Wikipedia acewiki https://ace.wikipedia.org/wiki/%C3%94n_Keue MediaWiki 1.47.0-wmf.19 first-letter Alat Kusuih Marit Ureuëng Ngui Marit Ureuëng Ngui Wikipedia Marit Wikipedia Beureukaih Marit Beureukaih MediaWiki Marit MediaWiki Seunaleuëk Marit Seunaleuëk Beunantu Marit Beunantu Kawan Marit Kawan TimedText TimedText talk Modul Pembicaraan Modul Acara Pembicaraan Acara 0 33740 158653 158651 2026-09-10T14:07:51Z Si Gam 4266 /* Racôn */ 158653 wikitext text/x-wiki {{Infobox spesies}} '''Beuradén''' (Latèn: ''Caryota mitis''<ref>{{citebook|author=Ma'rifatin Zahrah|title=Analisis Kesesuaian Habitat untuk Konservasi Gajah Sumatera (Elephas maximus sumatranus) dengan Mengembangkan Indeks Habitat|url=https://archive.org/details/analisis-kesesuaian-habitat-untuk-konservasi-gajah-sumatera-elephas-maximus-sum/page/n194/mode/1up|page=194}}</ref>) saboh jeunèh [[bak kayèe]] nyang rôh lam ai [[Arecaceae]]. Bak kayèe nyoe udép di [[Asia Tunong]] ngon [[Asia Teunggara]]. Bak kayèe nyoe udép lam uteuen ujeuen data meuyub trôk 'an manyang 1.500 ateueh muka laôt. Timoh bak dairah nyang teutôp bacut, umumjih na di yup cheue bak kayèe. Udép cit bak tanoh kliet ngon meuanoe ngon neuilé ie nyang göt.<ref>[https://www.socfindoconservation.co.id/plant/470 Palem Saray] </ref> == Bangon == Ukheue bak beuradén meutapéh atawa meujumphoe, bakjih meupeureudèe, cöt, utomjih na stolon meuôn. Ôn meusirép ganda, bangonjih lagèe iku eungkôt, tangké wareuna ijô ngön panyang 50-100 cm. Aneuk ônjih bangon lagèe keutupat, kayém hana timang ngön seunipat 7-25 cm x 2,5-15 cm, ngön ujông ôn tincu. Bungong teususôn meuputa, meutumpôk, wareuna meuneung mirah, jumeulah bagian bungong meuleulapan. Bungong meungklèh antara bungong agam ngön inong. Tangké bungong meulingkông, bungong meucabeueng, panyang cabeueng 25-45 cm. Boh beuradén bangonjih bunta, ijô yôh mantöng muda, lheueh nyan meuubah jeuet keu mirah seupôt atawa kunèng 'oh ka masak, diameter 7-15 cm. == Faèdah == Boh beuradén masak asoe kalorijih 3,36 kkal/gram, sabé ngon kalori boh apel 3.59 kkal/gram. Di India bak beuradén geucok keu sagèe, ônjih geungui keu taloe atawa keu bubông. Di Asia Teunggara bulèe alôh bak ôn muda geungui keu ceumeucui apui dan aneukjih geungui keu manèk-manèk.<ref>[https://www.google.co.id/books/edition/Etiology_and_Integrated_Management_of_Ec/90QIEAAAQBAJ Etiology and Integrated Management of Economically Important Fungal Diseases of Ornamental Palms]</ref> == Asoe kimia == Bak beuradén meuasoe dat fitosterol, triterpen, alkaloid, flavonoid, asam fenolik, asam ferulat, saponin, asam amino, 4-hydroxybenzoic, beta amyrin, beta sitosterol, kaempferol, quercetin, ngon rutinoside. == Racôn == Rafid kalsium oksalat na lam asoe boh beuradén ngon ie boh beuradén dan jeuet keu seubab peunténg teuneupèh. Seununténg bak pangkai ôn jeuet cit jipubeudöh geujala. Boh beuradén nyang ka masak meuasoe kristal kalsium oksalat monohidrat nyang tincu bak ban dua ujôngjih. Mubida ngon peunula rumoh laén nyang na rafid, rafid bak beuradén hana kaét atawa alue nyang jibeudoh. Sikilo boh beuradén na asoe 500 mg kristal jarôm. Iritasi akébat keunong ngon boh beuradén bak lagèe akébat iritasi mekanik langsông nibak rafida nyang mantöng leungkap. Geupeualôh atawa geupeuancô kristal jarôm nyan meuakébat jeuet gadöh aktivitas iritasijih.<ref>{{citebook|author=David G. Spoerke Jr|author2=Susan J. Smolinske|title=Toxicity of Houseplants|page=95|year=1990|url=https://www.google.co.id/books/edition/Toxicity_of_Houseplants/a7-f66fRfzQC}}</ref> == Khasiet == Bak beuradén geucok keu bahan ubat keu jaga badan beu teuga, antibiotik, peutimoh [[ôk]], ubat sakét [[gigoe]], ubat jikap lé [[uleue]], gatai [[kulét]] ngon keu ubat sakét [[atôt]]. Keu gatai bak kulét, boh beuradén geureubôh ngön ie keu manoe. Salang keu peugadöh sakét atôt, boh beuradén geutop beu ancô, lheueh nyan geubôh bak bagian tubôh nyang sakét. == Asai == {{reflist}} [[Kawan:Arecaceae]] hu9a4dyn6z80aa720lntpwq57xjebjf