Wikisource
banwikisource
https://ban.wikisource.org/wiki/Kaca_Utama
MediaWiki 1.47.0-wmf.24
first-letter
Média
Kusus
Pabligbagan
Sang Anganggé
Pabligbagan Sang Anganggé
Wikisource
Pabligbagan Wikisource
Berkas
Pabligbagan Berkas
MédiaWiki
Pabligbagan MédiaWiki
Mal
Pabligbagan Mal
Wantuan
Pabligbagan Wantuan
Kategori
Pabligbagan Kategori
Pangawi
Pabligbagan Pangawi
Kaca
Pabligbagan Kaca
Indéks
Pabligbagan Indéks
TimedText
TimedText talk
Modul
Pabligbagan Modul
Acara
Pembicaraan Acara
Kaca:Leak Pemoroan.pdf/30
250
40025
135397
135392
2026-10-18T11:58:19Z
Angayubagia
19
135397
proofread-page
text/x-wiki
<noinclude><pagequality level="4" user="Ni Luh Chika" />{{rh||| 17 Leak Pemoroan}}</noinclude>dagang nasiné niwang, langsung ia nyaup nyangkol énggal-ènggal abana kasisin jalané gedé, tur Iangsung carteranga bémo ngungsi Rumah Sakit Sanglah.
Kanti ngencur uwabné Mas Badrun naenang kiapné bas ngeliwat, kuala ia tuising nyidang pules nyang asriyetan di RS, sawiréh petengé totonan singkodag ban naenang leguné pagriung cara buyung ngalih bangké. I Badrun oyog-oyog di sampingne Mbak Inem. Mbak Inem suba duang dina tusing ingat tekén awak. Sabilang jahan dokter tekén perawatè nelokin ngontrol perkembangan anaké sakit. Suba ngatelun Mbak Inem opname di RS, sawatara dauh telu utawi jam 9.00 Wita semengan, perawat Ian dokteré suba pada nuréksain pasiene di suang-suang sal. Ne jani giliran pameréksané macelep ka sal sig tongosné Mbak Inem. Dokteré tekén perawat Ian pembantuné sedekan mreksa Mbak Inem mara sajan ia sadar. Dokter Ian perawaté suba mrasa lega sawiréh pasiené prasida inget tekén déwék. Sagetang I Badrun nengok uli samping dunn dokteré, ia bareng masi kendel mapan Mbak Inem suba prasida inget tekén déwék. Mbak Inem palihatné nrawangsawa sambilanga nlektekang saka besik anaké ané ngerunyung ia ditu. Makejang ané tepukina soroh mapanganggo sarwa putih, dokter tekén perawate makenyem. Ditu mara Mbak Inem nawang tekén déwékné ada di RS. Sagetang peningalane nepukin Mas Badrun majujuk didurin dokteré, Mbak Inem makesiab ngraik tur macebur malaib gelurgelur cara anak kasurupan.
''"Ampun...,Mas Badrun, kulo mboten ngelingaken utang piutange sampian, kulo sampun iklas Mas ojo sampian teko rene maneh... !''
''" (Aduh, ampurayang tiang Mas Badrun, tiang singja ngingetang utang-piutang, tiang anak suba las makidihang tekén Mas Badrun, suud nyan nelok mai ... !")
"Anak ngudiang dadi melaib tur kraik-kraik?", keto patakon anaké ané ngijengin pasiéné ditu. Beh, jag gresiuh baana anaké di sale totonan. Perawat Ian dokteré milu bengong ngiwasin pasiéné jag macebur mlaib tur kraik-<noinclude></noinclude>
rtrtmklu9hrg0np30lbzh8174mgdtkn