Wikigherbhung madwikisource https://mad.wikisource.org/wiki/Tan%C3%A8yan MediaWiki 1.47.0-wmf.21 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 80 4484 258 2026-09-27T23:01:38Z Aaima Dandelions 144 4484 proofread-page text/x-wiki <noinclude><pagequality level="3" user="Qainiii" />{{rh||55}}</noinclude>29. Di-boeḍina pas tjalaka', lantaran tèngkana dhibi', ta' tjokop bi' kapènterran, sanaddjhăn bhădjheng sakalè, lamon korang pamèlè, ka lako sè saè patot, tètèngkan sè otama, dhăddhina ta' mangghi hasèl, ta' boeroeng njanḍăng sèksana Ghoestè Alla. 30. Mon rèng aghoeng pon malarat, apessan ḍări rèng ḍoemè', bhăngsa ḍoemè' tateḍḍhănna, èna apes laèp mèskèn, ennessa ta' èpèkkèr, pnapa polè lamon mampo; mongghoe bhăngsa sastrèja, kapprana sè ngalakonè, bănnja' ta ' kellar njanḍhăng kamalaratan. 31. Bhăḍhi tjonto ghăpanèka, sèjang malem kaèmotè; pasèra terro moldjǎ'ă, senneng pèkkèr èkaanḍi', terro dhăddhi pardjădji, tor anjama orèng aghoeng, kodhoe paonèng mowang, ka parkara sè njossaè, kadhoe onèng njegghǎ sè empa' parkara. 32. Dhǎ'ărră pasatèmbhăngnga, djhă' torotè nè-samanè; ka băbinè' kadhoe njegghă; ponapa polè amaèn, sabăb bănnja' ḍhi-anḍhi, kadhi sè ampon kasebbhoet, sareng sè kaonèngan, kapangghi abǎ'na dhibi', ghǎpanèka saè bhăḍhi katja terrang. 33. Dhinèng tjonto sè otama, teppa sè maollè hasèl, ghi panèka Radhin Hardjă, sastreja bhădjheng tor saè, orèng bănnja' pangartèn, pènter longèt bănnja' èlmo, ngokoè kalerressan, tor ta' poron bă-ngobăi, mon pon lerres èpèkkèr ta' tako' pnapa. 34. Ka tèngkana dhăghăng paham, ka tèngka tatanèn ngartè, bi-lebbi kapardjădjiăn, ngator paprènta'an onèng, papa taḍǎ' nanḍhingè, kaangghep ka loraèpon, tor lèboer kaboelăna, orèng ḍoemè' tako' asè, saabiddhă ngaboelă taḍă' tjalèna. 35. Dhinèng tjonto è-saèan, Dhin Hardjă èngghi ngaghǎli, djhă' orèng dhăddhi sastrèja, ta' kèngèng malarat mèskèn, ghnèka dhǎddhi panarèk, ka lalakon sè ta' patot, sarta lèboer aotang, pas dhăddhi orèng ta' saè, atètèngkan lèboer nèpo lèboer nadjǎp. 36. Polè tèngkana Dhin Hardjă, sè otama ètèroè, mongghoe ka sastreja ngoḍă, èngghi sè lèboer atanè, dhăddhi kasap èbingkèng, saamponnèpon pansijoen, sabăb orèng ngaboelă, mnabi èleppas njossaè, mon kongsè pansijoen sakonè' ghǎdjhina. 37.Dhinèng lako tanè panèka, kèngèng èbhăḍhi bin-sambin, kapangkatan ta' èdhingghăl, ta' kantos maposang pèkkèr, sareng ta' èkalaèp, la-mala so'è aèmboe, katrèma ka lorana bhăb lakona sè è-saè, mèla dhăddhi kamadjhoeănna abă'na. 38. Laèn ḍări ghăpanèka, tja'-otja'an kaèmotè, apadjoeng sabeiloen odjhăn, artèna: tètè ngastètè, sabhărăng kodhoe pèkker, ma' ta' kasta bingkèngngèpon, djăgă ghi' sabelloenna, paponapa sè njlaka'è, sapnèka djhoeghăn tèngkana Radhin Hardjă. 