རྣམ་རྫོགས་སྦྱོར་བ།

<mediawiki xmlns="http://www.mediawiki.org/xml/export-0.11/" xmlns:xsi="http://www.w3.org/2001/XMLSchema-instance" xsi:schemaLocation="http://www.mediawiki.org/xml/export-0.11/ http://www.mediawiki.org/xml/export-0.11.xsd" version="0.11" xml:lang="bo">
  <siteinfo>
    <sitename>Wikipedia</sitename>
    <dbname>bowiki</dbname>
    <base>https://bo.wikipedia.org/wiki/%E0%BD%82%E0%BD%99%E0%BD%BC%E0%BC%8B%E0%BD%84%E0%BD%BC%E0%BD%A6%E0%BC%8D</base>
    <generator>MediaWiki 1.47.0-wmf.23</generator>
    <case>first-letter</case>
    <namespaces>
      <namespace key="-2" case="first-letter">མི་ཌི་ཡ་།</namespace>
      <namespace key="-1" case="first-letter">དམིགས་བསལ།</namespace>
      <namespace key="0" case="first-letter" />
      <namespace key="1" case="first-letter">བགྲོ་གླེང་།</namespace>
      <namespace key="2" case="first-letter">སྤྱོད་མཁན།</namespace>
      <namespace key="3" case="first-letter">སྤྱོད་མཁན་གྱི་ བགྲོ་གླེང་།</namespace>
      <namespace key="4" case="first-letter">Wikipedia</namespace>
      <namespace key="5" case="first-letter">Wikipedia བགྲོ་གླེང་།</namespace>
      <namespace key="6" case="first-letter">ཡིག་ཆ།</namespace>
      <namespace key="7" case="first-letter">ཡིག་ཆའི་ བགྲོ་གླེང་།</namespace>
      <namespace key="8" case="first-letter">མི་ཌི་ཡ་ཝི་ཀི།</namespace>
      <namespace key="9" case="first-letter">མི་ཌི་ཡ་ཝི་ཀིའི་ བགྲོ་གླེང་།</namespace>
      <namespace key="10" case="first-letter">དཔེ་པང་།</namespace>
      <namespace key="11" case="first-letter">དཔེ་པང་གི་ བགྲོ་གླེང་།</namespace>
      <namespace key="12" case="first-letter">རམ་འདེགས།</namespace>
      <namespace key="13" case="first-letter">རམ་འདེགས་ཀྱི་ བགྲོ་གླེང་།</namespace>
      <namespace key="14" case="first-letter">རིགས་དབྱེ།</namespace>
      <namespace key="15" case="first-letter">རིགས་དབྱེའི་ བགྲོ་གླེང་།</namespace>
      <namespace key="710" case="first-letter">TimedText</namespace>
      <namespace key="711" case="first-letter">TimedText talk</namespace>
      <namespace key="828" case="first-letter">Module</namespace>
      <namespace key="829" case="first-letter">Module talk</namespace>
      <namespace key="1728" case="first-letter">Event</namespace>
      <namespace key="1729" case="first-letter">Event talk</namespace>
    </namespaces>
  </siteinfo>
  <page>
    <title>རྣམ་རྫོགས་སྦྱོར་བ།</title>
    <ns>0</ns>
    <id>28243</id>
    <revision>
      <id>162828</id>
      <timestamp>2026-10-10T07:31:32Z</timestamp>
      <contributor>
        <username>Yongzom123</username>
        <id>34660</id>
      </contributor>
      <comment>Created page with &quot;རྣམ་རྫོགས་སྦྱོར་བ། (Sarvākārābhisambodha)  རྣམ་རྫོགས་སྦྱོར་བ། (རྒྱས་པར་བརྗོད་ན་ རྣམ་པ་ཐམས་ཅད་རྫོགས་པར་རྟོགས་པའི་སྦྱོར་བ།) ནི་རྒྱལ་བ་བྱམས་པ་མགོན་པོས་མཛད་པའི་ 《མངོན་པར་རྟོགས་པའི་རྒ...&quot;</comment>
      <origin>162828</origin>
      <model>wikitext</model>
      <format>text/x-wiki</format>
      <text bytes="8449" sha1="d8wcpnvtrnjdtfghbqik4ne7yc0td09" xml:space="preserve">རྣམ་རྫོགས་སྦྱོར་བ། (Sarvākārābhisambodha)

རྣམ་རྫོགས་སྦྱོར་བ། (རྒྱས་པར་བརྗོད་ན་ རྣམ་པ་ཐམས་ཅད་རྫོགས་པར་རྟོགས་པའི་སྦྱོར་བ།) ནི་རྒྱལ་བ་བྱམས་པ་མགོན་པོས་མཛད་པའི་ 《མངོན་པར་རྟོགས་པའི་རྒྱན》 གྱི་སྐབས་བཞི་པའི་བརྗོད་བྱ་གཙོ་བོ་ཡིན། འདི་ནི་ཤེར་ཕྱིན་གྱི་དངོས་པོ་བརྒྱད་ཀྱི་ནང་ནས་མངོན་པར་རྟོགས་པའི་ཉམས་ལེན་གྱི་སྦྱོར་བ་བཞིའི་ཐོག་མ་དེ་ཡིན།


༡. མཚན་ཉིད།

རྗེ་བཙུན་ཆོས་ཀྱི་རྒྱལ་མཚན་གྱི་ 《ཕར་ཕྱིན་མཐའ་དཔྱོད་སྐབས་བཞི་པར》 ལས་གཞན་ལུགས་དགག་པ་དང་རང་ལུགས་བཞག་པ་གཉིས་ཀྱི་སྒོ་ནས་གཏན་ལ་ཕབ་ཡོད།

གཞན་ལུགས་དགག་པ།
ཁ་ཅིག «མཁྱེན་གསུམ་གྱི་རྣམ་པ་ལ་དབང་ཐོབ་པའི་ཕྱིར་དུ་མཁྱེན་གསུམ་གྱི་རྣམ་པ་བསྡུས་ནས་བསྒོམ་པའི་སེམས་དཔའི་རྣལ་འབྱོར» ཞེས་འདོད་པ་མི་འཐད་དེ། དེ་ལྟར་ན་ཐེག་ཆེན་གྱི་སྦྱོར་ལམ་པ་རྣམ་རྫོགས་སྦྱོར་བ་ཡིན་ཀྱང་། དེ་ལ་མཁྱེན་གསུམ་གྱི་རྣམ་པ་ལ་དབང་ཐོབ་པ་མེད་པར་ཐལ་བའི་སྐྱོན་ཡོད།


ཡང་ཁ་ཅིག «མཁྱེན་གསུམ་གྱི་རྣམ་པ་བསྡུས་ནས་བསྒོམ་པའི་སེམས་དཔའི་རྣལ་འབྱོར» ཞེས་འདོད་པ་ལའང་ཐེག་ཆེན་གྱི་མཐོང་ལམ་སྡུག་བསྔལ་ཆོས་བཟོད་ལྟ་བུ་སྟོང་ཉིད་ལ་གཉིས་སྣང་ནུབ་པའི་རྣལ་འབྱོར་ཡིན་པས་དེར་མི་འཇུག་པའི་རྩོད་པ་སོགས་འབྱུང་བར་གསུངས།


རང་ལུགས།
«མཁྱེན་གསུམ་གྱི་རྣམ་པ་བསྡུས་ནས་བསྒོམ་པའི་ཤེས་རབ་ཀྱིས་ཟིན་པའི་སེམས་དཔའི་རྣལ་འབྱོར། དེ་ཉིད་རྣམ་རྫོགས་སྦྱོར་བའི་མཚན་ཉིད་དུ་བཞག
 

