Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.10 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 58 4422 172 2026-07-07T23:53:47Z Aaima Dandelions 144 4422 proofread-page text/x-wiki <noinclude><pagequality level="3" user="Seeharee" />{{c|31}}</noinclude>f 500, èbădjăr mèndring ƒ 20 saboelăn. Mon bădjă asar teppa'na langngè bhersè, bènḍi băn djhărănna ghellă’ èangghoej apalessir, alènglèng ĕḍălem ḍistrigghă, ḍhăng-kaḍhăng èntar ka koṭṭa. Sarrèna Radhin Sorawijăsa rèja talèbăt bănnja' lalakonna sarta bhǎdjheng, molana abă'na nèng tello taon sè dhăddhi djhoertolès, ladjhoe èangkat dhăddhi Asistèn bădhăna, alontja’è bhăngsa djhoertolèsan kalèma băn bhăngsa mantrè. Kabhoengkakanna Radhin Sorawijăsa sè ongghă pangkat ghellǎ' ta' tao sè ngotja'aghiă, sabăb abă'na arassa katoronan dhărădjhăt ḍări attas langngè'. Amarghǎ djărèja abă'na anèjat aghăbăjă mèn-rammèn ghalloe sabelloenna ngallè, mènangka salamettanna. Saellana sè narèma bislit ollè lèma arè, pas aghăbăj mèn-rammèn, rammèna ta' sakèra-kèra, palè' pan-bărămpan kalèna mèn-rammènna nalèka dhāddhi djhoertolès. Djhăngondjhănganna orèng aghoeng, pardjădji, mo-sarmoan băn pakètta sè băḍă èḍălem ḍistrik djăḍijă. Roma, ampèr băn tataroppa possa' bi' dhămar ebbroen băn dhămar talpè'; è labăng lorongnga ngangghoej labăng sakèṭèng, masang dhămar ghellăs lampo, taḍă' bhidhăna bi' bengkona orèng băḍă ghăbăjjă . Ka'-angka'na ta' kakorangan, kakanan băn mènoman paḍă băḍă, atoranna tjara Bălăndhă, apa polè sè noaè Bădhăna, lorana Radhin Sorawijăsa. Kakanan kakettja'an băn kakerrèngan ta' rang-korang; mènoman toko, opama: anggoer mèra, anggoer port, bărănḍi, wiski, limon băn aèng bălăndhă paḍă băḍă. Saapa bhănḍhăna mèn-rammèn sè talèbăt radjăna djărèja ? Rassa sèngko' ta' kèra menḍăng tello' empa' ratos, sabăb sambi ngotjol lèngtjèlèngan, băngapi băn èn-laènna. Dhinèng sè èkabhănḍhǎ djărèja taḍă' laèn kadjhăbhăna ollè aotang, sabăb Radhin Sorawijăsa rèja nèng radjă atè, nangèng ta' anḍi' pèssè sakalè; apa polè tjètjèlanna otangnga sè ladjoe ghi' ta' ollè saparo bhălăkka'. Katjatora Radhin Sorawijăsa la ngallè ka pangarèsanna; kaparloanna so'è aboe-èmboe, apa polè pèkkèrra terro ka'-nekka'aghiă, sabhărăng pangaterrona sè băḍă'ă. Dă'-aḍă'na ngator bengko pangarèsan, terros ka ḍăporra, parata’an băn gheḍḍhoeghănna, kantoran băn kennenganna tabbhoeăn. Dhinèng sabhărăng atoranna njennengngaghi ka dhiabdhina, taḍă' tjalèna sakalè, sabăb abă'na lakar bhǎghoes pèkkèrra. Bărijă kèja parkara sè adjhălănnaghi lalakon ḍinessa tjè' bhǎghoessa, lalakon alos kasar paḍă madjhoe. Ghi' bhoeroe sataon sè dhăddhi Asistèn bădhăna la ontap kabhǎghoesanna lalakonna: parkara tatanèn madjhoe, kapoelisiăn taḍă' tjalèna,<noinclude>[[Category: Bhâsa Madhurâ]]</noinclude> eree89688twb3oo148kp93qqtwrr2c2 250 59 4423 177 2026-07-08T00:16:19Z Aaima Dandelions 144 4423 proofread-page text/x-wiki <noinclude><pagequality level="3" user="Seeharee" />{{c|32}}</noinclude>kongsè èkennèng kotja' è bhăbăna djăḍijă taḍă' orèng kamalèngan bản taḍă' karoesoeăn laènna; bărijă kèja kebbhoen kopi madjhoe, lorong radjā kènè' paḍă bhaghoes, dhisa băn kampong paḍă bhersè taḍă' tjalèna. Amarghǎ djǎrèja abǎ'na katarèma ka pangradjā. Bărija kèja ka dhi-abdhina, molana