39. Dhinèng sè tjè' talèbăddhă, bi' Dhin Hardjă èkaghăli, sè kaangghoej pangorèpan, bhăḍhi nafaka èbingkèng, bilă èam-<noinclude>[[Category: Bhâsa Madhurâ]]</noinclude> h7xm3pr5fwv169bsgdxb5oifm1rvl3t 250 81 4487 263 2026-09-27T23:38:23Z Aaima Dandelions 144 4487 proofread-page text/x-wiki <noinclude><pagequality level="3" user="Qainiii" />{{rh||57}}</noinclude>48. Dhinèng bitä pnèka sareng Nabbhi, dhăddhi larangannèpon talèbăt, tapè omat maksa saos, partjadjă tor alako, kadhǎddhiǎnna njalaka'è, kongsè alako sala, kasta achèrrèpon, tjontona kadhi Alnasan, saten-bhoentenna maskè ta' njalaka'è, tanto marogi abă'. 49. Kadhi adhattèpon orèng anjè, èsabă'i katja serrèt mènnja', ghǎpanèka tanto saos, mowang pèssè ta' sorop, ta' ollè hasèl lè-sakalè, mon ghănèka èboewăng, dhăn kaoelă nangghoeng, ta' kèra apa-ponapa, dhăddhi pèssèna saèan kaèmanè, taro dǎlem peṭṭèna. 50. Sopadjǎ mèghoenaè èbingkèng, kèngèng sadija'ǎghi ka aral, manabi ampon tagheppok, băḍă sè langkong parlo, njopprè ta' kantos njarè polè, otabă tang-taotang; manabi saka'into, saklangkong sè ghoenana, ètèmbhăng sareng èlang ta' ollè hasèl, norot tèngka ta' ladjǎk. 51. Manossa bakto njarè radjhekkè, kadhi kapal è bǎkto aladjăr, lerres èlowarra tasè', bănnja' panolakkèpon, sè madjhãoe djhălăn bhălăi, artèèpon alangan, aral neng-è laot, ombă' karang angèn toefan, mon djhoermoḍdhi korang pènter ta' tè-ngatè, tanto tjlaka' kapalla. 52. Sapanèka tatèngkanna orèng, èḍălem bhăb panjarèna kasap, ta' korang pangghoedhǎèpon, sèttong alombhăr napso, nglakonè sè ta' ollè hasèl, kadhi băḍă ghăbăjjă, nakalla ètorot, amaèn sareng laènna, pèng ḍoewǎ' ta' onèng dhoeghǎ kèra saè, sakèng dări bhoeḍhoena. 53. Kadhi lenḍhǎ ka bhălăna dhibi', ta' kalaban bǎnnja' partèmbhăngan, nèng norot nèserra pèkkèr, otaba atotolong, ari'-berri' ta' ènga' băngkèt, nglangkongè kamampoan, njossaè pon tanto ; dhinèng tello parkarana, tèngkaèpon orèng bhăb njarè radjhekkè, segghoet jǎkin ka bitä. 54. Djhoe ta' bănnja' rèng amoldjă'ăghi, ka ḍhoekon tamènta tor djhă-moddjhă, kamoldjă'ăn sè èsopprè; ghǎpnèka tanto klèro, èpèkkèr djhǎ' ḍhoekon mèskèn; mon onèng masoghiă, masa poron bhoeto, abă'na pas soghi arta, orèng laèn èpasoghi neng è-boeḍi, samarèna abă'na. 55. Băḍă polè tjarèta ḍhi-anḍhi, klakoanna Dhin Sorawijăsa, orèng băngalan ta' nangghoeng, pardjădji soghi èlmo, pènter bhǎdjheng tjakang tor tjattjèl, taḍa' kakoranganna; lala-konna madjhoe, katarèma ka lorana, para kaboelăna paḍă tako' asè, senneng pangaboelăna. 