Wikipedia nds_nlwiki https://nds-nl.wikipedia.org/wiki/V%C3%B6%C3%A4rblad MediaWiki 1.47.0-wmf.12 first-letter Media Spesiaal Overleg Gebruker Overleg gebruker Wikipedia Overleg Wikipedia Bestaand Overleg bestaand MediaWiki Overleg MediaWiki Mal Overleg mal Hulpe Overleg hulpe Kategorie Overleg kategorie TimedText TimedText talk Module Overleg module Event Event talk 0 32795 333064 317415 2026-07-24T00:11:53Z InternetArchiveBot 23048 Rescuing 1 sources and tagging 0 as dead.) #IABot (v2.0.9.5 333064 wikitext text/x-wiki '''De Meule''' is een [[zwömbad|openlochtzwömbad]] in de [[Oaveriessel|Aoveriesselse]] plaatse [[Ni'jlusen|Neilusen]]. Der bint twee grote baden, een bad veur 't kleine grut, en speul- en [[zunneweide]]s. De Meule verzörgt verscheiden zwömpergramma's, zoas [[ABC-zwömles]] veur kiender, [[snorkeln]], [[aquajoggen]], [[trimzwömmen]] en zwömles veur de groten. Ok wördt der de [[zwömvierdaagse]] eholden. 't Zwömbad lig in de midden van 't dörp an de heufdstraote, de Börgemeister Backxlane. Veur 't aoverdekt zwömmen wiekt Neiluseger zwömmers uut naor beveurbield 't [[Stappest|Stappester]] bad [[de Broene 'eugte]]. ==Geschiedenis== Veur der op Neilusen een zwömbad was, leerden kiender zwömmen in de [[Dedemsvaort (kenaal)|Dedemsvaort]], vastebunden an een touw of in een autobaand. In 1961 stuurden kiender een briefkaorte naor de gemiente mit de tekst: ''"De buld van derk jan daar vinden wij niks an / Wij willen een zwembad / anders gaan wij in de vijver / Afz de kinderen van Nieuwleusen"''. In 1962 wördden der deur kiender van de [[ULO]] op [[Den Hulst]] (Neilusen-Noord) ewandeld en hölden ze een [[bazaar]] veur de komst van een zwömbad. Ok rond die tied was der bij de [[Oranjefeesten]] een versierde wagen te zien mit de tekst ''"Hoe lang nog? Dat ligt mede aan u!"'' Op de karre stund een jonge mit een [[koare|krulewagen]]. In 1964 begunden op 't laand van Willem Stegerman de warkzemheden veur de anleg van een zwömbad. 't Aandere jaor gunk 't bad lös. In 1966 wördden de zwöm- en poloclub Neilusen, [[ZPC Nieuwleusen]], opericht. De wedstriedofdieling van dizze club, die mitzwömt in de D-competitie, traint 's zomers in De Meule en 's winters in de Broene 'eugte. In 1967 wördden der deur olders een fietspad langs de Backxlane anelegd, zodet heur kiender veilig bij 't zwömbad kunden komen. In 1994 is 't zwömbad erenoveerd; daorbij hef 't de name De Meule ekregen. De name verwis naor de [[windmölle|wiendmeule]] van Jan Massier uut 1848, die ter heugte van 't zwömbad an de Backxlane (destieds de Ommerdiek) hef estaone. Dizze meule is in de jaoren dartig van de twintigste ieuw ofebreuken; tegenaover 't zwömbad löp nog 't Molenpad. ==Bronnen== *[https://web.archive.org/web/20211021171721/http://www.beeldbanknieuwleusen.nl/cgi-bin/beeldbank.pl Bieldbaanke van de Historische Vereniging Ni'jluusn van Vrogger] *''Nieuwleusen in beeld'' (2020, uutgave van Albert Heijn De Groot) *[https://www.destentor.nl/dalfsen/duo-duikt-in-geschiedenis-nieuwleusener-molens-en-hun-mulders~ae7387b6/?referrer=https%3A%2F%2Fwww.google.com%2F De Stentor: ''Duo duikt in geschiedenis Nieuwleusener molens en hun mulders''], 30 augustus 2019 {{DEFAULTSORT:Meule, De}} {{Dia|Dit artikel is eschreven in 't [[Zuudwest-Drèents]].}} [[Kategorie:Drèents artikel]] [[Kategorie:Zwömbad]] [[Kategorie:Neilusen]] dpatxliel3zzejr3wq56s9vtvax216h