མཁྱེན་གསུམ་བསྡུས་བསྒོམ་གྱི་དོན།
མཁྱེན་གསུམ་གྱི་རྣམ་པ་ཐམས་ཅད་ཞི་ལྷག་ཟུང་འབྲེལ་གྱི་སྦྱོར་བས་རྣལ་འབྱོར་པའི་ཉམས་ལེན་དུ་བསྡུས་ནས་བསྒོམ་པ་ལ་བྱེད།


༢. ས་མཚམས།

རྣམ་རྫོགས་སྦྱོར་བའི་ས་མཚམས་ནི། ཐེག་ཆེན་གྱི་ཚོགས་ལམ་ནས་རྒྱུན་མཐའི་བར་དུ་ཡོད།


༣. དབྱེ་བ།

རྣམ་རྫོགས་སྦྱོར་བ་ལ་དབྱེ་ན་བསྡོམས་པས་ རྣམ་པ་ ༡༧༣ (བརྒྱ་དང་བདུན་ཅུ་རྩ་གསུམ་) ཡོད། དེ་དག་ནི་མཁྱེན་པ་གསུམ་གྱི་རྣམ་པའི་སྒོ་ནས་དབྱེ་བ་ཕྱེས་པ་ཡིན།

| མཁྱེན་པ་གསུམ། | རྣམ་པའི་གྲངས།

དབྱེ་བའི་ཚུལ། 
༡. གཞི་ཤེས་ཀྱི་ཤེས་རྣམ།&lt;br&gt;  ༢༧&lt;br&gt;  • བདེན་པ་དང་པོ་གསུམ་ལ་བརྟེན་པ་ ༡༢&lt;br&gt;&lt;br&gt;

&lt;br&gt;• ལམ་བདེན་ལ་བརྟེན་པ་ ༡༥&lt;br&gt; 
༢.ལམ་ཤེས་ཀྱི་ཤེས་རྣམ།&lt;br&gt; ༣༦&lt;br&gt;  • ཀུན་འབྱུང་བདེན་པ་ལ་བརྟེན་པ་ ༨&lt;br&gt;&lt;br&gt;

&lt;br&gt;• ལམ་བདེན་ལ་བརྟེན་པ་ ༧&lt;br&gt;&lt;br&gt;

&lt;br&gt;• སྡུག་བསྔལ་བདེན་པ་ལ་བརྟེན་པ་ ༥&lt;br&gt;&lt;br&gt;

&lt;br&gt;• འགོག་བདེན་ལ་བརྟེན་པ་ ༡༦&lt;br&gt; 
༣. རྣམ་མཁྱེན་གྱི་ཤེས་རྣམ།&lt;br&gt; 
༡༡༠&lt;br&gt;  • ཉན་ཐོས་དང་རྗེས་སུ་མཐུན་པ་ ༣༧(བྱང་ཕྱོགས་སོ་བདུན)

&lt;br&gt;

&lt;br&gt;• བྱང་སེམས་དང་རྗེས་སུ་མཐུན་པ་ ༣༤ (རྣམ་ཐར་སྒོ་གསུམ་སོགས)

&lt;br&gt;

&lt;br&gt;• སངས་རྒྱས་དང་རྗེས་སུ་མཐུན་པ་ ༣༩ (སྟོབས་བཅུ། མི་འཇིགས་པ་བཞི། སོ་སོ་ཡང་དག་རིག་པ་བཞི། མ་འདྲེས་པ་བཅོ་བརྒྱད། དེ་བཞིན་ཉིད་ཀྱི་རྣམ་པ། རང་བྱུང་གི་རྣམ་པ། སངས་རྒྱས་ཉིད་ཀྱི་རྣམ་པ)

 
བསྡོམས།  ༡༧༣&lt;br&gt;  མཁྱེན་གསུམ་གྱི་རྣམ་པ་བརྒྱ་དང་བདུན་ཅུ་རྩ་གསུམ།&lt;br&gt; 


༤. གཞུང་དུ་བསྟན་པའི་སྦྱོར་བའི་མཚན་ཉིད་བཞིའི་རྣམ་གཞག

སྐབས་བཞི་པར་རྣམ་རྫོགས་སྦྱོར་བའི་མཚན་ཉིད་འཆད་པའི་ཚེ་མཚན་ཉིད་བཞིའི་སྒོ་ནས་འཆད་དེ།

1.ཤེས་པའི་མཚན་ཉིད (ཤེས་མཚན)། མཁྱེན་གསུམ་གྱི་རྣམ་པ་མཚོན་པར་བྱེད་པའི་སེམས་དཔའི་རྣལ་འབྱོར།


2. ཁྱད་པར་གྱི་མཚན་ཉིད (ཁྱད་མཚན)། ཉན་རང་གི་སྦྱོར་བ་ལས་ཁྱད་པར་དུ་འཕགས་པའི་བྱང་སེམས་ཀྱི་སྦྱོར་བ།


3. བྱེད་པའི་མཚན་ཉིད (བྱེད་མཚན།) གཞན་དོན་སྒྲུབ་པའི་ཕན་བདེ་སྐྱོབ་པ་སོགས་ཀྱི་བྱེད་ལས་དང་ལྡན་པའི་སྦྱོར་བ།


4. ངོ་བོ་ཉིད་ཀྱི་མཚན་ཉིད (ངོ་བོ་ཉིད་མཚན།) ཉོན་མོངས་པའི་རྟགས་དང་མཚན་མ་སོགས་ཀྱིས་དབེན་པའི་སེམས་དཔའི་རྣལ་འབྱོར་བཅུ་དྲུག


དཔྱད་གཞིའི་དཀར་ཆག

* རྗེ་བཙུན་ཆོས་ཀྱི་རྒྱལ་མཚན། 《ཕར་ཕྱིན་མཐའ་དཔྱོད་ལེགས་བཤད་ནོར་བུའི་ཕྲེང་བ》 སྐབས་བཞི་པ།


* རྒྱལ་བ་བྱམས་པ་མགོན་པོ། 《ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན》


* སློབ་དཔོན་སེང་གེ་བཟང་པོ། 《ཤེར་ཕྱིན་དོན་གསལ》</text>
      <sha1>d8wcpnvtrnjdtfghbqik4ne7yc0td09</sha1>
    </revision>
  </page>
  <page>
    <title>མཁྱེན་པ་གསུམ་དང་སྦྱོར་བ་བཞི།</title>
    <ns>0</ns>
    <id>28244</id>
    <revision>
      <id>162829</id>
      <timestamp>2026-10-10T10:55:14Z</timestamp>
      <contributor>
        <username>Yongzom123</username>
        <id>34660</id>
      </contributor>
      <comment>Created page with &quot;མཁྱེན་གསུམ་དང་སྦྱོར་བ་བཞི། མཁྱེན་གསུམ་དང་སྦྱོར་བཞི་ནི་རྒྱལ་བ་བྱམས་པ་མགོན་པོས་མཛད་པའི་ 《ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན》 ག...&quot;</comment>
      <origin>162829</origin>
      <model>wikitext</model>
      <format>text/x-wiki</format>
      <text bytes="8907" sha1="efk9qioflok5sqb1kugnzwbwg6i4o9p" xml:space="preserve">མཁྱེན་གསུམ་དང་སྦྱོར་བ་བཞི།
མཁྱེན་གསུམ་དང་སྦྱོར་བཞི་ནི་རྒྱལ་བ་བྱམས་པ་མགོན་པོས་མཛད་པའི་ 《ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན》 གྱི་ལུས་ཀྱི་རྣམ་གཞག་གམ་དངོས་པོ་བརྒྱད་ཀྱི་ནང་ཚན་གཙོ་བོ་རྣམས་ཡིན། གཞུང་འདིར་ཤེར་ཕྱིན་གྱི་བརྗོད་བྱ་ཐམས་ཅད་དངོས་པོ་བརྒྱད་དུ་བསྡུས་ནས་སྟོན་པའི་ཚེ། དང་པོ་གསུམ་ནི་ཡུལ་ཤེས་བྱའི་མཁྱེན་པ་གསུམ་དང་། དེ་ནས་བཞི་ནི་ ཉམས་ལེན་གྱི་སྦྱོར་བ་བཞི། མཐའ་མ་ནི་འབྲས་བུ་ཆོས་སྐུ་བཅས་སུ་དབྱེའོ།