56. Man-èmanna pas anḍi' tjatjalèn, ta' sorop sareng tèngka lakona, kaghoengan adhăt ta' saè, dhinèng sè nomer sèttong, talèbăt wang-mowang radjhekkè, langkong-langkong rojǎllă, ahli nglombhăr napso, dhă'ăr angghoej ta' satèmbhăng, lèboer maèn tor nakal ka rèng băbinè', kaghăbăj kasennengngan.<noinclude>[[Category: Bhâsa Madhurâ]]</noinclude> 1meuy9se62r2af497cho074drizzff6 250 82 4488 267 2026-09-27T23:53:22Z Aaima Dandelions 144 4488 proofread-page text/x-wiki <noinclude><pagequality level="3" user="Qainiii" />{{rh||58}}</noinclude>57. Sadhǎdjă tanto paḍă ngaghǎli, djhă' tèngka ghellǎ' taḍǎ' saèna, la-mala tjoma njossaè, sareng makasta ongghoe; ḍiboeḍina tanto kapangghi, băbăles tètèngkanna, sèksana sè Aghoeng, Ghoestè Alla sè kabăsa, karana è kora'an ampon kalahèr, djhǎ' manossa èlarang. 58. Ta' kèngèng norot napso tapatè, kodhoe onèng ngokor tateḍḍhănna, tjegghǎ ongghoe ka băbinè', maèn èngghi djhă' lèboer, laranganna sara' sènglaè, pasèra sè alompa', kasta ampon tanto, băbălessa tanto tèbhă, lekkasa abidhă ampon tanto mangghi, bhoektè kadhi Dhin Sora. 59. Mèla sèjang malem kaèmotè, manossa ta' ontong saabiddhă, sè soghǎ' pas roghoe retto, sè oḍi' maso' kabhoer, sè dhoeghǎghes segghoet pas gherring, bhoektè kadhi Dhin Sora, dhăddhina kong-markong, sossa pèkkèr gherring bhădhăn, sè asalla terro ngoboeghǎ ka langngè', pas oḍi' ta' paarghă. 60. Sèla sapnèka ghi' ètambăi, kasossa'an ḍări kamèskènan, malaratta langkong-langkong, tor ta' kèngèng pansijoen; djhă' sènga abă'na tè-ngatè, adjăgă ḍări asal, kasta ta' bhingong, naddjhăn ta' bărăs bhădhănna, tanto ḍhă'ăr angghoejjă ta' ré'-tabéré', amè' băḍă sennengnga. {{c|{{bar}}}} {{c|SALANGÈT}} 61. Salangèt dhăddhi panjambhoeng, njambhoeng parèngettan saè, maènga' sè korang akkal, korang akkal korang pèkkèr, mèkkèrè bhăb kasennengngan, kasennengngan saè bhersè. 62. Bhersè taḍă' èkabhingong, bhingong ka sè njalekkoè, slekko marghǎ korang teḍḍhă, korang teḍḍhă korang tèngel, tètèngèl kodhoe băn obăng, obăng sè maajem orèng. 63. Sèra sè ta' poron bhingong, mastèna kodhoe tè-ngatè, larangan djhǎ' kantos lompa', madhăt nakal maèn malèng, lamon orèng onèng njegghă, karèkongan ta' èpangghi. 64. Ta' kasta sareng ta' rèkong, manabi orèng ngastètè, sadhǎdjăna èbhăng-tèmbhăng, noro' pètotoran saè, pangaterro djhă' èlorbă, amè' pas lèboer mamalèng. 65. Orèng sè sapnèka klèro, terro senneng mangghi aib, kakareppan ta' katekkan, nèspa birăng sè èpangghi, sè kalakon sapanèka, na’-kana' kodhoe ngèngettè. 66. Naddjhăn pardjădji sè aghoeng, ta' mohal poron mamalèng, bănnè malèng ngètjo' obăng, njebbroet bhărăngnga rèng ḍoemè', tapè ngètjo' ètèra'na, sè ta' kappra njama malèng. 