Wikipedia roa_tarawiki https://roa-tara.wikipedia.org/wiki/Pagene_Prengep%C3%A1le MediaWiki 1.47.0-wmf.19 first-letter Media Speciale Discussione Utente Discussioni utente Wikipedia Discussioni Wikipedia File Discussioni file MediaWiki Discussioni MediaWiki Template Discussioni template Aiuto Discussioni aiuto Categoria Discussioni categoria Portale 'Ngazzaminde d'u Portale TimedText TimedText talk Modulo Discussioni modulo Evento Discussioni evento Canale de Panama 0 17968 152088 151486 2026-09-09T16:09:58Z ~2026-48833-00 13583 /* Curiosetate */ 152088 wikitext text/x-wiki {{Coord|9|04|48|N|79|40|48|W|region:PA_type:waterbody|display=title}} [[File:Panama Canal PIA03368 lrg.jpg|300px|thumb|'U canale jndre 'na elaborazione 'mbormateche]] 'U '''Canale de Panamá''', (ind'ô [[Lènga spagnole|spagnole]]: Canal de Panamá, ind'ô [[Lènga 'nglese|'nglese]]: Panama Canal) jè 'nu [[canale artificiale]] ca attraverse l'[[istme de Panamá]]. 'U canale, longhe 81,1&nbsp;km (combrese le prolungamènde ind'ô mare), aunìsce l'[[Oceane Atlàndeche|Atlàndeche]] c'u [[Oceane Pacifeche|Pacifeche]]. Tène 'na profunnetata masseme auguale a 12&nbsp;m, 'a larijèzze cange 'mbrà lle 240 e le 300&nbsp;m ind'ô [[laghe Gatún]], mendre jè de 90–150&nbsp;m ind'à vanne d'u tagghie d'a Culebra. Quiste jè formate da 'nu sisteme de chiuse, cu 6 [[conche de navegazione|conche]], ca permette a lle sckife ccu supere 'nu dislevèlle totale de 28&nbsp;m, evitanne a lle sckife derette da puèrte d'u Pacifeche a quidde de ll'Atlàndeche e a smerse 'a circumnavegazione de l'[[Americhe meridionale]]. 'U timbe de percorrenze jè de cchiù o mène 4/5 ore. 'A trasùte 'nzeccate a 'u [[Mare Caraibeche|Mare de le Caraibe]] se iacchije 'nzign'u puèrte de [[Cristóbal (Panamá)|Cristóbal]] ind'à [[baje de Limon]]. Le sckife ca avènene da l'Atlàndeche e ca sonde derette ind'ô Pacifeche, nnande ccu ave percorse le 'mbiande de 'nghianate, ccrejàte da le ttréde [[Gatún Locks]], attraversane 'u [[Laghe Gatún]], 'a vanne de [[Gamboa]], 'ô [[Stritte de Culebra]], arrevanne cchiù nnande ad 'a chiuse de [[Pedro Miguel]], passane angore, nnande 'nu prime zumbe de levèlle de cchiù o mène 9 metre, ind'ô [[Laghe de Miraflores]], 'u quale conzente 'a trasùte a le doje chiuse de [[Miraflores]] raggiungenne a ll'ascìte de quèste 'u levèlle 'u mare 'nzign'u puèrte de [[Balboa (Panamá)|Balboa]]. Segue 'a navegazione passanne 'u [[Ponde de le Americhe]] fine ccu raggiunge nnande ind'ô [[Gurfe de Panamá]]. 'U canale jè attraversate da assaje sckife a l'anne pe' 'nu [[tonnellagge]] de decine de miglione de tonnellate jndre totte e doje le senze. Ind'ô 2009, 14.342 sckife honne attraversate 'u canale, trasportanne 198.014.288 tonnellate de carghe. 'U pedagge dovute p'a navegazione jè 'a prengepále fonde de ll'economije d'ô state de [[Panamá]]. Le sckife ca attraversane 'u canale non ge pòtene superà le 292,68 metre de longhezze e le 32,31 metre de larijèzze a cause de le masseme dimenzione de le "conche" le quale, ind'ô senze d'a longhezze, sonde limetate da le puèrte de comunecazziúne 'mbrà lle conche stesse. Quiste limete ha ddà esse superate ind'ô 2014, quanne 'u spannamènde d'u canale ad opere de 'nu consorzie a cui partecipe pure 'a tagliáne [[Impregilo]]<ref>[https://web.archive.org/web/20120220192400/http://www.pancanal.com/eng/pr/press-releases/2009/07/08/pr341.html Panama Canal Announces "Best Value" Proposal for New Set of Locks Expansion Contract]</ref> ha ddà esse spicciate. == Sciugrafije == Accumenzanne da 'u versànde Atlàndeche, trasènne a lle 'nderne d'a Limon Bay, 'u canale vère e proprije avène pigghiàte nnande 'na vanne de cchiù o mène 7&nbsp;km. Le 11&nbsp;km ca aavènene nnande se scucchiáne ind'à direziona sud sud-ovest