Википедия rskwiki https://rsk.wikipedia.org/wiki/%D0%93%D0%BB%D0%B0%D0%B2%D0%BD%D0%B8_%D0%B1%D0%BE%D0%BA MediaWiki 1.48.0-wmf.3 first-letter Медий Окреме Розгварка Хаснователь Розгварка зоз хасновательом Википедия Розгварка о Википедиї Файл Розгварка о файлу МедияВики Розгварка о МедияВикию Шаблон Розгварка о шаблону Помоц Розгварка о помоци Катеґория Розгварка о катеґориї TimedText TimedText talk Модул Разговор о модулу Event Event talk 0 3869 22645 22637 2026-11-09T13:33:53Z Olirk55 19 Медзинаслови, викивязи 22645 wikitext text/x-wiki '''Постоїнска пещера''' єдна з найвекших ґеолоґийних атракцийох Словениї. Представя 20.570 m длугу систему [[Пещера|пещерох]] нєдалєко од Постойней и найвекша є пещера у Словениї. До тей системи спадаю ище Отошска, Маґдаленова, Чарна и Пивка пещера. Тота система пещерох настала под уплївом часточней под'жемней рики Пивки, хтора зоз своїм цеком у остатнїх 2 милиони рокох формовала єй терашнї випатрунок и форму. У нукашньосци пещери [[температура]] константна и виноши од 8 °C до 10 °C. При векших температурох би число биолоґийних файтох було вельо векше и терашнє роснуце сталактитох и сталаґмитох, од 1 cm на сто роки, би ше обачлїво спомалшело. Найвекша глїбина Постоїнскей пещери 115 m. == Биолоґия == Постоїнска пещера богата з биолоґийнима файтами под'жемного швета. Найпознатша чловекова рибка (лат. ''Proteus anguinus)''. Мено достала по [[Фарба|фарби]], хтора здогадує на фарбу чловечей скори. == Туризем == Судзаци по надписох у пещери, перших нащивительох мала ище у 13. вику. Уж 1872. поставени гайзибански шини, по хторих водзаче дриляли гайзибанчки з туристами. Пещера електрификована и ошвицена 1884. року. Нєшка по пещери идзе туристични гайзибанчок з локомотиву. За туристох отворени коло 5.300 m пещери. == Пещера як воєне складзиско == У Другей шветовей войни пещера служела як воєне складзиско нємецкого войска. На самим уходзе було гориво за цале сиверне ядранске побрежє, од Трсту по Риєку. И попри звекшаних мирох безпечносци, [[23. април|23. априла]] 1944. Войковей бриґади ше удало уруциц ше до складзиска и дзвигнуц го до [[Воздух|воздуху]]. Огень хтори вибухнул горел цали тидзень. Од огня почарнєти стини и нєшка видлїви на самим уходзе до пещери. rx2s99tqq0o5y8rq8vlw23t7z4clxmf