Wikipedia
miwiki
https://mi.wikipedia.org/wiki/Hau_K%C4%81inga
MediaWiki 1.47.0-wmf.10
first-letter
Media
Special
Talk
User
User talk
Wikipedia
Wikipedia talk
File
File talk
MediaWiki
MediaWiki talk
Template
Template talk
Help
Help talk
Category
Category talk
TimedText
TimedText talk
Module
Module talk
Event
Event talk
Takuu
0
4054
168364
164571
2026-07-09T18:53:59Z
~2026-38464-43
23373
/* Mātai matawhenua */
168364
wikitext
text/x-wiki
[[File:TakuuVillage.jpg|600px|thumb|Ko Nukutoa, te kāinga nui o Takuu, i te tau 2000. Nā Hamish McDonald te whakaahua nei]]'''Takuu''' (arā '''Tauu''', '''Mortlock Islands''' rānei) he rōpū moutere itiiti, e noho taratahi ana i te moana ki te rāwhiti atu o Bougainville, [[Papua Nūkini]].
== Mātai matawhenua ==
===And And And And===
[[File:Takuu ISS002-E-5632 2.jpg|thumb|left|300px|Takuu]]
Ka noho whakarua atu a Takuu i Kieta, te tāone matua o Bougainville, e 250 kiromita pea te tawhiti. Ko te takoto o ngā moutere, pēnei i te porohita; tekau mā toru ngā moutere ki te taha rāwhiti, kotahi anō ki te taha uru-mā-raki. Ko te moutere o Takuu te moutere nui o te taha rāwhiti. Ka noho kē te nuinga o ngā tāngata ki tētahi moutere iti e tata ana ki Takuu, ko Nukutoa te ingoa. He tāpotupotu rawa atu te noho o ngā moutere, kotahi mita, e rua mita noa iho rānei te teitei i runga ake i te tai pari, me te aha, he raruraru kei te haere. Nā ngā mahi kikino a Ruaumoko, totohu haere ai ngā moutere; nā ngā mahi nanakia a Tama-nui-te-rā, ka hika haere te mahana o te ao, ā, ka mutu, he pāhekeheke te noho o ngā moutere nei, ka panuku haere te tai, he 20 henimita i te tau. Ki tā Ahorangi Richard Moyle nō Te Whare Wānanga o Tāmaki-makau-rau, he poto rawa atu te wā ka toe ki ngā iwi o Takuu. Nō te kōkiri haere o te tai, ka pau haere ngā kai o te whenua, ā, kāhore kau he oranga mō ngā iwi o Takuu. Kāore e taea te pēhea. Tēnā pea, mā ngā whānau nō Takuu e noho ana ki Papua Nūkini e manaaki ētahi o ō rātou whanaunga, engari, nō te mea e noho marara ana rātou, kāore e kore ka mate haere te noho tahi o ngā tāngata o Takuu (Wane 2005:10).
== Ngā iwi o Takuu ==
E 600 pea ngā tāngata e noho ana i ngā moutere nei, he iwi whanaunga rātou ki ngā Māori, arā he iwi e ahu mai ana i ngā moutere o Te Moana-nui-a-Kiwa. He whanaunga tata ngā iwi o Takuu ki ngā iwi o [[Hāmoa]], o [[Tokelau]]; e āhua tata ana hoki tō rātou reo ki te reo o Tokelau. Ko Takuu tētahi o moutere marara e noho ana ki waho o te tapatoru o [[Porinihia]].
He tino kaha ngā iwi o Takuu ki te mau i tikanga a ō rātou tūpuna, ki te tiaki i ō rātou wāhi tapu. Hei ārai i ngā tikanga a iwi kē, i rāhuitia e rātou ngā moutere kia kore e ekea e te tauhou. E 25 ngā tau i mau pērā ai taua rāhui. Kāore e taea e te mihingare, e tauiwi hoki, te whakauru ki Takuu. E whā noa iho ngā kairangahau e āhai ana te noho ki reira mō te wā poto. Kātahi anō i hikitia ai taua rāhui, arā nō ngā tau rima kua hipa nei, nō te hokinga mai o ngā taitamariki o reira i ō rātou kura i te tuawhenua o [[Papua Nūkini]].