fine ccu arrive a lle chiuse de Gatún, ca innalzane le aunetate transetande de 27&nbsp;m sus a 'u levèlle d'u mare, fine a 'u laghe artificiale de Gatún, ccrejàte d'u quagghiamènde de 'na dighe sus a 'u [[Chagres (jume)|jume Chagres]]. Nnande ccu ave attraversate 'u laghe, 'u canale prosegue verse sud sud-est fine ad 'a trasùte d'u ''tagghie de Gaillard'' (o pure ''tagghie d'a Culebra''), 'nu stuèzze de canale de cchiù o mène 13&nbsp;km recavate da 'u tagghie de 'na chianghe dure assaje, quanne quèste spicce se iacchije 'a chiuse de Pedro Miguel. Quèste, permettenne 'nu avvasciamènde de cchiù o mène 9 metre, puèrte a 'u laghe Miraflores. Pe' potè raggiungere 'u levèlle d'u mare s'ha ddà passà attraverse le doje rumanènde chiuse de Miraflores. A cause d'a conformazione d'u continènde americane, 'a trasùte da ll'Atlàndeche se iacchije cchiù a ovest d'a trasùte da ll'Oceane Pacifeche; stù fatte condraste cu l'approcce 'nduitive, ca vôle l'Oceane Atlàndeche sckaffate a oriènde d'u Pacifeche. 'Mbrateche, 'nu sckife ca parte da 'u Mar de le Caraibe (Atlàndeche) e ha ddà raggiungere le acque d'u Pacifeche, tuèrne rrète verse est e, 'na vôte raggiunde 'a trasùte, arretuèrne a navegare verse ovest. == Storie == [[File:Construction of Panama Canal, Isthmian Historical Society, ca1913.jpg|thumb|600px|Fase d'u quagghiamènde d'u canale]] 'U pruggette origgenarije d'u canale ha ddà resalì a 'u [[XIX sèchele]]; ind'ò [[1879]] fù volute ferzutamènde da 'u [[Congresse 'Ndernazionale de Parigge]] e ave cundate 'mbrà lle suve promotore [[Ferdinand de Lesseps]], ca avève già quagghiate 'u [[Canale de Suez]]. Ind'ò [[1881]] Lesseps funne 'na suggetata pe' accumugghiare fonde e accumenze le fatije seconne 'nu pruggette assaje comblesse ca non ge cundave l'ause de [[Chiuse ('ngegnerije)|chiuse]]; 'u tendative sue no scìe a bbuène fine pepe' le ostachele de nature tecneche e finanziarije. Ind'ò [[1885]] ha state cangiate da [[Gustave Eiffel]] e 'a suggetate fallisce ind'ò [[1889]]. Ind'ò 1901 le [[Statère Aunìte d'Americhe|Statère Aunìte]] ottènene da 'u guverne colombiane (jndre quidde timbe Panamá ère 'na vanne d'a [[Granne Colombie]]) l'autorizzazione pe' quagghiare e gestire 'u Canale pe' 100 anne. Ind'ò 1903 però 'u guverne d'a [[Colombie]], jndre 'nu 'mbrovvie mumènde de orgoglie nazionale, scacchie ccu non ge ratifeche l'accorde. Le USA allore non ge penzane mmanghe 'nu mumènde e organizzane 'na sommosse a Panamá e minacciane le 'ndervende de l'esercite ce fosse avvenute 'a reazione d'u guverne legittime. Panamá accussì, cumme già [[Cuba]], addevende 'na [['Ndependenze de Panamá|Repubbleche 'ndependente]] me d'abbasce 'a tutele de le Statère Aunìte ca ottènene l'affitte perpetue d'a [[Vanne d'u Canale de Panamá|Vanne d'u Canale]] e l'autorizzazione ad accumenzà le fatije. [[File:Panama Canal Nicaragua Canal MKL Bd. 16 1890 (128535953).jpg|right|thumb|300px|Canale de Panamá e Canale d'u Nicaragua - Mappe storeche]] Le fatije accumenzarene ind'ò [[1907]], 'ndraprese da 'u scènie miletare statunitense, e spicciarene 'u [[3 aguste]] [[1914]], seguenne le pruggette d'u colonnelle [[Gothal]] (le 'nvendore de le chiuse sonde le architette ducale Filippe da Modena e Fioravande da Bologne: 'a prime conche quagghiate jè quèdde d'u 1439 'n'vije Conche d'u Naviglie a Meláne sus a ll'ordene de Filippe Maríe Visconti, sus a cui 'u canale se base). L'inaugurazione ufficiale ha state però renviate a 'u [[1920]], a cause de l'inizzie d'a [[prime uerre mondiale]]. 