Wikipedia kwwiki https://kw.wikipedia.org/wiki/Folen_dre MediaWiki 1.39.0-wmf.23 first-letter Media Arbennek Keskows Devnydhyer Keskows Devnydhyer Wikipedia Keskows Wikipedia Restren Keskows Restren MediaWiki Keskows MediaWiki Skantlyn Keskows Skantlyn Gweres Keskows Gweres Klass Keskows Klass Porth Keskows Porth TimedText TimedText talk Module Module talk Gadget Gadget talk Gadget definition Gadget definition talk 0 14807 199999 199676 2022-08-07T22:27:13Z Brwynog 9679 wikitext text/x-wiki '''Richard Hall''' (1854 -15 Me 1932) o onan a gowsoryon moyha freth an yeth [[Kernewek]] y’n [[Dasserghyans Kernewek|Dasserghyans]] a-varr. ==Bewnans a-varr== Genys veu yn 1854 yn [[Lannust]], an nawves a dheg flogh dhe Thomas Mann ha Matilda Frances (neé Murrish). Besydhes veu 23 mis Gortheren 1854 yn Lannust. Ser rosow o y das kyns dos ha bos panner. Pan veu naw bloodh, yn medh Hall, yth esa maghteth dhedha yn aga chi yn Lannust, Mary Taskes hy hanow. Hi a verkyas ev dhe redya ''Archaeologica Cornu-Britannica'' gan William Pryce, ha hi a leveris orto y hylli hy mamm kewsel nebes a’n hen yeth, dyskys gans Mrs Kelynack a [[Lulynn]]. Ev eth dhe weles an vamm, ow tiskudha hi dhe gewsel an Deg Gorhemmyn, an Pader ha nebes geryow erel yn Kernewek Diwedhes kepar veu yn Pryce. Modrep Richard Hall o Elizabeth Vingoe, a dhyskas an Pader, Deg Gorhemmyn ha niverow dhe’y fleghes y’n 1840ow ha 1850ow yn hy bargen tir Bosworwedh Wartha yn [[Eglosmadern]]. ==Gasa Kernow== Y das a verwis yn 1867 hag erbynn ev dhe vos hwetek bloodh yn niveryans 1871, ev a veu trigys yn [[Loundres]], owth oberi avel skrifwas dhe gowethyans pannorieth. Yn 1880 ev a dhemedhis Alexandra Victoria Harriet Garnham (1863-1957). I a gavas dhew flogh, Alfred (Fred) (1886 - 1940) hag Edith (1886 - 1982). Trigys ens yn Loundres hwath. Tamm ha tamm Hall a oberi dhe vos menystrer skrifwas hag erbynn 1911 ev o akontydh ha skrifenyas yn kowethyans ledher ha las. ==Dyski Kernewek== Richard a dhallathas spena moy ha moy a dermyn yn Lannust. Yth esa bern dhodho hwath y’n yeth, ha wosa ev dhe brena lyver [[Henry Jenner]], ''A Handbook of the Cornish Language'', reknys veu avel onan a gowsoryon moyha freth an Dasserghyans a-varr. [[A.S.D. Smith]] (Caradar) a leveris y vos onan a bymp kowsor freth an yeth kyns [[Kynsa Bresel an Bys]]. Ev a geswelas John Mann yn y ji yn Lannust yn 1914, pan veu Mann 80 bloodh. Mann a leveris orth Hall, pan ve flogh yn Boswydnek, [[Eglossenor]], dell wre keskowsel ha fleghes erel yn Kernewek orth gwari war-barth (hemm a via y’n spis 1840-1850). Yn 1905 ev a wrug rol a eryow ha lavarow Kernewek, 18 folen y hys, hag yw rann a govrodhow Fonydyans Studhyansow Kernewek lemmyn. Erbyn an 1920ow, dyllys veu treylyans a Salm 23 ganso y’n ''Western Morning News''. ==Afrika Dhyghow ha berdhya== Edith a dhemedhis William Charles West (1879 – 1966) yn 1907, ha hi hag Alfred eth dhe Natal yn [[Afrika Dheghow|Afrika Dhyghow]]. Richard hag Alexandra a wre aga vystya ena. Drefen aga bos yn Afrika Dhyghow, ny veu possybyl ev dhe vos berdhys yn kuntelles kynsa an [[Gorsedh Kernow|Orsedh]] yn 1928 yn [[Dons Meyn Bosskawen]], ytho berdhys veu yn 1929 yn [[Karn Bre]] gans an hanow bardhek {{bardh|bardhek= Carer Kernewek}}. Ev a besyas treylya rannow a’n [[Bibel]], kepar ha’n Salmow ha rann a Aweyl Sen Jowan, ha skrifa lytherow dhe'n paperyou nowydh. Y leverir bos ganso gerva efan. Esel o a Gowethas Frenologiethel Bretennek (''British Phrenological Society''), hag yn hwir, ev o skrifenyas an kowethas neb termyn. ==Mernans== Richard Hall a verwis 15 Gortheren 1932 yn chi y vyrgh, Edith yn Durban, 78 bloodh. {{DEFAULTSORT:Hall, Richard}} [[Klass:Mernansow 1932]] [[Klass:Skriforyon yn Kernowek]] l7eun1p34rxtiige6jmw5x6rg2h41q7 0 14870 199998 199869 2022-08-07T17:53:01Z Brwynog 9679 wikitext text/x-wiki {{Den | fetchwikidata=ALL | onlysourced=no | suppressfields= }} '''Dr Edmund Henry Tregothwyn Hambly''' MRCS; FRCS; MB BS; LRCP (24 Meurth 1914 – 9 Meurth 1985), o leuvvedhek orthopedek, politeger dhe'n Parti Lavur ha Livrel, ha skoodhyer, bardh ha prydydh an yeth [[Kernewek]]. ==Teylu== [[Restren:Memorial_headstone_of_Edmund_Hambly_%26_Elizabeth_his_wife.jpg|skeusennik|300px|Men bedh Edmund Hambly]] Genys veu Hambly yn [[Porthysek]], [[Kernow]], mab Edmund Hambly ha'y wrek Gertrude Mary Hotten ha mab wynn Henry Albert Hambly ha'y wrek Anne née Trevan. Ev a gavas adhysk yn Skol Blundell's, Tiverton, [[Dewnens]]. Ev a dhemedhis Elizabeth Mary Cadbury (myrgh wynn dhe George Cadbury, fondyer Bourneville, an weythva choklet), medhek magata. I a gavas peswar flogh, myrgh ha tri mab. Esel gweythresek o a Gowethas an Kothmans (An Grenoryon). Ev a removas dhe Konteth Buckingham y'n 1940ow. Gwrys veu Frankburjes Cita Loundres. ==Resegva alwesik == Hambly a dhendylas bos recevys avel medhek yn 1937 pan radhyas dhyworth Klavji St Bartholomew. Ev a dhegemeras Kesvredereth Kolji Riel Leuvvedhogyon yn 1938. Ny ylli omjunya an luyow ervys yn [[Nessa Bresel an Bys]] drefen yeghes drog. Leuvvedhek yn Stret Harley o ha chif skoodhyer leuvvedhegneth orthopedek yn Klavji Westminster ha'n Klavji Orthopedek Riel dres an vresel. Yth esa bern arbennik dhodho ow tochya dyghtyans an askorn keyn ha nervennow amalek yn soudoryon goliys. Wosa an vresel, apoyntys veu avel pennvedhek Klavji Pennsevik Kembra, Tottenham, an Klavji Riel, Richmond ha Klavji Acton. Ev a oberas bys dhe 1969 pan veu res dhodho omdenna drefen yeghes drog. Esel gwiskys o a Gowethas Wordhi Apotecarys. Ynwedh tiek o yn Kernow. == An yeth Kernewek== Edmund Hambly o onan a'n kowetha dhe [[Robert Morton Nance]] ha pur weythresek o y'n [[Dasserghyans]]. Berdhys veu yn 1932 y'n solempnita yn Dons Meyn, Pluwveryan gans an hanow bardhek {{bardh|bardhek= Gwas Arthur}}. Esel o a'n Orsedh hanter kans bledhen ha moy, ow tegi an kledha yn lies solempnita. Ev o fondyer 'Tyr ha Tavas', ragresydh dhe [[Mebyon Kernow]]. Ev ynwedh o fondyer an servis bledhynnyek yn Kernewek, a dhastallathas yn Tewydnek yn 1932. Dyllys veu kan ganso ''Dew genes, a Gernow'' y'n lyver termyn 'Kernow' yn 1933, ha ''Mebyon Kernow'' yn 'An Lef Kernewek' yn 1973. Ev ha'y wreg a wrug akord gans an Trest Kenedhlek rag lettya gordhisplegyans yn powdir ranndir Porthysek yn 1963. ==Resegva politegel == Hambly a omjunyas an Parti Lavur. Yn 1946 etholys veu dhe Gonsel Konteth [[Loundres]], kannas dhe Lewisham Est. Apoyntys veu avel iskaderyer kessedhek towlenna tre ha posdir. Ytho ev a gemeras rann weythresek yn towlenna Loundres wosa an vresel. Yn 1949 etholys veu avel kannas Lewisham Soth, pastel vro gwithys ganso bys dhe 1965 ha dileans an Konsel. Konseler Lavur o bys dhe vis Est 1961 pan dhaskoras a'n parti. Rag remenant y dermyn ev o konseler Livrel. Ev o ombrofyer an Livrels yn pastel vro [[Aberfal ha Cambron|Aberfala ha Kammbronn]] yn Dewisyans Ollgemmyn 1964. Ny sevis dhe'n Senedh arta. ==Rekord etholansow== {{Skantlyn:Etholans boks dallas | title=Etholans ollgemmyn Ruwvaneth Unys 1964: Aberfala ha Kammbronn }} {{Etholans boks ombrofyores |parti = Parti Lavur |ombrofyores = Harold Hayman |raglevow = 18,847 |kansran = 44.5 |dihevelepter = -1.3 }} {{Etholans boks ombrofyores |parti = Parti Gwithadorek |ombrofyores = Robert Boscawen |raglevow = 15,921 |kansran = 37.6 |dihevelepter = +1.4 }} {{Etholans boks ombrofyores |parti = Parti Livrel |ombrofyores = Edmund Henry Hambly |raglevow = 7,559 |kansran = 17.9 |dihevelepter = -0.1 }} {{Etholans boks majorita| |raglevow = 2,926 |kansran = 6.9 |dihevelepter = -2.7 }} {{Etholans boks turnout| |raglevow = |kansran = 77.6 |dihevelepter = –4.0 }} {{DEFAULTSORT:Hambly, Edmund Henry Tregothwyn}} [[Klass:Skriforyon yn Kernowek]] [[Klass:Mernansow 1985]] i7krwotuorscknbpf7hiq83or0mqbis