༡. མཁྱེན་པ་གསུམ།

མཁྱེན་པ་གསུམ་ནི་ཉམས་སུ་བླང་བྱའི་ཡུལ་ལམ་ཤེས་བྱའི་གནས་ལུགས་གཏན་ལ་འབེབས་བྱེད་ཀྱི་མཁྱེན་པ་གསུམ་ཡིན།

1. རྣམ་པ་ཐམས་ཅད་མཁྱེན་པ་ཉིད (རྣམ་མཁྱེན།)
ངོ་བོ། ཆོས་ཐམས་ཅད་རྣམ་པ་ཐམས་ཅད་དུ་མངོན་སུམ་དུ་མཁྱེན་པའི་སངས་རྒྱས་འཕགས་པའི་ཐུགས་རྒྱུད་ཀྱི་མཐར་ཐུག་གི་ཡེ་ཤེས།


གཞུང་གི་གནས། 《མངོན་རྟོགས་རྒྱན》 སྐབས་དང་པོའི་བརྗོད་བྱ་གཙོ་བོ།


2. ལམ་གྱི་རྣམ་པ་ཤེས་པ་ཉིད (ལམ་ཤེས།)
ངོ་བོ། ཉན་ཐོས་དང་། རང་རྒྱལ། བྱང་ཆུབ་སེམས་དཔའ་སྟེ་ཐེག་པ་གསུམ་གྱི་ལམ་གྱི་རྣམ་པ་མ་ལུས་པར་ཤེས་ཤིང་གདུལ་བྱ་རྗེས་སུ་འཛིན་པའི་བྱང་ཆུབ་སེམས་དཔའི་མཁྱེན་པ།


གཞུང་གི་གནས། 《མངོན་རྟོགས་རྒྱན》 སྐབས་གཉིས་པའི་བརྗོད་བྱ་གཙོ་བོ།


3. གཞི་ཤེས་པ་ཉིད (གཞི་ཤེས།)
ངོ་བོ། ཕུང་ཁམས་སྐྱེ་མཆེད་སོགས་ཀུན་རྫོབ་དང་དོན་དམ་གྱི་གཞིའི་གནས་ལུགས་ཕུང་པོ་བདག་མེད་དུ་རྟོགས་པའི་ཉན་རང་དང་བྱང་སེམས་ཀྱི་མཁྱེན་པ།


གཞུང་གི་གནས། 《མངོན་རྟོགས་རྒྱན》 སྐབས་གསུམ་པའི་བརྗོད་བྱ་གཙོ་བོ།


༢. སྦྱོར་བ་བཞི།

སྦྱོར་བ་བཞི་ནི་གོང་དུ་གཏན་ལ་ཕབ་པའི་མཁྱེན་གསུམ་གྱི་དོན་རྣམས་བྱང་ཆུབ་སེམས་དཔས་རང་རྒྱུད་ལ་ཉམས་སུ་ལེན་པའི་རིམ་པ་ཡིན།

1. རྣམ་པ་ཐམས་ཅད་རྫོགས་པར་རྟོགས་པའི་སྦྱོར་བ (རྣམ་རྫོགས་སྦྱོར་བ།)
ངོ་བོ། མཁྱེན་གསུམ་གྱི་རྣམ་པ་ ༡༧༣ ཐམས་ཅད་བསྡུས་ནས་སྒོམ་པའི་ཤེས་རབ་ཀྱིས་ཟིན་པའི་སེམས་དཔའི་རྣལ་འབྱོར།


བྱེད་ལས། མཁྱེན་གསུམ་གྱི་རྣམ་པ་ལ་དབང་ཐོབ་པར་བྱེད་པ།


གཞུང་གི་གནས། སྐབས་བཞི་པའི་བརྗོད་བྱ།


2. རྩེ་མོར་ཕྱིན་པའི་སྦྱོར་བ (རྩེ་སྦྱོར།)
ངོ་བོ། མཁྱེན་གསུམ་གྱི་རྣམ་པ་བསྡུས་སྒོམ་ལ་བརྟེན་ནས་དབང་ཐོབ་པའི་བྱང་སེམས་ཀྱི་རྣལ་འབྱོར།


བྱེད་ལས། སྦྱོར་བའི་ཉམས་རྟོགས་རྩེ་མོར་སོན་པར་བྱེད་པ།


གཞུང་གི་གནས། སྐབས་ལྔ་པའི་བརྗོད་བྱ།


3. མཐར་གྱིས་པའི་སྦྱོར་བ། (མཐར་གྱིས་སྦྱོར་བ།)
ངོ་བོ། མཁྱེན་གསུམ་གྱི་རྣམ་པ་རྣམས་གོ་རིམ་བཞིན་མཐར་ཆགས་སུ་བརྟན་པ་ཐོབ་པའི་ཕྱིར་དུ་སྒོམ་པའི་རྣལ་འབྱོར།


བྱེད་ལས། རྟོགས་པ་ལ་བརྟན་པ་ཐོབ་པར་བྱེད་པ།


གཞུང་གི་གནས། སྐབས་དྲུག་པའི་བརྗོད་བྱ།


4. སྐད་ཅིག་མ་གཅིག་པའི་སྦྱོར་བ (སྐད་ཅིག་མའི་སྦྱོར་བ།)
ངོ་བོ། མཁྱེན་གསུམ་གྱི་རྣམ་པ་ཐམས་ཅད་སྐད་ཅིག་མ་གཅིག་ལ་མངོན་དུ་བྱེད་ནུས་པའི་སྦྱོར་བ་མཐར་ཐུག


བྱེད་ལས། འབྲས་བུ་ཆོས་སྐུ་དངོས་སུ་འགྲུབ་པའི་དངོས་རྒྱུ་བྱེད་པ།


གཞུང་གི་གནས། སྐབས་བདུན་པའི་བརྗོད་བྱ།


༣. མཁྱེན་གསུམ་དང་སྦྱོར་བཞིའི་ཕན་ཚུན་འབྲེལ་བ།

ཡུལ་དང་ཡུལ་ཅན་གྱི་འབྲེལ་བ། མཁྱེན་པ་གསུམ་ནི་ཉམས་སུ་བླང་བྱའི་ཡུལ་ལམ་ཤེས་བྱའི་རྣམ་པ་ཡིན་ལ། སྦྱོར་བ་བཞི་ནི་ཡུལ་དེ་དག་ཉམས་སུ་ལེན་པར་བྱེད་པའི་ཡུལ་ཅན་ལམ་གྱི་ཉམས་ལེན་ཡིན།


ཉམས་ལེན་གྱི་གོ་རིམ། དང་པོར་མཁྱེན་གསུམ་གྱི་རྣམ་པ་ལ་སོ་སོར་ངེས་ཤེས་བསྐྱེད། དེ་ནས་རྣམ་རྫོགས་སྦྱོར་བས་བསྡུས་ཏེ་བསྒོམས་ནས་དབང་ཐོབ། རྩེ་སྦྱོར་གྱིས་ཉམས་རྟོགས་རྩེ་མོར་སོན། མཐར་གྱིས་སྦྱོར་བས་བརྟན་པ་ཐོབ། སྐད་ཅིག་མའི་སྦྱོར་བས་སྐད་ཅིག་མ་གཅིག་ལ་མངོན་དུ་བྱས་ཏེ་འབྲས་བུ་རྣམ་མཁྱེན་ཆོས་ཀྱི་སྐུ་མངོན་དུ་བྱེད་པའོ།


དཔྱད་གཞིའི་ཡིག་ཆ།
རྒྱལ་བ་བྱམས་པ་མགོན་པོ། 《ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན》