'A condizione giurideche sove jève regolate da ttréde accorde: * 'u [[Trattate Hay-Pauncefote]] ([[1901]]) * 'u [[Trattato Hay-Bunau Varilla]] ([[1903]]) * le [[Trattate Torrijos-Carter]] ([[1977]]) 'U prime de quise (Trattate de Neutraletate) dìce ca le Statère Aunìte tènene 'u jusse permanènde de defennere 'u Canale da ogne menacce ca pòte 'nderferiscere c'a sove accessibbeletate condinuate e neutrale a le sckife ca tràsene da totte le nazione, mendre 'u seconne hé innecate l'anne [[2000]] cumme date de quanne spicce l'affitte d'u Canale. Ind'à ll'abbrìle [[2006]] jè spicciate 'ô studie durate cinghe anne pe' 'nu spannemènde d'u Canale. Le 'ngrannemènde ha ddà esse quagghiate 'n'quanne 'u referendum populare ha scacchiate, c'u 75,25% de le 'sìne' ('u 43,3% de quidde ca tènene 'u jusse ha votate) l'approvazione d'u pruggette. Le fatije, accumenzate ind'ò [[2007]], honne da esse spicciate cchiù o mène p'u [[2014]], cendenarije de l'apírture d'u canale. 'U pruggette prevede 'u quagghiamènde de doje nuève serie de chiuse, parallele a quèddee ca già stonne, 'nzeccate ad ogneddune de le trasùte d'u Canale. Ogne serie ha ddà tenè ttréde camere. Se ste procedenne pure ad 'ô scave de doje canale de trasùte a lle nuève chiuse e a ll’allarijamènde d'u canale de navegazzione. 'U pruggette prevede de portare a 'u raddoppie d'a capacetata de navegazzione d'u canale apprìme d'u 2025. == Reghele de navegazione == 'A trasùte de le sckife pòte avvenire sulamènde accettanne le clausole d'a "domanne de trasùte" e nnande l'accettazione de quèste urteme da parte de le autoretate [[Panamà|panamense]]. Duranne 'u transite d'u canale avènene sospese le jusse relative ad 'a [[extraterritorialetate]] de le sckife da uerre e quacche reghele de bandiere relative a 'u cumanne e ad 'a conduzione de le sckife mercandìle. 'U pilote d'u canale, ca avène destinate ad 'u skcife da le autoretate d'u luèche, pigghie derettamènde 'u cumanne d'a navegazzione, no svolgenne, cumme normalmènde avvène ind'à granna vanne de le puèrte d'u munne, 'u rôle de semblece conzulènde d'u comannande. 'U comannande, 'nforze de le legge e de le regolamènde disciplenande 'a navegazzione marittime, rumane responsabbele de le servizie e d'a funzionaletate d'u sckife d'abbasce a 'u cumanne sue, senze però potè 'nderferire ind'à lle operazione de pilotagge<ref>{{en}} [https://web.archive.org/web/20120504033311/http://www.pancanal.com/eng/maritime/regulations/index.html Maritime Regulations for the Operation of the Panama Canal]</ref>. Le jusse de proprietate e l'organizzazione 'nderne de le servize d'u sckife non ge cangene. == Curiosetate == Ind'ô corse d'a quase cendenarije storie de sta vije d'acque, cumme ète 'u Canale de Panama, 'a "Autoridad del Canal de Panamà" hé nnumenáte quacche "pilote onorarije", 'mbrà lle urteme, 'u Comandante Superiore CSLC Raffaele Minotauro, già comandante de granne sckife transoceaneche de linèe d'a storeche Itaglie de Navegazzione S.p.A., megghie canosciute ind'ô munne d'ô shipping sutte 'u nome de [[Italian Line]] ed 'u Commodore Ronald Warwick già comandante d'a Queen Mary 2 d'a combagnie de navegazzione 'nglese CUNARD LINES. == Bibbliografije == * Mellander, Gustavo A. (1971) The United States in Panamanian Politics: The Intriguing Formative Years. Danville, Ill.: Interstate Publishers, OCLC 138568 * Mellander, Gustavo A.; Nelly Maldonado Mellander (1999). Charles Edward Magoon: The Panama Years. Río Piedras, Puerto Rico: Editorial Plaza Mayor. ISBN 1-56328-155-4. OCLC 42970390. == Note == <references /> == 'Ndruche pure == * [[Panama Railway]] * [[Canale de Suez]] * [[Canale de Corìnde]] * [[Zone d'u Canale de Panama]] == Otre pruggette == {{interprogetto|commons=Panama Canal}} == Collegaminde fore a Uicchipèdie == * [http://www.coolpanama.com/camaras-web-panama.html Camaras web di Canali en vivo] [[Category:Canale artificiale]] [[Category:Pàggene ca avessera stà in Uicchipèdie]] he06hxvumasu8b7lqle1z13tiffxwbf