Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.7 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 129 4414 4401 2026-06-23T00:51:25Z R.hidayatdharma 219 4414 proofread-page text/x-wiki <noinclude><pagequality level="3" user="Qainiii" />{{rh||84}}</noinclude>Ḍoewă arè saellana Gulliver napa' ka koṭṭa, ladjhoe èdhikanè njabis ka karaton. Dhinèng sè njabissaghi ijă arèja adjidănna Sang Rato. Gulliver njemma' è sèngangsana kalongghoeănna Sang Rato, ladjhoe njokem njèjom tana, bărămma tjarana orĕng ngormatè para rato è tana Azijă. Sang Rato renna pangghăliănna, Gulliver èdhika'aghi mandjheng, sarta èparèksa, bărămma djhălănna abă'na sè pas napa' ḍă' nagharâ djăḍijă. Gulliver ta' lèng-ngalèng, mator akanṭa nalèkana èparèksa bhăndhăr. Robăna Sang Rato hèran mèjarsa tjarètana Gulliver, sarta kasokan pangghăliănna marghă sè èpasṭè atemmo băn orèng sè ella napa' ḍă' saantèrona djhăghăt. Sang Rato ladjhoe aḍhaboe ḍă' sottong pardjăadji karaton, èdhika'aghi maratènè Gulliver. Gulliver èparèngè ponḍhoeghăn nèng-è sèttong kamar èḍălem karaton băn pèssè sakanṭong, pola mè' băḍă sè èbelliă. Gulliver ètarè èpadhădhiă pardjadji karaton. Nangèng serrèna abă'na tjè' terrona sè molèa, dhăddhi njo'on ḍă' Sang Rato, sopadjă kalèllana terros ḍă' Djeppang. Neng èdjăḍijă ollè dhăddhi băḍă parao sè aladjăr ka naghǎrǎnǎ. Sang Rato ijă ngèdhinè, nangèng Gulliver èpakon boe-amboe ghălloe ḍoewǎ arè agghi'. Sang Rato aparèng asta'an, sopadjă èparèngngaghiă ḍă' Mikadó <ref>Rato Djeppang èsebbhoet: Mikaó.</ref> Djeppang. Gulliver ijă mètorot sakarsana Sang Rato. Bhăreng abă'na njo'on pamètan, ladjhoe èparèngè lè-ollè bhărăng sè apaarghă; sarta epaghibăi rèm kèrèm ḍă' Mikadó Djeppang. Dhăboena Sang Rato, sopadjă asta'an bǎn tor-ator djărèja ètjaossaghiă dhibi' ḍă' Mikado, mènangka dhăddhiă tanḍhâ radjăna parsobădhănna. Laèn ḍări djărèja Gulliver èparèngè sango pèssè dinar djǎ-radjă, bănnja'na pa' ratos pa' polo empa' mègghi'. Tjatja sè angkana paḍă djǎrèja padjhǎt dhǎddhi kan-kasokananna Sang Rato. Mènangka kaormatanna Gulliver, Sang Rato aparèng pangèrèng pandjoeridhăn kangsè ḍă' Gelangoestala, ijă arèja koṭṭa palab-bhoeăn perrang mongghing è tèmor-ḍădjăna polo. Sanapa'na ka palabbhoeăn djărèja, Gulliver bhoenga ngèding kabhăr, djhǎ' ennem arè agghi' bhăkal băḍă'ǎ parao sè aladjără ḍă' Djeppang. Gulliver ladjhoe mènta saḍijă'ăn kamar è parao djărèja. Napa' ka arè mangkatta, paraona ladjhoe mantjal abăbbăr ladjăr. Padjhălănna ollè angèn njaman. Ra-kèra ollè lèmabellăs arè abiddhă ètengnga tasè' ella napa' da' Jócóhama, ijă arèja koṭṭa palabbhoeănna naghără Djeppang, sẽ rammè băn kaalok. Jócóhama rèja kennengnganna è pèngghirră telloe' Jeddó. Neng-è potjak ḍădjăna telloe' djárèja băḍă koṭṭa Tókijó; djǎrèja koṭṭa karadjha'ǎnna naghără Djeppang.<noinclude></noinclude> 3xe2fwsa0nfx1xfjfjaf5fnhf3orkgk