pangghăbăjănna kongsè katarèma ka pangradjǎ, lantaran èkatako'è, èkatoḍoesi sarta èkalèboeri bhăbăna. Man-èmanna Radhin Sorawijǎsa rèja ta' tao masenneng bhǎdhănna dhibi', nèng marloaghi masenneng orèng laèn, kongsè ta' pegghǎ' ḍări kasossa'an, marghǎ soghi otang, bannja' kareppa sè ètjonțet, pangaterrona sè ta' katekkan. Maskè ghădjhina la radjă, tapè mon la ghǎdjhiăn abă'na nèng mèlo ḍoewă rènggit, palèng bannja' tello rènggit. Maskè la tjara djarèja ghi' băḍă otangnga sè ta' èbădjări, sabăb sè la èserraè ghellǎ' nèng otang nè’-kènè'na malolo, otang tokona băn èn-laènna rangrang èserraè. Sarrèna ghădjhinā ghellă' nèng karè sakonè', la tantona ta' menḍăng èkabǎlandjhă saboelăn, molana tapaksa njarè tang-otangan polè. Dhinèng otangnga djărèja so'è abit ta' so'è karè sakonè', la-mala so'è arok-orok. Mon abă'na njarè tang-otangan ta' mèkkèrè berrǎ'na boeḍoe'na; maskè sapolo ropeja dhăddhi ḍoe bellǎs ropèja, ijǎ èkala' bhăi, sokkor ollè. Apa polè mon lè-mellè masțè rang-larang malolo, sabăb pardjădji rèja kapprana ta' tao băr-nabǎr. Kalamon manossa rèja la èkennèng kasossa'an, kapprana ta' ghellem ngobă adhǎt otabǎ tèngka-polana, sabăb tja'na pèkkèrra: Abăk-abāk bǎssa, manḍi băssa, ango'an manḍiă sakalè. Bărijă kèja kabăḍǎ'ănna Radhin Sorawijǎsa, sabhǎrang pangalèboerrǎ so'è ètorotè, opama: amaèn tataroan, boer-lèboerăn orèng băbinė', abhăbhoeroe, nènèngghăr, adjhălă, amaèn na'-pana'an băn èn-laènna. Băn, polè băbătekka sè angkara, sarta sè ta' enḍǎ' kala ka orèng laèn, djăreja ghi èangghoej èḍălem sakabbhiănna tètèngkanna. Mon abhābhoeroe, ta' paraddhoe ngangghoej patè' kampongan, mellè patè' Indramajoe otabǎ patè' Bălăndhă, sè kabellina f 50.- kongsè f 100.- Bărijă kèja mon sè nènèngghăr, sanapanna pessennan ḍări Erropa sè adjhina ḍoewǎ' otabă tello ratos ropėja. Amarghă ḍări djàrèja la bhǎrang tanto kabhoetoanna Radhin Sorawijăsa so'è aboe-èmboe, otangnga so'è abǎ-tambă, kongsè orèng taḍă' partjadjă aberri' otang polè, sabăb bănnja' lètjèkka, ta' madjăr, apa polè la ta' anḍi' pangatoḍoes, èlang sèpat ka pardjădjiănna. Di-boeḍina pas tomboe akkalla sè salènter băn băbătek kanèadjǎ'ăn, marghǎ tapaksa ḍări kabhoetoanna, opama: ampo aḍhenḍhă'ăn orèng parkara èbăbătangan, sarta dhoedjăn ngala'an bhijǎ.<noinclude>[[Category: Bhâsa Madhurâ]]</noinclude> cu7inzdggnshz8oe4saw46lh0petkbe 250 60 4424 181 2026-07-08T00:57:10Z Aaima Dandelions 144 4424 proofread-page text/x-wiki <noinclude><pagequality level="3" user="Seeharee" />{{c|33}}</noinclude>E nalèka sèttong arè abă'na èbisla'a orèng Palèmbhăng. Molana abă'na talèbăt sossana sarta ghoepo, marghǎ njarè tang-otangan san-kassannaghi taḍǎ' orèng partjadjă. Ontongnga è bǎkto djǎrèja pas băḍă orèng Arab kadjǎḍijă, sè lalakonna lakar maotangan pèssè. Molana Radhin Sorawijăsa pas aparembhǎghăn ngèndjhăma pèssè. Kadhǎddhiǎn ollè pèssè, tapè radjǎ boeḍoe'na, ijă arèja ƒ 100 dhǎddhi f 125 èdǎlem saboelǎn, sarta ngangghoej tangghoengan dhǎlem băn saèssèna. Dhǎddhi ta' tolos sè èbisla'a, tapè kasossa'anna abǎ'na so'è abǎ-tambă, sabǎb otangnga so'è bănnja'. Saellana napa' ka bǎktona, Radhin Sorawijǎsa pas ongghă pangkat dhǎddhi Bădhăna è sèttong ḍistrik. E băktona ngallèa, saddjhăna Radhin Sorawijǎsa ta' aghābǎjǎ mèn-rammèn, marghă abă'na kèr-pèkkèran parkara ongkossa; tapè lora dhisa bǎn dji-pardjǎdji èḍălem ḍistrigghǎ paḍă terro ngatorana tandhǎ pangèsto, dhǎddhi abǎ'na tapaksa aghǎbǎj mèn-rammèn polè. Ta' katjatora kabǎḍǎ'ǎnna mèn-rammènna, satèja Radhin Sorawijǎsa la ngallè ka kabǎdhǎnanna. Prandhinèng Radhin Sorawijāsa rèja saellana dhăddhi Bǎdhăna so'è aorok tèngka, marghǎ aba'na apangrasa podjhoer, sabǎb maskè abǎ'na talèbăt rojǎllă ghi' salamet bhǎi; bit-abit pas dhǎddhi orèng ta' mardoeliăn ka lalakon. Satèja Radhin Sorawijǎsa pas èkapartjadjǎi orèng polè, sabăb la dhǎddhi Bădhǎna. Amarghǎ djǎrèja abǎ'na pas so'è băngal ka otang. Teppa'na abǎ'na ngallèa ghella', Dhin-adjoena èmèllèaghi karaboe, ghǎghellăng, sello' bǎn rarengghăn laèn sapattjrèna, djhin-adjhin f 1000.- Laèn ḍări djǎrèja abǎ'na monḍhoet rata Amèrikan; djhărǎn tètèanna sandel, pakèanna Kamerling, kaḍhăli nèkel, èaghem mon mèjos apattrol. Panḍǎ', sabhǎrǎng pangaterrona paḍă ètekka'aghi kakabbhi. Sèpat Radhin Sorawijāsa mèjos apattrol, masțè ngaghem satiwel, ro-nèro towan tana, tjomeṭṭèna ètjellettaghi ka satiwella. Ta' saapa abiddhǎ pas monḍhoet ḍoekar è Bătawi è tokona towan Fueks, èaghem mèjos rèn-arěnna. Abdhina tjè' bănnja'na, paḍă bǎḍă ghoe'-tegghoe'na bi'-dhibi', pabhettek, pangladhin, pangèrèng, tokang njambhoet èpo', songsong, lantaj; tokang djhărăn băn koser paḍǎ băḍă orèngnga bi'-dhibi' kèja. Apa polè satèja kaaghoengan djhǎrăn tegghărăn, sabbhãn taon èaddhoe ka Solo, Djoekdjǎ, Bogor, Bătawi băn Sorabhǎdjă. Amarghă ḍări djǎrèja pas atambǎ abdhi panegghår. Otangnga Radhin Sorawijǎsa satèja ta' nèng atosan, tapè kongsè aèboeăn ropèja. BABOEROEGHAN ANA-BĀRNA.<noinclude>[[Category: Bhâsa Madhurâ]]</noinclude> fgrpomf0p1mwvs2d7aj9gmkh451x8ge 250 61 4425 185 2026-07-08T02:12:02Z Aaima Dandelions 144 4425 proofread-page text/x-wiki <noinclude><pagequality level="3" user="Seeharee" />{{c|34}}</noinclude>Amarghǎ djǎrèja, maskè ghădjhina la tjè' radjăna, ta' ghellem kamenḍăngen, sabăb talèbăt bănnja' kakareppanna, tjara opamana aèng sè èsèlèn ka boengboeng bhoerto', tanto terros ngalotjor kakabbhi taḍă' tjèttjèrra sakalè. Apa polè la băḍă ètja'-otja'an, djha' kakareppanna manosa rèja taḍă' potossa. Alantaran ḍări sè kasebbhoet kabbhi, Radhin Sorawijăsa pas djhoebǎ' polè asmana, taḍă' orèng partjadjǎ ngotangè. Tja'na orèng sè wa-towa: sabhărăng sè băḍă è dhoennja rèja taḍă'sè langgheng; sè ngoḍă bhakal towa'a, sè oḍi' bhǎkal matè'a, sè anḍi' pangkat bhǎkal amboeă ḍări pangghăbăjănna, sè soghi tarkaḍhăng pas mèskèn, sè podjhoer băḍă băktona palang. Bărijă kèja bhǎb kabăḍă'ănna Radhin Sorawijăsa ḍări ghi' anomma podjhoer bhăi, tapè saellana ollè ḍoewă taon sè dhăddhi Bădhana, bhoeroe tèbhǎ ka apessa. Bit-abit ladjhoe songkan lèmpo, marghă talèbăt nakal ka rèng băbinè', kongsè tapaksa aparmèsi, atokar angèn ka Tjipanas. Dhinèng songkanna so'è abit so'è sara, kongsè tello boelăn ta' ngennèng apangghăbăj. Răng -bhărăngnga kongsè ghemmet sè èdjhoewǎli, marghǎ èkaongkos sè songkan; orèng sè nanaghi ondhoer ḍǎteng, taḍă' peggha'na. Amarghǎ djărèja Radhin Sorawijăsa talèbăt sossana, rèbek rèkong paḍă băḍă, sabǎb mèkkèrè songkanna sarta djhărepdjhebbhen bi' orèng sè ḍăteng nanaghi. Sakèng ḍări sompekka