Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.5 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 49 4390 135 2026-06-06T03:53:42Z Aaima Dandelions 144 4390 proofread-page text/x-wiki <noinclude><pagequality level="3" user="Oikivivi" /></noinclude>{{rh||23}} dhădhingghălănna, kadjhăbhăna bengko sèttong băn pakakassa sè ta' saapa adjhina. Nalèka pasèdhăna Radhin Soradiwirjă, radjina molar atèng bhăntèng ta' ènga' toḍoes. Dhinèng sabăbbhă sè molar kongsè tjara djărèja ta' nèng polana kasèdhă'ăn rakana malolo, karana parkara djarèja la masțèna manossa matè, bilă napa' ka djhăndjhina, tapè sè èkarentek băt-talèbăt nèng parkara otangnga sè lèma ratos ropèja ghellă', marghă taḍă' tjagherrănna sè èpanjerra'a, băn polè rentek ngaghăli tra-pottrana, sabăb ghi' paḍă nè'-kènè', taḍă' sè mèjara'a. Sè abherroeji Radhin Soradiwirjă rèja ta' nèng radjina malolo, maskè lǎ-bhalăna ijă rammè kèja sè nangèsè, bherroejjǎ sokosoan, marghǎ abă'na arassa kaèlangan orèng sè èkennèng aopè. Tapè rèng-orèng djărèja taḍă' sè anḍi'ă èngettan mèjara'a pottrana, marghǎ abă'na malarat dhibi'. Saellana Radhin Soradiwirjă sèdhă, radjina talèbăt malaratta. Sarat sabbhăn arè kaḍătengngan orèng naghi otangnga rakana, tapè ta ' kellar madjăr, marghă taḍa' pa-apa sè èkennèng pamadjăr, kadjhăbhăna nèng dhălem băn pakaranganna. Ta’abit ladjhoe èsita , dhălem băn pakaranganna èdjhoeăl. Ontongnga rama-èbhoena ghi' băḍă, molana saellana dhălemma ghella’ èsita, abă'na băn tra-pottrana pas ngallè ka dhălemma rama-èbhoena. Saellana teptep apolong bi' rama-èbhoena radjina Radhin Soradiwirjă ghellă' aka-ṭarèka, aghăbăj rènḍă băn ènlaènna, kaangghoej mèjara tra-pottrana băn ngorokè paparèngnga rama-èbhoena. Anangèng lè-ollèanna ta' saapa, nèng menḍăng èḍha'ăr băn èaghem bi' tra-pottrana. Amarghă djărèja tra-pottrana taḍă' sè èpasakola'a. Dhăddhi saellana tra-pottrana paḍă seppo taḍă' sè dhăddhi pardjădji, sarta paḍă malarat. Djhă' sakènga Radhin Soradiwirjă rèja ta' lenḍhă’ăn băt-talèbăt ka lǎ -bhălăna, sarta lèboer naro pèssè, èkabhănḍhă masakola tra-pottrana băn èkaghăbăj njadijãi kaparloanna pottra băn radjina, tanto radji băn tra-pottrana ta' kèra kongsè sossa băt -talèbăt tjara ghellă'. Engko' ta' lè-sakalè njalè ka kabettjè'anna Radhin Soradiwirjă ghellǎ', sabăb băbătek nèserran rèja padjhăt tjè' bhăghoessa mongghoe ka manossa, tapè djhă' kongsè băt-talèbăt, saseḍdhengnga bhăi, djhă' kongsè loppa ka kaparloanna ana-binè băn bhădhǎnna dhibi'. Apa polè è djhăman satèja bănnja' orèng apangrasa, djhă' malarat sarèanna radjhekkè. Dhäddhi orèng satèjana, sè lèboer nèroè băbătek băn tètèngkanna Radhin Soradiwirjă ghella', ta' boeroeng nemmo sossa radjă . Pa'-sapa'a orèng sè terro ari'-berri'ǎ ka lă-bhălăna, ijă bhăghoes, tapè patao dhoeghǎ kèra, sapatotta bhăi, sarta kodhoe, m èlè orèng sè kodhoe parlo ètolong, ijă arèja orèng lèghoer, sè la ta' kellar njarè kasap. Orèng găs-dănggăs, sè ghi' kellar akasap [[Category: Bhâsa Madhurâ]]<noinclude></noinclude> rlt12a42dq1pucwz5whzwqca8u4p7uq