རྗེ་ཙུན་ཆོས་ཀྱི་རྒྱལ་མཚན། 《ཕར་ཕྱིན་མཐའ་དཔྱོད་ལེགས་བཤད་ནོར་བུའི་ཕྲེང་བ》


རྒྱལ་ཚབ་དར་མ་རིན་ཆེན། 《ཤེར་ཕྱིན་མངོན་པར་རྟོགས་པའི་རྒྱན་གྱི་རྣམ་བཤད་སྙིང་པོ་རྒྱན》</text>
      <sha1>efk9qioflok5sqb1kugnzwbwg6i4o9p</sha1>
    </revision>
  </page>
  <page>
    <title>གཞི་་ཤེས་ཀྱི་ཤེས་རྣམ།</title>
    <ns>0</ns>
    <id>28245</id>
    <revision>
      <id>162830</id>
      <timestamp>2026-10-10T11:11:48Z</timestamp>
      <contributor>
        <username>Yongzom123</username>
        <id>34660</id>
      </contributor>
      <comment>Created page with &quot;གཞི་ཤེས་ཀྱི་ཤེས་རྣམ། གཞི་ཤེས་ཀྱི་ཤེས་རྣམ་ (ཡང་ན་གཞི་ཤེས་ཀྱི་ཤེས་པའི་རྣམ་པ་) ནི་རྒྱལ་བ་བྱམས་པ་མགོན་པོས་མཛད་པའི་ 《མངོན་པར་རྟོགས་པའི་རྒྱན》 གྱི་སྐབས་བཞི་པ་རྣམ་རྫོགས་སྦ...&quot;</comment>
      <origin>162830</origin>
      <model>wikitext</model>
      <format>text/x-wiki</format>
      <text bytes="5568" sha1="2yv22sz8nny7erivyhjupkgpxuzk4nx" xml:space="preserve">གཞི་ཤེས་ཀྱི་ཤེས་རྣམ།
གཞི་ཤེས་ཀྱི་ཤེས་རྣམ་ (ཡང་ན་གཞི་ཤེས་ཀྱི་ཤེས་པའི་རྣམ་པ་) ནི་རྒྱལ་བ་བྱམས་པ་མགོན་པོས་མཛད་པའི་ 《མངོན་པར་རྟོགས་པའི་རྒྱན》 གྱི་སྐབས་བཞི་པ་རྣམ་རྫོགས་སྦྱོར་བའི་བསྒོམ་བྱའི་རྣམ་པ་ ༡༧༣ གྱི་ནང་ཚན་གཞི་ཤེས་ཀྱི་རྣམ་པའི་རིགས་སུ་གནས་པའི་ཤེས་རྣམ་རྣམས་ལ་བྱེད། 
གཞི་ཤེས་ཀྱི་སྦྱོར་བའི་བསྒོམ་བྱར་གྱུར་པའི་འཕགས་རྒྱུད་ཀྱི་མཁྱེན་པ་གང་ཞིག ཐེག་དམན་གྱི་རྟོགས་རིགས་སུ་གནས་པ། དེ་ཉིད་སྐབས་འདིར་དངོས་སུ་བསྟན་པའི་གཞི་ཤེས་ཀྱི་ཤེས་རྣམ་གྱི་མཚན་ཉིད་དུ་བཞག
ཡང་ན། «གཞི་ཤེས་ཀྱི་རྣམ་པ་ལེགས་པར་ཤར་ནས་བསྒོམ་པར་བྱེད་པའི་ཤེས་རབ་ཀྱིས་ཟིན་པའི་སེམས་དཔའི་རྣལ་འབྱོར» ནི། སེམས་དཔའི་རྒྱུད་ཀྱི་གཞི་ཤེས་ཀྱི་དམིགས་པའི་ཆོས་ལ་ལོག་ཕྱོགས་སུ་སྒྲོ་འདོགས་པའི་སྒྲོ་འདོགས་ཀྱི་གཉེན་པོའི་མཚན་ཉིད་ཡིན།
༢. དབྱེ་བ།

གཞི་ཤེས་ཀྱི་ཤེས་རྣམ་ལ་དབྱེ་ན་བསྡོམས་པས་ ཉེར་བདུན (༢༧)ཡོད། དེ་དག་ནི་བདེན་བཞིའི་སྒོ་ནས་གཉིས་སུ་བསྡུ་སྟེ།

1. བདེན་པ་དང་པོ་གསུམ་ལ་བརྟེན་པའི་གཞི་ཤེས་ཀྱི་ཤེས་རྣམ་ ༡༢

* སྡུག་བསྔལ་བདེན་པ་ལ་བརྟེན་པ་ ༤ (མི་རྟག་པ། སྡུག་བསྔལ་བ། སྟོང་པ། བདག་མེད་པ)།


* ཀུན་འབྱུང་བདེན་པ་ལ་བརྟེན་པ་ ༤ (རྒྱུ། ཀུན་འབྱུང་། རབ་སྐྱེས། རྐྱེན)།


* འགོག་བདེན་ལ་བརྟེན་པ་ ༤ (འགོག་པ། ཞི་བ། གྱ་ནོམ་པ། ངེས་འབྱུང་)།


2. ལམ་བདེན་ལ་བརྟེན་པའི་གཞི་ཤེས་ཀྱི་ཤེས་རྣམ་ ༡༥

འདི་ལ་གཉེན་པོའི་དབྱེ་བའི་སྒོ་ནས་གསུམ་དུ་འདུས་ཏེ།


ཉོན་སྒྲིབ་ཀྱི་གཉེན་པོའི་རིགས་སུ་གནས་པའི་མཐོང་ལམ་ཟག་མེད་ ༡།


གཟུགས་ཕྱི་རོལ་དོན་དུ་འཛིན་པའི་རྟོག་པའི་གཉེན་པོའི་རིགས་སུ་གནས་པའི་སྒོམ་ལམ་ཟག་བཅས་ ༡།


གཟུགས་ཕྱི་རོལ་དོན་དུ་འཛིན་པའི་རྟོག་པའི་གཉེན་པོའི་རིགས་སུ་གནས་པའི་མཐོང་ལམ་ཟག་མེད་ ༡ བཅས་སོ།

བྱང་སེམས་འཕགས་པའི་རྒྱུད་ཀྱི་གཞི་ཤེས་ཀྱི་རྣམ་པ་ཉེར་བདུན་ལ་ཉོན་མོངས་པའི་ཟག་བཅས་སུ་བཏགས་ནས་བརྗོད་དེ། བྱང་སེམས་ཀྱིས་ཉོན་སྒྲིབ་སྤང་བྱའི་གཙོ་བོར་བྱས་ནས་མི་སྤོང་བར་གཞན་དོན་སྒྲུབ་པའི་ཡན་ལག་ཏུ་བསྒྱུར་བའི་ཕྱིར་རོ།


དཔྱད་གཞིའི་ཡིག་ཆ།

རྗེ་བཙུན་ཆོས་ཀྱི་རྒྱལ་མཚན། 《འཇམ་དཔལ་དབྱངས་རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོའི་གསུང་རྒྱུན་སྐབས་བཞི་པའི་མཐའ་དཔྱོད་ལེགས་བཤད་ནོར་བུའི་ཕྲེང་བ》


* རྒྱལ་བ་བྱམས་པ་མགོན་པོ། 《ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན》


