Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.13 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 66 4451 208 2026-08-01T10:59:53Z Aaima Dandelions 144 4451 proofread-page text/x-wiki <noinclude><pagequality level="3" user="Seeharee" />{{c|39}}</noinclude>Mon èkèr-pèkkèr lakar tjè' bhenḍerrǎ tja'-otja'anna orèng towa, djhǎ' lalakon sè bă'-djhoebǎ'an kadhibi' nèng: amadhăt, boer-lèboerăn orèng băbinè', mamalèng băn amaèn tatăroan. {{c|'''10''' <br>'''SOGHI BINÈ BĂNNJA' KABHINGONGAN, SOGHI OTANG''' '''BANNJA' KASOSSA'AN.'''<br>}} Tja'-otja'an èattas rèja tjè' kapprana èkotja'aghi orèng, tapè Alwăni, orèng dhisa Tjihideung ('), semmona ta' patè partjadjă'ăn. Dhinèng Alwǎni rèja dhǎddhi tokang tegghoe'na sabǎna Radhin Biră, èkowasa'aghi negghoe' sabă sapolo. bhǎoe băn kebbhoen sakotak, ghenna' tatamennanna, opama: njèjor, wǎ'-boewǎ'ǎn bǎn perrèng. Sabă ghellǎ' nèng 1½ bhǎoe sè èlakonè dhibi'; sè laèn èpaparon ka tja-kantjana. Radhin Biră ta' noro' pa-apa, nèng tao ghenna'na paroanna malolo, ijă arèja sabbhǎn anjè èḍǎlem oe-sabhǎoena ollè saamet; ollèna paḍi djărèja rangrang èghibă ka bengkona, nèng èpatoro' è bengkona Alwǎni. Bilă la mosèmma orèng adjhoewal paḍi, ollèna paḍina Dhin Biră sè èpatoro' ka Alwăni ghellǎ', èsoro djhoewăl; met-saametta padjoe f 25, kaḍhǎng kongsè f 30. Tapè sè èpanapa' ka Dhin Biră nèng f 20 otabă ƒ 25. Dhǎddhi èḍǎlem met-saametta Alwǎni ollè bhǎțè ƒ 5, kaḍhǎng kongsè f 7,50. Apa polè abǎ'na lakar tjè' pènterra akkalla njarè djhǎlǎnna pangorèpan. Saellana dhărămèan è sabăna la rèpa, sè kemma sè ta' pegghǎ' aèngnga èotjolè djhocko', sabǎnnè bǎḍă sè ètamennè palabidjhǎ ana-bărna, opama: tjabbhi, terrong, oto', djhǎghoeng bǎn èn-laènna. Dhinèng kebbhoenna lorana ghellǎ' è soksokanna ghǎsèk ètamennè sabbhrǎng bǎlǎndhǎ otabǎ men-tamennan laènna. Lè-ollèanna tamennan palabidjhǎ djǎrèja sabǎgian èkaollè lorana, ḍoe băgiăn èkaollè abǎ'na. Amarghǎ djǎrèja Alwăni pas dhǎddhi orèng mampo; kellar mellè bengko bhǎghoes, pakakas băn rarengghǎnna bengkona taḍă' korangnga, angghoejjǎ abă'na bǎn binèna paḍă bḥǎghoes. Tja'na tja'-otja'an: manossa rèja asèpat dǎkka; maskè abǎ'na la anḍi' kasennengngan sakèlan, pas terro ollèa sadeppa. Tjara Alwăni bi' Ghoestè Alla èparèngè bănnja' radjhekkèna, (1) Bătja Tjihidăng.