pangghǎliǎnna, kongsè aghărăbhăsăn aèng sotjana ta' èkarassa. Sarrèna abă'na la ta' njangghoep ngastanè pangghăbăjăn polè, molana pas aperlop terros, njo'on pansioen. Kadhăddhiăn Radhin Sorawijăsa ollè amboe kalabǎn hormat, tapè ta' ollè pansijoen, marghă ghi' ta' napa' ka eḍḍissa. Saellana Radhin Sorawijăsa amboe ḍări pangghăbăjănna, dhălem băn pakaranganna èbisla bi' orèng sè anḍi' paotang ka abǎ'na; răng-bhărăng laènna paḍă ghemmet, taḍă' karèna nè'-sakonè'a, marghă èserra'aghi ka otangnga băn èkabelli tambhă. Amarghǎ djărèja abă'na pas apolong băn mattowana; sè dhăddhi dhǎ'ǎrră nèng ollèna kasappa Dhin adjoena, sè adjhă djhoewǎl kalabǎn bhănḍhă sakonè'. Prandhinèng Radhin Sorawijăsa rèja talèbăt mellassa, sabăb asalla tjè' moldjăna, mangka satèja talèbăt malarat sarta a'ib, sabǎb èkennèng kotja' ta' kaaghoengan djhăroem potong bhălǎkka', tor kan-songkanen. Anangèng katjalaka'an băn kasossa'anna sè bărijă djǎrèja paḍă ḍări kasala'anna dhibi' kakabbhi. Djhǎ' sakènga lăn-bilănna abǎ'na ta atètèngkan bǎt-talèbăt sarta ta’ alorbă kakareppanna, apa polè lèboer long-molong pèssè, tanto nalèkana abǎ'na songkan terros kongsè amboe ḍări pangghăbăjănna ta' kèra sossa băn mellas loe'-ghǎlloe' tjara ghellǎ'.<noinclude>[[Category: Bhâsa Madhurâ]]</noinclude> teln99hg7yn60au87qigfbnzh6000m5 250 62 4426 188 2026-07-08T03:01:32Z Aaima Dandelions 144 4426 proofread-page text/x-wiki <noinclude><pagequality level="3" user="Seeharee" />{{C|35}}</noinclude>{{c|<big>TJARÈTANA TOKANG MAÈN.</big>}} Radhin Bhăghoes Kamal talèbăt èkalèboeri sarta èkadjoendjoenè bi' aghoengnga. Mon aghoengnga jos-mèjosan masṭè èadjhǎk, sabăb tako' sè tapèsa'a. La -mala mon asarè masṭè èka polong. E nalèka sèttong bǎkto Ghoes Kamal kasokan amaèn pè-sapèan, aghoengnga èatorè (èsoro) arangka', pas èsèkklaka bi' Ghoes Kamal. Sarrèna talèbăt lèboer, nèser sarta kadjoendjoen ka bădjǎna, maskè panjo'onna Ghoes Kamal ghella' tjè' ta' patotta, ètorotè bhăi. Prandhinèng aghoengnga Ghoes Kamal rèja orèng aghoeng ongghoeăn sarta tjè' soghina. Pottrana nèng kasorang, băbinè', ijă arèja èbhoena Ghoes Kamal, sèdhă ghi' nom-anom. Amarghă djărèja panganèser băn pangalèboerrǎ tèbhă ka bădjăna kakabbhi, kongsè Ghoes Kamal èkadjoendjoenè băt- talèbăt. Saellana Ghoes Kamal aomor bălloeng taon, pas èpanjantrè, èpakon adjhăr maos kora'an. Ghi' bhoeroe ollè ḍoewă' tello arè, pas èpaamboe, nèng èpakon maos è dhălemma, sabǎb èkarassa nèser tapèsa bit-abit. Anangèng saopama Ghoes Kamal teppa' sengka, ta' kentjeng maos, ta' lè-sakalè èpaksa, apa polè èbhengngèsè. Amarghǎ djărèja pangadjhina boeḍḍhoe. Prandhinèng Ghoes Kamal rèja tjè' leboerră amaen, opama: atjèrek, aeppot, aokkè' băn èn-laènna. Sèpat amaèn masṭè atataroan pèssè; atjèrek ètaroè pèssè, aeppot ètaroè pèssè, apa polè aokkè' so'è radjă tarona. Ekala' panḍǎ'na tjarèta, Ghoes Kamal la èsonnat, èkardjăi tjè' radjāna, sabăb bădjăna orèng aghoeng soghi, sarta talèbăt èkadjoendjoenè. Sabărăssa èsonnat, pas èpasakola. Ghi' bhoeroe ollè sataon sè asakola la lèntjèm, sarta ladjhoe amboe ta' kalabăn băḍã lè-ollèna. Maskè bărija Ghoes Kamal ta’ èpama-bărămma bi' aghoengnga, sabăb panganèser băn pangalèboerrǎ ka bădjana èkennèng opama'aghi nètè oboe' salambăr, tjè' tako'na sè