Mai rā anō, mai rā anō, kua mau ngā tikanga a ngā tūpuna i ngā iwi o Takuu. He āhua tawhito o ngā whare o reira, e tū tata ana tētahi ki tētahi. Ko ngā kokonati ngā rākau anake o ngā moutere. Ka whakamahia te huarahi matua hei marae, hei wāhi mō ngā tikanga a te iwi. He tino whai tikanga ngā waiata o Takuu. Roa rawa ngā tau i tū mokemoke aua moutere nei. Me te aha anō, kei te waiatatia tonutia ngā tino waiata o mua, kei te kōrerotia tonutia ngā korero o mua, tae noa ki ngā kanikani o mua. He maha ngā waiata nō mua i te taenga mai o te Pākehā i te rautau 19. Ko te kaupapa o ēnei waiata ngā rerenga waka i waenganui i ngā moutere; ka pau i ngā iwi kia 30 ngā haora i te wiki ki te kanikani (Wane 2005). He maha hoki ngā waiata e whakanui ana i ngā hononga i waenganui o ngā iwi, ahakoa he hononga i ngā whānau ki te mahi, ahakoa he hononga ki ngā tūpuna, kia tau mai te atawhai, te manaaki o ngā tūpuna i ngā wā o te hiahiatanga.
== Te Reo o Takuu ==
He reo Porinīhia te reo o ngā iwi o Takuu, arā he whanaunga taua reo ki te [[reo Māori]]. E ai ki ā ngā tohunga wetereo whakapapa i ngā reo, kei roto a Takuu i te rōpū 'Ellicean outlier'. Ko ētahi atu mema o taua rōpū ko ngā reo o Tuvalu, Nukuoro, Kapingamarangi, Nukuria, Nukumanu, Luangiua, Sikaiana me Pileni. Ko aua reo, arā ngā reo nō ngā moutere marara nei o Porinīhia, kei roto anō i te rōpū 'Ellicean'; ko ngā reo e kīa nei ko ngā reo 'Samoic', arā ngā reo o [[Hāmoa]], o Tokelau he rōpū anō i roto i Ellicean. E ai te whakarārangitanga o mua, kei roto ēnei reo katoa i te rōpū 'Samoic Outlier' kē.
<center>
{| class="wikitable" |
!
![[Reo Takuu|Takuu]]
![[Reo Hāmoa|Hāmoa]]
![[Reo Tokelau|Tokelau]]
![[Reo Hawaii|Hawaii]]
![[Reo Rarotonga|Rarotonga]]
![[Reo Māori|Māori]]
|-
|''rangi''
|{{IPA|/ɾani/}}
|{{IPA|/laŋi/}}
|{{IPA|}}
|{{IPA|/lani/}}
|{{IPA|/ɾaŋi/}}
|{{IPA|/ɾaŋi/}}
|-
|''tokerau''
|{{IPA|/tokoɾau/}}
|{{IPA|/toʔelau/}}
|{{IPA|/tokelau/}}
|{{IPA|/koʔolau/}}
|{{IPA|/tokeɾau/}}
|{{IPA|/tokeɾau/}}
|-
|''wahine''
|{{IPA|/ffine/}}
|{{IPA|/fafine/}}
|{{IPA|/fafine/}}
|{{IPA|/wahine/}}
|{{IPA|/vaʔine/}}
|{{IPA|/wahine/}}
|-
|''whare''
|{{IPA|/faɾe/}}
|{{IPA|/fale/}}
|{{IPA|/fale/}}
|{{IPA|/hale/}}
|{{IPA|/ʔaɾe/}}
|{{IPA|/ɸaɾe/}}
|-
|''matua''
|{{IPA|/ma:tua/}}
|{{IPA|/matua/}}
|{{IPA|}}
|{{IPA|/makua/}}
|{{IPA|/metua/}}
|{{IPA|/matua/}}
|-
|''whaea''
|{{IPA|/tinna/, /tinna:/}}
|{{IPA|/tina:/}}
|{{IPA|/ma:tua/}}
|{{IPA|/makuahine/}}
|{{IPA|/ma:ma:/}}
|{{IPA|/ɸaea/}}
|-
|''matua, pāpā''
|{{IPA|/tama/, /tamana/}}
|{{IPA|/tama:/}}
|{{IPA|/tama/, /tamana/}}
|{{IPA|/makua ka:ne/}}
|{{IPA|/metua/, /pa:pa:/}}
|{{IPA|/matua/, /pa:pa:/}}
|}
</center>