* རྒྱལ་ཚབ་དར་མ་རིན་ཆེན། 《ཤེར་ཕྱིན་མངོན་པར་རྟོགས་པའི་རྒྱན་གྱི་རྣམ་བཤད་སྙིང་པོ་རྒྱན》</text>
      <sha1>2yv22sz8nny7erivyhjupkgpxuzk4nx</sha1>
    </revision>
  </page>
  <page>
    <title>སྒྲིབ་པ་གཉིས།</title>
    <ns>0</ns>
    <id>28246</id>
    <revision>
      <id>162831</id>
      <timestamp>2026-10-10T11:29:44Z</timestamp>
      <contributor>
        <username>Yongzom123</username>
        <id>34660</id>
      </contributor>
      <comment>Created page with &quot;'''ཐེག་པ་ཆེན་པོའི་མངོན་པར་རྟོགས་པའི་གཞུང'''་ལུགས་ཀྱི་དགོངས་དོན་ལྟར་ན། འཁོར་བར་འཆིང་བྱེད་ཀྱི་རྒྱུ་དང་ཐམས་ཅད་མཁྱེན་པའི་གོ་འཕང་བགྲོད་པ་ལ་གེགས་སུ་གྱུར་པའི་དྲི་མ་མཐའ་དག...&quot;</comment>
      <origin>162831</origin>
      <model>wikitext</model>
      <format>text/x-wiki</format>
      <text bytes="28189" sha1="d836zao7o4w8xy9t9uedcx3o3ntpzgj" xml:space="preserve">'''ཐེག་པ་ཆེན་པོའི་མངོན་པར་རྟོགས་པའི་གཞུང'''་ལུགས་ཀྱི་དགོངས་དོན་ལྟར་ན། འཁོར་བར་འཆིང་བྱེད་ཀྱི་རྒྱུ་དང་ཐམས་ཅད་མཁྱེན་པའི་གོ་འཕང་བགྲོད་པ་ལ་གེགས་སུ་གྱུར་པའི་དྲི་མ་མཐའ་དག་ནི་ཉོན་མོངས་པའི་སྒྲིབ་པ་དང་ཤེས་བྱའི་སྒྲིབ་པ་གཉིས་སུ་གྲངས་ངེས་པར་བཞག་ཡོད། 

དབུས་དང་མཐའ་རྣམ་་འབྱེད་པ་ལས། «ཉོན་མོངས་པ་ཡི་སྒྲིབ་པ་དང་། །ཤེས་བྱའི་སྒྲིབ་པ་གཉིས་སུ་བསྟན། །དེར་ནི་སྒྲིབ་པ་ཐམས་ཅད་དེ། །དེ་ཟད་ནས་ནི་རྣམ་པར་གྲོལ། » ཞེས་གསུངས་པ་ལྟར། འཁོར་བ་ལས་གྲོལ་བའི་ཐར་པ་དང་མི་གནས་པའི་མྱང་འདས་ཆེན་པོ་མངོན་དུ་བྱེད་པ་ལ་སྒྲིབ་པ་འདི་གཉིས་ཀྱི་ངོ་བོ་དང་། དབྱེ་བ། སྤོང་ཚུལ་གྱི་གོ་རིམ་རྣམས་ཚུལ་བཞིན་དུ་ངེས་དགོས་པ་ནི་ཤེར་ཕྱིན་གྱི་གཞུང་ལུགས་ཀུན་གྱི་རྨང་གཞི་ཡིན། 


རྒྱལ་བ་བྱམས་པ་མགོན་པོས་མཛད་པའི་ 《མངོན་པར་རྟོགས་པའི་རྒྱན》 གྱི་སྐབས་བཞི་པ་དང་ལྔ་པའི་བརྗོད་བྱའི་ནང་ཚན་དུ། རྗེ་བཙུན་ཆོས་ཀྱི་རྒྱལ་མཚན་གྱིས་ 《ཕར་ཕྱིན་མཐའ་དཔྱོད་ལེགས་བཤད་ནོར་བུའི་ཕྲེང་བ》 ལས་སྒྲིབ་གཉིས་ཀྱི་རྣམ་གཞག་རྩོད་སྤོང་དང་བཅས་པ་ཞིབ་མོའི་རིགས་པས་གཏན་ལ་ཕབ་ཡོད།   


མཚན་ཉིད།
སྒྲིབ་པ་གཉིས་ཀྱི་མཚན་ཉིད་འཇོག་པའི་ཚེ། སྔོན་གྱི་མཁས་པ་ཁ་ཅིག་གིས «སྒྲིབ་པ་གང་ཞིག གཙོ་བོར་ཐར་པ་ཐོབ་པ་ལ་བར་དུ་གཅོད་པར་བྱེད་པ» དེ་ཉོན་སྒྲིབ་ཀྱི་མཚན་ཉིད་དང་། «སྒྲིབ་པ་གང་ཞིག གཙོ་བོར་ཐམས་ཅད་མཁྱེན་པ་ཐོབ་པ་ལ་བར་དུ་གཅོད་པར་བྱེད་པ» དེ་ཤེས་སྒྲིབ་ཀྱི་མཚན་ཉིད་དུ་འདོད་པར་བྱེད། འདོད་ཚུལ་འདི་གཉིས་ཀ་མི་འཐད་དེ། གཟུགས་ཕྱི་རོལ་དོན་དུ་འཛིན་པའི་རྟོག་པ་ལྟ་བུ་ལ་མཚོན་ན། དེ་ཉིད་ཤེས་བྱའི་སྒྲིབ་པ་ཡིན་པ་གང་ཞིག་ལ། གལ་ཏེ་དེ་ཉིད་གཙོ་བོར་ཐམས་ཅད་མཁྱེན་པ་ཐོབ་པ་ལ་བར་དུ་གཅོད་བྱེད་དུ་འདོད་ན། རང་རྒྱལ་དགྲ་བཅོམ་པས་གཟུགས་ཕྱི་རོལ་དོན་འཛིན་གྱི་རྟོག་པ་སྤངས་ཟིན་པའི་ཕྱིར་ན། རང་རྒྱལ་དགྲ་བཅོམ་པ་དེ་ཉིད་ཐམས་ཅད་མཁྱེན་པ་ཐོབ་པར་ཐལ་བའི་སྐྱོན་ཡོད། ཅི་སྟེ་དེ་ལས་བཟློག་སྟེ་གཟུགས་ཕྱི་རོལ་དོན་འཛིན་གྱི་རྟོག་པ་དེ་ཉིད་གཙོ་བོར་ཐར་པ་ཐོབ་པ་ལ་བར་དུ་གཅོད་བྱེད་ཀྱི་ཉོན་སྒྲིབ་ཏུ་འདོད་ན། ཉན་ཐོས་དགྲ་བཅོམ་པས་ཀྱང་རྟོག་པ་དེ་སྤངས་པར་ཐལ་བར་འགྱུར་ལ། དེ་ལྟར་ན་རང་རྒྱལ་དགྲ་བཅོམ་པ་དེ་ཉན་ཐོས་དགྲ་བཅོམ་པ་ལས་སྤངས་པའི་སྒོ་ནས་ཁྱད་པར་དུ་འཕགས་པ་མེད་པར་འགྱུར་བས་ «རྣམ་པར་ཐར་པ་ཅུང་ཟད་ཙམ་ཞིག་གིས་ལྷག་པ» ཞེས་པའི་ལུང་དོན་དང་འགལ་བར་འགྱུར་རོ།   


