Vichipedie furwiki https://fur.wikipedia.org/wiki/Pagjine_princip%C3%A2l MediaWiki 1.47.0-wmf.2 first-letter Media Speciâl Discussion Utent Discussion utent Vichipedie Discussion Vichipedie Figure Discussion figure MediaWiki Discussion MediaWiki Model Discussion model Jutori Discussion jutori Categorie Discussion categorie TimedText TimedText talk Modulo Discussioni modulo Evento Discussioni evento 0 10472 182557 180964 2026-05-18T22:12:07Z FrancescoColomberotto 14030 Corezion erôrs 182557 wikitext text/x-wiki {{Geobox nonRegjon|Londre}} {{Geobox nonOrigjinal|London [[Figure:City of London Skyline from Canary Wharf - Sept 2008.jpg|senza_cornice|destra]]}} {{Geobox stât|Ingletiere}} {{Geobox superficie|1572,15 km²}} {{Geobox popolazion|abitants=8 825 000 |an=2019 |densitât=5.589,8 ab/km²}} {{Geobox sît|http://www.london.gov.uk/}} [[Figure:Greater London UK locator map 2010.svg|senza_cornice|destra]]}} {{Geobox fin}} [[Figure:London Skyline.jpg|miniatura|destra|Panorame de citât]] '''Londre''' (par inglês ''London'') e je la capitâl e la citât pui grande de [[Ingletiere]] e dal [[Ream Unît]] cun i siei 8 825 000 abitants. La sô estension teritoriâl le rint la citât pui estendude d'[[Europe]] daspò [[Mosche]] e [[Istambul]], seguide da [[Rome]] e [[Berlin]]. Tancj dai siei abitants, clamâts "londinês" (ing. ''londoners'') son forescj. Par chest motîf, Londre e je une des citâts pui multietnichis dal mont. Londre e je stade la capitâl dal Ream britanic, mete pricipâl di dutis lis migrazions soredut tal periodi coloniâl. E à il PIL pui elevât jenfri dutis lis citâts europeanis e il cuint tal mont. Dotade di sîs aeropuarts, e je duncje un pont di passaç une vore impuartant in dut il mont. La sô metropolitane, clamade [[London Underground]], e je la pui antighe dal mont. Londre e je ancje la seconde citât pui visitade dal mont dal [[turisim]] internazionâl, daspò [[Bangkok]] in [[Asie]]. Par dutis chestis carateristichis, Londre e à concuistât il titul di "citât globâl": e je la uniche citât britaniche te liste da lis "Citâts Mondiâls Alfa". A Londre si cjatin impuartantis istituzions, organizazions e societâts internazionâls. Si cjatin impuartants museus e teatris; la citât e conten cuatri patrimonis de umanitât. Tal [[Palaç di Buckingham]] e je la residence dal monarcje dal [[Ream Unît]]. Tal [[Palaç di Westminster]] si cjate il Parlament inglês. Il numar [[10 Downing Street]] e je la sede dal Prin Ministri inglês e la sede dal Guvier dal Ream Unît. == Gjeografie fisiche == Londre si cjate tal sud-ovest de Grande Bretagne, dongje il flum [[Tamigi]], a pocjs oris dal passaç di Calais, che separe il Ream Unît de [[France]], traviârs il [[Canâl de Maniche]]. A ovest si cjate le piçule citât di [[Windsor]], residence estive de Corone Inglese, dongje l'aeropuart di [[Heathrow]]. Il flum che traviarse Londre, il Tamigi al è navigabil. Cheste oportunitât a fât di Londre un puart fluviâl e, jessint il mâr no masse lontan, al è stât fin a le metât dal XX secul, un scâl une vore impuartant. Il flum al traviarse le citât da ovest a est, al fo il motôr dal svilup de citât stesse.Londre je stade fondade in te rive setentrionâl dal flum, e par tancj secui, si podeve traviersâ nome da un puint sôl: il [[Puint di Londre]] (''London Bridge''). Par chest motîf il centri de citât si cjate a nord dal flum. Cuant che dal XVIII secul, vegnin costruîts atris puints, jenfri i cuâi il pui famôs al è il [[Puint de Tor]] (''Tower Bridge''), le citât a cognossût une grande espansion, favoride ancje dal fât che si cjate parsore une pianure aluvionâl, che a udât la cressite e lis costruzions. Le estension a vude une forme circolâr. Untimp, il flum al jere une vore pui larc ma al è stât stinzût par pode costruî cjasis e palaçs. Tal stês timp i sôi afluents son stâts incanalâts in tubaturis sot tiare . Ma il flum al è influenzât da lis mareis e par chest motîf Londre riscje l'inondazion. Al semêe che le Gran Bretagne al a une inclinazion par motivazion gjeologjichis, che