Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.8 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 1146 4416 4408 2026-06-24T22:17:17Z Alfiyah Rizzy Afdiquni 62 /* La èpamasthè */ 4416 proofread-page text/x-wiki <noinclude><pagequality level="4" user="Alfiyah Rizzy Afdiquni" />{{rh||60}}</noinclude>sareng tjo-kotjoannèpon lora koelă, ḍări djhălăn kantos dă' napa'na ka Pau. Koelă sasarengngan sè mangkat ḍări Bordeaux ampon ollè kèra pètto' otabă bălloeng are. Saamponna padjhălănan lèbăt noro' pèngghirrèpon songaj Garonne, koelă sasarengngan napa' ḍă' djhălăn ka Mont-de-Marsan, sè terros ḍă' tana lapang. Èka'ḍijă taḍă pangowanan otabă boe tomboeăn laèn, sè njennengngaghi ḍă' panèngal, namong katèngal alas kadjoe ''pijnboom'' sareng ra-ara bisaos. Băḍăna tjompo'-tjompo' sadjăn abit sadjăn rangrang sarta ta' aregghă. Saamponnèpon panèka koelă sasarengngan napa' ḍă' sèttong ra-ara, lèbărră engghăn sadjhǎoena panèngal. Eka'ijă koela ta' nèngalè tegghăl otabă alas sakalè, kadjhăbhăna è djhǎoeǎnna băḍă kadhi tana mabă, arobă kalaboe keṭṭang. Dhinèng è salandjhăngngèpon djhălăn sè tomboe namong bhărebbhă panḍha' tor empo', sareng polè ka'-bhoengka'an kènè' kèng-malkèng, sarta polè djoe-kadjoeǎn bhăngsa panḍha', bănnja' sempal rantja'èpon ètembhoeng angèn tanḍes. Sang Vitalis ngotja': „Satèja la napa' ḍa' Landes; padjhălănan nglèbădhi tegghăl ra-ara rèja ghi' karè ḍoe polo otabă saghămè' mil; dhăddhi sèḍă sokona semmo pakowat.” "Nalèka koelă băḍă è tegghăl ra-ara panèka rassaèpon bhabhoedhoen paḍă sareng orèng alaladjărăn ètengnga saghără sè ta' nèngalè ladjărră parao laèn sakalè. Sakèng radjăna ra-ara, sanaddjhăn koelă sasarengngan sè adjhălăn terros bisaos, rassaèpon kadhi taḍă' lè-ollèannèpon sakalè. Terkaḍhăng padjhălănan nglèbădhi djoe-kadjoeǎn pijnboom sakalompoʼan, anangèng boe-tomboeăn ghăpanèka ta' ambhaḍhi perna ḍă' panèngal. Bhoengkaèpon paḍă èri-dhoeri, ghettana potè nap-ngarennap, ngalambă noro' lèkèttèpon lokana, sè ra-ngamèra; kontjo'na kadjoe-kadjoe ghăpanèka paḍă ètogholli sadhădjă. Lamon angèn tanḍes nongngo' ḍă' djoe-kadjoeǎn ghăpanèka, ongellèpon ngaroso, semmoèpon kadhi nangès amarghă sakè'na lokaèpon. Sang Vitalis ngotja' ḍa' koelă, djhă ḍăgghi' lem-malem bhaḍhi mangghiă dhisa pangènebbhăn; anangèng kantos malem koelă ta' nèngalè las-alasănnèpon dhisa bhălăka. Taḍă' tjompo', taḍă' pangoanan, taḍă' tegghălăn, taḍă' kos-kokos katèngal ḍări djhǎoeăn. Băkto ka'ijă koelă sè adjhălăn pon saarè bhentèng, lessoèpon pon sakalangkong, bhadhăn mangghă ta' atèngka'a. Aḍoeh, panapa ra-kèra dhisa sè èdjhăp-adjhăp ghăpanèka kèra-kèra pon ta' èḍăpa'enna kèja? Koelă ling-djhellingan salèbărrèpon, anangèng kadjhābhăna djoe-kadjoeǎn ḍhă'-panḍhă' taḍă' sè ètèngalè è djhăoena, aboe-èmboe arè sadjănè malem, bădjă sadjănè petteng. Sakèng terrona sè èngghălă mangghi pangènebbhăn, padjhălăn koelă sasarengngan sadjăn èsellek.<noinclude></noinclude> bhn8sny9f7ry2yxgfza5gnmsuflhc1d