<noinclude>[[Category: Bhâsa Madhurâ]]</noinclude> 16u42nwh6zb0mdd5qtg82s1gvwnh0xc 250 67 4452 212 2026-08-01T11:19:59Z Aaima Dandelions 144 4452 proofread-page text/x-wiki <noinclude><pagequality level="3" user="Seeharee" />{{c|40}}</noinclude>satèja pas anḍi' rarengkan terro ngaronga binè. Apa polè abǎ'na èkalèboeri babinè' bannja', sabǎb la djhǎma'na orèng mampo bănnja' ngaterroè. Anangèng ghi' ta' kataoan, djhǎ' rèng-orèng djărèja bhenḍer terro ongghoe ka Alwǎni; tapè sè kanjata'an ongghoe rèng-orèng bǎbinè' ghellǎ' nèng terro ngaopa, matoro'a taboe'na njopprè ta' kangsèa kalaparan, bǎn parlo matoro'a bhǎdhǎnna, njopprè ta' kangsèa abǎngkang. Ekala' panḍǎ'na tjarèta, Alwani la atemmo bi' djhoeḍhoena, ladjhoe akabin, ngarong parabăn. Binèna sè towa, anjama Soei, talèbat sakè' atèna, sèjang malem ta' njaman neng-enneng, kongsè ta' njaman ngakan, ta' njaman tèḍoeng, bhǎdhănna koros ngarèngkèng, sarat nèng karè tolang bi' kolè'na. Aboe-èmboe bannja' orèng sè djhănngaddjhănè ka aba'na, sopadjǎ nokarana lakè băn maḍoena, sabǎb la kapprana rèng soghi rèja èkadhengghi'i orèng. Tja'na njè Tjèwo: „Engko' la bǎnnja' pangataoan, ḍări ngoḍǎ kongsè towa ghasèk èpamaḍoeǎghi taḍă' sennengnga nè'-sakonè'a. Epamaḍoeăghi orèng sè ngattasan, panas; bi' ḍhǎ-paḍhǎ, arassa kabǎtèr tako' kongsè kala, sabǎb mon kongsè kala arassa malo radjă; mon èpamaḍoeăghi orèng sè mabă’ăn, arassa ètongko'è otabă ètjalonga'è." Dhinèng Soei so'è talèbat ghǎlghǎl atèna, saparkara polana èmaḍoeaǎghi, kaḍoewǎ parkarana marghǎ ngèḍing djhăn-addjhănna orèng bannja', sè nas-manasè, kongsè atokar bi' lakèna sèjang malem taḍă' pegghǎ'na; la-mala mon la ta' kellar ngampet napsona, pas nompo ka bengkona maḍoena, nanondhes băt-talèbăt. Amarghǎ djǎrèja Alwǎni arassa talèbăt malona ka ghă-tatangghăna, kabirǎnganna taḍǎ' dhă-andhina. Nellaka binèna sè towa arassa ta' tègha, marghǎ abǎ'na ghi' anḍi' panganèser, sarta berrǎ' ka ana'na, tako' ta' ro-karoan, marghă taḍă' arabdhi. Băn polè abǎ'na ènga' ka kaèstoanna binèna, sè èkabin molaè ghi paḍă ngoḍǎ njandhǎng kamalaratan masabbhăr bhăi. Molana abǎ'na tje' ghimengnga ta' nemmo pèkker. Anangèng bit-abit pas èsak polè, ta' atokaran ghoe-ongghoe. Tjoma Soci satèngka-polana maanggǎ', bhidhǎ bi' ri'-bări'na, opama: taḍa' amboena abeḍḍhǎ', aparas bǎn asèsèk, sarta maskè ghighina la marè èpapar kongsè panḍǎ' ghi èpapar polè, padjhălănna nètèr kolènang sambi alèmbǎj, meltas mandjhălin, kongsè aobǎ tèngka, sè polana tako' kala'a ka maḍoena. Ghǎrighi'na kangan katjèr possa' bi' sello'; djhă' sakènga ngangghoej djhămang, pas anjama pangantan. Ghi' bilănnă ma' polè abeḍḍhǎ' otabǎ aparas, maskė ngangghoej, mon bannè mastèna, ta' enḍǎ', sabǎb abǎ'na ta' ghijǎr adhǎndhǎn, nèng djhǎ-maddjhǎ bhǎi; abǎ'na anḍi' sèpat èmanan ka pèssè bǎn ka angghoej. Tapè saellana èpamaḍoeăghi, pas èlang adhǎddhǎ se bhǎghoes<noinclude>[[Category: Bhâsa Madhurâ]]</noinclude> lawqkgaz3148x0yctqz8bkpgp0e7pun 250 69 4453 219 2026-08-01T11:37:51Z