kalèroa. Sarrèna Ghoes Kamal satèja la bhăllik, so'è băngal adjhălănnaghi lalakon ma'sèjat, ijă arèja sè talèbăt èkalèboeri nèng parkara maèn băn lèboer ka rèng babinè'. Dhinèng pangalèboerră ka maèn ta' kaṭèk mèmèlènè, sabărnana maèn paḍă èkalèboeri, opama: tjepplè', okkè', kartoe, lèttrè', ngaddhoe embi', negghel, njaboeng, ngaddhoe kamèrè, ngaddhoe ghemmek, ngaddhoe dhără, ngaddhoe djhăngkrèk kabbhi paḍă ètaroè; apa polè mon amaèn na'-pana'an, sabăb djărèja lakar kasennengnganna para pottra.<noinclude>[[Category: Bhâsa Madhurâ]]</noinclude> phjn9yx77le4nr25bwkt7qhnpvuy674 250 63 4427 193 2026-07-08T03:16:59Z Aaima Dandelions 144 4427 proofread-page text/x-wiki <noinclude><pagequality level="3" user="Seeharee" />{{c|36}}</noinclude>Aghoengnga ta' kabăsa alarang tètèngkanna Ghoes Kamal ghellă', sabăb la sala aḍă'na, toman ta' èpatako' ka băngatowana. Amarghă djărèja aghoengnga Ghoes Kamal taḍă' amboena sè sekkel pangghăliănna, kongsè andhăddhiăghi songkanna. Dhinèng sè èkabhănḍhă amaèn Ghoes Kamal rèja taḍă' laèn kadjhǎbhăna pèssè kaaghoenganna aghoengnga; mon njo'on la ta' èparèngè, margha taghǎsèk ghalloe, pas èkètjo'. Pamaènna ta' kasokan atataroan nè'-sakonè'; la-mala mon kateppa'an amoso orèng sè ghi-soghi, tarona ta' ollè ngangghoej pèssè tampes, sabăb èkotja' ,,băoe atjan'', kodhoe ngangghoej pèssè kertas otabă rènggidhăn, palèng kènè' djhămpellan otabă njonjokon. Amargha djărèja, kala sakalèan bhăi kongsi ḍoewǎ' tello ratos ropèja. Mon tjoma kala sapolo ḍoe polo ropèja èkotja' ,,ta' saapa". Bărămpa mon mennang? La-nakkala ijă tao mennang radjǎ kèja, tapè tjè' rangrangnga. Apa ta' la băḍă è tja'-otja'an, djhă' mennangnga amaèn saessèn rèja păḍă bi' kalana sadjhămpel? Saopama èḍălem sèttong tempo pamaènna ta' kala, djărèja abǎ'na la arassa ontong, ta' arassa penḍet otabă katonḍoe. Băn polè mon kateppa'an podjhoer, mennang saratos ḍoe ratos ropèja, pèssèna ghasèk taḍă' ta' ètemmo rongonna; mon amaèna polè masṭè njarè pèssè bănnèan. Dhăng-kaḍhǎng pèssè mennangnga ghellǎ' èkabelli bhărăng, tapè ta' ghellem tjekka' abit, ladjhoe èpaghăḍhi otabă èdjhoewǎl ḍă-moḍă. Amarghă djărèja taḍă' orèng soghi polana mennang amaèn; sè kabannja'an nèng marogi malolo. Katjatora è nalèka sèttong băkto Ghoes Kamal amaèn bi' bhăngsa Tjèna lakè'-binè' băn è-njaèna Bălăndhă; sè amaèn molaè ḍări pokol 9 bhări' kongsè pokol 3 malem Ghoes Kamal la kala ƒ 500. Amarghă djărèja abă'na arassa tjè' panassa pangghăliǎnna, ḍhăboena: ,,Djhă' dhoeli amboe, kaoelă mabăliă bhănḍhă, samangkèn kaoelă ngonèana pèssè ḍhimèn!" Saellana djǎrèja Ghoes Kamal pas kalowar, ta' mardoeli petteng tjalèmot sarta ta' anḍi' pangatako' pa-apa, terros djhoedjhoek ka tokang tegghoe'na sabăna aghoengnga. Sanapa'na kadjăḍijă, pas makon matoron paḍi ḍări lombhoeng bănnja'na 20 amet (1). sarta èpakon djhoewăl bǎkto djărèja kèja, ta' èparèngngaghi atangghin. Orèng sè èpakon djărèja ta' băngal mator mèra bhiroe, nèng njaot ,,èngghi" malolo, sabăb saparkara tako' èdhoekanè, otabă èpokol, marghă Ghoes Kamal katon tjara sè ghilă; kaḍoewă parkara kaaghoenganna aghoengnga, sarta tao, djhă' Ghoes Kamal talèbăt èkalèboeri. Paḍina pas èdjhoewăl ka Tjèna ghilingan sè semma' kadjăḍijă, èḍă'-moḍă'ăghi, saamet nèng èotjol ƒ 6. (1) Saamet=10 kempot=50 èntèng=100 tangghăpan.