Wikipedia wowiki https://wo.wikipedia.org/wiki/X%C3%ABt_wu_nj%C3%ABkk MediaWiki 1.47.0-wmf.9 first-letter Xibaarukaay Jagleel Waxtaan Jëfandikukat Waxtaani jëfandikukat Wikipedia Wikipedia waxtaan Dencukaay Waxtaani dencukaay MediaWiki Waxtaani MediaWiki Royuwaay Waxtaani royuwaay Ndimbal Waxtaani ndimbal Wàll Waxtaani wàll TimedText TimedText talk Module Discussion module Event Event talk 0 7672 107628 102710 2026-07-06T13:52:01Z Ibou 124 107628 wikitext text/x-wiki [[File:Moodu Lo Dagana.jpg|thumb|nataalu Sëriñ Móodu Lóo Dagana (Serigne Modou Lo Dagana )|right]] '''Sëriñ Móodou Lóo Dagana''' (Serigne Modou Lo Dagana) mi ngi gane àdduna ci atum 1858 ca Ndaam Kër Módu Ngoy, maamaam Módu Ngoy Lóo moo ko sanc mooy dëkku cosaanam, ma nga ca njàmbur (Luga). Yaayam mi ngi tudd Soxna Astu Lóo, baayam Sëriñ Subayru Lóo. Mi ngi jànge Alxuraan ak xam-xam ca njàmbur ba mujj doon ab jànglekat bu mag. Mi ngi seeti sëriñ Tuubaa ci atum 1898 jóge ca Kokki Guy dëkkub ay nijaayam la. Daa tëdd guddi am lu ko feeñu ne ko demal wuti ab sëriñ, ci la jóg ne day seeti Sëriñ Tuubaa, te booba kenn xamul fu Sëriñ Tuubaa nekk, tubaab yi dañu ko a génne woon (exiler).    Sëriñ Móodu Lóo Dagana dox seeti ko jaar na ci dëkk yu bari di dox ba gis Sëriñ bi te xamul woon fu mu nekk. Bi muy dem at la am ci yoon wi. Bis bi mu jóge woon Kokki Guy ba mu dellusee ca at male la soog a gis Sëriñ bi. Moom la Dëriñ Musaa Ka naan: "Xëye na Kokki Guy bisub talaata namm ca géej ga ba ñu naan xad maata Ba weer delsee ca déwén sa ak bis ba la doog a seeru Bàmba ngir pas-pas ba" Mi ngi gis [[Sëriñ Tuubaa]] ci atum 1900 ca Maayoomba ca Gaboŋ. Moom mooy doomu senegal bi njëkk a jóge fii dem seeti Sëriñ bi. Bi mu àggee toog na fa ay weer Sëriñ bi yabal ko ne ko, dellul [[Senegaal]] wool ma Maam Seex Anta.  Mu daal di ñëw Senegaal woo Seex Anta ànd ak moom yóbb ko [[Gaboŋ]] ca Sëriñ ba. Sëriñ bi jox Seex Anta ay xasida u bari yu mu taalifoon yabalaat ko mu ñëw Senegaal. Moom ak sëriñ Móodu Lóo Dagana desaat fa ba 1902 ci la tubaab bi indiwaat Sëriñ bi Senegaal ñu ànd ñoom ñaar. Bi Sëriñ bi amee ci réew mi ay weer, tubaab bi yóbbuwaat ko [[Gànnaar]], Sëriñ bi jëlaat sëriñ Móodu Lóo teg ko ca Dagana ne ko bu kenn ñëw te jaarul ci yaw. Loolu moo waral ñu koy woowe sëriñ Móodu Lóo Dagana. Bi Sëriñ bi jógee Dagana la ko seexal boole ko ak ay taalibe yu bari. Yabal ko Saalum mu sanc fa ab dëkk di tarbiya, dëkk ba mooy Dagana ca Kër Mbukki. Moom nag mi ngi fi jóge dibéer 13 maars 1954. ==Xët yi mu lëkkalool== * [[Nahju]] * [[Muriidulaa]] [[Wàll:niti senegaal]] [[Wàll:Yoonu murit]] c0cp3ux4koy99jvkjbrcdnrhmfnwak0