰𐍅𐌰𐌿𐍂𐌷𐍄𐍃 𐌹𐌽 𐌲𐌰𐌻𐌰𐌿𐌱𐌴𐌹𐌽𐌹𐌼== ===𐍇𐍂𐌹𐍃𐍄𐍅𐌹𐍃𐌺𐌰 𐌲𐌰𐌻𐌰𐌿𐌱𐌴𐌹𐌽𐍃=== 𐌹𐌽 𐍇𐍂𐌹𐍃𐍄𐌰𐌿𐍃 𐌲𐌰𐌻𐌰𐌿𐌱𐌴𐌹𐌽𐌰𐌹, 𐍆𐍂𐌰𐍅𐌰𐌿𐍂𐌷𐍄𐌾𐌰𐌽 𐌹𐍃𐍄 𐍄𐌰𐌿𐌾𐌰𐌽 𐍅𐌰𐌹𐌷𐍄𐌹𐌽𐍃 𐍅𐌹𐌸𐍂𐌰 𐍅𐌹𐌻𐌾𐌰𐌽 𐌲𐌿𐌳𐌹𐍃, 𐍃𐍅𐌰𐍃𐍅𐌴 𐌲𐌰𐌼𐌴𐌻𐌹𐌸 𐌹𐍃𐍄 𐌹𐌽 𐌽𐌹𐌿𐌾𐌰𐌹 𐍄𐍂𐌹𐌲𐌲𐍅𐌰𐌹 𐌾𐌰𐌷 𐍆𐌰𐌹𐍂𐌽𐌾𐌰𐌹 𐍄𐍂𐌹𐌲𐌲𐍅𐌰𐌹. 𐌺𐌿𐌽𐌸𐌰 𐍆𐍂𐌹𐍃𐌰𐌷𐍄𐍃 𐍃𐌹𐌽𐌳 𐍄𐌰𐌹𐌷𐌿𐌽 𐌰𐌽𐌰𐌱𐌿𐍃𐌽𐌴𐌹𐍃. 𐍄𐌰𐌹𐌷𐌿𐌽 𐍃𐌹𐌽𐌸𐌰𐌼 𐌿𐍃𐍃𐌹𐌲𐌲𐍅𐌰𐌽 𐌼𐌰𐌷𐍄𐍃 𐌹𐍃𐍄 𐌾𐌰𐌹𐌽𐌰𐍂: "''𐌽𐌹 ...𐌰𐌹𐍃"'', 𐍆𐍂𐌰𐍅𐌰𐌿𐍂𐌷𐍄𐍃 𐌰𐌽𐌰𐌱𐌿𐍃𐌽𐌹𐌼 𐌽𐌹 𐌿𐍆𐌷𐌽𐌰𐌹𐍅𐌰𐌽 𐍅𐌹𐍃𐌰𐌽 𐌼𐌰𐌲𐌹, 𐌹𐌸 𐌾𐌰𐌷 𐌲𐍉𐌳𐍉𐍃 𐌰𐌽𐌰𐌱𐌿𐍃𐌽𐌴𐌹𐍃 𐌽𐌹 𐍄𐌰𐌿𐌾𐌰𐌽 𐌼𐌰𐌲𐌹 𐍅𐌹𐍃𐌰𐌽. 𐍆𐍂𐌰𐍅𐌰𐌿𐍂𐌷𐍄𐌴𐌹𐍃 𐌲𐍂𐌹𐌳𐌹𐌽𐍃 𐌷𐌰𐌱𐌰𐌽 𐌼𐌰𐌲𐌴𐌹𐌽𐌰, 𐌹𐌽 𐌽𐌹𐌿𐌾𐌰𐌹 𐍄𐍂𐌹𐌲𐌲𐍅𐌰𐌹 𐌹𐍉𐌷𐌰𐌽𐌽𐌴𐍃 𐌷𐌰𐌹𐍄𐌹𐌸 𐌽𐌹𐍅𐌹 𐌺𐌿𐌽𐌹, 𐌳𐌰𐌿𐌸𐌿𐍆𐍂𐌰𐍅𐌰𐌿𐍂𐌷𐍄 (•𐌰• 𐌹𐍉𐌷𐌰𐌽𐌽𐌴𐍃 •𐌴•:•𐌹𐌵•-•𐌹𐌶•), 𐌸𐍉𐍃 𐍃𐌹𐌽𐌳 𐍆𐍂𐌰𐍅𐌰𐌿𐍂𐌷𐍄𐌴𐌹𐍃 𐌼𐌹𐌸 𐌸𐌰𐌹𐌼𐌴𐌹 𐌲𐌿𐌸 𐌰𐍆𐌻𐌴𐍄𐌰𐌳𐌰, 𐌸𐌰𐍄𐌹𐍃𐍄, 𐌼𐌰𐌽𐌽𐌰 𐌸𐌰𐌽𐌰𐌼𐌰𐌹𐍃 𐌽𐌹 𐌻𐌰𐌹𐍃𐍄𐌹𐌸 𐌲𐌰𐌻𐌰𐌿𐌱𐌴𐌹𐌽. " ===𐌹𐍃𐌻𐌰𐌼𐌹𐍃𐌺𐌰 𐌲𐌰𐌻𐌰𐌿𐌱𐌴𐌹𐌽𐍃=== 𐌹𐌽 𐌹𐍃𐌻𐌰𐌼𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹, 𐌼𐌰𐌽𐌰𐌲𐍉𐍃 𐍆𐍂𐌰𐍅𐌰𐌿𐍂𐌷𐍄𐌴𐌹𐍃 𐍅𐌰𐌹𐍂𐍃𐌹𐌶𐍉𐌽𐍃 𐍃𐌹𐌽𐌳 𐌸𐌰𐌿 𐌰𐌽𐌸𐌰𐍂𐍉𐍃 𐍆𐍂𐌰𐍅𐌰𐌿𐍂𐌷𐍄𐌴𐌹𐍃. 𐌸𐌰𐌿 𐌼𐌰𐌽𐌰𐌲𐌹𐌶𐌴𐌹 𐍆𐍂𐌰𐍅𐌰𐌿𐍂𐌷𐍄𐍃, 𐌸𐌰𐌿 𐌼𐌰𐌽𐌰𐌲𐌹𐌶𐌴𐌹 𐌼𐌰𐌷𐍄𐍃 𐍃𐌹𐌾𐌰𐌹 𐌴𐌹 𐍈𐌰𐍃 𐌰𐌽𐌰 𐍃𐍄𐌰𐌿𐌰𐌳𐌰𐌲𐌰 𐌹𐌽 𐌷𐌰𐌻𐌾𐌰 𐍃𐌰𐌽𐌳𐌾𐌰𐌳𐌰. 𐌿𐌽𐍄𐌴 𐌹𐍃𐌻𐌰𐌼𐌹𐍃𐌺𐌰 𐌼𐌰𐌽𐍃 𐌲𐌰𐌿𐌼𐌾𐌰𐌽𐌳 𐌻𐌹𐌱𐌰𐌹𐌽𐌰𐌹 𐌰𐌽𐌰 𐌰𐌹𐍂𐌸𐌰𐌹 𐍃𐍅𐌰 𐍆𐌰𐌿𐍂𐌰𐌻𐌹𐌱𐌰𐌹𐌽𐌰𐌹 𐌻𐌹𐌱𐌰𐌹𐌽𐌰𐌹𐍃 𐌰𐍆𐌰𐍂 𐌳𐌰𐌿𐌸𐌰𐌿, 𐌲𐌰𐍃𐌺𐌰𐌹𐌳𐌴𐌹𐌽𐍃 𐌼𐌹𐌸 𐌿𐌱𐌹𐌻𐌰𐌹𐌼 𐌾𐌰𐌷 𐌼𐌹𐌽𐌽𐌹𐌶𐍉𐌼 𐌿𐌱𐌹𐌻𐌰𐌹𐌼 𐍆𐍂𐌰𐍅𐌰𐌿𐍂𐌷𐍄𐌹𐌼 𐌹𐌼 𐍅𐌿𐌻𐌸𐍂𐌰𐌹𐍃 𐌹𐍃𐍄. 