Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.6 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 130 4399 4398 2026-06-10T13:44:33Z R.hidayatdharma 219 /* Telah diuji baca */ 4399 proofread-page text/x-wiki <noinclude><pagequality level="3" user="Qainiii" />{{rh||85}}</noinclude>Bhăreng parao ella maso' ḍá' palabbhoeán Jócóhama, ladjhoe băḍă pardjădji Djeppang ongghă ka parao anjata'aghi asalla tong-sèttongnga orèng panompang sè bhoeroe ḍăteng. Sabăb nalèka è djhăman djărèja orèng Èrropa laènna bhángsa Bălăndhă masṭè èokom patè, mon băngal nèddhă' tana Djeppang. Gulliver sè ella sabbhănna ngako rèng Bălăndhă djărèja, no-dhoeaghi asta'anna Sang Rato Loegnag ḍá' pardjădji ghella', ètjaossaghiă ḍă' Mikadó Djeppang. Pardjádji djărèja nangalè ettjappa asmana Sang Rato, ladjhoe tjè' hormatta ḍă' Gulliver, èkèra pardjădji radjă otosanna Sang Rato Loegnag. Gulliver pas èpanompa' kapal Naghără moso băn-ghibănna kabbhi; băn para pardjădji è Jócóhama bhăreng ngèḍing parkara asta'an sè bhăkal ètjaossaghiă ḍă' Sang Mikadó djărèja, paḍă ngormat ḍă' Gulliver, sarta Gulliver ladjhoe ollè saḍijă’ăn bengko bhăghoes, rata, djhărăn băn pangèrèng sè ngaterraghiă ḍă' Tókijó, akanṭa adhăt bijǎsana otosanna para rato sè asobăt. Pangangghep sè bărijă djărèja tanto andhăddhiaghi bhoengana Gulliver. Sè enneng è bengko bhăghoes è Jócóhama ijǎ ta' katjèbă. Gulliver pas akèrèm otosan nompa' djhărăn <ref>tjotjolok (lap-olap).</ref> njabis ḍǎ' karaton, njo'on èdhi njabisa ḍă' Sang Mikadó. Tanto bhăi Gulliver dhoeli èèdhinè njabis, amarghă Sang Rato ella ngaghăli apa parlona. Sang Mikadó marèngè rata karadjhă'ăn sè bhăghoes, èpakèrèm ḍă' Jócóhama, bhăkal tompa'anna Gulliver ḍă' Tókijó. Napa' ḍă' ghâporana koṭṭa Gulliver masṭè toron ḍări ratana, ḍări djǎḍijă padjhălănna abă'na èpèng apèngè dhoenor belliăn bhăngsa kolè' potè bân kolè' tjelleng pa' polo mègghi', pangangghoejjǎ paḍă ghoes-bhăghoes; djărèja sè ngaterraghi napa' ḍă' karaton. Nalèkana rak-arakan djărèja lébăt è lorong bănnja' orèng sè paḍă' nèngghoe, terro taoa robăna otosan sè èmat-ormat djǎrèja. Neng-è karaton Gulliver ollè kahormatan radjă, sarta dhoeli ètjabissaghi ḍă' Sang Rato. Gulliver aḍhekkong sè njaossaghi asta'anna Sang Rato Loegnag ḍǎ' Sang Rato, sarta mator apa sapessenna. Saellana Sang Rato marè maos asta'an, ladjhoe kasokan ka-ngandhika băn Gulliver. Sang Rato ngaghem djhoeroe bhăsa sè ngartè bhăsa Bălăndhă. Gulliver èparèksa tètè bhăb asal-osolla, lalakonna sè ella èdjhălănè băn nèjatta. Gulliver mator djhă' abă'na sodhăghăr Bălăndhă, nemmo tjalaka’ paraona remmok è naghăra mantja. Ḍări djăḍijă lèbăt ḍhărăt băn tasè' ḍăpa' ḍă' Loegnag. Neng-è Loegnag abă'na èparèngè ponḍhoeghăn neng-è karaton, sarta bi' Sang Rato èlèllanè aladjăr ḍă' Djeppang. Mèlana abă'na njo'on èdhi ḍă' Djeppanga, sabăb tao djhă' bhăngsa Bălăndhă asobăt băn Sang Mikadó sè kobăsa è<noinclude>[[Category: Bhâsa Madhurâ]]</noinclude> n3ttcj73ucd3rgs6766svndu442z3sh