<noinclude>[[Category: Bhâsa Madhurâ]]</noinclude> 4c3kyrv34ss89mkk3jbvmjypq2jaax7 250 64 4428 197 2026-07-08T03:47:04Z Aaima Dandelions 144 4428 proofread-page text/x-wiki <noinclude><pagequality level="3" user="Seeharee" />{{c|37}}</noinclude>Ekala' lekkassa tjarèta Ghoes Kamal ladjhoe abăli ka pamaènanna polè, njambi pèssè padjoena paḍi ghellă'. Napa'na kadjǎḍijă ra-kèra la pokol 1 doehoer; mosona ghellǎ' ètemmo ghi' paḍă amaèn, ghi' taḍǎ' sè amboeă; abǎ'na pas terros atjampo maèn polè. Nèng napa' ghăn pokol 12 malem pèssèna Ghoes Kamal la ghoenḍhăs, taḍa' karèna sasigără bhǎlǎkka'. Amarghǎ djarèja Ghoes Kamal talèbăt panassa, pangghăliǎnna sompek sarta sang-posang ta' karoan, njarè pèssè èkabhǎndhǎ'a polè ta' anḍi' pangareppan, ladjhoe ngampet napsona, sarta terros adjhălăn saparan-paranna, sabăb ghoebhărǎ tako' ka aghoengnga, marghă la angrasa anḍi' dhoesa radjǎ; ijǎ bhenḍer katako'anna ka aghoengnga ta' sara, tapè arassa tjè' toḍoessa. Katjatora aghoengnga saellana mèjarsa atorra tokang tegghoe'na sabǎna, djhǎ' Ghoes Kamal matoron paḍi ḍări lombhoeng, apa polè la pan-bărǎmpan malem taḍă' ghoebhăr, la tantona so'è songkan pangghăliǎnna, sekkel sarta sompek ta' sakèra-kèra, kongsè kapolèan songkanna, sabăb sanjatana ri'-bări'na lakar ta' njaman rassana, songkan èlowar, èḍǎlem ngaghǎli parkara tèngka-polana bădjǎna; boe-èmboe satèja tjara djărèja, la tantona so'è sara. Molaè ḍări djărèja aghoengnga Ghoes Kamal pas songkan ongghoeăn, ta' ngennèng alongghoe bhǎlǎkka', kongsè andhăddhiăghi taladjăna. Ghi' roe-bhoeroe Ghoes Kamal arassa rentek pangghǎliănna, marghǎ kasèdhǎ'ǎn aghoengnga, tapè ta' abit, sabăb èkennèng palèpor bi' pangalèboerră, tasalèmor ḍări bhărăng dhădhingghălăn (bărisanna), ladjhoe èsak polè, sabăb bhǎrang dhădhingghǎlănna aghoengnga ta' èṭal-pèṭal, paḍă tèbhă ka abǎ'na ka- kabbhi. Nalèka ghi' sowarghăna aghoengnga, Ghoes Kamal arassa ta' bǎsisa ngalakonè kasennengnganna sè kalabăn ngangghoej pèssè, maskè sabhărăng panjo'onna ka aghoengnga ta' tao ta' èatorè; sabăb mon taghăsèk ghălloe njo'on, tanto arassa toḍoes dhibi'; anangèng satèja abă'na arassa tjè' băsisana, taḍǎ' sè ngertanana, sabăb dhoennjana aghoengnga la èkaanḍi' kakabbhi. Amargha djărèja abǎ'na so'è dhăddhi ghilana ka maèn. Mon teppa'na masana toktokanna embi', Ghoes Kamal kongsè kaaghoengan embi' addhoeǎn abellăsan, sarta ghoes-bhăghoes, kabellina 20-30 ropèja. Mon masana addhoeănna ghommek, è dhǎlemma kongsè akarantongan bi' korongnga ghemmek. Pangaddhoena ghemmek mastè étaroè kongsè apoloan ropèja; apa polè mon njaboeng otabă negghel adjăm so'è radjă tarona, sabăb la toman atataroan radja. E nalèka sèttong arè Ghoes Kamal ngaddhoe embi' toktokanna, èghănḍhing dhibi'. Saellana embi'na èaddhoe, pas kala sarta èsorak băn epalo-malo bi' mosona. Sarrèna abă'na èsorak băn<noinclude>[[Category: Bhâsa Madhurâ]]</noinclude> trr54rr5yfbn3jqep1qg6k0tseiicsn 250 65 4429 202 2026-07-08T04:21:34Z Aaima Dandelions 144 4429 proofread-page text/x-wiki <noinclude><pagequality level="3" user="Seeharee" />{{c|38}}</noinclude>èpalo-malo bǎt-talèbăt, molana ta' mèkkèr landjhǎng polè, ladjhoe norkop mosona, kongsè djhǎr-ghădjir ḍără. Ghoes Kamal pas