67. Ghǎpnèka kodhoe ètemmo, paghoe-ongghoe sè ngaghǎli, dhăddhi prèngettan sè ngarang, ka pèkkèrra kana' kènè', tè-tèmbhăngan satowana, saamponna negghoe' bislit.<noinclude>[[Category: Bhâsa Madhurâ]]</noinclude> 9ycqmnxgeal3ft50io32y133xzn5o2v 250 83 4489 272 2026-09-28T00:18:45Z Aaima Dandelions 144 4489 proofread-page text/x-wiki <noinclude><pagequality level="3" user="Qainiii" />{{rh||59}}</noinclude>68. Sanaddjhăn ka loraèpon, lalakonna ta' èpangghi, ta' katara ka naghără, tjatjatta abă'na dhibi', ampon tanto tjekka', orèng ḍoemè' ngaonèngè. 69. Dhinèng sè kappra kalakon, tèngka sè njata ta' saè, sè bănnja' orèng alompa', kappraèpon tello mègghi', maèn nakal sareng rojăl, bănnja' orèng ngalèboeri. 70. Mongghoe maèn sè ataro, sè kappra èkaonèngè, bătekkèpon mamalarat, loppa ka abă'na dhibi', abă' rosak pèssè ghoenḍhǎs, bhăṭèna angghoej bă'-rambing. 71. Saamponna pas ghoek-magghoek, sèjang malem ta' aklèsèt, kadhi lakona Ghoes Kamal, sè èaḍă' pon èbirdjhi', abǎto' kerrèng achèrra, abă' règgik korang dhăghing. 72. Gherring pellaj robăèpon, koros karè tolang kolè', mowana atjom ta' bhinar, malem ampo ta' asarè, règgik nèng karè tolangnga, tongkèng kèpa' ta' adhăghing. 73. Sareng kantjana ta' akor, nèng peṭṭok ka bhăngsa malèng, mon-temmon è pamaènan, tanto pas rapet akaèt, mon korang koko atèna, pas noro' èntar mamalèng. 74. Mon binè' nakal ètemmo, è pamaènan tor njanḍhing, tantona pas boer-lèboeran, dhăddhi adhăt tambă polè, maene aorok bănnèan, lèboer nakal ka băbinè'. 75. Mon anḍi' pèssè pa' binggoel, ta' mardoeli taboe' peddhi, parlo èkaghăbăj bhănḍhă, bhadhăn ta' èparloaghi, sapanèka băbătekka, maèn pas maposang pèkkèr. 76. Ka răng-bhărăng ampon tanto, ta’ patè poron mèkkère, maskè bengko sokkor băḍă, naddjhăn kènè' naddjhăn aib, ta' mardoeli kapantessan, marghǎ nèng mèkkèrrè maèn. 77. Sabăb adhăt saka'into, radjhekkè ta' èklèboeri, ka ḍi'-anḍi'na ta' èman, Ghoes Kamal sè dhăddhi bhoektè, dhoennjaèpon tjè' bănnja'na, ladjhoe tompes taḍă' karè. 78. Ta' ngèngettè arè lagghoe', saḍijă'ă pnapa polè, nèng alorbă kakareppan, norot ka panassa atè, mon teppa' kala maènna, loppa ka adhăt sè saè. 79. Tapè băḍă maèn kartoe, sè Naghără ngalèllanè, kadhi ètengngana ghăbăj, otabă pèsta pardjădji, nèng èbhăḍhi angabhoenga, ta' ladjhoe èkaḍi'-anḍi'. 80. Dhinèng maèn saka'into, ta' èlarang sareng saè, bhăḍhi tandhǎ kaakoran, sareng bhălă sareng kanțè, tjoma djhǎ' pabăt-talèbăt, èkakolè’ èkadhăghing. 81. Kanṭè'èpon maèn kartoe, lèboer ka orèng băbinè', sè ḍǎḍoewǎ' satarètan, bătekka paḍă ta' saè, kapèng sèttong èkamlarat, ḍoewǎ' ampo dhăddhi pnjakèt. 82. Kapèng tello'na mamomos, empa' parkarana polè, marosak rèng ală-bhălă, pèng lèma' masekkel atè, kapèng ennem èkasengka, ngalakonè tèngka sottjè.