== Ngā rauemi mahi kai ==
[[File:NukutoaHighTide.JPG|thumb|right|350px|Ka ngaua te moutere o Nukutoa, Takuu, e te tai pari]]He ruarua noa iho ngā rauemi mahi kai o Takuu; arā ko te ngaki taro tētahi, ko te hī ika tētahi. I ngā tau kua pahure ake nei, ka whakakinongia te whenua e te wai tai, ka uaua haere te ngaki taro, ā, he ruarua noa iho ngā wāhi pai hei whakatakotoranga mō ngā waka hī ika. Ka pau haere ngā kai, ā, kua puta ngā inoi o ngā iwi o Takuu ki Papua Nūkini ki te āwhina mai. Kotahi anō te kaipuke kawe taonga ki Takuu, ko te "Atoll Queen" tērā. I te 2001, kei te tapi haere te pūkaha o taua kaipuke mō ngā marama e ono; i taua wā, he nui rawa te hiakai me te takaonge o Takuu.
Nō ngā wiki whakatuwhera o 2006, anea kau ana ngā moutere i te āwhā, ā, ka kino haere anō te noho a te iwi. Ko te āhua nei, kei te ngaro haere a Takuu. Kāhore kau he ahumahi whai kiko, kāhore kau he moni mā te iwi. Pēhea rangona ai e te ao hurihuri nei ngā inoi o ēnei moutere itiiti nei. I te kore moni, kua whakarerea tētahi kaupapa ki te hanga i tētahi matatara hei aukati i ngā ngaru o tai (Wane 2005:12).
Ko te āhua nei, he aituā kei te haere mō ngā iwi Porinīhia o ngā moutere morehu itiiti nei.
== Tirohia hoki ==
* [[Reo Māori]]
== Hoto ki waho ==
* [http://www.ingenio.auckland.ac.nz/shadomx/apps/fms/fmsdownload.cfm?file_uuid=D1303EF8-DDB3-CE70-6D3F-012633FD8DCB&siteName=uoa I mua i te waipuke] ''Ingenio'', he puka maheni o te Whare Wānanga o Tāmaki-makau-rau (konae pdf, reo Pākehā)
* [https://web.archive.org/web/20060821182233/http://web.singnet.com.sg/~tonym/islands.html Mortlock Islands] Ngā rōpū moutere e rua e kīa nei ko ngā "Mortlock Islands" (reo Pākehā)
* [https://web.archive.org/web/20060922044954/http://archives.cnn.com/2001/WORLD/asiapcf/auspac/03/08/PNG.takuu.transportation/index.html Hiakai ki Takuu] CNN.com/World (reo Pākehā)
* [http://members.tripod.com/~Lakoa_Fitina/takass.html Takuu Islands Association] He rōpū e mahi ana kia whakaputa ai ngā moutere (reo Pākehā)
* [http://www.islandsbusiness.com/islands_business/index_dynamic/containerNameToReplace=MiddleMiddle/focusModuleID=15847/overideSkinName=issueArticle-full.tpl Aituā ki Takuu] ''Islands Business'' (reo Pākehā)
== Tohutoro ==
* [http://language.psy.auckland.ac.nz/austronesian/language.php?id=244 Ngā rārangi kupu o ngā reo o Te Ao-o-Kiwa] mō Takuu.
* Joanna Wane, 2005. 'Before the Flood'. ''Ingenio et Labore: Whare Wānanga o Tāmaki-makau-rau'', Spring 2005:10, 12. URL: [http://www.ingenio.auckland.ac.nz/shadomx/apps/fms/fmsdownload.cfm?file_uuid=D1303EF8-DDB3-CE70-6D3F-012633FD8DCB&siteName=uoa www.ingenio.auckland.ac.nz].