èghoeghăt ka pangadhilăn sè polana norkop, ladjhoe èḍhindhǎ f 16; apa polè abă'na arassa toḍoes, marghă ngaḍhep parkara. Ta' rang-korang kalakoanna Ghoes Kamal sè nè-anè. Satèja engko' nèng ngala'a panḍă'na bhăi. Katjatora dhoennja dhădhingghălănna aghoengnga sè talèbăt bănnja'na ghellă', nèng èḍălem nem taon la tompes kakabbhi, taḍă’ karèna nè-sakonè'a bhălăkka’; sabă băn kebhoenna sarta bhǎrăng emmas èntenna paḍă taḍă' èdjhoewǎl ḍă-moḍă, èkabhǎndhǎ maèn. Di-boeḍina pas adjhoewăl dhălem băn pakaranganna; abă'na pas monḍhoet dhǎlem nè'-kènè' tjangghă perrèng, pakaranganna nèng satjalomèng, sabăb pangambrina sokkor èkennèng kalongghoei băkto sèjang bhăi, ta' kongsè asarè èpèngghir lorong, karana mon malem ngalèlèng samanè, andhoen amaèn ka bengkona tja-kantjana. Ghi' bilăn pamaènna Ghoes Kamal rèja nèng èkaghăbăj boer-lèboerăn malolo; tapè satèja dhăddhi kasappa, sabăb ta' nemmo djhălăn pangorèpan laènna. Mon pamaènna abă'na ta' mennang, ghãsèk aḍhă'ăr asella arè. Dhinèng robăna Ghoes Kamal rèja la taḍă' tjora'na orèng aghoeng sakalè, katon tjè' djhoebă'na, marghǎ gheddhă', rang-rang asèram, bhadhǎnna koros, robăna messom, sotjana tjelkong sarta dhirdhir, polana korang asarè, nè-samanè atonggoe' amaèn; la-mala mon ḍăteng lèboerră ongghoe, kongsè atonggoe' ḍoe malem, ta' asarè sakeddjhă'ǎ bhālākka', ngonggoet amaèn bhǎi. Ghoes Kamal ghellă' la ḍoe kalè maso' kapatanḍhăn, margha abă'na taḍă' èpamadjără ḍhenḍhă sè polana ètangkep maèn. Bit-abit Ghoes Kamal pas songkan băto' kerrèng, marghă korang asarè sarta tabănnja' ghălloe alongghoe. Amarghǎ djărèja abǎ'na arassa talèbăt njanḍhăng kasossa'an băn kamalaratan, bhădhǎnna rosak, dhoennjana tompes, kan-songkanen kongsè pan-bărǎmpan taon. Pangalèboerrăă ka maèn ghi' terros èlakonè, tapè ta' kongsè băt-talèbăt tjara kaaḍǎ'na, sabăb la dhǎddhi kasappa sarta nambhăi kataghiănna. Saopama Ghoes Kamal ta' kaaghoengan bhănḍhă, abǎ'na ngondjhăng orèng amaèn ka dhălemma, nèng marloaghi tjokèna, sopadjă èkennènga kabǎlăndjhă băn èkabhǎnḍhă maèn. Panḍă', Ghoes Kamal rèja, sè polana ghilǎ ka maèn, kongsè rosak bhădhǎnna, rosak adhăt băn tètèngkanna, sarta èlang pangatoḍoessa; ontongnga abă'na ta' kongsè adjhălănè ngètjo', nèng ampo nadjabhăn malolo.<noinclude>[[Category: Bhâsa Madhurâ]]</noinclude> 2yz3zkzl20xw3cz0fsoqwhkvy65gwur 4431 4429 2026-07-08T05:19:57Z Alfiyah Rizzy Afdiquni 62 4431 proofread-page text/x-wiki <noinclude><pagequality level="3" user="Seeharee" />{{rh||38|}}</noinclude>èpalo-malo bǎt-talèbăt, molana ta' mèkkèr landjhǎng polè, ladjhoe norkop mosona, kongsè djhǎr-ghădjir ḍără. Ghoes Kamal pas èghoeghăt ka pangadhilăn sè polana norkop, ladjhoe èḍhindhǎ ''f'' 16; apa polè abă'na arassa toḍoes, marghă ngaḍhep parkara. Ta' rang-korang kalakoanna Ghoes Kamal sè nè-anè. Satèja engko' nèng ngala'a panḍă'na bhăi. Katjatora dhoennja dhădhingghălănna aghoengnga sè talèbăt bănnja'na ghellă', nèng èḍălem nem taon la tompes kakabbhi, taḍă’ karèna nè-sakonè'a bhălăkka’; sabă băn kebhoenna sarta bhǎrăng emmas èntenna paḍă taḍă' èdjhoewǎl ḍă-moḍă, èkabhǎndhǎ maèn. Di-boeḍina pas adjhoewăl dhălem băn pakaranganna; abă'na pas monḍhoet dhǎlem nè'-kènè' tjangghă perrèng, pakaranganna nèng satjalomèng, sabăb pangambrina sokkor