Biquipédia mwlwiki https://mwl.wikipedia.org/wiki/Biquip%C3%A9dia:P%C3%A1igina_percipal MediaWiki 1.47.0-wmf.18 first-letter Multimédia Special Cumbersa Outelizador(a) Cumbersa outelizador(a) Biquipédia Cumbersa Biquipédia Fexeiro Cumbersa fexeiro Biqui Cumbersa Biqui Modelo Cumbersa modelo Ajuda Cumbersa ajuda Catadorie Cumbersa catadorie Portal Cumbersa portal TimedText TimedText talk Módulo Cumbersa módulo Evento Evento Discussão 0 4004 108372 107310 2026-09-09T08:34:53Z ~2026-46122-75 15490 108372 wikitext text/x-wiki L '''Gran-ducado de la Toscana''' fui un [[stado]] qu'eisistiu na [[Península Eitálica]], zde l [[renacimiento]] ([[1569]]) até la [[ouneficaçon eitaliana]] ([[1861]], cun capital an [[Florença]]. Sou território, ambora tenga bariado al lhargo de ls seclos, correspondie aprossimadamente al de l'atual [[regiones de la Eitália|region eitaliana]] de la [[Toscana]], cun eiceçon de las partes mais al norte, las quales formában l [[Ducado de Massa]], l [[Prencipado de Carrara]], i la [[República de Luca]] i depuis l [[Ducado de Luca]] (até [[1847]]). == Stória == L '''Gran-ducado de la Toscana''' fui einicialmente gobernado pula familha [[Médici]] até sue stinçon an [[1737]], quando fui hardado pul Duque [[Fracisco I, Sacro Amperador Romano-Germánico|Francisco Stebon de Lorraine]], genro de l Amperador [[Carlos VI, Sacro Amperador Romano-Germánico|Carlos VI]]. Francisco Stebon, que tornou-se amperador an [[1745]], gobernou la Toscana até sue muorte an [[1765]], quando fui sucedido pul sou filho mais moço, [[Liopoldo II, Sacro Amperador Romano-Germánico|Pedro Liopoldo]], que gobiernou até [[1790]], quando retornou a [[Biena]] para suceder sou armano cumo amperador. An [[1786]], l ducado tornou-se l purmeiro [[stado]] soberano a stinguir la [[pena de muorte]], anfluenciado pula obra [[De ls Delitos i de las Penas]] de [[Cesare Becarie]] ([[1764]]). Liopoldo fui sucedido pul sou filho mais moço, [[Fernando III de la Toscana|Fernando III]], que fui fuorçado a abdicar puls franceses depuis de l [[Tratado de Aranjueç (1801)]], tornando-se an beç desso [[Eileitor de Salzburg]]. [[Fexeiro:Italy 1796 AD-en.png|thumb|left|200px|La [[Península Eitálica]] an 1796]] L '''Gran-ducado de la Toscana''' fui anton dissolbido, i sustituído pul [[Reino de la Etrúria]] sob la dinastie de ls [[Bourbon-Parma]]. La Etrúria fui, por sue beç, aneixada pul [[Purmeiro Ampério Francés|Ampério Francés]] an [[1807]], tornando-se ls [[departamiento francés|departamientos]] de Arno, Mediterráneo, i Ombrone. Cula queda de l sistema [[Napoleon|Napoleónico]] an [[1814]], Fernando fui restourado al Gran-ducado, gobernando até sue muorte an [[1824]]. Sou filho, [[Liopoldo III de la Toscana]], gobernou até abril de [[1859]], quando fui depuosto pula reboluçon que se seguiu a la derrota de ls [[Ampério Austríaco|austríacos]] pa ls [[Fráncia|franceses]] i [[Reino de Sardenha|sardo-piemonteses]]. An júlio, Liopoldo, ne l'eisílio an Biena, abdicou an fabor de sou filho, [[Fernando de la Toscana|Fernando IV]], que nunca chegou a reinar. La Toscana staba sob admenistraçon xarda i Fernando fui formalmente depuosto pul gobierno ''de fato'' an [[16 d'agosto]]. An dezembre de [[1859]], l gran-ducado oufecialmente deixou d'eisistir i fui ounido als ducados de [[Ducado de Módena i Reggio|Módena]] i [[Ducado de Parma i Piacenza|Parma]] para formar las [[Porbíncias Ounidas de la Eitália Central]], que fúrun aneixadas pul [[Reino de la Sardenha]] poucos meses depuis, an márcio de [[1860]]. == Ber tamien == * [[Stória de la Toscana]] {{rabisco| stado-zaparecido}} [[Catadorie:Stória de la Eitália]] qd07x34729450mqruafc4ilarpwj0wy