{{Polynesia}}
[[Category:Porinīhia]]
[[Category:Papua Nūkini]]
[[Category:Tuhipānui pai]]
btrgpmrsbjsy6h8rf0cxiczn6iehxzt
168367
168364
2026-07-10T04:02:02Z
Gadfium
258
kaikino
168367
wikitext
text/x-wiki
[[File:TakuuVillage.jpg|600px|thumb|Ko Nukutoa, te kāinga nui o Takuu, i te tau 2000. Nā Hamish McDonald te whakaahua nei]]'''Takuu''' (arā '''Tauu''', '''Mortlock Islands''' rānei) he rōpū moutere itiiti, e noho taratahi ana i te moana ki te rāwhiti atu o Bougainville, [[Papua Nūkini]].
== Mātai matawhenua ==
[[File:Takuu ISS002-E-5632 2.jpg|thumb|left|300px|Takuu]]
Ka noho whakarua atu a Takuu i Kieta, te tāone matua o Bougainville, e 250 kiromita pea te tawhiti. Ko te takoto o ngā moutere, pēnei i te porohita; tekau mā toru ngā moutere ki te taha rāwhiti, kotahi anō ki te taha uru-mā-raki. Ko te moutere o Takuu te moutere nui o te taha rāwhiti. Ka noho kē te nuinga o ngā tāngata ki tētahi moutere iti e tata ana ki Takuu, ko Nukutoa te ingoa. He tāpotupotu rawa atu te noho o ngā moutere, kotahi mita, e rua mita noa iho rānei te teitei i runga ake i te tai pari, me te aha, he raruraru kei te haere. Nā ngā mahi kikino a Ruaumoko, totohu haere ai ngā moutere; nā ngā mahi nanakia a Tama-nui-te-rā, ka hika haere te mahana o te ao, ā, ka mutu, he pāhekeheke te noho o ngā moutere nei, ka panuku haere te tai, he 20 henimita i te tau. Ki tā Ahorangi Richard Moyle nō Te Whare Wānanga o Tāmaki-makau-rau, he poto rawa atu te wā ka toe ki ngā iwi o Takuu. Nō te kōkiri haere o te tai, ka pau haere ngā kai o te whenua, ā, kāhore kau he oranga mō ngā iwi o Takuu. Kāore e taea te pēhea. Tēnā pea, mā ngā whānau nō Takuu e noho ana ki Papua Nūkini e manaaki ētahi o ō rātou whanaunga, engari, nō te mea e noho marara ana rātou, kāore e kore ka mate haere te noho tahi o ngā tāngata o Takuu (Wane 2005:10).
== Ngā iwi o Takuu ==
E 600 pea ngā tāngata e noho ana i ngā moutere nei, he iwi whanaunga rātou ki ngā Māori, arā he iwi e ahu mai ana i ngā moutere o Te Moana-nui-a-Kiwa. He whanaunga tata ngā iwi o Takuu ki ngā iwi o [[Hāmoa]], o [[Tokelau]]; e āhua tata ana hoki tō rātou reo ki te reo o Tokelau. Ko Takuu tētahi o moutere marara e noho ana ki waho o te tapatoru o [[Porinihia]].
He tino kaha ngā iwi o Takuu ki te mau i tikanga a ō rātou tūpuna, ki te tiaki i ō rātou wāhi tapu. Hei ārai i ngā tikanga a iwi kē, i rāhuitia e rātou ngā moutere kia kore e ekea e te tauhou. E 25 ngā tau i mau pērā ai taua rāhui. Kāore e taea e te mihingare, e tauiwi hoki, te whakauru ki Takuu. E whā noa iho ngā kairangahau e āhai ana te noho ki reira mō te wā poto. Kātahi anō i hikitia ai taua rāhui, arā nō ngā tau rima kua hipa nei, nō te hokinga mai o ngā taitamariki o reira i ō rātou kura i te tuawhenua o [[Papua Nūkini]].