èkennèng kalongghoei băkto sèjang bhăi, ta' kongsè asarè èpèngghir lorong, karana mon malem ngalèlèng samanè, andhoen amaèn ka bengkona tja-kantjana. Ghi' bilăn pamaènna Ghoes Kamal rèja nèng èkaghăbăj boer-lèboerăn malolo; tapè satèja dhăddhi kasappa, sabăb ta' nemmo djhălăn pangorèpan laènna. Mon pamaènna abă'na ta' mennang, ghãsèk aḍhă'ăr asella arè. Dhinèng robăna Ghoes Kamal rèja la taḍă' tjora'na orèng aghoeng sakalè, katon tjè' djhoebă'na, marghǎ gheddhă', rang-rang asèram, bhadhǎnna koros, robăna messom, sotjana tjelkong sarta dhirdhir, polana korang asarè, nè-samanè atonggoe' amaèn; la-mala mon ḍăteng lèboerră ongghoe, kongsè atonggoe' ḍoe malem, ta' asarè sakeddjhă'ǎ bhālākka', ngonggoet amaèn bhǎi. Ghoes Kamal ghellă' la ḍoe kalè maso' kapatanḍhăn, margha abă'na taḍă' èpamadjără ḍhenḍhă sè polana ètangkep maèn. Bit-abit Ghoes Kamal pas songkan băto' kerrèng, marghă korang asarè sarta tabănnja' ghălloe alongghoe. Amarghǎ djărèja abǎ'na arassa talèbăt njanḍhăng kasossa'an băn kamalaratan, bhădhǎnna rosak, dhoennjana tompes, kan-songkanen kongsè pan-bărǎmpan taon. Pangalèboerrăă ka maèn ghi' terros èlakonè, tapè ta' kongsè băt-talèbăt tjara kaaḍǎ'na, sabăb la dhǎddhi kasappa sarta nambhăi kataghiănna. Saopama Ghoes Kamal ta' kaaghoengan bhănḍhă, abǎ'na ngondjhăng orèng amaèn ka dhălemma, nèng marloaghi tjokèna, sopadjă èkennènga kabǎlăndjhă băn èkabhǎnḍhă maèn. Panḍă', Ghoes Kamal rèja, sè polana ghilǎ ka maèn, kongsè rosak bhădhǎnna, rosak adhăt băn tètèngkanna, sarta èlang pangatoḍoessa; ontongnga abă'na ta' kongsè adjhălănè ngètjo', nèng ampo nadjabhăn malolo.<noinclude></noinclude> k92b6hjrg8zmwgqf2xsfm5xkijvm06b 250 613 4430 2478 2026-07-08T05:15:47Z Alfiyah Rizzy Afdiquni 62 4430 proofread-page text/x-wiki <noinclude><pagequality level="3" user="Seeharee" />{{rh||87|}}</noinclude>è ḍǎlem ghoewă ta' kongsèa possa' băn aèng. Bă'na tantona ijă ella tao mon è dǎlem tana sè dilemma torkadhang kongsè 500 M. bănnja' aèngnga. Ghoewă pangalèan djǎrèja torkadhang enneng è băbăna dhassarra songaj, la-mala băḍă sè ngalatjo' ka băbăna tasè'. Aèng sè è ḍǎlem ghoewă pangalèan djărèja èkompa kalowar ngangghoej kompa radjă. Băḍă polè sè parlo èdjăgă băn Sinjoérra pangalèan, ijă arèja bhăb hǎwǎ sè bhersè; sabab è kennengngan sè tjara djărèja ḍǎlemma sarta bǎnnja' orèngnga sè alalakon, hawǎ sè èkanjabă lekkas kotor. Amarghă ḍări djarèja è djadijă băḍă messin radjă sè mamaso' hawă bhersè dări lowar, sarta makalowar hawǎ sè kotor ḍări dǎlem pangalèan. È kètab Pangghellar Bhoeddhi djhilid I bă'na ella matja tjarètana orèng aghăbăj lampoe găs ḍări areng băto. Bǎrijă kèja areng bato sè enneng è dǎlem tana ijă bănnja' hǎwăna găs sè ghămpang rebbhăngnga; molana è pangalèan ghellǎ torkadhǎng possa' băn hăwă găs; orèngnga sè paḍă băḍă è djădijă tanto matè. Apa polè bilă găs djǎrèja rebbhăng, orèngnga tanto dhăddhi aboe. Dhǎddhi njata pangghăbăjăn è dalem pangalèan djărèja bănnè pangghǎbăjăn sè senneng, sakèng bănnja'na bhă- bhǎdjǎna, ijă arèja paghoedjoerră tana, panjombherrǎ aèng otabǎ paleddhoe'na pangalèan amargha rebbhǎngnga hǎwǎ gas; molana orèng sè alako è djădija kodhoe ngastètè ongghoe.<noinclude>[[Category: Bhâsa Madhurâ]]</noinclude> lj0ws6wpyeucsx3btxazb4hlixonb1b