Wikipedia shiwiki https://shi.wikipedia.org/wiki/Tasna_Tamzwarut MediaWiki 1.47.0-wmf.4 first-letter Midya Amẓli Amsawal Asmras Amsawal n usmras Wikipidya Amsawal n Wikipidya Afaylu Amsawal n ufaylu MidyaWiki Amsawal n MidyaWiki Talɣa Amsawal n talɣa Tiwisi Amsawal n twisi Taggayt Amsawal n taggayt Aggur Amsawal n waggur TimedText TimedText talk Module Discussion module Event Event talk 0 15415 78492 78470 2026-05-30T17:05:10Z Aɣaras iḍlan 2610 /* */ 78492 wikitext text/x-wiki '''Breaking Bad ('''s Tclḥit: ''iffuɣ aɣaras, iḍṣṛ, yumẓ gar abrid)'' iga yan isddi amarikan izrayn ɣ tiliẓṛi, win ḍṛama d win tirmgut, d win imccuṛḍa (tabulisit) lli ikcmn ɣ neo-western isnflul t uṣinariṣ Vince Gilligan. Ibḍa isddi ad s smmus n imirn, d 62 n twinas ittkkan kuyat kra n 47 n tusdadin, ittyawzuzzar s yat tklit ɣ wassf n 20 n innayr 2008 ar assf n 29 Cutambir n 2013 ɣ usaru n AMC lli illan ɣ [[Iwankn Munnin n Marikan|Mirikan]] d [[Kanaḍa]]. Tasrslt ad ar tettals i tnfust n Walter White (Bryan Cranston), yan uslmad n tcimit ilan yat tskflt yattuyn ɣ twssna, ig bab n twja. Lliɣ issn is yuḍn s gar aṭṭan (afurray) n turin ɣ usra nns amggaru, iddm ɣ umaḍal n trmgut afad ad ilil imal n twja nns ɣ mad iẓlin s iqariḍn ur ta immut. F ɣmkann, issnti ad d iṭṭay mitamfitamin, ar tt izznza, yaws as ɣ mayad yan ɣ Imḥḍaṛn nns iqburn lli t igan d Jesse Pinkman (Aaron Paul). Tanfust ad tzri ɣ tɣrmt n Albuquerque lli d yuckan ɣ Nyumiksiku. Iɣ yad yiwi imir amzwaru iṣkraḍ cwanin dar imzɣann, kkuẓ imirn lli t id iḍfarn munn fllasn imzɣann akkʷ is fulkin, ssimɣurn bahra manmk a s ttyaswaɣ ula tirra n usinaryu nns d iwrikn lli gis llanin, ula manik a s hḍṛn imsgbarn nns. Yawi imir wis smmus score n 99 f 100 ɣ wansa n 'Metacritic'. Ɣ usggʷas n 2013, tsti t tmrslt n 'Writers Guild of America' ad ig wis 13 ɣ tsrsal lli cwanin ɣ tirra ɣ umzruy n tiliẓṛi. Tasɣunt n 'The Hollywood Reporter' tsnmala dɣ nttat ''Breaking Bad'' d tsrslt tis snat lli akkʷ imuccdn ɣ tmazirt n Marikan tiɣʷrdin n tsrslt n ''Friends'' ''(Imddukkal)'', tsti tt daɣ tsɣunt n 'Esquire' ad tg tsrslt tis snat lli kullu ifulkin ɣ mad iẓlin s ddrrama tiɣʷrdin n ''Les Soprano''. Ɣ usggʷas n 2023, munn imzɣann ad gn ''Breaking Bad'' d tsrslt n tiliẓṛi da kullu icwan ɣ 25 usggʷas ad igguran, ɣ yan sondage da iskr wansa n "Rotten Tomatoes". == Tisuɣal == cw026fvp73ommgx94ihwgclphlelvy8