Mai rā anō, mai rā anō, kua mau ngā tikanga a ngā tūpuna i ngā iwi o Takuu. He āhua tawhito o ngā whare o reira, e tū tata ana tētahi ki tētahi. Ko ngā kokonati ngā rākau anake o ngā moutere. Ka whakamahia te huarahi matua hei marae, hei wāhi mō ngā tikanga a te iwi. He tino whai tikanga ngā waiata o Takuu. Roa rawa ngā tau i tū mokemoke aua moutere nei. Me te aha anō, kei te waiatatia tonutia ngā tino waiata o mua, kei te kōrerotia tonutia ngā korero o mua, tae noa ki ngā kanikani o mua. He maha ngā waiata nō mua i te taenga mai o te Pākehā i te rautau 19. Ko te kaupapa o ēnei waiata ngā rerenga waka i waenganui i ngā moutere; ka pau i ngā iwi kia 30 ngā haora i te wiki ki te kanikani (Wane 2005). He maha hoki ngā waiata e whakanui ana i ngā hononga i waenganui o ngā iwi, ahakoa he hononga i ngā whānau ki te mahi, ahakoa he hononga ki ngā tūpuna, kia tau mai te atawhai, te manaaki o ngā tūpuna i ngā wā o te hiahiatanga.
== Te Reo o Takuu ==
He reo Porinīhia te reo o ngā iwi o Takuu, arā he whanaunga taua reo ki te [[reo Māori]]. E ai ki ā ngā tohunga wetereo whakapapa i ngā reo, kei roto a Takuu i te rōpū 'Ellicean outlier'. Ko ētahi atu mema o taua rōpū ko ngā reo o Tuvalu, Nukuoro, Kapingamarangi, Nukuria, Nukumanu, Luangiua, Sikaiana me Pileni. Ko aua reo, arā ngā reo nō ngā moutere marara nei o Porinīhia, kei roto anō i te rōpū 'Ellicean'; ko ngā reo e kīa nei ko ngā reo 'Samoic', arā ngā reo o [[Hāmoa]], o Tokelau he rōpū anō i roto i Ellicean. E ai te whakarārangitanga o mua, kei roto ēnei reo katoa i te rōpū 'Samoic Outlier' kē.
<center>
{| class="wikitable" |
!
![[Reo Takuu|Takuu]]
![[Reo Hāmoa|Hāmoa]]
![[Reo Tokelau|Tokelau]]
![[Reo Hawaii|Hawaii]]
![[Reo Rarotonga|Rarotonga]]
![[Reo Māori|Māori]]
|-
|''rangi''
|{{IPA|/ɾani/}}
|{{IPA|/laŋi/}}
|{{IPA|}}
|{{IPA|/lani/}}
|{{IPA|/ɾaŋi/}}
|{{IPA|/ɾaŋi/}}
|-
|''tokerau''
|{{IPA|/tokoɾau/}}
|{{IPA|/toʔelau/}}
|{{IPA|/tokelau/}}
|{{IPA|/koʔolau/}}
|{{IPA|/tokeɾau/}}
|{{IPA|/tokeɾau/}}
|-
|''wahine''
|{{IPA|/ffine/}}
|{{IPA|/fafine/}}
|{{IPA|/fafine/}}
|{{IPA|/wahine/}}
|{{IPA|/vaʔine/}}
|{{IPA|/wahine/}}
|-
|''whare''
|{{IPA|/faɾe/}}
|{{IPA|/fale/}}
|{{IPA|/fale/}}
|{{IPA|/hale/}}
|{{IPA|/ʔaɾe/}}
|{{IPA|/ɸaɾe/}}
|-
|''matua''
|{{IPA|/ma:tua/}}
|{{IPA|/matua/}}
|{{IPA|}}
|{{IPA|/makua/}}
|{{IPA|/metua/}}
|{{IPA|/matua/}}
|-
|''whaea''
|{{IPA|/tinna/, /tinna:/}}
|{{IPA|/tina:/}}
|{{IPA|/ma:tua/}}
|{{IPA|/makuahine/}}
|{{IPA|/ma:ma:/}}
|{{IPA|/ɸaea/}}
|-
|''matua, pāpā''
|{{IPA|/tama/, /tamana/}}
|{{IPA|/tama:/}}
|{{IPA|/tama/, /tamana/}}
|{{IPA|/makua ka:ne/}}
|{{IPA|/metua/, /pa:pa:/}}
|{{IPA|/matua/, /pa:pa:/}}
|}
</center>
== Ngā rauemi mahi kai ==
[[File:NukutoaHighTide.JPG|thumb|right|350px|Ka ngaua te moutere o Nukutoa, Takuu, e te tai pari]]He ruarua noa iho ngā rauemi mahi kai o Takuu; arā ko te ngaki taro tētahi, ko te hī ika tētahi. I ngā tau kua pahure ake nei, ka whakakinongia te whenua e te wai tai, ka uaua haere te ngaki taro, ā, he ruarua noa iho ngā wāhi pai hei whakatakotoranga mō ngā waka hī ika. Ka pau haere ngā kai, ā, kua puta ngā inoi o ngā iwi o Takuu ki Papua Nūkini ki te āwhina mai. Kotahi anō te kaipuke kawe taonga ki Takuu, ko te "Atoll Queen" tērā. I te 2001, kei te tapi haere te pūkaha o taua kaipuke mō ngā marama e ono; i taua wā, he nui rawa te hiakai me te takaonge o Takuu.