<noinclude>[[Category: Bhâsa Madhurâ]]</noinclude> b57uwhtceh53niup5sg3qkwgbndbk5x 250 1170 4485 2026-09-27T23:27:02Z Aaima Dandelions 144 /* Kaca sè bellun èyoji-bâca */ ←Membuat halaman berisi '56 boeăghi, ḍări pangkat pon pansijoen, radjhekkè ampon korang, bădhăllǎ tjoma sakonè', mèlana kappra mangghi kamalaratan. 40. Kakowatan ampon korang, ora'na kenḍoer sakalè, tapè mongghoe paḍhă'ărră, magghoen terro ta' ètampèk, mala abă’na rogi, paḍă onjèl ghighièpon ta' abit paḍă tjolpak, abăli kadhi ghi' kènè', ghighi ngolngol pangaèlla mot-kelmotan. 41. Mon ta' èpèkkèr ghǎpnèka, bi' orèng ḍări samangkèn, tanto k...' 4485 proofread-page text/x-wiki <noinclude><pagequality level="1" user="Aaima Dandelions" /></noinclude>56 boeăghi, ḍări pangkat pon pansijoen, radjhekkè ampon korang, bădhăllǎ tjoma sakonè', mèlana kappra mangghi kamalaratan. 40. Kakowatan ampon korang, ora'na kenḍoer sakalè, tapè mongghoe paḍhă'ărră, magghoen terro ta' ètampèk, mala abă’na rogi, paḍă onjèl ghighièpon ta' abit paḍă tjolpak, abăli kadhi ghi' kènè', ghighi ngolngol pangaèlla mot-kelmotan. 41. Mon ta' èpèkkèr ghǎpnèka, bi' orèng ḍări samangkèn, tanto kasta ḍi-boeḍina, Dhin Hardjă saè kaanḍhi, karana njata saè, abă'na salamet saos, maskè slèrana songkan, tapè ta' njanḍhăng ta' mangghi, sossa sareng malarat bhăb pangorèpan. 42. Tjarèta Birăsantana, samangkèn băli'i polè, dhǎddhi tjontona rèng bănnja', bhabhănḍhingan ka rèng ḍoemè', orèng prèmpen tor saè, ta' poron alombhăr napso, sareng lowar langngè'na, ta' poron èalem orèng, kadhăddhiănnèpon mangghi kasennengngan. 43. Rèng laèn njonnat ana'na, èarak arèng-pangèrèng, njopprè sennengnga atèna, terro èalemma orèng, èkotja' orèng soghi, tapè sanjatana palsoe, dhinèng Birăsantana, ta' lèboer èalem orèng, sabăb abă'na mèkkèr kadhǎddhiǎnna. 44. Naddjhăn pèrak naddjhăn bhoenga, lamon dhăddhina èbingkèng, kongsè maèlang bengkona, partjoma ta' mèghoenaè, sapnèka Biră mèkkèr, èngettanna landjhăng ongghoe, mèlaèpon abă'na, njonnat ana'na lalakè', ta' poron sakalè ngangghoej karammèan. 45. Naddjhăn èpasapanèka, tapè dhăddhina ma' saè, salamet ta' pa-ponapa, ana'èpon tolos saè, rèng towana ta' bhlǎi; paḍă bărǎs slamet terros, tolos ta' anḍi' otang, rèng towana senneng pèkkèr, nangalè ana' slamet ta' karogiăn. ARTATÈ. 46. Samangkèn ghăntè tembhăng artatè, Alnasan orèng sè tjè' saèna, saabiddhă lèboer akor, lakona podjhoer saos, bhăb panjarèèpon radjhekkè, asalla orèng mlarat, kantos dhǎddhi mampo, marghǎ bhădjheng sareng tjakang, onèng ngator klowar-maso'na radjhekkè, napsona ta' èlombhăr. 