གཞན་ཡང་སྒྲིབ་པ་ལ་གཉིས་སུ་གྲངས་མ་ངེས་པར་'''སྙོམས་འཇུག་གི་སྒྲིབ་པ'''་ལོགས་སུ་ཡོད་དོ་སྙམ་ན། དེ་ཡང་མི་འཐད་དེ། སྙོམས་འཇུག་གི་སྒྲིབ་པ་དེ་ཉིད་ཀྱང་དམན་པའི་སྒྲིབ་པའི་ཁོངས་སུ་གཏོགས་ཤིང་། སྒྲིབ་གཉིས་ཀྱི་ནང་དུ་མ་འདུས་པ་མེད་པའི་ཕྱིར་རོ།   
རྗེ་བཙུན་ཆོས་ཀྱི་རྒྱལ་མཚན་གྱི་རང་ལུགས་ལྟར་ན། སྒྲིབ་པ་སོ་སོའི་ཁྱབ་པ་དང་མཚན་ཉིད་ཀྱི་ཚིག་ཟུར་རྣམས་ནོར་འཁྲུལ་མེད་པར་གཏན་ལ་འབེབས་ཏེ། ཉོན་སྒྲིབ་དང་ཤེས་སྒྲིབ་གང་རུང་གང་ཞིག གཙོ་བོར་ཐར་པ་ཐོབ་པ་ལ་བར་དུ་གཅོད་པའི་སྒྲིབ་པའི་རིགས་སུ་གནས་པ་དེ་ཉིད་ཉོན་མོངས་པའི་སྒྲིབ་པའི་མཚན་ཉིད་དུ་འཇོག དེའི་མཚན་གཞིར་རྩ་བའི་ཉོན་མོངས་པ་དྲུག་དང་། ཉེ་བའི་ཉོན་མོངས་པ་ཉི་ཤུ། དེ་དག་གི་ས་བོན་དང་བཅས་པ་རྣམས་འདུའོ། དེ་བཞིན་དུ་ཉོན་སྒྲིབ་དང་ཤེས་སྒྲིབ་གང་རུང་གང་ཞིག གཙོ་བོར་ཐར་པ་ཙམ་ཐོབ་པ་ལ་བར་དུ་གཅོད་བྱེད་མ་ཡིན་པའི་སྒྲིབ་པའི་རིགས་སུ་གནས་པ་དེ་ཉིད་ཤེས་བྱའི་སྒྲིབ་པའི་མཚན་ཉིད་དུ་འཇོག་ཅིང་། དེའི་མཚན་གཞིར་ཆོས་ཀྱི་བདག་འཛིན་དུ་གྱུར་པའི་བདེན་འཛིན་དང་། གཟུགས་ཕྱི་རོལ་དོན་དུ་འཛིན་པའི་རྟོག་པ་ལྟ་བུ་འཇོག་པར་མཛད་དོ།   
སྒྲིབ་པའི་དབྱེ་བ།	

མཚན་ཉིད།
གཙོ་བོར་བར་དུ་གཅོད་པའི་འབྲས་བུ།
མཚན་གཞིའི་དཔེར་བརྗོད།

ཉོན་མོངས་པའི་སྒྲིབ་པ།	ཉོན་སྒྲིབ་དང་ཤེས་སྒྲིབ་གང་རུང་གང་ཞིག གཙོ་བོར་ཐར་པ་ཐོབ་པ་ལ་བར་དུ་གཅོད་པའི་སྒྲིབ་པའི་རིགས་སུ་གནས་པ།	འཁོར་བ་ལས་གྲོལ་བའི་ཐར་པའམ་ཉན་རང་གི་བྱང་ཆུབ།	'''རྩ་ཉོན་དྲུག''' '''ཉེ་ཉོན་ཉི་ཤུ།''' གང་ཟག་གི་བདག་འཛིན།
ཤེས་བྱའི་སྒྲིབ་པ།	ཉོན་སྒྲིབ་དང་ཤེས་སྒྲིབ་གང་རུང་གང་ཞིག གཙོ་བོར་ཐར་པ་ཙམ་ཐོབ་པ་ལ་བར་དུ་གཅོད་བྱེད་མ་ཡིན་པའི་སྒྲིབ་པའི་རིགས་སུ་གནས་པ།	ཆོས་ཐམས་ཅད་མཁྱེན་པའི་རྣམ་པ་ཐམས་ཅད་མཁྱེན་པ་ཉིད།	བདེན་འཛིན། གཟུགས་ཕྱི་རོལ་དོན་འཛིན་གྱི་རྟོག་པ།
  
ཤེས་སྒྲིབ་གཟུང་འཛིན་རྟོག་པའི་དབྱེ་བ་དང་གྲངས་ངེས།
《མངོན་རྟོགས་རྒྱན》 སྐབས་ལྔ་པ་རྩེ་སྦྱོར་གྱི་སྐབས་སུ་བསྟན་པའི་སྤང་བྱ་ཤེས་བྱའི་སྒྲིབ་པའི་རྣམ་པར་རྟོག་པ་ལ་མཐོང་སྤང་དང་སྒོམ་སྤང་གཉིས་སུ་དབྱེ་ཞིང་། དེ་རེ་རེ་ལའང་གཟུང་རྟོག་དང་འཛིན་རྟོག་གཉིས་སུ་ཕྱེ་བས་ཁྱོན་བསྡོམས་རྣམ་པ་བདུན་ཅུ་རྩ་གཉིས་ (༧༢) སུ་གྲངས་ངེས་པར་གསུངས།   
མཐོང་སྤང་དུ་གྱུར་པའི་ཤེས་སྒྲིབ་ཀྱི་རྟོག་པ་ལ་སོ་དྲུག་ཡོད་པ་ལས། དང་པོ་འཇུག་པ་གཟུང་རྟོག་དགུ་ནི། རང་གི་དམིགས་ཡུལ་དུ་གྱུར་པའི་ཐེག་ཆེན་གྱི་ལམ་གྱི་འཇུག་བྱའི་ཆོས་ལ་དམིགས་ནས་ལོངས་སྤྱད་བྱར་བདེན་པར་ཞེན་པའི་ཞེན་རིག་ཡིན། གཉིས་པ་ལྡོག་པ་གཟུང་རྟོག་དགུ་ནི། རང་གི་དམིགས་ཡུལ་དུ་གྱུར་པའི་ཐེག་ཆེན་ལམ་གྱི་ལྡོག་བྱའི་ཆོས་ལ་དམིགས་ནས་ལོངས་སྤྱད་བྱར་བདེན་པར་ཞེན་པའི་ཞེན་རིག་ཡིན། གསུམ་པ་རྫས་འཛིན་རྟོག་པ་དགུ་ནི། འཛིན་པ་ཡུལ་ཅན་གྱི་ཆོས་རྣམས་རང་རྐྱ་ཐུབ་པའི་རྫས་ཡོད་དུ་གྲུབ་པར་འཛིན་པའི་རྟོག་པ་ཡིན། བཞི་པ་བཏགས་འཛིན་རྟོག་པ་དགུ་ནི། འཛིན་པ་ཡུལ་ཅན་གྱི་ཆོས་རྣམས་བཏགས་ཡོད་དུ་གྲུབ་པ་ལ་བདེན་པར་ཞེན་པའི་རྟོག་པ་ཡིན།   
སྒོམ་སྤང་དུ་གྱུར་པའི་ཤེས་སྒྲིབ་ཀྱི་རྟོག་པ་ལའང་སོ་དྲུག་ཡོད་དེ། སྒོམ་སྤང་འཇུག་པ་གཟུང་རྟོག་དགུ་ནི། མདོ་རྒྱས་ཀྱི་གསུང་རབ་བརྗོད་བྱ་དང་བཅས་པ་ལ་དམིགས་ནས་ལོངས་སྤྱད་བྱར་བདེན་པར་ཞེན་པའི་བདེན་འཛིན་ལྷན་སྐྱེས་ཡིན། སྒོམ་སྤང་ལྡོག་པ་གཟུང་རྟོག་དགུ་ནི། ཐེག་དམན་གྱི་ལམ་དང་དོར་བྱའི་ཆོས་ལ་དམིགས་ནས་ལྡོག་བྱར་བདེན་པར་ཞེན་པའི་བདེན་འཛིན་ལྷན་སྐྱེས་ཡིན། དེ་བཞིན་དུ་སྒོམ་སྤང་རྫས་འཛིན་རྟོག་པ་དགུ་དང་། སྒོམ་སྤང་བཏགས་འཛིན་རྟོག་པ་དགུ་སྟེ་འཛིན་པ་ཡུལ་ཅན་ལ་དམིགས་པའི་ལྷན་སྐྱེས་ཀྱི་རྟོག་པ་བཅོ་བརྒྱད་ཡོད་དོ།   
སྤང་བྱའི་རིམ་པ།	
འཇུག་པ་གཟུང་རྟོག

