Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.17 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 74 4472 4467 2026-08-26T02:25:46Z Alfiyah Rizzy Afdiquni 62 4472 proofread-page text/x-wiki <noinclude><pagequality level="3" user="Seeharee" />{{rh||46}}</noinclude>ma'na nèng karè sossana, karè kastana malolo, sabăb ta' èkennèng arep oḍi'na polè băn ta' èkennèng ghǎntè'è emma' laèn. Djhǎ' sakènga aba'na ènga' ka băboeroeghǎnna orèng towana, djhǎ' taḍǎ' orèng kasta kaaḍā', masṭè kasta kaboeḍi, tanto abǎ'na tè-ngatè, sabhărăng tèngka-polana sè èlakonana èpèkkèr ghǎlloe, sopadjă ta' kongsèa kasta kaboeḍi. {{c|{{bar}}}} {{c|12 <br>'''TAḌĂ' ORÈNG KASTA KAAḌĂ' MASTE KASTA KABOEḌI'''<br>}} E nalèka sèttong malem ma'na Kalsan todjoe' èḍălem romana aghelloe' to'otta, ngaḍă'i dhămăr sambi aroko' bhǎko armon, owa'na èboeng-serboengngaghi ḍări èlong băn tjolo'na. Semmona abă'na tjara sè mèkkèr parkara sè tjè' parlona, sabǎb taḍǎ owaj taḍă' assim, nèng ghoek-magghoek bhăi; djhǎ'-sakeddjhǎ' njerghoe roko'na. Boe'na Kalsan todjoe' atèmpo èboeḍiănna, amèna sambi ngaḍă'i patjopa'anna, essep paḍă taḍă' sè tja-ngotja'a sakalè, paḍă tjara sè bǎḍă ekangen. Bit-abit boe'na Kalsan pas ngotja' bǎrijă: „Bărămma nonto, mamaʼna, bilă na sè njonnata Kalsan ghǎrowa? Kalsan sanonto pon djǎngger; mon ta' èsonnat taon nonto, tanto malo ka orèng." Saotta lakèna,,Boelǎ sè ghoek-magghoek nèko engghi polana mèkkèrè ghănèko. Pon pan-bărămpan arè boelă alènglèng njarè pèssè. Sakabbhinna orèng sè ghi-soghi èḍinto bălăttra èntarè bi' boelǎ ngotja' èotangana pèssè, tapè palang taḍǎ' sèttonga sè ghellemma aberri'. Paḍi pon băḍă gak ḍoe amet, tanto menḍăng, tjoma pèssè bhoeroe băḍă saratos, tanto ta' kèra menḍăng.” Boe'na Kalsan: „Boelǎ engghi anḍi' long-polongan kèja èsabǎ' è tjangghă; pon pa' boelan abiddhǎ boelǎ sè long-molong, sabbhăn arè njabǎ' ghăn 15 essèn otabǎ saitji; mè'-amè' sanonto pon ollè 15 ropèja.” Ma'na Kalsan:,,Maskè pon ollè saghănèko ghi' ta' kèra menḍǎng kèja, sabăb ghăbăj momolan ollè dhǎddhi bănnja' sè èntar, napè polè bănnja' orèng sè katompangan." Boe'na Kalsan: „Padjhǎt engghi; băn polè nějat boelă terro èkardjǎ'ǎnna sè ongghoeăn, sè ta' kongsè băḍă korang, sè paḍǎ'ǎ bi' kardjăna kalèboenna ghǎrowa." Ma'na Kalsan:,,Ta' osa tjara ghǎbajjǎ kalèboenna ghǎrowa, sabǎb kabǎrră, laènna paḍi, abi' ƒ 300." Boe'na Kalsan:,,Marèna bărǎmma mon tjara nèko, sabăb boelǎ nèng anḍi' ana' ḍăḍoewǎ', taḍǎ' polè sè èkarèpota?" Ma'na Kalsan:,,Boelǎ ètotorè orèng, djhǎ' è kotta băḍǎ orèng<noinclude></noinclude> 50rih3dfwgqwblzpvazb5ncp5ag071u