47. Tjoma băḍă tjalèna sakonè', Alnasan ghăḍhoeăn pèkkèr posang, kongsè dhăddhi korang saè, marghă partjadjă ongghoe, ka parkara sè găib-găib, dhăddhina pas tjalaka', krana maèn kartoe, sabăb korang pangadjhărăn , ghi' korang pamangghina sè lerres saè, slèsèr sareng aghăma.<noinclude></noinclude> a1go0z1g742xyq3il09fzexxt68qs3q 4486 4485 2026-09-27T23:27:15Z Aaima Dandelions 144 /* La èsalessè */ 4486 proofread-page text/x-wiki <noinclude><pagequality level="3" user="Aaima Dandelions" /></noinclude>56 boeăghi, ḍări pangkat pon pansijoen, radjhekkè ampon korang, bădhăllǎ tjoma sakonè', mèlana kappra mangghi kamalaratan. 40. Kakowatan ampon korang, ora'na kenḍoer sakalè, tapè mongghoe paḍhă'ărră, magghoen terro ta' ètampèk, mala abă’na rogi, paḍă onjèl ghighièpon ta' abit paḍă tjolpak, abăli kadhi ghi' kènè', ghighi ngolngol pangaèlla mot-kelmotan. 41. Mon ta' èpèkkèr ghǎpnèka, bi' orèng ḍări samangkèn, tanto kasta ḍi-boeḍina, Dhin Hardjă saè kaanḍhi, karana njata saè, abă'na salamet saos, maskè slèrana songkan, tapè ta' njanḍhăng ta' mangghi, sossa sareng malarat bhăb pangorèpan. 42. Tjarèta Birăsantana, samangkèn băli'i polè, dhǎddhi tjontona rèng bănnja', bhabhănḍhingan ka rèng ḍoemè', orèng prèmpen tor saè, ta' poron alombhăr napso, sareng lowar langngè'na, ta' poron èalem orèng, kadhăddhiănnèpon mangghi kasennengngan. 43. Rèng laèn njonnat ana'na, èarak arèng-pangèrèng, njopprè sennengnga atèna, terro èalemma orèng, èkotja' orèng soghi, tapè sanjatana palsoe, dhinèng Birăsantana, ta' lèboer èalem orèng, sabăb abă'na mèkkèr kadhǎddhiǎnna. 44. Naddjhăn pèrak naddjhăn bhoenga, lamon dhăddhina èbingkèng, kongsè maèlang bengkona, partjoma ta' mèghoenaè, sapnèka Biră mèkkèr, èngettanna landjhăng ongghoe, mèlaèpon abă'na, njonnat ana'na lalakè', ta' poron sakalè ngangghoej karammèan. 45. Naddjhăn èpasapanèka, tapè dhăddhina ma' saè, salamet ta' pa-ponapa, ana'èpon tolos saè, rèng towana ta' bhlǎi; paḍă bărǎs slamet terros, tolos ta' anḍi' otang, rèng towana senneng pèkkèr, nangalè ana' slamet ta' karogiăn. ARTATÈ. 46. Samangkèn ghăntè tembhăng artatè, Alnasan orèng sè tjè' saèna, saabiddhă lèboer akor, lakona podjhoer saos, bhăb panjarèèpon radjhekkè, asalla orèng mlarat, kantos dhǎddhi mampo, marghǎ bhădjheng sareng tjakang, onèng ngator klowar-maso'na radjhekkè, napsona ta' èlombhăr. 47. Tjoma băḍă tjalèna sakonè', Alnasan ghăḍhoeăn pèkkèr posang, kongsè dhăddhi korang saè, marghă partjadjă ongghoe, ka parkara sè găib-găib, dhăddhina pas tjalaka', krana maèn kartoe, sabăb korang pangadjhărăn , ghi' korang pamangghina sè lerres saè, slèsèr sareng aghăma.<noinclude></noinclude> hesl429uw2toz9fqh67fpsdjellvsvf