ལྡོག་པ་གཟུང་རྟོག

རྫས་འཛིན་རྟོག་པ།

བཏགས་འཛིན་རྟོག་པ།

བསྡོམས་གྲངས།

མཐོང་སྤང་ཤེས་སྒྲིབ། (ཀུན་བརྟགས)	༩	༩	༩	༩	༣༦
སྒོམ་སྤང་ཤེས་སྒྲིབ། (ལྷན་སྐྱེས)	༩	༩	༩	༩	༣༦
བསྡོམས་གྲངས།	༡༨	༡༨	༡༨	༡༨	༧༢
  
ཐེག་པ་སོ་སོའི་སྤང་བྱའི་གོ་རིམ་དང་ས་མཚམས་ཀྱི་ཁྱད་པར།
ཐེག་པ་གསུམ་གྱི་ལམ་གྱི་བགྲོད་རིམ་ལ་ལྟོས་ནས་སྒྲིབ་པ་གཉིས་སྤོང་བའི་ཚུལ་ལ་ཁྱད་པར་ཆེན་པོ་ཡོད། ཉན་ཐོས་པ་རྣམས་ནི་རང་ཉིད་གཅིག་པུའི་ཐར་པ་དོན་དུ་གཉེར་བའི་དབང་གིས། གང་ཟག་གི་བདག་མེད་རྟོགས་པའི་ཤེས་རབ་གཙོ་བོར་བསྒོམས་ནས་ཉོན་མོངས་པའི་སྒྲིབ་པ་སྤང་བྱའི་གཙོ་བོར་བྱས་ནས་སྤོང་བར་བྱེད། དེའི་ཕྱིར་ཉན་ཐོས་འཕགས་པའི་རྒྱུད་ཀྱི་གཞི་ཤེས་ཀྱི་རྣམ་པ་ཉེར་བདུན་ལ་ «ཉོན་མོངས་པའི་ཟག་མེད» ཅེས་བརྗོད་དོ། ཉན་ཐོས་དགྲ་བཅོམ་པའི་གོ་འཕང་ཐོབ་པའི་ཚེ་ཉོན་སྒྲིབ་མ་ལུས་པར་སྤངས་ཟིན་ཀྱང་། ཤེས་བྱའི་སྒྲིབ་པ་མ་སྤངས་པར་ལུས་ཡོད།   


རང་སངས་རྒྱས་རྣམས་ཀྱིས་ནི་ཉོན་སྒྲིབ་མ་ལུས་པར་སྤོང་བར་མ་ཟད། གཟུང་བ་ཕྱི་རོལ་གྱི་དོན་དུ་གྲུབ་པ་འགོག་པའི་གཉིས་སྟོང་རྟོགས་པའི་ཤེས་རབ་བསྒོམས་པ་ལ་བརྟེན་ནས། ཤེས་སྒྲིབ་གཟུང་རྟོག་གི་ཁོངས་སུ་གཏོགས་པའི་གཟུགས་ཕྱི་རོལ་དོན་འཛིན་གྱི་རྟོག་པ་ཡང་སྤོང་བར་མཛད་པས། སྤངས་པའི་སྒོ་ནས་ཉན་ཐོས་ལས་ཁྱད་པར་དུ་འཕགས་པར་བཞག་གོ   
བྱང་ཆུབ་སེམས་དཔའ་རྣམས་ཀྱིས་ནི་མཐའ་ཡས་པའི་སེམས་ཅན་གྱི་དོན་དུ་རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བས། ཤེས་བྱའི་སྒྲིབ་པ་སྤང་བྱའི་གཙོ་བོར་བྱེད་ཅིང་། ཉོན་སྒྲིབ་སྤང་བྱའི་གཙོ་བོར་མི་བྱེད་དེ། ཐབས་མཁས་ཀྱི་སྒོ་ནས་ཉོན་མོངས་པ་རྣམས་གཞན་དོན་སྒྲུབ་པའི་ཡན་ལག་ཏུ་བསྒྱུར་བར་བྱེད་པའི་ཕྱིར་རོ། དེའི་ཕྱིར་བྱང་སེམས་ཀྱི་གཞི་ཤེས་དང་ལམ་ཤེས་ལ་ «ཉོན་མོངས་པའི་ཟག་བཅས» སུ་བཏགས་ནས་བརྗོད་པ་ཡིན། བྱང་སེམས་ཀྱིས་ས་དང་པོ་ཐོབ་པ་ན་མཐོང་སྤང་ཤེས་སྒྲིབ་ཀྱི་རྟོག་པ་སོ་དྲུག་དངོས་སུ་སྤོང་ལ། ས་གཉིས་པ་ནས་བཅུ་པའི་བར་དུ་སྒོམ་སྤང་གི་རྟོག་པ་རྣམས་རིམ་གྱིས་སྤོང་བར་བྱེད། ས་བརྒྱད་པ་ཐོབ་པ་ན་ཉོན་མོངས་པའི་སྒྲིབ་པ་རགས་པ་རྣམས་གཏན་དུ་ལྡོག་པར་འགྱུར་རོ།   


ཐོག་མ་ཉིད་ནས་ཐེག་ཆེན་དུ་རིགས་ངེས་པའི་བྱང་ཆུབ་སེམས་དཔའ་དམན་ལམ་སྔོན་དུ་མ་སོང་བ་རྣམས་ཀྱིས་ནི། 《མངོན་པ་ཀུན་བཏུས》 ལས «དེས་བྱང་ཆུབ་ཐོབ་པ་ན། ཉོན་མོངས་པ་དང་ཤེས་བྱའི་སྒྲིབ་པ་ཅིག་ཅར་དུ་སྤོང་ངོ་། །» ཞེས་གསུངས་པ་ལྟར། རྒྱུན་གྱི་མཐའི་བར་ཆད་མེད་ལམ་ལ་གནས་པའི་ཚེ་སྒྲིབ་པ་གཉིས་ཀྱི་ས་བོན་ཕྲ་མོ་རྣམས་ཅིག་ཅར་དུ་སྤོང་བར་འདོད་དགོས་ཏེ། དེའི་གོང་དུ་དགྲ་བཅོམ་པའི་གོ་འཕང་སྔོན་དུ་མ་སོང་བའི་ཕྱིར་རོ།   

