Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.8 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 128 4415 517 2026-06-23T18:09:50Z R.hidayatdharma 219 4415 proofread-page text/x-wiki <noinclude><pagequality level="3" user="Seeharee" />{{c|83}}</noinclude>Bhăndhăr sè ngèḍingngaghi kalabăn sabbhăr. Samarèna Gulliver atjarèta, bhǎndhăr bhoeroe pas ngotja', djhă' abǎ'na masṭè ètangkep, sabăb mètorot wèt, bhangsa Èrropa ta' ollè maso' ḍă' Loegnag. Saabiddhă aḍǎntè' sorat potosan ḍări koṭṭa karadjhǎ'ǎn, Gulliver masṭè èmaso'aghi ka patanḍhăn. Bhǎndhăr bhăkal li-dhoeliǎ ngatorè kabăr ḍă' koṭṭa, nangèng bǎlessanna ta' kèra pas ḍǎteng arè djărèja kèja, masṭè kodhoe èantos saarè ḍoe arè. Gulliver njo'on èdhi aḍăntè'a è parao bhăi, nangèng ta' èlèllanè, tako' amè' boeroe. Dhăddhi Gulliver kapaksa enneng è patanḍhăn. Patanḍhănna Gulliver senṭèk sarta bhersè, kennengnganna èseddhi'na palabbhoeăn, dhaddhi abă'na ngennèng băs abăsan ḍǎ' songaj băn ḍǎ' tasè'. Èaḍă'ǎnna èdjăgă sahèlwa', sopadjă Gulliver ta' ngennènga boeroe. Nangèng abă'na kalèllan lăn-djhălănan neng è kebbhoen èboeḍianna patanḍhăn, sè èpaghări alas tèngghi tello ghellǎng. Pangangghebbhă rèng-orèng djáḍijă ka Gulliver endjǎ' ta' sambhǎrăngan. Ollè ngakan băn ngènom sasoka'na, nangèng sè ngongkosè kakanna djărèja Naghără. Sarta polè Gulliver kalèllan nemmonè tamoj. Bhǎreng è kotta ella paḍă ngeḍing kabar, djha' băḍă bhǎngsa Erropa ètahan, bănnja' ghar-sodhăgăr radjǎ sè marloaghi èntar ḍǎ' Gulliver, parlo atanja'a bhab kabada'ǎnna tana Erropa. Mètorot adhǎddha rèng-orèng naghără djădija, rèng-orèng sè paḍă njapot Gulliver paḍă aloe-djhoeloe. Băḍă na'-kana' lantjèng pènter, aladjar abhăreng Gulliver molaè ḍări Maldonado kangsè da' Loegnag. Kana' djărèja băn Gulliver èkaghăbăj djhoeroe bhasa, sopadjă ghămpanga abǎ'na sè atjatja băn sodhaghar ghella’. Lantjèng djareja padjhat la hèran Loegnag, nangèng ella abit enneng è Maldonado. Dhaddhi abǎ'na tjè' pènterra ḍa' bhasana doewă' naghără djǎrèja. Sarrèna bădă djhoeroe bhăsa djărèja, dhaddhi Gulliver ta' malarat sè atjatja băn rèng-orèng sè paḍă amaèn ḍă' abă'na saabiddhà băḍă è patanḍhăn. Gulliver ella para' ta' kadǎntèna sè anantè' potosan, nangèng ladjhoe dateng sorat potosan ḍări kotṭa. Monjèna sorat djǎrèja: ,,Gulliver mastè ètangkep, serta dhoeli èaterraghi ḍă' koṭṭa moso bhărǎng ḍi'-anḍi'na kabbhi. Dhinèng sè kodhoe ngaterraghi sardădoe oesar sapolo mègghi'!" Bărămma takerdjhǎddha Gulliver, la ta' ambhoe tjatorraghi. Gulliver njo'on djharăn tompa'an ḍaḍoewǎ', kaangghoej abǎ'na dhibi' băn djhoeroe bhasana. Parnjo'onanna djărèja ijă ètorotè. Dhinèng di’-anḍi'na èboewă' è djikar, èèrèngngaghi sardǎdoe kèja. Băḍă sala sèttong pandjoerit oesar sè èsoro mangkat kaaḍǎ', parlona ma' ngatorè pamèjarsa ḍă' Sang Rato bhab datengnga Gulliver, sopadjǎ Sang Rato sempata aparèng onèng, èḍimma băn bilă salèrana sè ngolatana Gulliver. Dhinèng sardadoe sè laèn abhǎrengngè Gulliver. È salandjhăngnga lorong radjă sè ka kotta, Gulliver èkalènglèngè sardădoe.<noinclude>[[Category: Bhâsa Madhurâ]]</noinclude> tfyu6afdorzujt9bboyfx91jhmdehyx