Wikipedia nds_nlwiki https://nds-nl.wikipedia.org/wiki/V%C3%B6%C3%A4rblad MediaWiki 1.47.0-wmf.12 first-letter Media Spesiaal Overleg Gebruker Overleg gebruker Wikipedia Overleg Wikipedia Bestaand Overleg bestaand MediaWiki Overleg MediaWiki Mal Overleg mal Hulpe Overleg hulpe Kategorie Overleg kategorie TimedText TimedText talk Module Overleg module Event Event talk 0 3431 333066 328424 2026-07-27T09:47:58Z CommonsDelinker 166 [[c:File:Coat_of_arms_of_New_Zealand.png|Coat_of_arms_of_New_Zealand.png]] is vort-ehaold umdat 't bestaand op Commons vort-edaon is deur [[c:User:MB-one|MB-one]], mit as reden: per [[:c:Commons:Deletion requests/File:Coat of arms of New Zealand.png|]] an 333066 wikitext text/x-wiki {{Laandtabel-stl | naemeinlaanstael = New Zealand <br> Aotearoa | naam = Ni'j-Zeelaand | vlagge = [[Bestaand:Flag of New Zealand.svg|125px|Vlagge van Niej-Zeeland]] | waopen = | breedtegroad = 41///S | lengtegroad = 173///E | region = NZ | lekaosie = LocationNewZealand.png | taelen = [[Engels]], [[Maori]] <ref>Ok de Ni'j-Zeelaanse [[Gebaorentael]] (NZSL) is formeel een officiële tael</ref> | heufdstad = [[Wellington (stad)|Wellington]] | religie = [[christendom|Kristelik]] 67% | regeringsvorm = [[Parlementaire monarchie]] | km2 = 270.534 | pctwaeter = 2,1 | inwoners = 4.173.460 ([[2008]]) | dichthied = 15,4 | muntienhied = [[Ni'j-Zeelaanse dollar]] | valutakode = NZD | tiedzone = [[UTC+12|+12]] | volkslied = [[God Defend New Zealand]], <br /> [[God Save the Queen]] | feestdag = [[6 febrewaori]] ([[Waitangi Day]]) | tld = nz | laandkode = NZE | til = 64 }} [[Bestaand:New Zealand map.PNG|thumb|255px|Kaorte van Ni'j-Zeelaand]] '''Ni'j-Zeelaand''' ([[Engels]]: '''New Zealand''', [[Maori]]: '''Aotearoa''') is een laand in et zuudwesten van de [[Grote Oceaan]]. Et bestaot uut twie grote [[eilaand|eilanen]] en een antal kleinere eilaanties. Ni'j-Zeelaand is een konstitutioneel [[keuninkriek]], lid van et [[Gemenebest van Naosies]] (et vroggere Britse Gemenebest). Daormit is [[Elizabeth II van et Verienigd Keuninkriek]] et staotsheufd; zi'j wodt vertegenwoordigd deur een gouverneur-ginneraol. De [[heufdstad]] van N'j-Zeelaand is [[Wellington]], en et laand het een bevolkingsantal van 4,17 miljoen meensken. De [[religie|heufdreligie]] is et [[christendom|kristendom]] mit zoe'n 67%. De officiële taelen bin et [[Engels]], [[Maori]] en de Ni'j-Zeelaanse gebaorentael. De nationaole muntienhied van Ni'j-Zeelaand is de Ni'j-Zeelaanse dollar. == Naeme == De [[Grunnen (provìnzie)|Grunningse]] ontdekkingsreiziger [[Abel Tasman]] zette as eerste Europeaan voet op Ni'j-Zeelaanse bodem, hi'j nuumde et ''Staotenlaand'', in de veronderstelling dat et verbunnen was mit et [[Staoteneilaand]] van [[Zuud-Amerike]]. Naodat [[Hendrik Brouwer]] in [[1643]] bewees dat dit niet zo was, wodde de naeme deur Hollaanse [[kartografie|kartografen]] veraanderd in ''Nova Zeelandia'', naor de Nederlaanse perveensie [[Zeelaand]]. De Britse luitenant [[James Cook]] vertaelde dit op zien beurte naor ''New Zealand''. Et laand het ok een naeme in et [[Maori]], naemelik ''Aotearoa'' wat ''et laand van de lange witte wolke'' betekent. In de prekeloniaole tied hadden de Maori gien naeme veur de hiele Niej-Zeelaanse eilanegroep, ''Aotearoa'' verwees allienig naor et hudige [[Noordereilaand (Ni'j-Zeelaand)|Noordereilaand]]. In et hudige taelgebruuk kan ''Aotearoa'' liekewels as een alternatief veur 'New Zealand' zien wodden. == Bestuurlike indieling == Ni'j-Zeelaand is onderverdield in 17 [[Regio's van Ni'j-Zeelaand|regio's]] die elk bestuurd wodden deur een regionaol keuzen raod. Daornaost bestaon d'r 74 zogenaemde territoriaole autoriteiten (57 distrikten, 16 steden en de [[Chathameilanen]]). Dit bin gien onderverdielingen van de regio's mar een parallelle bestuursvorm die verantwoordelik is veur aandere zaeken as de regio's. Pattie territoriaole autoriteiten liggen zels in twie verschillende regio's. Veerder bin d'r ok vier overzeese gebiedsdielen die onder et bestuur van Ni'j-Zeelaand valen: * [[Cookeilanen]] * [[Niue]] * [[Ross Dependency]] * [[Tokelau-eilanden]] === Steden === De grootste steden bin: * [[Auckland]] * [[Waitakere]] * [[Manukau]] * [[North Shore]] * [[Hamilton (Ni'j-Zeelaand)|Hamilton]] * [[Tauranga]] * [[Palmerston North]] * [[Wellington (stad)|Wellington]] * [[Christchurch (Ni'j-Zeelaand)|Christchurch]] * [[Dunedin]] * [[Invercargill]] Auckland, Waitakere, Manukau en North Shore vormen tegere Greater Auckland. == Referenties == <references /> {{Commonscat|New Zealand}} [[Kategorie:Stellingwarfs artikel]] [[Kategorie:Eilaandengroep]] [[Kategorie:Laand]] [[Kategorie:Geografie van Oseanië]] [[Kategorie:Polynesië]] i2rnskc8fbph7q0tirxgs6mdzqu95d6