Wikipédi bewwiki https://bew.wikipedia.org/wiki/Bal%C3%A9-bal%C3%A9 MediaWiki 1.47.0-wmf.14 first-letter Wasilah Istimèwa Kongko Pemaké Kongko pemaké Wikipédi Kongko Wikipédi Gepokan Kongko gepokan MediaWiki Kongko MediaWiki Sablonan Kongko sablonan Pertulungan Kongko pertulungan Bangsaan Kongko bangsaan TimedText TimedText talk Modul Pembicaraan Modul Pegelaran Kongko Pegelaran 0 8322 35035 35030 2026-08-09T14:46:07Z Oceanmuse 231 35035 wikitext text/x-wiki Benteng Somba Opu ntu benteng peninggalan Kesultanan Gowa nyang dibikin ame Raja Gowa ke-9, ''Daeng Matanre Karaeng Tumapa'risi' Kallonna'', sekitar taun 1525. Letaknye ade di Jalan Daeng Tata, Kelurahan Benteng Somba Opu, Kecamatan Barombong, Kabupaten Gowa, Sulawesi Selatan.<ref name=":0">https://smartcity.gowakab.go.id/wisata_sejarah/benteng-somba-opu/3</ref> Wayah dulu, Benteng Somba Opu ntu pernah jadi pusat dagang ame pelabuhan yang rame bener. Macem-macem rempah diperdagangin di sono ame pedagang yang dateng dari berbagai negeri, mule dari Asia, berbagai daerah di Nusantara, ampe Eropa. Sayangnye, taun 1669 benteng ntu dikuasain ame VOC. Abis ntu bentengnye dihancurin ampe ketimbun ame air pasang. Ude' gitu, benteng ntu sempet ilang beratus-ratus taun. Baru pas taun 1980-an beberapa ahli dateng ame nemuin lagi sisa-sisa benteng ntu. Abis ntu, pas taun 1990 bentengnye direkonstruksi biar bentuknye balik rapih ame lebih enak diliat. Sekarang Benteng Somba Opu ude' jadi atu tempat wisata sejarah nyang banyak didatengin. Di dalem kawasannye ade berbagai rumah adat has Sulawesi Selatan. Kagak cume ntu aje, di sono jugak ade meriam raksase panjangnye sekitar sembilan meter ame bobotnye kurang lebih sembilan ribu lima ratus kilogram. Selain ntu, ade juga museum nyang nyimpen berbagai benda bersejarah peninggalan Kesultanan Gowa.<ref name=":0" /> == Riwayat Benteng Somba Opu == Kompleks Benteng Somba Opu letaknye kira-kire tujuh kilometer di sebelah selatan pusat Kota Makassar. Dari sekian banyak benteng punyenye Kerajaan Gowa, Benteng Somba Opu ntulah nyang paling gedè ame paling kuat. Benteng ntu jadi benteng induk Kerajaan Gowa sekaligus tempat Sultan atawa Raja Gowa nempatin kedudukan. Kagak cuma jadi pusat pemerintahan, Benteng Somba Opu ame kota di sekelilingnye jugak dijadiin ibu kota sekaligus pelabuhan paling gede punyenye Kerajaan Gowa. Benteng ntu dijage ame bejibun benteng pertahanan laen nyang nyebar di kawasan inti Kerajaan Gowa. Antare laen ade Benteng Tallo, Benteng Ana Tallo, Benteng Ujung Tana, Benteng Patunuang, Benteng Ujung Pandang, Benteng Bariboso, Benteng Mariso, Benteng Pannakukang, Benteng Garassi, Benteng Galesong, Benteng Sanrobone, Benteng Barombong, Benteng Bontorannu, ame Benteng Kale Gowa.<ref>{{Cite book|last=Sagimun|first=M.D|date=2012|title=Benteng Ujung Pandang|location=Jakarta|publisher=Depdikbud|url-status=live}}</ref> Dulunye Benteng Somba Opu ntu jugak jadi bandar dagang yang rame ame penting bener dalem jalur perdagangan dunia pas abad ke-16. Kira-kire taon 1600, pelabuhan Somba Opu jadi tempat kapal-kapal ngisi bekel sebelon nerusin pelayaran, entah mo ke arah timur maupun ke barat. Pelabuhan ntu rame terus didatengin kapal dagang dari macem-macem negri. Rempah-rempah nyang dijual di Pelabuhan Somba Opu kadang lebih murè ketimbang nyang dijual di Maluku. Lantaran ntu, peran ame kedudukan Somba Opu sebagai bandar dagang saban ari makin penting, apalagi pas masuk abad ke-17.<ref>{{Cite book|last=Abduh|first=et.al|date=1985|title=Sejarah Perlawanan Terhadap Imperialisme dan Kolonialisme di Sulawesi Selatan|location=Jakarta|publisher=Depdikbud|url-status=live}}</ref> == Paranan == jdt42ktcb9378xdh79a27n0to32i2l7