𐌼𐌰𐌷𐍄𐍃 𐌹𐍃𐍄 𐌸𐌰𐍄𐌴𐌹 𐌸𐍉 𐍅𐌹𐌺𐍉 𐌷𐌰𐌱𐌰𐌹𐌸: * 𐌰𐌽𐌸𐌰𐍂𐌰𐌹𐌼 𐌲𐌿𐌳𐌰𐌼 𐌸𐌰𐌿 𐍅𐌰𐌹𐌷𐍄𐌹𐌼 𐍃𐌺𐌰𐌻𐌺𐌹𐌽𐍉𐌽 (𐍃𐌾𐌹𐍂𐌺) 𐌾𐌰𐌷 𐌿𐌽𐌲𐌰𐌻𐌰𐌿𐌱𐌴𐌹𐌽𐍃 𐌲𐌿𐌳𐌰 (𐌺𐌿𐍆𐍂), 𐌰𐍆𐌻𐌰𐌲𐌴𐌹𐌽𐍃 𐌸𐌰𐌼𐌼𐌰 𐌽𐌹 𐍅𐌴𐍃𐌹. 𐌾𐌰𐌱𐌰𐌹 𐌲𐌿𐌸 𐌸𐌰𐍄𐌰 𐌰𐍆𐌻𐌴𐍄𐌰𐌹, 𐍅𐌹𐍃𐌰𐌽 𐌹𐌽 𐌷𐌰𐌻𐌾𐌰𐌹 𐌻𐌰𐌲𐌲 𐌼𐌴𐌻 𐍅𐌰𐌹𐍂𐌸𐌰𐌹. * 𐌰𐍆𐌰𐍂 𐌸𐌰𐍄𐌰 𐍆𐍂𐌰𐍅𐌰𐌿𐍂𐌷𐍄𐌴𐌹𐍃 𐍅𐌹𐌸𐍂𐌰 𐌻𐌹𐌱𐌰𐌹𐌽 𐍃𐌹𐌾𐌰𐌹𐌽𐌰, 𐍃𐍅𐌰𐍃𐍅𐌴 𐌼𐌰𐌿𐍂𐌸𐍂 𐌾𐌰𐌷 𐌷𐍉𐍂𐌹𐌽𐌰𐍃𐍃𐌿𐍃. 𐌼𐌰𐌷𐍄𐍃 𐌹𐍃𐍄 𐌴𐌹 𐌼𐌰𐌽𐌽𐌰 𐌹𐌽 𐌷𐌹𐌼𐌹𐌽𐌰𐌼 𐌰𐍆𐌰𐍂 𐌱𐌰𐌻𐍅𐌴𐌹𐌽𐌰𐌹 𐌵𐌹𐌼𐌰𐌹. * 𐌰𐍆𐌰𐍂 𐌸𐌰𐍄𐌰 𐌹𐌽𐌿𐌷 𐌰𐌹𐌶𐌰 𐌱𐌴𐍂𐌿𐍃𐌾𐍉𐌼 𐍅𐌹𐍃𐌰𐌽 ([[𐌰𐍄𐍄𐌰]] 𐌾𐌰𐌷 [[𐌰𐌹𐌸𐌴𐌹]]) 𐌾𐌰𐌷 𐌲𐌰𐌻𐌹𐌿𐌲 𐍅𐌴𐌹𐍄𐍅𐍉𐌳𐌾𐌰𐌽. * 𐍆𐌹𐌳𐌿𐍂𐌳𐍉 𐌹𐍃𐍄 𐌷𐌻𐌹𐍆𐌰𐌽. * 𐍆𐌹𐌼𐍆𐍄𐍉 𐍃𐌹𐌽𐌳 𐌰𐌻𐌻𐍉𐍃 𐌰𐌽𐌸𐌰𐍂𐍉𐍃 𐍆𐍂𐌰𐍅𐌰𐌿𐍂𐌷𐍄𐌴𐌹𐍃, 𐍃𐍅𐌰𐍃𐍅𐌴 𐌰𐌽𐌰𐌵𐌹𐌸𐌰𐌽. 