Wikipedia nrmwiki https://nrm.wikipedia.org/wiki/Page_d%C3%A9_garde MediaWiki 1.47.0-wmf.5 first-letter Média Spécial Discussion Utilisateur Discussion utilisateur Wikipedia Discussion Wikipedia Fichier Discussion fichier MediaWiki Discussion MediaWiki Modèle Discussion modèle Aide Discussion aide Catégorie Discussion catégorie TimedText TimedText talk Module Discussion module Event Event talk 0 7141 221519 221518 2026-06-07T18:02:23Z Icodense 9468 L's amendements de [[Special:Contributions/~2026-33331-29|~2026-33331-29]] ([[User_talk:~2026-33331-29|devisaer]]) sount révertaés ; retouo à la drényire versioun de [[User:Rotondus|Rotondus]] 216636 wikitext text/x-wiki {{art-jer}} [[File:Europe-Republic of Kosovo.svg|thumb|Où'est qu'est Kosovo]] '''Kosovo''' - ou '''Kosova''' est un tèrritouaithe des [[Balkans]] en [[Ûrope]] du Su'êt', jouaingnant l'[[Crna Gora|Nièrmont]] par l'Vouêt, l'[[Albannie]] par l'Seur-vouêt, la [[Macédouaine du Nord]] par l'Sud et la [[Sèrbie]] par l'Nord et par l'Êst. == Histouaithe == [[Image:Kosovo02.png|thumb|left]] En [[1455]] lé tèrritouaithe fut contchéthi par l's [[Ottomans]]. Jusqu'en [[1912]] lé tèrritouaithe restit dans l'Empithe des Ottomans, ouaithe qu'en [[1878]] s'lon l'accord d'paix entre les Ottomans et la Prîncipaûté d'Sèrbie, un betchet du tèrritouaithe fûsse gouvèrné par les [[Sèrbes]] (et chenna auve la pus grande ville, [[Prichtchinne]]). En 1912 duthant les dgèrres des [[Balkans]], les rouoyaumes dé [[Sèrbie]] et d'Nièrmont gaffîtent lé tèrritouaithe. À la fîn d'la [[Preunmié Dgèrre Mondiale]], la fondâtion du [[Rouoyaume des Sèrbes, Croates et Slovéniens]] ([[1 Dézembre|1yi d'Dézembre]] [[1918]]) rassemblyit les parties d'Kosovo dans l'[[êtat]] c'meun. Quand la [[Yugoslavie]] fut transformée en eune [[fédéthâtion]] socialiste auprès la [[S'gonde Dgèrre Mondiale]], Kosovo d'vînt eune région autonome d'la [[Sèrbie]] en [[1946]] épis eune [[provînche]] autonome en [[1963]]. En [[1974]] la provînche èrchut un statut d'gouvèrnément dé sé et un siège dans la présidenche collective d'la [[Républyique Socialiste Fédéthale dé Yugoslavie]]. En [[1989]] la [[Sèrbie]] souos la présidenche dé [[Slobodan Milošević]] èrtréchit l'autonomie d'Kosovo. Du hèrtchîn fut êmoûtchi entre les [[Albanniens]] et [[Sèrbes]] en Kosovo. Eune armée [[Dgèrrilleux|dgèrrilleuse]] des Albanniens tchi lus freûlaient pouor l'îndépendence et les forches armées [[Sèrbes]] et [[Yugoslaves]] fîtent la [[dgèrre]] et hardi d'la populâtion fûtent tués ou carrés hors. À la fîn d'la dgèrre en [[1999]] les [[Nâtions Unnies]] griyîtent eune adminnistrâtion întèrnâtionnale et des prîncipes [[constitution]]nelles pouor l'tèrritouaithe souos la protection d'eune forche m'née par l'[[OTAN]]. Eune assembliée législative, un président et un gouvèrnément dé sé fûtent êlus en [[2001]] s'lon les prîncipes constitutionnelles. L'assembliée législative dêcliathit l'îndépendence d'la Républyique dé Kosovo l'[[17 Févri|17 dé Févri]] [[2008]]. Y'a des pays tch'ont r'connu l'îndépendence dé Kosovo et d'aut' tch'ont r'nonchi d'itelle èrconnaîssance. {{sec-cot}} Pouor l'heure, no peut enco dyire qu'ôle est eune partie de Serbie, pîqué s'n endépendaunche n'est brin recounûn coume i fâot. {{Commons|Category:Kosovo|Kosovo}} [[Category:Ûrope]] b0ucjlvg6ietzxls24zj57k5erbyi79