Wikipedia shiwiki https://shi.wikipedia.org/wiki/Tasna_Tamzwarut MediaWiki 1.47.0-wmf.22 first-letter Midya Amẓli Amsawal Asmras Amsawal n usmras Wikipidya Amsawal n Wikipidya Afaylu Amsawal n ufaylu MidyaWiki Amsawal n MidyaWiki Talɣa Amsawal n talɣa Tiwisi Amsawal n twisi Taggayt Amsawal n taggayt Aggur Amsawal n waggur TimedText TimedText talk Module Discussion module Event Event talk 0 2383 78880 74826 2026-10-05T07:17:56Z Amherst99 1036 /* */ 78880 wikitext text/x-wiki [[Afaylu:Dollarnote siegel hq.jpg|thumb|Yan rrasm illa ɣ ḍḍular n Mirikan nna ɣ tlla tiṭṭ n wakuc. Tiṭṭ ad tga zun d iɣ tnnit yan ulugu n id bu lmasunya]] '''Tiẓiṛt n unguz''' (s [[Tutlayt Taɛrabt|taɛrabt]]: نظرية المؤامرة, s [[Tutlayt Tafransist|tafransist]]: théorie du complot, s [[Tutlayt Tanglizt|tanglizt]]: conspiracy theory) tga yat tguri nna s ttwatasn yat tɣarast n uswingm dar ufgan ar ittiri ad sis issfraw tiɣawsiwin ɣ tudrt nna gisnt itlkam lɛaql tiggura qqnnin, ur ar ittiẓḍir ad asnt yaf kra n usfru nɣ d kra n ufssay, ar ilmma isiggil ɣ akud ann s lɛdurat d isfrutn lli ittuhham ɣ yixf nns s unguz nɣ lmuamara. Uran tuggt n imaratn d id bu tawsna d willi siggiln ɣ uswingm n ufgan f tiẓiṛt n unguz, ssfrun tt is tga yat lḥalt ar gis ttsyafat nɣ ar tsḥussut mas d kullu aylli ittjṛun d mad ak issutln iga ɣar yan lmuxaṭṭaṭ mgal (contre) nnk. == Wid imqqurn == Tiẓiṛin n unguz lli akk imqqurn s umdya aylli ijran ɣ 11 cutanbir 2001 ɣ ammas n tamdint n [[Nyu Yurk]] ɣ [[Iwankn Munnin n Marikan|Mirikan]], uggar n 50% n middn ar ttinin mas d [[Iwankn Munnin n Marikan|Mirikan]] nit s ugayyu nns ad inbbrn mayan afad ad tuhm umaḍal masd lirhab ar t ithddid ɣ tmazirt nns bac ad taf lḥujja mas a tkccm s [[Afɣanistan]]. Ar tɣama [[Lmasunya]] tguri lli kullu ssn middn asissurin kra yuqɛan d kra mmu ur ufan tfsir nɣ imjritn mqqurnin, yili maɣ as isḥbbun ḥtta tid mẓẓiynin, iẓḍar s umdya a hlli ur tfahmt d kra n yan ɣ iswingimn ilbqak nit ɣ lblaṣt mas tgit amasuni. == Imdyatn ɣ tudrt takuyast == [[Afaylu:North face south tower after plane strike 9-11.jpg|thumb|181x181px|Ɣaylli ijran ɣ 11 cutanbir 2001 iga yat tiẓiṛṭ ṇ unguz lli bahra fllas illa wawal ɣ umaḍal slawan akk ɣ [[Iwankn Munnin n Marikan|Marikan.]]]] Ad akk ur nftu s mani yaggugn, illa maɣa nzddi lfacal nnɣ tmukrisin nnɣ d unguz nɣd is aɣ ka iskr kra kra, zun d s umdya iɣ a nttini: ''Ifliyi ṭṭubis,'' maci nnk ad ur immattin zikk. Nɣ daɣ ''Yuti uɣrab'', mac aɣrab adɣar nns ka ɣ bdda illa, nkk ad gis ikcmn s iɣlayn inu. Yili daɣ bnadm lli iklan ɣ imi n ddrb inna y'ak skrn as iskkirn ad ur iswurri, d kigan n imdyatn zun d anaw ad ... Muhim ɣ umggaru, ḍḍuruf kullutn gan diḍḍ nnk ɣar kyyi waḥduk. == Imikk n umzruy == zun d anaw ad ad iswingimn ad isrgn asggwas n 1944 i butawsna Frid Zhayḍr d Maryan Simil lli igan tanlmadt nns aylliɣ skrn yat ttjriba skrn rrusumat ar tnuccugn ɣ yan uvidyu, mln tn i mnnaw middn, tfrjn gisn kraygat yan ɣ middn ann ixlq fllasn kra n lqissa zɣ lxayal nns, mqqar ur ṭṭafn rrusum ann kra n unamk nttni skrn ast s bzziz. Avidyu gis ɣar sin lmutllatat d yat da'ira d lmusṭatil, skrn gisn nttni bnadm skrn as iḍarn d ifassn d waskiwn. Ɣ tigira n tasut tis-19 ad tbda twuri ad n tiẓiṛt n unguz ar tt tissan middn afad ast ssn frrznt uggar asggwas n 1909 ɣ dar amara amirikani Ayn Junsun, mac iskr wawal ann taqqurt nit iṣḥan ɣ umaḍal tizi lli ɣ ittut rra'is Jon Kinidi, iffaɣ d kullu umaḍal ar ittini hati mayan tnbrt lmuxabarat CIA. == Max darnɣ tggut tiẓiṛt n unguz == Asqsi lli nn idran iga tt max aylliɣ darnɣ bzzaf tɛccic tiẓiṛt n unguz namn sis ɣ umaḍal wis-kraḍ, txuwx ɣ ddmaɣ nnɣ s bla n lqyas. Nkrn kra n id butawsna skrn yat tiɣri af nn masd tuggt n middn ur ar tn sqnɛunt lqararat rrasmya, mayan af a skarn ttfsirat yaḍnin s yixfawn nnsn ad sisn tsbrrdn lxwaṭr nnsn. Tili yat tiɣri yaḍnin ar tssurri mayan i lli mmu ttinin s tɛrabt Nnarjisya, zɛma bnadm ar ittiri ay mmal i middn mas issn kra n tɣawsiwin ur tn issn ḥtta yan abla ntta d ɣaliban middn lli bahra tɛccic xxuwxnin s tiẓiṛt n unguz ɣ ugayyu nnsn ar tggan id butusna uggar id butussna n saḥt == Tisaɣulin == [[Taggayt:Tasrtit]] i696ztxkq08vpd8webot1u4b7l1kbgv