Biquipédia mwlwiki https://mwl.wikipedia.org/wiki/Biquip%C3%A9dia:P%C3%A1igina_percipal MediaWiki 1.47.0-wmf.24 first-letter Multimédia Special Cumbersa Outelizador(a) Cumbersa outelizador(a) Biquipédia Cumbersa Biquipédia Fexeiro Cumbersa fexeiro Biqui Cumbersa Biqui Modelo Cumbersa modelo Ajuda Cumbersa ajuda Catadorie Cumbersa catadorie Portal Cumbersa portal TimedText TimedText talk Módulo Cumbersa módulo Evento Evento Discussão 0 1537 108672 79641 2026-10-22T19:49:37Z Kent Wang 15598 Exterior of Palácio das Necessidades (Lisbon) 47.jpg 108672 wikitext text/x-wiki [[Fexeiro:Exterior of Palácio das Necessidades (Lisbon) 47.jpg|right|thumb|350px|Palácio de las Necidades - sede de l Menistério de ls Negócios Strangeiros]] L '''Menistério de ls Negócios Strangeiros''' ('''MNE''') ye, an [[Pertual]], l departamiento [[Goberno de la República Pertuesa|gobernamental]] respunsable pula formulaçon, cordenaçon i eisecuçon de la [[Política Sterna]]. L MNE ye, quemumente, chamado de "'''Necidades'''" an birtude de tener la sue sede [[Palácio de las Necidades]] an [[Lhisboua]]. == Stória == La purmeira [[secretarie de Stado]] bocacionada pa ls assuntos ditos de [[Stado]] fui criada an [[1641]], pul rei [[João IB de Pertual|D. João IV]]. Mais tarde, la reorganizaçon de la [[Admenistraçon pública|Admenistraçon Pública]], ampuosta pula spriéncia, na purmeira metade de l [[seclo XVIII]], traduziu-se, pul Albará de [[28 de júlio]] de [[1736]], na criaçon de trés secretaries de Stado - la [[Menistério de la Admenistraçon Anterna|de ls Negócios Anteriores de l Reino]], la de la [[Menistério de la Marina i Ultramar|Marina i de ls Domínios Ultramarinos]] i la de ls [[Secretarie de Stado de ls Negócios Strangeiros i de la Guerra|Negócios Strangeiros i de la Guerra]] - an sustituiçon de las antigas secretaries de la Assinatura, de las Mercés i de Stado. Data, antoce, desse Albará l'eisisténcia de la '''Secretarie de Stado de ls Negócios Strangeiros''', ambora solo an [[1738]] haba tenido lhugar la posse afetaba de l purmeiro [[secretairo de Stado]]. Aneixos mantubírun-se, nua mesma secretarie, ls Negócios Strangeiros i ls de la Guerra, cun ua eifémera separaçon de [[6 de janeiro]] la [[28 de júlio]] de [[1801]], até que na Portarie de la Junta Probisória de l Goberno de [[27 de setembre]] de [[1820]] ls dous galhos de la Admenistraçon Pública aparécen çtintos i antregues a la direçon de pessonas bárias. Esta separaçon fui cunfirmada defenitibamente pula Carta de Lhei de [[12 de júnio]] de [[1822]], que reorganizou las secretaries de Stado. Siempre a la Secretarie de Stado de ls Negócios Strangeiros, atrabeç de todos ls diplomas que regulan l sou funcionamiento, fúrun atribuídas las matérias qu'inda hoije cumpeten al Menistério de ls Negócios Strangeiros. == Organizaçon Central == L MNE anclui ls seguintes uorganos i departamientos centrales: *Gabinete de l Menistro de Stado i de ls Negócios Strangeiros; *Gabinete de l Secretairo de Stado Adjunto i de ls Assuntos Ouropeus; *Gabinete de l Secretairo de Stado de ls Negócios Strangeiros i de la Coperaçon; *Gabinete de l Secretairo de Stado de las Quemunidades Pertuesas; *Secretarie-Giral; *Direçon-Giral de Política Sterna; *Direçon-Giral de ls Assuntos Ouropeus; *Direçon-Giral de ls Assuntos Técnicos i Eiquenómicos; *Direçon-Giral de ls Assuntos Cunsulares i Quemunidades Pertuesas; *Anspeçon-Giral Diplomática i Cunsular; *[[Anstituto Pertués de Apoio al Zambolbimiento]]; *[[Anstituto Camões]]; *Comisson Anternacional de Lhemites; *Comisson pa la Aplicaçon i Zambolbimiento de las Bacias Hidrográficas Lhuso-Spanholas; *Comisson Nacional de la [[UNESCO]]. == Rede Diplomática Sterior == La Repersentaçon Diplomática de Pertual sob tutela de l MNE stende-se a 146 puostos repartidos por 70 [[Ambaixada]]s, 10 [[Misson diplomática|Missones diplomáticas]] junto de Ourganizaçones Anternacionales i 66 [[Cunsulado]]s de carreira. [[Catadorie:Menistérios de Pertual|Negocios Strangeiros]] 11wkp54ejj07ahwxsgfedv8ini5kd34