Wikipidia jamwiki https://jam.wikipedia.org/wiki/Mien_Piej MediaWiki 1.47.0-wmf.15 first-letter Media Special Talk User User talk Wikipidia Wikipidia diskoshan File File talk MediaWiki MediaWiki talk Template Template talk Help Help talk Category Category talk Puotal Puotal diskoshan TimedText TimedText talk Module Module talk Event Event talk 0 161 22838 19761 2026-08-12T13:28:05Z Ihonre Lucky 12746 /* growthexperiments-addlink-summary-summary:2|0|0 */ 22838 wikitext text/x-wiki {{Nesiseri aatikl}} {{Piipl |imij = Statue-Augustus.jpg |imij_saiz = 190px |imij_diskripshan = |baan = |ded = |nashinaliti = Ruoman |profeshan = empara |muuvment = }} '''Agostos''', baan '''Gaius Octavius Thurinus''', weh adap bai ih griet-ongkl [[Julios Siiza]] ina 44 BKI, ah bitwiin datde taim de ah 27 BKI, get di nyuu ofishal niem '''Gaius Julius Caesar'''. Afta 27 BKI, ih weh niem Gaius Julius Caesar Augustus. Chuu im ab sumoch niem, ikaman fi jos kaal im Aktievios wen yaa refa tu di iventdem bitwiin 63 ah 44 BKI. Ih ton di fos empara a di [[Ruoman Empaya]], we im ruul bai ihself frah 27 BKI tel ih ded ina 14 KI. Yong Aktievios kom ina ih legisi (ded lef) wen Siiza get asasiniet ina 44 BKI. Ina 43 BKI, Aktievian jain fuos wid [[Maak Antuoni]] ah Marcus Aemilius Lepidus ina wah milichri diktietaship we kaal di [[Sekan Trayomviret]]. Di trayomviret ivenchal kalaps chuu ebribadi wena resl fi powa: Lepidus go ina egzail, ah Antuoni komit suisaid afta ih luuz a di bakl a [[Aktiom]] bai di fliit a Aktievian we [[Agripa]] eh-liid ina 31 BKI. Afta di Sekan Trayomviret kalaps, Aktievian ristuor di outwod luk a di [[Ruoman Ripoblik]], wid [[gobament]] powa ina di Ruoman Senit, bot ina praktis ih ritien aatakratik powa sieh wie. Ih powa koh frah di finanshal sokses ah rizuos we ih get chuu kangkues, di rilieshanshipdem we ih ab ina di empaya, di laayalti a di milichri suoja ah vechrandem, ah di rispek a di piipl. Agostos expan di Ruoman empaya, sikior di bongjridem, ah mek piis wid [[Paatia]] chuu diplumasi. Ih rifaam di Ruoman sistim a taxieshan, divelop nof ruod netwok wid ofishal kuuria sistim, setop wah aami (ah wah likl nievi), setop di [[Prituorian Gyaad]], ah mek ofishal poliis ah faya-faitin fuos fi Ruom. Muos a di siti get bil bak anda Agostos; an ih rait wah rekaad a ih wuona akomplishment, kaal di ''Res Gestae Divi Augusti'', we sovaiv tu dis die. Wen ih ded ina 14 KI, di Senit diklier se Agostos a wah [[gad]], uu deh (di Ruoman piipl) fi priez. Ih niemdem, Agostos ah Siiza tekop bai ebri ada empara afta im, ah di mont we yuus fi niem Sextilis, get riiniem Aagos ina fiim hana. Ih pozishan eh-tek uoba bai ih stepson ah sonahlaa, [[Taibiirios]]. {{Commons|Augustus|Agostos}} * https://www.history.com/topics/ancient-history/emperor-augustus (En) [[Category:Ischri]] [[Category:Piipl]] p5im591mfs4nwt1xongcij3qdi0hre0