Wikipedia kshwiki https://ksh.wikipedia.org/wiki/Wikipedia:Houpsigk MediaWiki 1.47.0-wmf.16 first-letter Medie Extra Klaaf Metmaacher Metmaacher Klaaf Wikipedia Wikipedia Klaaf Datei Dateie Klaaf MediaWiki MediaWiki Klaaf Schablon Schablone Klaaf Hölp Hölp Klaaf Saachjrupp Saachjruppe Klaaf TimedText TimedText talk Modul Modul Diskussion Veranstaltung Veranstaltung Diskussion 0 523702 1611474 1611081 2026-08-22T23:55:59Z InternetArchiveBot 19932 Rescuing 1 sources and tagging 0 as dead.) #IABot (v2.0.9.5 1611474 wikitext text/x-wiki {{Atikel_op|Stolberger Platt}} '''Alexander Petscherski''' [http://www.spiegel.de/img/0,1020,332649,00.jpg ] (* [[22. Februar]] [[Joohr 1909|1909]] ä [[Krementschuk]], [[Ukraine]]; † [[19. Januar]] [[Joohr 1990|1990]] ä [[Rostow am Don]]) woch önö [[Judentum|jüddische]] Offizier us d [[Rote Arme|Ruuh Armee]]. Hä orjaniseerde dä Opstand em [[Vernichtungslager Sobibór|Vornichtungslajer Sobibór]] am 14. Oktober 1943. == Si Lääve == Alexander studiirde Musik un Theatrwesseschaff ä [[Rostow am Don]]. Als dat fluppde, werkde hä als Leiter van öt Kulturamt, wo hä völl met Laieschauspeller zu do hod. Als d [[Bundesrepublik Deutschland|Dütsche]] em [[Zweiter Weltkrieg|Zweide Weltkresch]] [[Russland]] övverveele, wood hä äjetrocke un steech no ön kotte Zitt zm Leutnant op. Enne Mond spiidr jeroohnde hä ä Jevangeschaff, vorsood vott z laufe, wood ävver jeschnappd. D Dütsche scheckde häm en ö Lajer no [[Borissow]]. Als d Dütsche erkannde, dat hä önö Jüdd woch, wood hä en öt [[Getto Minsk|Jetto va Minsk]] jebraad. D Deportatiun en öt Konzentratiunslajer Sobibór stäng am 23. September 1943 a, wo hä met ca. 1500 angere Jevangene aakoom. 60 Jevangene, doronger hä, woode dörch Selektiun vöör d [[Gaskammer|Jaskammer]] böwaart. Sö moote als [[Zwangsarbeiter|Zwangsarbeeder]] vöör d Dütsche werke. Di angere storve noch am sälve Dach dörch Jas. Zo di Zitt hod sisch at rondjesproche, dat d [[6. Deutsche Armee|Dütsche 6. Armee]] beij [[Stalinjrad]] opjerevve wode woch un dat [[Heinrich Himmler]] dr Bevähl erlosse hod, Sobibór zo ö Konzentratiunslajer z mache. Spure us di Zitt als [[Vernichtungslager|Vornichtungslajer]] sollte vottjeschafft wäde. D Jevangene jlote, dat all [[Mensch|Lüüh]], di di Zitt meterläävd un övverläävd hand, ömjebraad wöde. Sö entscheede, dat di enzije Möjelichkeet, dörch z komme, d Flucht wöch. D Jevangene maade önö Hoof Plän, wat mo do kütt, ävver kenne vorstäng jenoch van öt Militär, öm jätt jäje d [[Schutzstaffel|SS]] un d Bewacher us d [[Ukraine]] do z könne. Do koom Petscherski jrat zo d richtije Zitt. Hä entworp ä mä 6 Wäche önö Plan, di em Lajer werkende 17 SS-Lüüh öm zö brenge, d Kommunikatiun z ongerbräche un sich jenoch Waffe z beschaffe, damet di em Lajer vassjehalde 600 Jevangene ön Möjelichkeet hand, aav z houwe. Petscherskis Plan jäng op. 150 van di 600 [[Mensch|Mänsche]] schaffde öt, en dr Bösch d Kouwele van d Jewehre z entkomme. 47 va dönö läävde am Äng vam Zweide Weltkresch noch. Petscherski fluppde öt, sich no Russland dörchzöschlare, wo hä zösamme met Partisane jäje d Dütsche kämpfde. No ö paar Mond troff hä op russische Soldate un schloss sich dönö a. Als hä em Aujust 1944 schwoch am Bee vorletzt wode woch, scheed hä us d Armee us. Zöröck ä Rostow hiirode Petscherski ö zweide Mol. Va sing ischde [[Frau|Vrau]] hod hä sich vöör dr Kresch scheede losse. Hä noom Kontakt z anger Lajerflüchtlinge op, watt ävver z Stalins Zitt vorbone woch. Dorophen vorloor hä sing Stell als Liihrer un mood sich met Jeläjenheetswerk dörchschlare. Iisch 1953 kutt hä wärm als Musikliihrer werke. 1963 saad hä vöör Jericht jäje Dütsche em Lajer va Sobibór us. Nom Weste dorv hä net reise. Petscherski storv em Januar 1990 ä Rostow am Don. == Jätt z lääse == * [https://web.archive.org/web/20160207090549/http://www.scifi-forum.de/off-topic/off-topic-allgemein/politik-geschichte/15735-all-vergiss-bitte-nie-remember-5.html D Opstand va Sobibór] [[Saachjrupp:Mann|Petscherski Alexander]] [[Saachjrupp:Vornichtungslajer Sobibór]] [[Saachjrupp:Övverläävende van dr Holocaus]] msm0z90clgr2uq0qc77sikef8qahqh8