Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.17 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 79 4483 253 2026-08-31T14:20:05Z Aaima Dandelions 144 4483 proofread-page text/x-wiki <noinclude><pagequality level="3" user="Qainiii" />{{rh||54}}</noinclude>18. Kadhăddhiănna njossaè, abă'na bhoeroe angrasa, ghăpnèka wǎdjib katjonto, sanaddjhăn kardjă panèka, adhăddhă orèng bănnja', tapè mon norotè napso, tanto njossaè abǎ'na. 19. Orèng bănnja' tanto ngartè, bi-lebbi sè onèng njan ḍhăng, kardjă radjă nglombhăr napso, marèbek sareng masossa, pnapa polè rogina, dhăddhi rèng sè nglombhăr napso, tanto njossaè abǎ'na. 20. Mongghoe taksèran sè ngangghit, taḍă' orèng tong-sèttonga, sè terro ka sossa lesso, sareng mangghi karogiăn, kadhi băḍă ghăbăjjă, abă'na maksa alako, sakèng pangghibhăddhă kantja. 21. Nèng tako' èsangka orèng, abă'na tjerrè' malarat, ta' rokon ka kantjaèpon; ghăpnèka sè dhăddhi sabăb, ta' kèng terro akardjă , manabi paḍă sarodjoe' ngorangè adhăt kardjăna. 22. Kadhi paḍă soka atè, sè ngarang băngal taroan, tanto kadhi ator bhoeroe, aghoeng ḍoemè' ta' dhă-bhidhă, ghi' lerres sakeḍdhăghăn, masè ngampetta panglèboer, otabă ngèlangngaghiă. 23. Tapè mon ongghoe èpèkkèr, ta' rang-korang kabhoenga'an, naddjhăn ta' kardjă sakalè, tapè djhă' pasala tampa, kaoelă ta' alarang, rèng ngardjăi ghăbăjjèpon, nèng kodhoe onèng okorra. 24. Koelǎ bhănget soka atè, è Banḍoeng bănnja' sastreja, sè molaè rang-ngorangè, kabăḍă'anna ghăbăjja, sabăb bănnja' sastrèja, njonnat pottrana ta' rèpot, ta' èmè'-rammè'è pnapa. 25. Ghǎpnèka sareng sè ḍoemè', saklangkong pantes ètènḍhă, sopadjă dhăddhiă saè, sabăb mon norot amara, ngabbhiăghi akardjă, sè kalakon pas maroghoe, oboes ghăbăj nompo' otang. {{c|{{bar}}}} {{c|SÈNOM.}} 26. Samangkèn ghǎntè tjarèta, prèngettan ka kana' kènè', nasèhat ka ngongoḍădhăn, Ghoes Abdoella sè èangghit, saè èkaḍhi-anḍhi, rèng oḍi' parlo ngatjonto, pasorop ka abă'na, tètèngkan sè korang saè, segghoet andhăddhiăghi katjalaka'an. 27. Tètèngkanna Ghoes Abdoella, èaḍă' ampon èbirdjhi' , saparkara radjă tèngka, ḍoe parkara tlèbăt tèngèl, kapeng tello'na polè, ka băbinè' maèn lèboer, dhinèng pa' parkarana, dhǎ'ăr lebbi ḍări mastè, ghǎpnèka dhăddhi lantaran kamalaratan. 28. Bătekka kamalaratan, loppa ka abă'na dhibi', ghǎsèk ngèlangngaghi birăng, poron lako djhoebă' atè, ma'sèjat èlakonè; sadhădjă lako sè ta' patot, èengghoenè Ghoes Doella, abǎ'na băngal nglakonè, naghi padjhek ḍări para kalèboenna .<noinclude>[[Category: Bhâsa Madhurâ]]</noinclude> pmwkeevvt1x0u23zt3va7mz9ki8m5m0