la stâ alçant de bande setentrionâl e te bande meridionâl si sbasse. A front dal pericul, in tai agns setante, je stade costruide a [[Woolvich]] le [[Thames Barrier]]. [[Categorie:Ream Unît]] [[Categorie:Citâts]] [[Categorie:Capitâls in Europe]] fhh4b8zzhw4fdp1846imfqbqc8mmqby 0 13518 182558 179369 2026-05-19T00:07:46Z InternetArchiveBot 12057 Rescuing 1 sources and tagging 0 as dead.) #IABot (v2.0.9.5 182558 wikitext text/x-wiki Il '''''boteiro''''' al è la figure plui emblematiche dal ''Entrudio'' ([[Carnevâl]]) di Viana do Bolo (Ourense, Galizie, [[Spagne]]). Daûr dal area di origjin, i costums e i comportaments dai ''boteiros'' a son diferents. == Boteiro di Viana do Bolo == === '''Storie''' === Il ''boteiro'' al è la figure plui emblematiche dal ''Entrudio'' di Viana do Bolo. Ancje se la sô origjin e rimonte cun probabilitât a tancj secui indaûr, la configurazion moderne di chest personaç si stabilìs inte decade dai agns ’80 dal secul XX, cuant che a Viana do Bolo, il cjâf lûc dal municipi, si prodûs une confluence da lis diviersis tradizions di ''Entrudio'' che a esistevin tai piçui paîs dongje: lis ''comparsas'' e i ''fulións''. [[Figure:Comparsa dans le hameau de Penouta (Viana do Bolo).jpg|miniatura|Comparsa in zîr par il paîs di Penouta (comun di Viana do Bolo)]] Une ''comparsa'' e je formade di un grup di oms zovins di ogni paîs che durant l’''Entrudio'' a fasevin un zîr intai comuns dal dulintor par rapresentâ oparis teatrâls umoristichis clamadis ''disputas''. Chestis comitivis a àn une serie di personaçs fis: il ''director'' (diretôr), la ''señorita'' o ''madama'' (signorine), il ''paiaso'' (paiaç), i ''músicos'' (musics) e infin i ''de esquilas'' o ''vellos de esquilas'' (i “des campanelis” o “viei des campanelis”). [[Figure:Entroido de Viana do Bolo 2018 - 04.jpg|miniatura|Fulión dal paîs di Bembibre a la place di Viana do Bolo]] Un ''fulión'' al è une comitive che e sfile par lis stradis dai paisuts sunant un ritmi monoton cun imprescj agricui e struments a percussion. Par solit, un paîs o un grup di paîs al à il stes sun, che lu diferenzie di chel di chei altris paîs. I ''fulións'' a vignivin fûr la sere, a pene finîts i lavôrs tai cjamps, e lis datis a variin daûr dal paîs. In cualchidun di chescj ''fulións'' e esisteve la figure dal ''boteiro'', ancje se il vistît al jere diferent di chel di vuê. Par capî il costum atuâl dal ''boteiro'' bisugne tignî cont che, dai agns Otante dal Nûfcent, lis ''comparsas'' a jentrarin in decjadence par vie de mancjance di zovins, fintremai a sparî dal dut tai agns Novante. A chel pont i costums dai ''vellos de esquilas'' des ''comparsas'' a passarin a doprâsi pal ''fulión'' e par i ''boteiros'', sostituint il costum propri dal personaç origjinâl in grant part dai paisuts. Il ''boteiro'' di vuê al è duncje une imitazion sofisticade dal vistît dai ''vellos de esquilas'' cu lis funzions dai antîcs ''boteiros'' dai piçui paîs dongje. === '''Funzions''' === La funzion dal ''boteiro'' e je (di simpri) une sole e e je peade a strent al ''fulión'', ven a stâi chê di anunziâ la comitive (''fulión'') e di fâi strade jenfri il public. Par parâ vie il public, il ''boteiro'' al pues sburtâ cui braçs, sbassâ il cjâf par colpî o strissinâ la ''monca'' denant di se intant che al cor, mostrant cussì ai spetatôrs il spazi di lassâ libar. E ancjemò, al bale o al salte tignintsi sù su la ''monca'' cun chê di meti in mostre la sô fuarce e il so snait. Il ''boteiro'' al è considerât plui brâf cuant che al rive a fâ sunâ lis ''esquilas'' par dut il timp, e cetante plui abilitât, fuarce e elegance al mostre corint, saltant e balant, miôr al è. === '''Il costum''' === '''- Mascare''' La mascare dal ''boteiro'' e je pardabon une zoie di artesanât, stant che no ’ndi esistin dôs compagnis. E je fate di dôs parts. [[Figure:Figura del boteiro de Viana do Bolo.jpg|miniatura|Boteiro di Viana do Bolo]] La part superiôr, che e à il non di ''pantalla'', e je fate cuntune armadure di fier cuvierte cun centenârs di