Wikibasurek minwikisource https://min.wikisource.org/wiki/Palanta MediaWiki 1.47.0-wmf.24 first-letter Media Istimewa Rundiang Pangguno Rundiang Pangguno Wikibasurek Rundiang Wikibasurek Berkas Rundiang Berkas MediaWiki Rundiang MediaWiki Templat Rundiang Templat Bantuan Rundiang Bantuan Kategori Rundiang Kategori Portal Rundiang Portal Halaman Rundiang Halaman Buku Rundiang Buku TimedText TimedText talk Modul Rundiang Modul Acara Pembicaraan Acara 250 425 31202 1759 2026-10-20T03:19:46Z PIAM007 401 31202 proofread-page text/x-wiki <noinclude><pagequality level="4" user="Syurida" /></noinclude>MILIK PERPUSTAKAAN BALAI BAHASA PADANG TGL : 16 Desember 2009 ... : B KOLEKSI : NO.INVENTARIS : 290/B/09/BJILA KLASIFIKASI : [[Category:Minangkabau]]<noinclude></noinclude> s3gcjohab79kt1twuoqrrwy1cgfjacs 250 1844 31203 6933 2026-10-20T03:20:20Z PIAM007 401 31203 proofread-page text/x-wiki <noinclude><pagequality level="4" user="Syurida" /></noinclude>{{right|'''MILIK PERPUSTAKAAN'''}} {{right|'''BALAI BAHASA PADANG'''}} buk, untuang nasib dagang malang, tibo di diri badan buruak. Dek diri katuju bona, dek hati taragak pulo, tapi baalah mangatokannyo. Kok batopuak sabolah tangan, kok bacinto sorang diri. Dek diri Sari Banilai, lah dimabuak angan-angan. Kok malam man- jadi mimpi, siang manjadi angan-angan, baitu malah kini, tapi di dalam hati sajo. Taingek di dalam tubuah, takona di dalam hati, takona juo di nasib badan, taringek di untuang diri. Awak nyato anak dagang, badan joleh urang jauah, takadia untuang paruntuangan, takona jo hino diri. Tapi kasiah lah ba- rumuak, tapi sayang lah tatanam, iyo di dalam hati Sari Banilai. Pado saat maso itu, nak joleh hitam putiahnyo, nak tontu lai tidaknyo, diuji-uji di batin, dicoliak-coliak di laia, lah rindu samo sorang. Kok lai kasiah ka babaleh, kok lah potang-potang hari, takona jo urang mudo tu, dipatuk-patuk inyo lalu, dek diri Sari Banilai. Pado saat maso itu, dialiah pakaian diri, dituka paranan badan, lah basikek jo baminyak, lah babodak lah bakain. Dicoliak badan dirinyo, lah barasiah malah kironyo, lah tampak sirah mukonyo, lah malayuak bajalan sorang. Saluruh lorong kam- puang, hati di dalam bakato-kato, iman di dado lah bakucak, Sarupo urang sodang balengah, takah urang indak tahu, sampo urang lah kahilangan cinto. Tapi sayang lah tabonam, tatumbuak di badan diri. Pado saat maso itu, badan sarupo rang tak tahu, Banilai bak cando kalengah, maumbiak bungo dalam kobun. Bu ngo olah diambiak satangkai. Diambiak satangkai, dicium cium- nyo bungo itu, lalu dipasuntiang di rambuknyo. Dek diri si Rambun Podeh, dilayok pandang ka kobun, tam paklah puti di sanan, puti bukan main jombangnye, puti bukan main rancaknyo. Pado saat maso itu, badobok hati jo jantung. bacokak ama jo iman, talukih di dalam hati, tasurek di sanubari. ontah pabilo kaluponyo, ontah pabilo kahilangnyo. Dipandang. pandangi bona, dicoliak nyato-nyato Tapi dek diri puti bata nyo rupo urang tak tahu, takah-takah urang tak joleh, inyo barupo lengah sajo. Dek diri si Rambun Podeh, kok disapo puti ko, apo ka pambukak muluik, indak dapek nan kadisobuk, tak tantu nan ka dibaco. Pado saat maso itu, bakucak iman di dado, bacakak ama jo iman. Diansua juo bajalan, tadayuak-davuak bajalan tadayuak dayuak di lobuah, talerai-lerai di jalan, badan bak raso bayang<noinclude>[[Category:Minangkabau]]</noinclude> 1w78zipvz4hpgf32fedv3ujhlfz6na0