Nō ngā wiki whakatuwhera o 2006, anea kau ana ngā moutere i te āwhā, ā, ka kino haere anō te noho a te iwi. Ko te āhua nei, kei te ngaro haere a Takuu. Kāhore kau he ahumahi whai kiko, kāhore kau he moni mā te iwi. Pēhea rangona ai e te ao hurihuri nei ngā inoi o ēnei moutere itiiti nei. I te kore moni, kua whakarerea tētahi kaupapa ki te hanga i tētahi matatara hei aukati i ngā ngaru o tai (Wane 2005:12).
Ko te āhua nei, he aituā kei te haere mō ngā iwi Porinīhia o ngā moutere morehu itiiti nei.
== Tirohia hoki ==
* [[Reo Māori]]
== Hoto ki waho ==
* [http://www.ingenio.auckland.ac.nz/shadomx/apps/fms/fmsdownload.cfm?file_uuid=D1303EF8-DDB3-CE70-6D3F-012633FD8DCB&siteName=uoa I mua i te waipuke] ''Ingenio'', he puka maheni o te Whare Wānanga o Tāmaki-makau-rau (konae pdf, reo Pākehā)
* [https://web.archive.org/web/20060821182233/http://web.singnet.com.sg/~tonym/islands.html Mortlock Islands] Ngā rōpū moutere e rua e kīa nei ko ngā "Mortlock Islands" (reo Pākehā)
* [https://web.archive.org/web/20060922044954/http://archives.cnn.com/2001/WORLD/asiapcf/auspac/03/08/PNG.takuu.transportation/index.html Hiakai ki Takuu] CNN.com/World (reo Pākehā)
* [http://members.tripod.com/~Lakoa_Fitina/takass.html Takuu Islands Association] He rōpū e mahi ana kia whakaputa ai ngā moutere (reo Pākehā)
* [http://www.islandsbusiness.com/islands_business/index_dynamic/containerNameToReplace=MiddleMiddle/focusModuleID=15847/overideSkinName=issueArticle-full.tpl Aituā ki Takuu] ''Islands Business'' (reo Pākehā)
== Tohutoro ==
* [http://language.psy.auckland.ac.nz/austronesian/language.php?id=244 Ngā rārangi kupu o ngā reo o Te Ao-o-Kiwa] mō Takuu.
* Joanna Wane, 2005. 'Before the Flood'. ''Ingenio et Labore: Whare Wānanga o Tāmaki-makau-rau'', Spring 2005:10, 12. URL: [http://www.ingenio.auckland.ac.nz/shadomx/apps/fms/fmsdownload.cfm?file_uuid=D1303EF8-DDB3-CE70-6D3F-012633FD8DCB&siteName=uoa www.ingenio.auckland.ac.nz].
