Википедия rskwiki https://rsk.wikipedia.org/wiki/%D0%93%D0%BB%D0%B0%D0%B2%D0%BD%D0%B8_%D0%B1%D0%BE%D0%BA MediaWiki 1.48.0-wmf.4 first-letter Медий Окреме Розгварка Хаснователь Розгварка зоз хасновательом Википедия Розгварка о Википедиї Файл Розгварка о файлу МедияВики Розгварка о МедияВикию Шаблон Розгварка о шаблону Помоц Розгварка о помоци Катеґория Розгварка о катеґориї TimedText TimedText talk Модул Разговор о модулу Event Event talk 0 3872 22652 22649 2026-11-11T12:44:30Z Olirk55 19 Доробок текста 22652 wikitext text/x-wiki '''Черенєц''' (''хл. род''), то файта рибарскей мрежи приправеней на конєц палїци. (серб. ''черенац'', слц. диял. ''čereň'' и ''čerenec'', чес. ''čeřen'', поль. ''cierzeniec)''. Общеславянски рибарски термин. Праслав. ''čerěnъ''. черенка мн.-ручка ножа, бичака == Опис == Черенєц то файта меншей рибарскей мрежи штироугловей або кружней форми, хтора причверсцена на прекрижени палїци дакус лучно зогнутих або металну конструкцию. ♦ '''Характеристики и хаснованє''' Черенєц ше найчастейше хаснує за лапанє рибох и малих, дробних рибкох, хтори служа за живи мамок/примамку за векши риби як цо то харча, чука або шуль и под. ♦ '''Виробок''' Черенєц може буц класични квадратни (напр., мерох 80х80 cm або 1x1 [[метер]]<ref>[https://octopus.rs/index.php?route=product/product&product_id=5734 FORMAX ČERENAC 100X100 ]</ref>, а часто и зоз дакус подзигнутима концами або „оградочку“ же би риби нє сцекли. Черенєц може кажди рибар хтори схопнєйши направиц сам. Постоя заварти типи у форми мрежастих замкох зоз вецей отворами за уход рибох (познати як ''bait net''). Опрему за черенєц и за виробок и правенє истих мож набавиц у предавальньох риболовацкей опреми. Технїка хаснованя черенца єдноставна, алє вимага даскельо схопни рухи того хто го хаснує же би ше так налапало цо вецей риби а за кратки час. == Функционованє мрежи черенца == ♦ '''Спущованє черенца до води ''': До штредку мрежи черенца ше положи дакус [[Пожива|поживи]] -хлєба як мамок (же би доплївали рибки), мрежа ше потим помали и поцихи спомоцу палїци спущи до води на дно. Палїца дакус длугша а на нєй, на верху конструкциї привязани зоз шпарґу або дротом мрежасти черенєц. После одредзеного часу кед ше риби назбераю потребно черенєц барз швидко подзвигнуц. Риба хтора ше ту найдзе або войдзе до мрежи ту остава „заробена“ у дну черенца. ♦ '''Подзвигованє черенца''' Швидкосц подзвигованя черенца значна.<ref>[https://www.pcelica.co.rs/ribe/tehnike/podizanje.php Ribolov podizanjem]</ref> Кед ше рибар одлучи подзвигнуц/дзвигнуц черенєц, дзвиганє муши буц нагле, швидке и у континуитету. Перши рух дзвиганя муши буц „,експлозивни“ же би ше країчки дзвигли и же би онєможлївели плїванє рибох – же би нє сцекли. Пре тото, практичнєйши черенци зоз такв. оградочку на рубцу мрежи прето же ше теди риби нє можу лєгко вишлїснуц и одплївац. == Литература == ''Словнїк руского нардного язика О-Я''. Нови Сад 2017, б. 713 ''Руски-сербски словнїк'' Н.Сад 2010. б. 824 == Вонкашня вяза == * [https://deonribolov.com/oprema/cuvarke-i-meredovi/cerenci/ Черенци] deonribolov.com == Референци == <references /> [[Катеґория:Риболов]] [[Катеґория:Рибарски прибор]] [[Катеґория:Черенєц]] n14aq3ifx88uz8vels1hi3k2m1u1yfi