Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.4 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 1145 4387 4386 2026-05-29T09:25:33Z Hainisyaf 154 4387 proofread-page text/x-wiki <noinclude><pagequality level="3" user="Hainisyaf" />{{rh||47|}}</noinclude>djăḍija sè nè' kènèan, ghi' aradja'ăn talèbăt băn Gulliver, dhâddhi panemmona podjhăngghǎ sè kapèng tello' djărèja ta'èangghep, tor èpadhoei tjè' dhăddhina. Bhareng sè apadhoe rebbhoe' bhenḍer ella semmo abit, ladjhoe paḍă nepteppaghi djhă' Gulliver padjhăt mahlok sè njèmpang ḍări gher-ogher wètta koddrăt sè kappra. Gulliver ella ta' dhălătèn ngèḍing katerrangan mara djărèja, molana ladjhoe mator ḍâ' Sang Rato kalaban temmen temmen, djhǎ' abâ'na asalla dări sèttong naghără kerta ghemma, orèngnga adjoeta'an, radjăna băn matjemma paḍâ bắn abâ'na djărèja, băḍă koṭṭa băn sa-dhisana. Radjǎna ko-bengko, ka' bhoengka'an băn kèbănna satèmbhăng băn radjăna orèngnga, ta' abhidhǎ moso è naghărăna raksasa djăḍijă. Rèng-orèngnga paḍă alako neng- è sabă, alas, ngalè bhârâng ghâliân, aladjârân taḍâ' bhidhăna moso orèng èdjădija. Dhinèng panemmona podjhăngghǎ sè katello djărèja, endjă' ta' sakeng njalèa kapènterranna, bi' Gulliver èkotja' tjè' kalèrona. Bhareng ngèḍing otja'na Gulliver bărijă djărèja, podjhăngghă sè katello paḍă mèsem semmo bi-njebbi. Nangèng tja'na pangghǎliǎnna Sang Rato, ollè dhăddhi kanḍhâna Gulliver djărèja ta' sala. Sang Rato ladjhoe nèmbhăli raksasa tanè sè nemmo Gulliver, sopadjă akanḍhă'ă bărămma bilăn abă'na sè pas nemmo Gulliver. Saḍâtengnga raksasa tanè, pas nerrangngaghi ḍări kabidhăn kangsè ḍǎ' bekkasan bǎb sè nemmo Gulliver. Sang Rato ladjhoe apartjadjă'ǎn ḍă' atorra Gulliver, ètèmbhăng bi' katerranganna ghă-podjhăngghǎ djărèja. Sang Rato ladjhoe aparèng èdhi ḍă' Dhin adjoe Rato sè maennengnga Gulliver è karaton. Gulliver èghăbăjjaghi sèttong kamar èseddhi'na kamarra Dhin adjoe. Dhinèng sè èpakon araksa Geloemdal-kelit sè ta' dă-mandă kamengnga'anna nangalè adhina rarengghǎ'ǎnna băn kabhâghoesanna èḍalem karaton djǎrèja. Dhin adjoe Rato makon ḍă' sèttong tokang sè tjè' pènterra, aghăbăj sèttong matjem eḍḍoes mènangka kamar katèḍoenganna Gulliver. Eḍḍoes djǎrèja èkaghăbăj ḍări kadjoe sè alos, èepplat bessè, èpasangè djănḍilă peltasan, labăng băn kamar èrèng dădoewǎ', sè sèttong mènangka kamar mandi, sè laèn kennengngan padhăndhănan. Sè mènangka ghabhăgghǎ ijă arèja totoppa eḍḍoes bhoeroe. Totop djǎrèja èkennèng boekkal poboe. Abdhi tokang baboet èpakon aghâbâj katèḍoengan, kasor băn bhăntalla sakalè kabbhi ḍări sottra; korsè, mèdjă băn koe-băngkoe èkaghăbăj ḍări ghăḍḍhing, epatjekka’ ka mobin kalabăn sekkroep, sopadjâ mon èangka' bǎn bengkona, sè ta' robbhoeă. Sabălăttrana etalpèè kaèn sè bhăghoes, bănglabăng bắn tjandilăng djărèja èpasangè sosè sè sekken. Totoppa eḍḍoes djărèja èkennèng sosè kèja, sarta èpasangè lăng ghellång salaka radjă; dhăddhi bengkona Gulliver djârèja atjora' korong sè kennèng èghǎntong. Bărijă kèja serrèna angghoejjǎ Gulliver ella ta' patot mongghoe ḍă' orèng<noinclude></noinclude> b04t6mcemzg8epfq5nd6n98r9ayff6a