Wikipedia liwiki https://li.wikipedia.org/wiki/Veurblaad MediaWiki 1.47.0-wmf.10 first-letter Media Speciaal Euverlèk Gebroeker Euverlèk gebroeker Wikipedia Euverlèk Wikipedia Plaetje Euverlèk plaetje MediaWiki Euverlèk MediaWiki Sjabloon Euverlèk sjabloon Help Euverlèk help Categorie Euverlèk categorie Portaol Euverlèk portaol TimedText TimedText talk Module Overleg module Event Event talk 0 25623 486131 484481 2026-07-13T20:38:11Z THIAGOW13 33874 486131 wikitext text/x-wiki {{dialek|Mestreechs}} [[Plaetje:Lionel Messi Argentina v Egypt 7 July 2026-112(cropped).jpg|thumb|Messi speulend in 't shirt vaan Argentinië (2026)]] '''Lionel Andrés Messi''' ([[Rosario]], [[24 juni]] [[1987]]) is 'nen [[Argentinië|Argentijnse]] [[voetbal]]ler, gemeinelek speulend in d'n aonval. Heer späölt bij [[ Inter Miami CF|Inter Miami]] en is op 't memint aonveurder vaan 't [[Argentijns hierevoetbalèlftal|Argentijns voetbalèlftal]], boe heer mèt 151 opreup en 76 gole (per augustus 2021) recordinternational en topscoorder veur is. Heer woort bekind es staarspeuler vaan [[FC Barcelona]], boe heer tot 2021 voetbalde. Messi woort jaorelaank gezeen es de bèste voetballer vaan de wereld, en gelt es eine vaan de groetste voetballers oets. Heer woort gebore in de provincie [[Santa Fe (provincie)|Santa Fe]] meh verhuisde in [[2000]] mèt zien elders nao [[Barcelona]], boe heer bij de jäög góng speule. Vaanaof [[2003]] späölden 'r e jaor in 't C-èlftal, tenao nog e jaor in 't B-èlftal en sinds [[2005]] is heer oonaofgebroke veur 't ierste oetgekoume. Dao oontwikkelden 'r ziech tot eine vaan de bèste voetballers vaan de wereld en nao de meinig vaan väöl lui eine vaan de bèste oets. In zien 201 wèdstrije (per 14 februari 2012) scoorde heer 147 goale. De lèste jaore geit dat gemiddelde ouch sterk umhoeg. Um zien techniek, die veural op balgeveul rös, wie ouch zien nationaliteit en zien gering lengde, weurt heer dèks mèt [[Diego Maradona]] vergeleke, dee in häöm zienen opvolger zuut. Heer woort in 2008 genomineerd veur d'n awwe [[Gouwe Bal (Europa)|Gouwe Bal]] en de FIFA-pries veur speuler vaan 't jaor, en won de Gouwe Bal in 2009. In zoewel 2010 es 2011 won heer de nuie [[Gouwe Bal (FIFA)|Gouwe Bal]], wie ouch de pries veur bèste speuler vaan de [[UEFA]] in 2011. Heer kaom sinds 2005 151 kier oet veur 't nationaol team en scoorde dao 76 kier. Mèt 't [[Argentijns hierevoetbalèlftal|nationaol èlftal]] lökden 't Messi evels neet 'nen internationaole pries te pakke. Naotot 'r in de finaal vaan de [[Copa América]] [[2016]] 'n beslissende [[penantie]] neve sjoot, besloot heer gans te stoppe mèt interlandvoetbal. Op dees beslissing kaom heer evels gaw trök, en in [[2021]] won heer esnog de Copa América. De band tösse Messi en FC Barcelona begós roond 2020 te verzoere. Wie de prestaties vaan 't verawwerend èlftal tröklepe, begós me de selectie te sanere en hoeger eise te stèlle. Messi dreigde diverse kiere mèt vertrèkke, oonder mie umtot ziene vrund [[Luis Suárez]] weggóng. Daobij góng 't de club ouch financieel minder, zoetot Messi ouch zakelek in conflik kaom: de club kós zien extreem hoeg salaris neet mie betaole. In augustus 2021 woort dujelek tot Messi zie contrak neet zouw verlènge en bij [[Paris Saint-Germain]] zouw wijergoon. {{DEFAULTSORT:Messi, Lionel}} [[Categorie:Voetballers]] [[Categorie:Laevende luuj]] [[Categorie:Luuj gebaore in d'n twintigsten iew]] [[Categorie:Persoene oet Argentinië]] q4ccuqglg3pnnphl3ax6lm8kw96wl4x