Wikipedia rmwiki https://rm.wikipedia.org/wiki/Wikipedia:Pagina_principala MediaWiki 1.47.0-wmf.20 first-letter Multimedia Spezial Discussiun Utilisader Utilisader discussiun Wikipedia Wikipedia discussiun Datoteca Datoteca discussiun MediaWiki MediaWiki discussiun Model Model discussiun Agid Agid discussiun Categoria Categoria discussiun TimedText TimedText talk Modul Modul Diskussion Veranstaltung Veranstaltung Diskussion 0 7344 174152 169659 2026-09-21T23:53:51Z InternetArchiveBot 16747 Rescuing 1 sources and tagging 0 as dead.) #IABot (v2.0.9.5 174152 wikitext text/x-wiki {{idiom|puter}} [[Datoteca:Alizée_Jacotey_-_Chanteuse_Francaise_-_Paris_-_3_December_2007_-_DSC_1665bis.jpg|thumb|right|<center>Alizée sin ina fotografia dal 2007</center>]] '''Alizée Jacotey''', meglder cuntschida be scu '''Alizée''' ([[Ajaccio]], [[21 avuost]] [[1984]]) es üna chantadura francesa da musica da pop. Ella es renumneda specialmaing per sia prima chanzun, ''Moi... Lolita'', dal [[2000]], chi ho gieu fich success in tuot il muond. == Carriera == === Ils inizis e'l prüm album === Alizée gnit scuverta da la chantadura [[Mylène Farmer]] e dal chantautur [[Laurent Boutonnat]], chi dvantent sieus produzents. Ils [[4 lügl]] [[2000]] gnit publicheda sia prüma chanzun, ''Moi... Lolita'', chi anticipaiva la publicaziun da sieu album ''Gourmandises'' ("Delicatezzas"). La chanzun vet fich success dalum in [[Frantscha|Frauntscha]] e zieva in bgers oters naziuns, taunt in [[Europa]] scu in l'[[Orient Extrem]]; in [[Svizra]] ragiundschettan la chanzun ''Moi... Lolita'' e'l DC ''Gourmandises'' l'11., resp. la 27. posiziun da la parada da hits. In duos ans gnit vendieus 4 milliuns copchas da ''Gourmandises'', dal quêl gnit publicheda eir las chanzuns ''L'Alizé'', ''Gourmandises'' (posiziuns 23., resp. 70. da la parada da hits [[svizra]]) e ''Parler tout bas'' ("Parler da bass", publicheda be in [[Frantscha|Frauntcha]] e [[Belgia]]). Vi da quist album guadagnet Alizée bgers premis, scu l'"NRG Music Awards", il "World Music Awards" e l'"M6 Awards". === Il seguond album === Eir il seguond DC d'Alizée, ''Mes Courants Électriques'' ("Mieus currents electrics"), gnit prodüt da [[Mylène Farmer]] e [[Laurent Boutonnat]]. El gnit publicho ils [[18 marz]] [[2003]] in [[Frantscha|Frauntscha]] insembel cun la chanzun ''J'en ai marre!'' ("Eau and he avuonda!"). Album e chanzun vettan bun success in [[Europa]] ed [[Asia]]; in [[Svizra]] ragiundschettane la 13., resp. la 5. posiziun illa parada da hits. Da l'album gnint publichedas eir las chanzuns ''J'ai pas vingt ans'' ("Eau nun he vainch ans", 60. in [[Svizra]]) e ''À contre-courant'' ("Cunter il current", 64. in [[Svizra]]). Da las chanzuns ''J'en ai marre!'' e ''J'ai pas vingt ans'' existeschan eir las versiuns in ingles, clamedas ''I'm Fed Up!'', resp. ''I'm Not Twenty'', amenduos chantedas da Alizée svessa. Zieva la publicaziun da ''Mes Courants Électriques'' ho Alizée fat üna turnea tres tuot la [[Frantscha|Frauntscha]]: in poch temp gnint tuots ils bigliets dals concerts vendieus. === Il terz album === Ils [[27 settember]] [[2007]] gnit our la chanzun ''Mademoiselle Juliette'' ("Giunfra Juliette"), chi procedet la publicaziun, ils [[3 dicember]] [[2007]], dal terz album d'Alizée, ''Psychédélices'' ("Psiche-dalets"), prodüt da [[Bertrand Burgalat]], [[Daniel Darc]], [[Oxmo Puccino]], [[Jean Fauque]] e [[Jérémy Châtelain]]. Dal [[favrer]] 2008 gnit publicheda ün'otra chanzun da quist'album, ''Fifty-Sixty'' ("Tschinquaunta-Sesaunta"). In Svizra nu vet ''Psychédélices'' fich success: pelvaira, el ragiundschet be la 99. posiziun da la parada da hits. === Otras lavuors concernant Alizée === Dasper ils trais albums menziunos, gnint publichos oters duos albums d'Alizée: * ''Alizée en Concert'' ([[2004]]), registro düraunt la turnea dal [[2003]], chi vet success in [[Fratscha|Frauntscha]] e specialmaing in [[Mexico]] (8. posiziun da la parada da hits); * ''Tout Alizée'', publicho in [[Mexico]] dal [[2007]], chi met insembel las megldras chanzuns d'Alizée. == Vita privata == Alizée ho marido il chantadur frances [[Jérémy Châtelain]] dal [[2004]]; ils haun üna figlia, Anny-Lee, naschida ils [[29 avrigl]] [[2005]]. == Tuot ils lavuors d'Alizée == === Albums === * ''Gourmandises'' ([[2000]]) * ''Mes Courants Électriques'' ([[2003]]) * ''Alizée en Concert'' ([[2004]]) - registraziun directa * ''Psychédélices'' ([[2007]]) * ''Tout Alizée'' ([[2007]]) - collecziun === DC singuls === ==== Da ''Gourmandises'' ==== * ''Moi... Lolita'' ([[2000]]) * ''L'Alizé'' ([[2000]]) * ''Gourmandises'' ([[2001]]) * ''Parler tout bas'' ([[2001]]) ==== Da ''Mes Courants Électriques'' ==== * ''J'en ai marre!''/''I'm Fed Up!'' ([[2003]]) * ''J'ai pas vingt ans''/''I'm not Twenty'' ([[2003]]) * ''À contre-courant'' ([[2003]]) ==== Da ''Psychédélices ==== * ''Mademoiselle Juliette'' ([[2007]]) * ''Fifty-Sixty'' ([[2008]]) == Colliaziuns == * [https://web.archive.org/web/20240926201001/https://alizee-officiel.com/ Website d'Alizée] * [https://web.archive.org/web/20250119222901/https://www.alizee-mexico.com.mx/ Website mexicaun d'Alizée] * [https://myspace.com/alizeeofficiel Website da Myspace d'Alizée] [[Categoria:Chantadurs]] [[Categoria:Dunnas]] [[Categoria:Persunas franzosas‎]] [[Categoria:Persunas dal 20avel tschientaner‎]] [[Categoria:Persunas dal 21avel tschientaner‎]] q0n9gimxt6qxl6d2tuha7l4yqz7c45q