Aaima Dandelions 144 4453 proofread-page text/x-wiki <noinclude><pagequality level="3" user="Seeharee" />{{c|41}}</noinclude>ghellǎ', rè-saarè taḍǎ' polè lakona kadjhǎbhǎna adhǎndhăn, sabǎb tja'na pèkkèrra: „Apa ghoenana anḍi', apa tebbǎssă soghi, sabǎb mon la anḍi' ghǎsèk pas èpèlonè (èampongè) orèng. Panganèser bån pangaleboerrǎ ka lakèna la èlang saparona. Lǎn-bilǎnna abǎ'na tjè' tartèppa ka lakèna, tapè satèja ta' sa apa. Saopama Alwǎni kateppa'an sakè', Soei ta' aladhinè kalabăn ghoe-ongghoe atè tjara lăn-bilanna, nèng arabădhi sakadhărrǎ bhǎi. Ghi' bilǎn mon lakèna teppa'na alanḍoe' è sabăna, Soei ngèrèm nasè' dhibi'; mon masana mandjhǎ' otabǎ abhersè'è bhărebbhǎ ètengnga pandjhǎ'na, Soci kèja sè ngèngonè rèng-orèng sè alako. Apa polè mon teppa'na masana anjè, Soei mastè noro' lakèna, enneng è sabǎna sèjang malem, ta' lè-molè ka bengkona mon ta' ranta'a kakabbhi. Panḍǎ', sakabbhiǎnna lalakonna lakèna ètolonge bi' abǎ'na. Bărămma kabǎḍǎ'ǎnna satėja? Satèja maḍhǎlmos, ta' èkènneng kala' lakona sakalè. Dhinèng binèna sè ngoḍă, sarrèna ghi' tjè' ngoḍāna, ta' èkennèng kala' lakona sakalè, sabāb padjhăt ghi' ta' tao ka lalakon. Amarghă djarèja sabhǎrăng lalakonna Alwǎni tapaksa èlakonè dhibi' kakabbhi, ta' ètolongè binèna sakalè. Sarrèna Soei rèja sèjang malem ta' pegghǎ' ngampet napsona, bhǎr-njabbhārrăghi kaḍhoesonanna, ḍi-boeḍina pas dhǎddhi orèng mengmeng, sarta loppa'an. Bengkona gheddhǎ' sarta possa' bi' boe-romboe, marghǎ ta' tao èsapoè; kas-pakakassa akalarkaran, abǎsanna tjara bengkona orèng ghilă. Marghǎ Alwǎni rèja ta' nganèserrè sakalè ka binèna sè towa, dhǎddhi abǎ'na ta' pegghǎ' njandhǎng kasossa'an; pandjhǎ'na ta' ghellem dhǎddhi, men-tamennanna èrosak pagherringan, tang-paotangnga bănnja' ètadjǎp orèng; aboe-èmboe binèna paḍǎ anḍi' ana', rèbek rèkong paḍă èsandhǎng. Dhoennjana tompes, marghǎ èdjhoewǎl, ekabhǎndhǎ arabădhi binèna sè rèmbi', kongsè abǎ'na dhǎddhi orèng malarat. Saellana Alwǎni dhăddhi orèng malarat, pas tomboe akkalla sè djhoebǎ', ijă arèja ghǎsèk lètjèk ka lorana. Paḍina lorana èdjhoewǎli è lèng-alèngnga; hasèlla kebbhoenna, opama: njèjor, penang, ḍoekoe, rambhoedhăn bǎn èn-laènna, èpataḍǎ' kèja, lorana ta' èpamèlo sakalè. Radhin Biră apèkkèr bārijā': „,Orèng sè tèngkana tjara rèja ta' patot èpanneng bhǎi, sabǎb marogi radjǎ ka sèngko'." Di-boeḍina Alwǎni pas ètonḍhoeng bi' Radhin Birǎ; sabǎ băn kebbhoenna paḍă èkala', èpategghoe' ka orèng laèn. Palang ongghoe Alwăni, dhoennjana tompes, pangorèpanna taḍă'. Amarghǎ djǎrja abǎ'na tapaksa adjhoewăl bengkona, pas mellè bengko nè'-kènè' sarta tjè' djhoebǎ'na, nompèng è tanana mo-sarmoanna; binèna