𐌰𐍄𐌲𐌰𐌲𐌲 𐌹𐌽 𐌷𐌹𐌼𐌹𐌽𐌰𐌼 𐌼𐌹𐌸 𐌸𐌰𐌹𐌼 𐍆𐍂𐌰𐍅𐌰𐌿𐍂𐌷𐍄𐌹𐌼 𐌽𐌹 𐌿𐍃𐌻𐌿𐌺𐌰𐌳𐌰. 𐌻𐌹𐌿𐌲𐌰𐌽 𐌳𐌿 𐌽𐌰𐍃𐌾𐌰𐌽 𐌰𐌻𐌾𐌰𐌽𐌰 𐌼𐌰𐌽𐌽, 𐌱𐌹𐌽𐌰𐌿𐌷𐌹𐌸. 𐌹𐌽 𐌺𐌰𐌿𐍂𐌰𐌽 𐍃𐌹𐌽𐌳 𐌼𐌹𐍃𐍃𐌰𐌻𐌴𐌹𐌺𐌰 𐌰𐌾𐌰𐌰𐍄, 𐌹𐌽 𐌸𐌰𐌹𐌼𐌴𐌹 𐌰𐍆𐌻𐌰𐌲𐌴𐌹𐌽 𐌲𐌿𐌳𐌹𐍃 𐌳𐌿 𐌸𐌰𐌹𐌼 𐌼𐌰𐌽𐍅𐌾𐌰𐌳𐌰, 𐌸𐌴𐌹 𐍆𐌰𐌿𐍂 𐌹𐌶𐌴 𐍆𐍂𐌰𐍅𐌰𐌿𐍂𐌷𐍄𐌹𐌽𐍃 𐌲𐌰𐌹𐌳𐍂𐌴𐌹𐌲𐍉𐌽𐌳, 𐍃𐍅𐌰𐍃𐍅𐌴 𐍃𐌿𐍂𐌰 𐌺𐍉𐍃 •𐍂𐌾• 𐌾𐌰𐌷 𐍃𐌿𐍂𐌰 𐌵𐌹𐌽𐍉𐌽𐍃 •𐍂𐌹•. 𐌰𐌸𐌸𐌰𐌽 𐍃𐍉 𐌼𐌰𐌹𐍃𐍄𐍉 𐍆𐍂𐌰𐍅𐌰𐌿𐍂𐌷𐍄𐍃 𐌹𐍃𐍄 𐌰𐌽𐌸𐌰𐍂𐌰𐌹𐌼 𐌲𐌿𐌳𐌰𐌼 (𐍃𐌾𐌹𐍂𐌺) 𐍃𐌺𐌰𐌻𐌺𐌹𐌽𐍉𐌽, 𐌰𐍆𐌻𐌰𐌲𐌴𐌹𐌽𐍃 𐌸𐌰𐌼𐌼𐌰 𐌽𐌹 𐍅𐌴𐍃𐌹. ===𐌹𐌿𐌳𐌰𐌹𐍅𐌹𐍃𐌺𐌰 𐌲𐌰𐌻𐌰𐌿𐌱𐌴𐌹𐌽𐍃=== 𐌹𐌽 𐌹𐌿𐌳𐌰𐌹𐍅𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹, 𐍆𐍂𐌰𐍅𐌰𐌿𐍂𐌷𐍄𐍃 𐌹𐍃𐍄 𐌰𐌹𐍂𐌶𐌴𐌹 𐌹𐌽 𐍅𐌰𐌿𐍂𐍃𐍄𐍅𐌴𐌹𐌽 𐍂𐌰𐌱𐌱𐌴𐌹𐌽𐌹𐍃𐌺𐌰𐌹𐌶𐌴 𐍅𐌹𐍄𐍉𐌳𐌴 (𐌷𐌰𐌻𐌰𐌲𐌰). [[𐌹𐌿𐌳𐌰𐌹𐌴𐌹𐍃]] 𐌹𐌳𐍅𐌴𐌹𐍄𐌰𐌽 𐌼𐌰𐌲𐌿𐌽 𐍆𐌰𐌿𐍂 𐌹𐌶𐌴 𐍆𐍂𐌰𐍅𐌰𐌿𐍂𐌷𐍄𐌹𐌽𐍃. 