sfueis di cjarte veline pleâts e taiâts, che si tachin cu la cole su la armadure, cirint une disposizion simetriche dai colôrs. Inte part inferiôr si cjate la mascare di len che e va fissade ae struture metaliche cuntune sorte di casc. La espression di chestis mascaris e varie jenfri la sbeleade, cun ridadis sarcastichis e dincj in biele mostre, e il proposit di intimidî e fâ pôre. Chest al splee la presince di retii; il plui frecuent al è il sarpint. A puedin vê ancje musis di animâi e nol risulte strani che si zontin i cuars. La tradizion plui pandude e je che la muse si pituri di neri, ma ta cualchi paîs lis mascaris a mantegnin il colôr naturâl dal len. Infin, inte mascare di len a son dôs cenglis che a strenzin la mascare tal cuel dal ''boteiro'' e che si tegnin platadis sot dai sfueis di cjarte veline de part posteriôr, fasint cussì la funzion dai cjavei. '''- Maiute''' La maiute dal ''boteiro'' e je, insiemi cu la mascare, l’element che al pant in mût principâl la creativitât e il virtuosisim tecnic. Suntune maiute di felpe a vegnin cusîts plui di mil metris di curdelis coloradis. Par antîc, tal mieç dal pet e su la schene si metevin motîfs gjeometrics o dissens di formis semplicis; cumò, invezit, si fasin composizions figurativis plui complessis. E ancjemò, tes conolis e tal ôr inferiôr de maiute dispès si cusin pleis plissetadis: chês tes conolis a coventin par che no si viodi la cjamese sot, invezit il plissetât de part inferiôr al ten fissadis lis ''esquilas'' intal ombul, par che chestis no vadin sù cuant che il ''boteiro'' al cjamine o al salte. '''- Cjamese blancje e golarine''' Il costum dal ''boteiro'' al è un vistiari elegant e, par chel, al à di meti sù cjamese blancje e golarine. '''- Manecis''' Lis manecis a son un element essenziâl parcè che a judin a mantignî l’anonimât totâl di cui che al è daûr de mascare. '''- Monca''' La ''monca'' e je un baston resistent che di regule al passe i 170 cm di lungjece e uns 2 cm di diametri. Si piture cun colôrs vîfs e inte part superiôr e à un ornament che al pues jessi un pompon, une nape, o ancje curdelis coloradis o la code di une bolp. Il ''boteiro'' al dopre la ''monca'' par parâ vie la int, ma ancje come mace par saltâ. '''- ''Esquilas''''' Cun ''esquilas'' si intint sedi la cinture dulà che a pendolin lis piçulis cjampanis tipichis des vacjis, sedi lis cjampanis stessis. Chestis a van metudis in mût che, cuant che si movin, a produsedin un sun armonic: par cheste reson si alterne une ''esquila'' mascli (sun grâf) cuntune ''esquila'' femine (sun acût) dilunc dute la cinture. Cheste cinture di regule si cuvierç cuntun rivistiment fof, par che no fasi mâl al ''boteiro''. '''- Bregon''' Il bregon, par solit, al è ros cun franzis che si metin o dilunc la cusidure laterâl esterne di ogni gjambe, o in dôs/trê fassis paralelis ator de gjambe; ta chest ultin câs, la robe plui comun e je che a vegnin metudis parsore dal zenoli. '''- ''Legues'' neris''' Lis ''legues'' a son gjambâi di corean che a taponin la zone da lis pupulis e a parin dal pantan e de aghe la part inferiôr dal bregon. '''- Stivâi neris''' == Risorsis == # [https://web.archive.org/web/20230113012950/https://www.entrudiovianadobolo.com/ Entrudio di Viana do Bolo]. Sito web dipendent dal comun (disponibil par galizian, spagnûl e inglês). Consultat il 24 març 2025. # INFORMATIVOS TELEMIÑO (21 fevrâr 2020): «[https://www.youtube.com/watch?v=qShyeAv8GCU Entroido 2020. Os boteiros de Viana do Bolo]». Consultat il 24 març 2025. # BASALO BEMBIBRE, Pedro (3 jugn 2023): «[https://www.youtube.com/watch?v=5QdKSIgrqVI Presentazione delle maschere ospiti: Thurpos - Boteiros - Rollate]», al ''Ventennale della fondazione del Museo Civico delle Maschere Mediterranee'', Mamoiada (Sardegna) [min. 12:35-22:00]. Consultat il 24 març 2025. # INFORMATIVOS TELEMIÑO (13 fevrâr 2024): «[https://www.youtube.com/watch?v=6gkUaqqFbEc Entroido 2024. Viana recupera as comparsas das aldeas]». Consultat il 24 març 2025. 5w9if3szl6ogtbiq592a51g5btiq2au