Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.10 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 211 4440 1005 2026-07-14T05:52:14Z R.hidayatdharma 219 /* Telah diuji baca */ 4440 proofread-page text/x-wiki <noinclude><pagequality level="3" user="Seeharee" />{{c|82}}</noinclude>apa è djhălăn. Èḍălem atèna Gulliver tje' tarèma kasina ḍǎ' Rato băn rèng-orèng naghără djăḍijă, sè paḍă bettjé' pangraksa băn pangangghebbhă ḍă' abă'na. Abiddhă laladjărănna Gulliver sè satèja ra-kèra tello mènggoe. Parao sè ètompa' senṭèk, padjhălănna santa' lèbăt saghără radjă, tambă arè tambă semma' ḍǎ' naghără paḍoempa'anna ḍărăna. È băkto tengnga malem ma' pas ètjapo' angèn salaboeng, paraona ètongngo' kangsè aobă alowanna, molana napa'na ḍă' polo Loegnag semmo modi ḍări arè sè ètantoaghi. Samarèna salaboeng langngè'na bhersè polè, paraona santa' masè njèbǎ'ǎ ombǎ' sè bălǎoe ngadirǎp, mantjer ka polo. Gulliver agher sè napa'a ḍǎ' tèngghǎngan. Sabăb mon ella napa', sarat ella adjhălăn satèndhak sè molè ḍǎ' naghǎră Inggris. Ta' abit pèngghir sèrèng katjèrra polo, sè aghoemo' bǎto dhoerdjhet ella katon, ladjhoe napa' ḍă' mowarana songaj Keloemegenig, ijă arèja bhăbhăghăn palabbhoeǎnna polo Loegnag. Antara saeddjhăm djhăoena ḍări koṭṭa, paraona pas njabbhoer djhăngkar, bǎn aberri' tanḍhă djhǎ' mènta ellos. Antara satengnga eddjhăm ellossa la ḍateng kaḍoewǎ. Djărèja sè ngamoḍḍhi paraona èpalèbăt èantarana song-ghoesong, rang-karang băn paras. Mon ta' ngangghoej ellos, tanto parao djărèja ta' ngennèng maso' ka palabbhoeăn. Ta' abit parao napa' ḍă' tjongappa songaj, ladjhoe maso' ḍǎ' palabbhoeăn semma' ka koṭṭa. Bădă troes-mattroes sè è djhălăn akanḍhă ḍă' ellos, djhǎ' Gulliver asal ḍari naghără djhăoe. È naghǎră djǎḍijă èlarang kerras, ta' kalèllan orèng mantja alebbhoe. Molana parkara djǎrèja pas èatorraghi ḍǎ' pardjădji bhǎndhǎrăn. Bhăareng Gulliver ongghǎ'ă ḍă' dhărǎt, ladjhoe ètahan băn pongghăbăna bhǎndhăr, sarta èparèksa tjè' tètèna. Pongghăbă djărèja ngotja' tjara Lapoeta ḍă' Gulliver. Serrèna djhălǎnna dhădhăghăngan neng-è Lapoeta băn Loegnag kalèbăt rammè, dhǎddhi ghǎr-sodhǎghăr băn dji-pardjădji palabbhoeǎn èdjǎdijǎ tjè' pasèna sè atjatja tjara Lapoeta. Gulliver ijă njaot kalabǎn bhăsa Lapoeta kèja, băb padjhălănanna ḍă' Lapoeta băn ḍǎ' Loegnag. Abǎ'na sè nerrangngaghi kalaban panḍǎ', nangèng djhǎrna'. Abǎ'na nèmbhǎng parlo abettjè'an ta' ngako djhǎ' bhăngsa Inggris, apabădhán bhǎngsa Bălăndhǎ bhǎi; sabăb abǎ'na asaddjhǎ aladjără ḍǎ' Djeppang, mangka sè ollè maso' ka djáḍijă njèng bhăngsa Bălăndhă malolo. Molana Gulliver ngotja' ka bhǎndhăr, djhǎ' abǎ'na asal ḍări Nederland, ètjapo' bhǎrăt paraona remmok èseddhi'na pèngghir sèrèngnga Lapoeta, tja-kantjana kabbhi paḍă matè; tjoma abă'na dhibi' sè èkennèng tolong, ijă arèja bi' polo ngabăng. Ta' abit èparèngè èdhi bi' Rato Lapoeta èntar ḍă' Maldonado. Dări djǎdijă pas terros ḍǎ' Loegnag, èntara ḍă' Djeppang. Dhinèng ḍări Djeppang mon băḍă kapal, terrosa molè ḍă' naghǎrǎna.<noinclude>[[Category: Bhâsa Madhurâ]]</noinclude> 5gpi0pdv7sntf6r1t5kjina7ji59p5x