𐌹𐌳𐍅𐌴𐌹𐍄𐌰𐌽 𐌸𐌰𐍄𐌰𐌹𐌽𐌴𐌹 𐌲𐌰𐌿𐌼𐌾𐌰𐌳𐌰 𐍃𐍅𐌰 𐌱𐍂𐌿𐌺, 𐌾𐌰𐌱𐌰𐌹 𐌿𐌱𐌹𐌻𐌰 𐍄𐍉𐌾𐌰 𐌻𐌴𐍄𐌰𐌽𐌳𐌰 𐌾𐌰𐌷 𐌸𐌰𐌽 𐌹𐌽𐌹𐌻𐍉𐌽𐍃 𐌷𐌻𐌿𐍄𐍂𐌴𐌹𐌽 𐍄𐍉𐌾𐌰𐌽𐌳𐌰. ==𐌱𐍂𐌿𐌺𐌴𐌹𐌽𐍃 𐌰𐌻𐌾𐌰 𐌲𐌰𐌻𐌰𐌿𐌱𐌴𐌹𐌽𐌰𐌹== 𐌾𐌰𐌷 𐌿𐍄𐌰 𐌲𐌰𐌻𐌰𐌿𐌱𐌴𐌹𐌽𐌰𐌹 𐍅𐌰𐌿𐍂𐌳𐌹𐍃 𐌱𐍂𐌿𐌺𐌾𐌰𐌳𐌰 𐍆𐌰𐌿𐍂 𐌿𐍆𐌰𐍂𐌲𐌰𐌲𐌲𐌰𐌽 𐍅𐌹𐍄𐍉𐌳𐌴, 𐌸𐌹𐌶𐌴𐌴𐌹 𐌽𐌹 𐍃𐌹𐌽𐍄𐌴𐌹𐌽𐍉 𐍅𐌹𐍄𐍉𐌳𐌰 𐌲𐌰𐌻𐌰𐌿𐌱𐌴𐌹𐌽𐌰𐌹 𐍃𐌹𐌽𐌳, 𐌿𐍆𐍄𐌰 𐌲𐌰𐌷𐌰𐌷𐌾𐍉 𐌷𐌰𐌹𐌻𐌰. 𐌾𐌰𐌱𐌰𐌹 𐌼𐌰𐌽𐌽𐌰 𐌳𐌿 𐍆𐍂𐌹𐍃𐌰𐌷𐍄𐌰𐌹 𐍆𐍂𐌰𐍅𐌰𐌿𐍂𐌷𐍄𐌹𐌳𐌰, 𐍆𐍉𐌳𐌴𐌹𐌽𐌹𐌲𐌰𐌵𐌹𐍃 𐌽𐌹 𐌲𐌰𐍄𐌰𐍅𐌹𐌳𐌰. [[Category: 𐌱𐌰𐍄𐌹𐍃𐍄𐌰𐌹 𐌻𐌰𐌿𐌱𐍉𐍃]] [[𐌷𐌰𐌽𐍃𐌰:𐌻𐌰𐌿𐌱𐍉𐍃 𐌼𐌹𐌸 𐌰𐍅𐌳𐌾𐍉𐌽]] [[𐌷𐌰𐌽𐍃𐌰:𐌲𐌰𐌻𐌰𐌿𐌱𐌴𐌹𐌽𐍃]] 7zihjhsse2dqpg01jcmfacu2ov46cov