Vikipedya ladwiki https://lad.wikipedia.org/wiki/La_Primera_Hoja MediaWiki 1.47.0-wmf.13 first-letter Medya Especial Diskusyón Usador Messaje de Usador Vikipedya Diskusyón de Vikipedya Dosya Diskusyón de Dosya MedyaViki Diskusyón de MedyaViki Xablón Diskusyón de Xablón Ayudo Diskusyón de Ayudo Kateggoría Diskusyón de Kateggoría Portal Diskusyón de Portal TimedText TimedText talk Módulo Módulo discusión Evento Evento discusión 0 5017 217049 213480 2026-07-31T18:02:35Z Hawar jesser 18934 217049 wikitext text/x-wiki [[Dosya:Runny hunny.jpg|200px|thumb|right|Myél]] La '''Myél''' es un likido dulse produzido por las [[bezba]]s kon el [[sumo (botánica)|nektar]] de las flores o de sekresiones de partes bivas de plantas o de ekskresiones de inséktos ke shupan plantas. Las bezbas lo arrekojen, trokan i komvinan kon otras sustansias i lo almasenan en los [[panales]] de sera donde la myél madura. La teknica para ekstraer la myél de los panales de la kolmena de las bezbas se yama [[apikultura]]. Las sus karakteristikas fisikas, kimikas y organoleptikas de la myél estan relasionados con el tipo de nektar que eyas arrekojen de las flores. == Istoria == La myél tiene las sus kualitas rekonosidas i uzadas por el ombre desde ase munshos anyos, komo alimento i para dar dulsor naturalmente. El su poder de endulsamento es dos veses mayor ke el de la azukar. Egzisten referencias istorikas; endemás de las vezes ke es mensionada en la Torá, munshos otros pueblos, komo los antikos ejipsios o los grégos, por egzemplo, se ivan referir a la myél komo un produkto sagrado, yegando a uzarse para pagar los impostos. En ekskavasiones ejipsias de maz de 3.000 anyos fueron ankontradas chanakas tapadas i yenas de myél en perfekto estado. Las bezbas la fabrikan en una gran kantitá, kaji tres veses mas de la ke presisan para bivir, por lo ke siempre el ombre pudo uzarla i poko a poko aprender a domestikar la bezba para uzar la su myél. == Tipos == Asigún el su orijen, se diferensia entre: * '''Myel de flores''': la produsida por las bezbas kon el nektar de las flores. egzisten munshas variedades: ** '''monofloral''': es la myél en la ke las bezbas sólu tomaron un solo tipo de nektar. Las mas konisidas son de [[kastanyo]], [[romero]], [[tomiyo]], [[brezo]], [[portokal]] o [[asahar]], [[tilo]], [[róza]], [[akasya]], [[eukalipto]], [[lavanda]] o [[kantueso]], [[Sarsamora]], [[alfalfa]] i otras. ** '''multifloral''' (''«mil flores»''): del nektar de varias espesies diferentes, i en proporsiones ke no son konstantes. ** '''de montanya''', i '''del dezierto''' (varadulse, meskite, gatun), ke son tipos espesiales de ''mil flores''. * '''Myél de myélada o myélato''', '''[[rozío de myél]]''', '''myél de rozío''' o '''myél de boske''': es la produsida por las besbas kon las sekresiones dulses de [[pulgon]]es, [[koshiniya|koshinuyas]] i otros insektos shupadores de [[savia]], normalmente de [[pino]]s, [[aveto]]s, [[ensina]]s, [[alkornoke]]s i otro arboles. Este tipo de myél es menos dulse, de kolor muy oskuro, se ase solida kon difikultá, i tyene olor i sabor espesiados; la myél de myélato de pinos es muy apresiada por su uzo medisinal en [[Evropa]] y [[Turkiya|la Turkiya]]. La myél de flores es transparente y se ase solida kon el tiempo, esto depende de la su procedensia (de ke flores) i de la su temperatura. Por debasho de 14 °C el proseso es mas rapido. Las myéles de brezo se asen duras muy pronto i las de kastanyo tardan munsho. El estudio del [[polen]] en la myél virjen ase posible ke se poda determinar el su orijen floral. Un efekto sekundario de la recoleksyon del nektar i el polen para la produksyon de myél es la [[polinizasyon]], ke es krusial para la reproduksiyon de las plantas con flores. [[Dosya:Honey comb.jpg|thumb|left|Panal]] == Uzos == === Komo alimento === La miel se uza prinsipalmente en la kosina i la pasteleria, komo akompanyamiento del pan o las tostadas, espesialmente, en el [[desayuno]] i la [[merienda]] i endemas como komplemento de bebidas komo el [[te]]. Ya ke es rika en fruktosa, la myél es higroskopika, por lo ke absorbe umedad del aire i al agregar una chika kantitá a panes i pasteles ase ke estos ivan ser duros mas lentamente. La myél virjen tambien kontiene [[ensima]]s ke abediguan a la su dijestion, ansí komo [[vitamina]]s i [[antioksidante]]s. La myél es el ingrediente prinsipal de la [[idromyél]], ke se produse kon la miel i agua, ke tambien es yamada «vino de myél». === Medisina === La myél tiene munshas propietás medisinales. Se puede uzar eksternamente déke las sus propietás antimikrobios i antiseptikas. Ansí, la myél abedigua a sanar i a prevenir infeksyones en feridas o kemaduras superfisiales. Tambien es uzada en la kosmetika (kremas, maskariyas de limpiesa fasial, tonikos, ets.) déke las sus kualitás astrinjentes y suavisantes. == Prekausiones == El kontenido en minerales es muy chiko. Los mas frekuentes son [[kalsio]], [[kobre]], [[ferro]], [[magnesio]], [[manganeso]], [[zink]], [[fosforo]] i [[potasio]]. Estan presentes tambien alrededor de la mitad de los aminoasidos egzistentes, asidos organikos (asido asetiko, acido sitriko, entre otros) i vitaminas del komplejo B, vitamina C, D y E. La myél tiene una variedad konsiderable de antioksidantes (flavonoides i fenoles). == Produktos relasionados == Endemas de la myél, las bezbas produsen otros produktos emportántes, komo el [[polen]], la [[sera]], la [[djalea real]], i los [[propoleos]]. == Enlasos eksternos == {{commons|Honey}} * [https://web.archive.org/web/20090720073628/http://www.culturaapicola.com.ar/apuntes/miel/miel_comercializacion.htm Cultura Apícola: Producción y Comercialización de la Miel]. (en espanyol) * [https://web.archive.org/web/20100722024009/http://www.mercoopsur.com.ar/apicultura/notas/normadelcodex.htm Norma de la miel según el Codex Alimentarius] (en espanyol) * [https://web.archive.org/web/20071006054512/http://quimicanova.sbq.org.br/qn/qnol/2007/vol30n4/16-AR06174.pdf Muñoz et al. 2007 Quimica Nova 30] (en espanyol) [[Katēggoría:Dulses]] [[Katēggoría:Alimentos]] [[Kateggoría:Vikipedya:Artikolos kon grafia ladina]] 4prvncz72yp0pjdn2on6wjl7vjtjvrt