གྲུབ་མཐའི་འདོད་ཚུལ་གྱི་རྩོད་གཞི་དང་ཟབ་དོན་མཐའ་དཔྱོད།
དབུ་སེམས་ཀྱི་གྲུབ་མཐའི་འདོད་ཚུལ་གྱི་ཁྱད་པར་ལས་སྒྲིབ་པ་གཉིས་ཀྱི་ངོས་འཛིན་ལ་རྩོད་གཞི་ཆེན་པོ་བྱུང་ཡོད། 《ཕར་ཕྱིན་མཐའ་དཔྱོད》 ཀྱི་སྐབས་འདིར་དབུ་མ་རང་རྒྱུད་པ་དང་སེམས་ཙམ་པའི་ལུགས་ཀྱི་གཞུང་གི་དགོངས་པ་གཙོ་བོར་བཟུང་ནས། གང་ཟག་གི་བདག་འཛིན་ནི་ཉོན་མོངས་པའི་སྒྲིབ་པ་དང་། ཆོས་ཀྱི་བདག་འཛིན་ནམ་བདེན་འཛིན་ནི་ཤེས་བྱའི་སྒྲིབ་པའི་ཁོངས་སུ་བཞག་ཡོད། དེའི་ཕྱིར་བདེན་འཛིན་གྱི་དངོས་གཉེན་དུ་གྱུར་པའི་སྟོང་ཉིད་རྟོགས་པའི་ཡེ་ཤེས་དང་། གཟུགས་ཕྱི་རོལ་དོན་འཛིན་གྱི་གཉེན་པོར་གྱུར་པའི་ལམ་རྣམས་ཤེས་སྒྲིབ་ཀྱི་གཉེན་པོར་འཇོག་དགོས་སོ།   
《མངོན་རྟོགས་རྒྱན》 སྐབས་ལྔ་པར «གཞན་གྱི་ཆོས་རྣམས་ཀྱང་ཡོད་ལ། །» ཞེས་པའི་གཞུང་གི་དོན་ལ། སེམས་ཙམ་པ་དག་གིས་གཞན་དབང་དང་ཡོངས་གྲུབ་བདེན་པར་གྲུབ་པར་འདོད་པའི་དབང་གིས། སྒྲིབ་པ་གཉིས་ཀྱི་ས་བོན་དང་དྲི་མ་རྣམས་ཀྱང་བདེན་པར་གྲུབ་པར་ཁས་ལེན་དགོས་པར་འགྱུར། དེ་ལྟར་སྒྲིབ་གཉིས་བདེན་པར་གྲུབ་པར་ཁས་བླངས་པ་དང་། སངས་རྒྱས་ཀྱིས་སྒྲིབ་གཉིས་མ་ལུས་པར་སྤངས་སོ་ཞེས་ཁས་ལེན་པ་གཉིས་ནི་ཕན་ཚུན་དངོས་སུ་འགལ་བ་ཡིན་ཏེ། གལ་ཏེ་སྒྲིབ་པ་གཉིས་རང་བཞིན་གྱིས་གྲུབ་ཅིང་བདེན་པར་ཡོད་ན། གཉེན་པོའི་ལམ་གྱིས་དེ་ཉིད་ནམ་ཡང་གཞོམ་དུ་མེད་པར་ཐལ་བའི་ཕྱིར་རོ། དེའི་ཕྱིར་རྒྱལ་བ་བྱམས་པ་མགོན་པོས་སེམས་ཙམ་པའི་དམ་བཅའ་དེ་ཉིད་མཚར་དུ་བརྩིས་ནས་རིགས་པས་སུན་འབྱིན་མཛད་ཡོད།   
བདུད་བཞི་དང་སྒྲིབ་གཉིས་ཀྱི་འབྲེལ་བའི་རྣམ་གཞག།

'''སྐབས་བཞི་པའི'''་མཇུག་ཏུ་བདུད་བཞིའི་རྣམ་གཞག་རྒྱས་པར་གཏན་ལ་འབེབས་པའི་ཚེ། བདུད་བཞི་དང་སྒྲིབ་གཉིས་ཀྱི་འབྲེལ་བ་ཤིན་ཏུ་ཟབ་མོ་ཞིག་བསྟན་ཡོད། ཉོན་མོངས་པའི་བདུད་ནི་གཙོ་བོར་ཐར་པ་ཐོབ་པ་ལ་བར་དུ་གཅོད་པའི་སྒྲིབ་པའི་རིགས་སུ་གནས་པའི་རྩ་ཉོན་དང་ཉེ་ཉོན་རྣམས་ཡིན་པས་ཉོན་སྒྲིབ་ཀྱི་ངོ་བོ་ཉིད་ཡིན། ཕུང་པོའི་བདུད་དང་འཆི་བདག་གི་བདུད་གཉིས་ནི། ལས་ཉོན་གྱི་དབང་གིས་བྱུང་བའི་ཟག་བཅས་ཀྱི་ཕུང་པོ་དང་འཆི་འཕོ་བ་རགས་པ་ཙམ་དུ་མ་ཟད། མ་རིག་བག་ཆགས་ཀྱི་ས་དང་ཟག་མེད་ཀྱི་ལས་ལ་བརྟེན་ནས་བྱུང་བའི་ཡིད་ཀྱི་རང་བཞིན་གྱི་ལུས་དང་བསམ་གྱིས་མི་ཁྱབ་པའི་འཆི་འཕོ་བ་ཕྲ་མོ་རྣམས་ཀྱང་ཡིན་པས། དེ་དག་ནི་ཤེས་བྱའི་སྒྲིབ་པའི་འབྲས་བུའི་ཆར་གཏོགས་པ་ཡིན། ལྷའི་བུའི་བདུད་ནི་བདུད་གཞན་གསུམ་ལས་འདའ་བ་ལ་བར་དུ་གཅོད་པའི་འདོད་ལྷའི་བྱེ་བྲག་ཡིན་ནོ།   

ཐེག་དམན་པ་རྣམས་ཀྱིས་དགྲ་བཅོམ་པ་ཐོབ་པ་ན་ཉོན་མོངས་པའི་བདུད་ལས་འདའ་ཞིང་། ལྷག་མེད་མྱང་འདས་ཐོབ་པ་ན་ལས་ཉོན་གྱིས་བྱུང་བའི་ཕུང་པོའི་བདུད་རགས་པ་ལས་འདའ་བར་བྱེད། ཐེག་པ་ཆེན་པོའི་ལམ་དུ་ཞུགས་པ་རྣམས་ཀྱིས་ནི་ཕྱིར་མི་ལྡོག་པའི་རྟགས་ཐོབ་པ་ནས་ལྷའི་བུའི་བདུད་ལས་འདའ་ལ། ས་བརྒྱད་པ་ཐོབ་པ་ན་བདུད་གཞན་གསུམ་གྱི་རགས་པ་ལས་འདའ་བར་འགྱུར་རོ། མཐར་སངས་རྒྱས་པའི་ཚེ་མ་རིག་བག་ཆགས་ཀྱི་ས་དང་ཡིད་ཀྱི་ལུས་སོགས་ཕྲ་མོ་མཐའ་དག་སྤངས་པས་བདུད་བཞི་མ་ལུས་པ་གཏན་དུ་བཅོམ་པ་དང་སངས་རྒྱས་པ་དུས་མཉམ་དུ་འགྱུར་རོ།   
མཇུག་བསྡུའི་གནད་དོན།
སྒྲིབ་པ་གཉིས་ཀྱི་རྣམ་གཞག་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་གཞུང་གི་སྙིང་པོ་སྟེ། ཐེག་དམན་གྱི་ལམ་གྱིས་གཙོ་བོར་ཉོན་མོངས་པའི་སྒྲིབ་པ་སྤངས་ཏེ་འཁོར་བ་ལས་གྲོལ་བའི་ཐར་པ་ཙམ་སྒྲུབ་པར་བྱེད་ལ། ཐེག་ཆེན་གྱི་སྦྱོར་བ་རྣམས་ཀྱིས་ཐབས་ཤེས་ཟུང་འབྲེལ་གྱི་སྒོ་ནས་ཤེས་བྱའི་སྒྲིབ་པའི་རྟོག་པ་བདུན་ཅུ་རྩ་གཉིས་པོ་རྩད་ནས་སྤོང་བར་བྱེད་དོ། མཐར་རྒྱུན་མཐའི་བར་ཆད་མེད་པའི་རྩེ་སྦྱོར་གྱིས་སྒྲིབ་གཉིས་བག་ཆགས་དང་བཅས་པ་ཅིག་ཅར་དུ་གཏན་དུ་བཅོམ་པ་ལས། འབྲས་བུ་ཆོས་ཀྱི་སྐུ་དང་རྣམ་པ་ཐམས་ཅད་མཁྱེན་པའི་ཡེ་ཤེས་མངོན་དུ་འགྱུར་བ་ནི། རྒྱལ་བ་བྱམས་པ་མགོན་པོ་དང་རྗེ་བཙུན་ཆོས་ཀྱི་རྒྱལ་མཚན་གྱི་གསུང་རྒྱུན་ལས་བྱུང་བའི་སྒྲིབ་གཉིས་སྤོང་ཚུལ་གྱི་གནད་དོན་མཐར་ཐུག་པ་ཡིན་ནོ།</text>
      <sha1>d836zao7o4w8xy9t9uedcx3o3ntpzgj</sha1>
    </revision>
  </page>
</mediawiki>