sè kaḍoewǎ èpapolong sabengko<noinclude>[[Category: Bhâsa Madhurâ]]</noinclude> 02538705k7ci3wsmt86xdzocsaaao4f 250 70 4454 222 2026-08-01T11:51:10Z Aaima Dandelions 144 4454 proofread-page text/x-wiki <noinclude><pagequality level="3" user="Seeharee" />{{c|42}}</noinclude>èdjǎḍijă. Molaè ḍări djărèja Alwǎni dhǎddhi orèng sè tjè' malaratta, sè asalla abengko radjă, pas abengko ko'-rongko', sè asalla ngangghoej bhoenga, pas apangangghoej bǎ'-rambing, asalla ngakan kennjang, satèja nèng ngakan sakalean saarè. Dhinèng sè dhǎddhi pangorèpanna nèng alalakon ngoli, kongsè mèkol otabǎ njo'on dhibi'. Bit-abit binèna sè ngoḍă pas ètellak, marghǎ abǎ'na ta' kellar aberri' nafaka; anangèng Soei terros dhǎddhi binèna kongsè no'-rono', marghǎ tjè' èstona ka abǎ'na. {{c|'''11''' <br>'''MALARAT LANTARAN GHǍSÈK ABINĖ.'''<br>}} Băḍă orèng lalakè' kasorang, ana'na orèng ḍoemè', anjama Sastra. Molaè ḍări ghi' kènè' Sastra djǎrèja èpasakola bi' eppa'na, kongsè ollè certificaat (sirtipikat), marghǎ abǎ'na tarbhoeka. Saellana abǎ'na kalowar ḍări sakola'an, ta' ghellem maghǎng è kantor, sabǎb tja'na pèkkèrra: „Sèngko' ta' kentjeng ngarep dhăddhi pardjǎdji, marghǎ ta' ghǎmpang kaollèanna. Orèng dhǎddhi maghǎng rèja èḍǎlem sataon ḍoe taon ta' ollè ghǎdjhi; bit-abit ijă ollè kèja ghǎdjhi, tapè ta' radjă, nèng sarènggit otabǎ ḍoèwă rènggit, ta' kèra menḍǎng èkakan bhălăkka', sabǎb orèng maghăng rèja kapprana nèng marogi ka orèng towana malolo. Mon orèng towana soghi, ta' arapa, tapè sèngko' rèja barămma, sarrèna anḍi' orèng towa tjè' malaratta? Saopama sèngko' sè maghǎng podjhoer, èḍǎlem 4-5 taon bhoeroe èangkat, dhăddhi djhoertolès kalabǎn ollè ghǎdjhi f 15 otabǎ ƒ 20, tapè kodhoe njèngla ḍări naghară sang-katerbi'ăn; djarèja ijǎ anjama njossae kèja. Băn polè pangkat kapardjǎdjiăn rèja anḍi'na bhăngsa aghoeng otabă orèng sè băḍă njamana. Apa ghoenana sèngko' ngarep pangkat kapardjǎdjiăn, sabǎb sèngko' ana'na orèng ḍoemè'? Tja'na sang ghoeroe, kawǎdjibhǎnna orèng oḍi' rèja taḍǎ' laèn kadjhǎbhǎna kodhoe njarè radjhekkè, artèna: kakan băn angghoejjă. Dhinèng djhălănna njarè radjhekkè rėja amatjem-matjem: băḍă sè adhăghăng, bǎḍǎ sè atanè băn èn-laenna. Maskè orèng sè dhǎddhi pardjǎdji rèja kapprana ijă njarè radjhekkè kèja. Pa'-sapa'a sè tjokop kakan bǎn angghoejjǎ, apa polè sè soghi, djǎrèja abǎ'na lebbi ontong ḍări orèng aghoeng otabă pardjdǎji sè malarat, sabǎb tjara hakèkatta: sanadjhǎn dhǎddhi orèng aghoeng otabǎ pardjǎdji, mon malarat, taḍă' kamoldjǎ'ǎnna sarta a'ib. Mon băkto sè kaangghoej maghǎng èḍǎlem<noinclude>[[Category: Bhâsa Madhurâ]]</noinclude> sj53cuqu709bx4jnvuwg8qbhgfrggoc