Wikipedia guwwiki https://guw.wikipedia.org/wiki/Weda_Tangan MediaWiki 1.47.0-wmf.4 first-letter Media Vonọtaun Hodidọ Zinzantọ Zinzantọ hodidọ Wikipedia Wikipedia hodidọ Wepo Wepo hodidọ MediaWiki MediaWiki hodidọ Ohia Ohia hodidọ Alọgọ Alọgọ hodidọ Adà Adà hodidọ TimedText TimedText talk Module Module talk Event Event talk 0 649 44921 44919 2026-05-30T18:46:14Z WikiBayer 399 Jlado he yin kọlena gbọn [[Special:Contributions/Dr-Andr888|Dr-Andr888]] ([[User talk:Dr-Andr888|hodidọ]]) jẹ vọzepọn he gbọn godo lẹ ji [[User:~2026-38710-0|~2026-38710-0]] 43285 wikitext text/x-wiki {{Otò |otò = Russia |asia = Flag of Russia.svg |ohia = Coat of Arms of the Russian Federation.svg |yẹdide = Russian Federation (orthographic projection).svg |tatọ́-tònọ = [[Moscow]] |lẹdo = 17,098,246 km² |gbẹtọ sọha lẹ = 145,478,097 |owhe = 2022 }} '''Russia''' (to Russia-gbè mẹ: Россия), he nọ yin yiylọ to osẹ́nliho dọ '''Russian Federation''' (to Russia-gbè mẹ: Российская Федерация) yin [[otò]] de to Whèzẹtẹn-waji Europe tọn po Agéwaji Asia tọn po. Ewọ wẹ yin otò he kló hugan to aihọ́n mẹ, po nudi gbẹtọ sọha livi 146 e lán fọtọ́n dònu ṣinawe po. Ewọ wẹ yin otò he mẹ gbẹtọ su te hugán to [[Europe]], podọ [[Moscow]] he yin tòdaho tatọ́-tẹnnọ̀, ewọ sọ wẹ yin tòdaho he kló hugan to Europe. Ogbè he nọ yin dido hugan to Russia wẹ̀, [[Ogbè Russia tọn|Russia-gbè]], ewọ sọ wẹ yin ogbè he nọ yin dido hugan to agbegbe Europe tọn ji, podọ ga ewọ wẹ yin ogbè Slav lẹ tọn he nọ yin dido hugan. Tògbo ehe wẹ kló hugan to aigba ji na nue du gbigbló lẹdo he ji yè sọgan nọ tọn, bọ [[Canada]] hopódona ẹn, enẹgodo, [[Amẹlika]], po [[China]] po. Russia má dogbó hẹ otò voovo 16, to Europe po Asia po mẹ. Ehelẹ wẹ: Norway, [[Finland]], Estonia, Latvia, Lithuania po Poland po (awe lẹ gbọn Kaliningrad Oblast), Belarus, [[Ukraine]], Togbó Georgia tọn, Azerbaijan, Kazakhstan, China, Mongolia, po North Korea po. E tindo kanṣiṣa hẹ [[ohù]] fọtọ̀nnukúndopo (16), po ohù daho atọ̀n po. Sọṣì Katoliki Whèzẹtẹn-waji tọn ''(Eastern Orthodox Church)'' wẹ yin sinsẹ̀n he gbayipe hugan to Russia. Russia yin otò daho he sọ má do ogbẹ́ voovo lẹ ji de. Bẹsọn owhe 1922 jẹ 1991, ewọ wẹ yin adà tangan [[Soviet Union]] tọn. E yin tògbo de he aliho gandudu tọn etọn sinai do anademẹ Communist lẹ tọn dai amọ todin e ko lẹzun tògbo de he to anademẹ tògan tọn glọ ṣogan bo tindo Lizọnyizọnwatọ Tangan de po Tòwedegbẹ de po ''(semi-presidential republic)''. E tindo nugonu aliho gandudu tọn he mẹ gándutọ lẹ nọ yin dide gbọn omẹ paa lẹ dali ''(democracy)'' de tọn nkọ lẹ. Tògan lọ nọ yin dide gbọn vodide tlọlọ dali, amọ agbàwhlẹnhẹmẹtọ etọn lẹ ma nọ yin dotẹnmẹna nado yi azọ́nwatẹn linlinnamẹ tọn lẹ zan, ṣogan yẹ tindo dotẹnmẹ nado yí nọtẹn gbẹ́dido internet ji tọn lẹ, nọtẹn linlinnamẹwe internet ji tọn lẹ po linlinnamẹnu tògodo tọn lẹ tọn zan to gigọ mẹ, podọ e yin dotẹnmẹna na nado mọ lehe kọdetọn vodide lọ tọn to yìyì do. To alọnu din, [[Vladimir Putin]] wẹ to gánzinpo ji. Tògan lọ wẹ nọ pàṣẹ dó otò lọ ji bọ Tòwedegbẹ Russia tọn ''(Russian Parliament)'' bọdego. ==Kikló-yinyin po adọkunnu lẹ po== Po aigba he gbló sọ̀ kilomẹtlu 17,075,400 lẹdope (enẹ wẹ, maili 6,592,800 lẹdope) po, Russia wẹ yin tògbo he kló hugan to aihọ́n mẹ, e dù sọ dopo to ṣinatọ̀n (1/8) ji lẹdo fininọ Aigba ji tọn. Russia wẹ yin akọta ṣinatọ̀n-tọ he mẹ gbẹtọ sù te hugan po gbẹtọ sọha livi 140 po to owhe 2022 mẹ. Russia nọ de huhlọ́n susu tọ́n sọn amì po amì jẹhọ̀nno jọwamọ tọn ''(natural gas)'' po mẹ. Gbọ̀n kàndindlẹn gbọn Whèzẹtẹn-waji Europe tọn kakajẹ agéwaji Asia tọn lẹpo ji, Russia dasá pọnla ganmẹ voovo tọn widopo ji bo tindo ninọmẹ aimẹ tọn po wunmẹ aigba tọn voovo susu lẹ po. Russia wẹ do fie adọkunnu jọwamọ tọn lẹ hlá do hugan to aigba ji te, bosọ yin otò he nọ dè amì po amì jẹhọ̀nnọ jọwamọ tọn tọ́n hugan to gbẹ̀mẹ. Russia wẹ sọ tindo zùngbó hládotẹn ''(forest reserves)'' daho hugan to gbẹ̀mẹ, podọ ga nọ̀whe etọn lẹ wẹ bẹ dopo to ẹnẹ̀ ji (1/4) osìn dagbe aigba tọn lẹ hẹn. ==Osẹ́n== ==Tònudidọ== ==Otàn== ==Nudọnamẹ gando lẹdo etọn lẹ go== ==Demographic== ==Aṣà== [[Adà:Otò]] e7bfxjvjpehp4aler3qhs5kj9cs9xz9 0 751 44920 31622 2026-05-30T14:07:55Z Boja02 1839 /* */ 44920 wikitext text/x-wiki [[Wepo:Volodymyr Zelensky 2022 official portrait (cropped).jpg|thumb|Volodymyr Zelenskyy]] '''Volodymyr Oleksandrovych Zelenskyy''' (yinkọ ehe nọ yin kinkan dole to Ukraine-gbe mẹ: Володимир Олександрович Зеленський; mẹhe yin [[jiji]] to azán koatọ́ntọ, Alunlunsun [[owhe]] 1978 tọn) yin tonudọtọ Ukraine-nu de, e sọ yin aihundatọ podọ aihun kàntọ de, podọ e sọ yin fànfúnnọ de ga. Ewọ wẹ yin togán otò [[Ukraine]] tọn sọn 2019. Zelensky yí adà togán [[Ukraine]] tọn wá to aihun tele ji tọn [[owhe]] 2015 tọn he diyin taun de mẹ he hosọ etọn wẹ ''Servant of the People''. Ogbẹ́ tonudidọ tọn de he yin yiylọdọ Devizọnwatọ Gbẹtọ lẹ tọn (''Servant of the People'') wá yin awuwlena to Whejisun [[owhe]] 2018 tọn gbọn azọ́nwatọ he tin to azọ́nwhe aihundida tọn he yinkọ etọn nọ yin Kvartal 95 dali, azọ̀nwhe ehe sọ wleawuna aihun tele ji tọn de he hosọ etọn yin Devizọnwatọ Gbẹtọ lẹ tọn. == Otàn Gbẹzan tọn == === Vuwhenu etọn === Zelensky yin [[jiji]] to azán koatọ́ntọ, Alunlunsun [[owhe]] 1978 tọn to [[Kryvyi Rih]], Ukrainian SSR, do whẹndo sinsẹn Ju tọn de mẹ. Otọ̀ etọn, mẹhe yinkọ etọn nọ yin Oleksandr Zelensky, yin mẹplọntọgán de to wehọmẹ alavọ ''Kryvyi Rih Institute of Economics'' tọn. Onọ̀ etọn he yinkọ etọn wẹ Rymma Zelenska yin anazọ́nwatọ de. Jẹnukọnna wehọmẹ yiyi etọn, Volodymyr nọ̀ Mongolia na owhe ẹnẹ, yèdọ fie otọ́ etọn nọ wazọn te to ojlẹ lọ mẹ. === Wepinplọn === Zelensky mọ̀ gbedewema yí to osẹ́n pinplọn mẹ to wehọmẹ alavọ ''Kryvyi Rih Institute of Economics'' tọn. E sè Ukraine-gbe po Russia-gbe po ganji. === Azọ́n etọn to aihundida mẹ === To 2008, e sọawuhia to aihun tangan de he hosọ etọn yin ''Love in the Big City'' mẹ podọ dehe bọdego, ''Love in the Big City 2'' mẹ. Zelensky sọ yí adà aihundatọ tangan tọn wà to aihun he bọdego ehelẹ mẹ; ''Office Romance'', ''Our Time'', ''Rzhevsky Versus Napoleon'', ''Love in the Big City 3'', ''8 First Dates'', po mọmọ po. To 2015, Zelensky lẹzun aihundatọ tangan to aihun tele ji tọn nukundeji de he hosọ etọn yin ''Servant of the People'' mẹ, fie yí adà togán otò Ukraine tọn wà te. === Gandudu === Zelensky wẹ yin omẹ tọ́ntlọ́ngbọ́n to vòbibla he wa aimẹ to 2019 nado dè togán otò Ukraine tọn whenu. To [[azán]] gban-nukun-dopotọ, Awewesun [[owhe]] 2018 tọn, e lá na mẹlẹpo dọ emi na yin dopo to mẹhe na blavo nado dugan lẹ mẹ, ṣigba osun ṣidopo jẹnukọnna ehe, e ko yin dopo to mẹhe to nulẹnpọn nado yin apadewhe vobibla lọ tọn lẹ mẹ. To Zósun [[owhe]] 2019 tọn, linlin de wá aimẹ dọ togán Amẹlika tọn whenẹnu tọn, mẹhe yinkọ etọn wẹ Donald Trump, dọna Zelensky to mẹyiylọ alokan ji tọn de whenu dọ na e ni basi dodinnanu gando whẹsadokọnamẹ he yin sisa do Joe Biden po [[ovi]] etọn [[Hunter Biden]] po go na nuṣiwa de. Ehe wá dekọtọn do obiọ lọ nado sawhẹdokọna Donald Trump na nuṣiwa voovo lẹ. To Afínplọsun [[owhe]] 2022 tọn, togán Zelensky do osẹ́n awhànzọ́watọ lẹ tọn ai to whenue togán Russia tọn, [[Vladimir Putin]] lá nado tọ́nawhàn Ukraine godo. == Alọdlẹndonu lẹ == [[Adà:Otàn Gbẹzan tọn]] 0vzl4rdxfvo469symxs6f0mt25u0zxp