{{Polynesia}}
[[Category:Porinīhia]]
[[Category:Papua Nūkini]]
[[Category:Tuhipānui pai]]
9y2hz9akzikk2of8xhklirwf32vou04
Summer Hill
0
11309
168365
157224
2026-07-09T19:03:05Z
~2026-38464-43
23373
/* Takiwā o Ōtākou */
168365
wikitext
text/x-wiki
[[Image: Position of Otago.png|right|thumb|160px|Kei roto a Summer Hill i te takiwā o Ōtākou]]Ko '''Summer Hill''' he nohanga o te takiwā o [[Ōtākou]]. E ai ki Toitū Te Whenua, he nohanga (he 'locality' rānei ki te [[reo Pākehā]]) he wāhi e nohoia ana e te tangata, engari kāore anō kia tae te taupori ki te nui e taea ai te kī he tāone tonu taua wāhi rā.
==Takiwā o Ōtākou==
Ko te takiwā o Ōtākou kei te tonga o [[Te Wai-pounamu]]; ko [[Ōtepoti]] te tāone nui.
Pääpääpää
==Tirohia hoki==
*{{cite web |title= Mahere: rohe whenua o Aotearoa (LINZ) |work= Toitū Te Whenua (Land Information New Zealand)] |url= http://www.linz.govt.nz/home/contactus/landdistricts/index.html |accessdate= 2007-09-04 |archivedate= 2007-08-31 |archiveurl= https://web.archive.org/web/20070831202223/http://www.linz.govt.nz/home/contactus/landdistricts/index.html }}
==Tohutoro==
*[https://web.archive.org/web/20080514200754/http://www.linz.govt.nz/apps/placenames/index.html Toitū Te Whenua (Land Information New Zealand)]. He mea kite i te 2007-09-04.
*{{cite web |title= Ngā Pou Taunaha o Aotearoa (New Zealand Geographic Board) |work= |url= http://www.linz.govt.nz/core/placenames/nzgeographicboard/index.html |accessdate= 2007-09-04 |archivedate= 2008-07-04 |archiveurl= https://web.archive.org/web/20080704174016/http://www.linz.govt.nz/core/placenames/nzgeographicboard/index.html }}
[[Category:Nohanga o Ōtākou]]
{{Maramara matawhenua (Ōtākou)}}
5cwhrfbb5gwl6es0gv4ycetphemq9p3
168366
168365
2026-07-10T04:01:48Z
Gadfium
258
kaikino
168366
wikitext
text/x-wiki
[[Image: Position of Otago.png|right|thumb|160px|Kei roto a Summer Hill i te takiwā o Ōtākou]]Ko '''Summer Hill''' he nohanga o te takiwā o [[Ōtākou]]. E ai ki Toitū Te Whenua, he nohanga (he 'locality' rānei ki te [[reo Pākehā]]) he wāhi e nohoia ana e te tangata, engari kāore anō kia tae te taupori ki te nui e taea ai te kī he tāone tonu taua wāhi rā.
==Takiwā o Ōtākou==
Ko te takiwā o Ōtākou kei te tonga o [[Te Wai-pounamu]]; ko [[Ōtepoti]] te tāone nui.
==Tirohia hoki==
*{{cite web |title= Mahere: rohe whenua o Aotearoa (LINZ) |work= Toitū Te Whenua (Land Information New Zealand)] |url= http://www.linz.govt.nz/home/contactus/landdistricts/index.html |accessdate= 2007-09-04 |archivedate= 2007-08-31 |archiveurl= https://web.archive.org/web/20070831202223/http://www.linz.govt.nz/home/contactus/landdistricts/index.html }}
==Tohutoro==
*[https://web.archive.org/web/20080514200754/http://www.linz.govt.nz/apps/placenames/index.html Toitū Te Whenua (Land Information New Zealand)]. He mea kite i te 2007-09-04.
*{{cite web |title= Ngā Pou Taunaha o Aotearoa (New Zealand Geographic Board) |work= |url= http://www.linz.govt.nz/core/placenames/nzgeographicboard/index.html |accessdate= 2007-09-04 |archivedate= 2008-07-04 |archiveurl= https://web.archive.org/web/20080704174016/http://www.linz.govt.nz/core/placenames/nzgeographicboard/index.html }}
[[Category:Nohanga o Ōtākou]]
{{Maramara matawhenua (Ōtākou)}}
q1a5ub7whzdh2dt2b0armh18zd51kci