وکیپیڈیا skrwiki https://skr.wikipedia.org/wiki/%D9%BE%DB%81%D9%84%D8%A7_%D9%BE%D8%B1%D8%AA MediaWiki 1.47.0-wmf.19 first-letter میڈیا خاص ڳالھ مہاڑ ورتݨ آلا ورتݨ آلے نال ڳالھ مہاڑ وکیپیڈیا وکیپیڈیا ڳالھ مہاڑ فائل فائل ڳالھ مہاڑ میڈیا وکی میڈیا وکی ڳالھ مہاڑ سانچہ سانچہ ڳالھ مہاڑ مدد مدد ڳالھ مہاڑ ونکی ونکی ڳالھ مہاڑ TimedText TimedText talk ماڈیول ماڈیول ڳالھ مہاڑ Event Event talk 0 34164 72418 2026-09-10T06:33:20Z Sraiki 12 ""اڄوک" شاہد ماکلی شاعری سویل دی تھیندی پئی ہے۔ دنیا تیں بہوں زباناں ہن تیں ہر زبان دے وچ شاعری دے مختلف رنگ ان۔ سرائیکی زبان وی اپنڑیں نویکلے رنگ اچ منظر نامے تیں موجود اے۔ ایندے وچ وی مختلف صنفاں اچ بھرپور شاعری تھیندی پئی ہے۔ کُجھ عرصہ پہلے "اڄوک" دی ش..." نال ورقہ تخلیق تھیا 72418 wikitext text/x-wiki "اڄوک" شاہد ماکلی شاعری سویل دی تھیندی پئی ہے۔ دنیا تیں بہوں زباناں ہن تیں ہر زبان دے وچ شاعری دے مختلف رنگ ان۔ سرائیکی زبان وی اپنڑیں نویکلے رنگ اچ منظر نامے تیں موجود اے۔ ایندے وچ وی مختلف صنفاں اچ بھرپور شاعری تھیندی پئی ہے۔ کُجھ عرصہ پہلے "اڄوک" دی شکل اچ سرائیکی غزل دے منظرنامے تیں ہک خوبصورت کتاب دا اضافہ تھئے۔ بحثیت ہک عام قاری دے شاعری دے فنی محاسن تیں ڳال کرنڑ میڈے واسطے ممکن کینی۔ بس کجھ تاثرات سانجھے کرنڑ دی کوشش کریساں۔ اڄوک دی پہلی غزل  ای کتاب دے اندروں موجود شاعری دی موضوعاتی وسعت دی شاݨد ڈیندی کھڑی اے ۔ شعر ڈیکھسو ہر چیز خدا سُودھی سما ویندی اے دل وچ سینے دا خلا سارے خلاویں توں وݙا ہا تردا ہویا پہنچا ہا اُوندا عکس میڈے تئیں او آپ کتھائیں ݙوجھے کنارے تیں کھڑا ہا پہلے شعر اچ شاعر کوں اپنڑے سینے دا خلا کائنات توں وڈا خلا لڳدے۔ایں توں ظاہر تھیندے جو شاعر ناممکنات اچوں ممکن امکانات کوں ڳولنڑ دا ارادہ رکھدے۔ اپنڑیں ایں دعوے دی دلیل خدا دی دل وچ موجودگی نال پیش کریندا پائے۔ ݙوجھے شعر وچ میکوں افلاطون دی " theory of forms" دی خوبصورت تصویر ݙسدی پئی اے۔ افلاطون آکھیا ہا جو اے فزیکل(Physical )دنیا ساڈے ideal تصورات دی جھلک اے۔ شاعر وی آہدا ٻیٹھے جو میں جو ڈٹھے او صرف عکس ہے، اصلیت ڈوجھے پاسے ہے۔ دوستو! اے کتاب سائنسی موضوعات، کائنات دے علم کوں وڈے سوہنڑے شعری انداز اچ پیش کریندی اے۔ سائنسی موضوعات دے حوالے نال کُجھ بئے شعر ڈیکھسو ہݨ تیݙے سوجھلے دے وچ ہاسے رات ݙینہہ، مِلکی وے دے وچ ہاسے ناہسے کہیں پھیلدے جہان اندر ہک وݙے بلبلے دے وچ ہاسے ۔۔۔۔۔۔۔۔۔۔۔۔۔۔۔۔۔۔ وݙا نتیجہ نکلدے وݙے وقوعے وِچوں دھماکے نال جہانیں دی ابتدا تھئی اے اے شعر کائنات دے آغاز دے بارے نظریہ( Big Bang) کوں بڑے چسولے انداز اچ بیان کریندے پائن ایں کتاب اچ رومانویت وی فطرت نال جڑی اے اور ہک روایتی خیال کیں مختلف اے۔ مثلاً ݙو اکھیں نال ݙیکھسوں کیا کیا حُسن اُروار پار ایتلا اے لوظ  "اُروار پار"  ایں شعر اچ سوہنڑیں انداز اچ کائنات دی خوبصورتی کوں ڳھن آئے۔ کُجھ شعراں اچ میکوں جدید انسان دی سݨجانڑ دے ڳھمݨ ڳھیر تیں بندے دے کائناتی تھکیڑے دی عکس بندی نظر آئی اے ڈو شعر ڈیکھسو نہ جاہ ساڈی عدم وچ ہئی ، نہ سُونہہ ساڈی سیارے تیں کتھائیں نا ہوند وادُھو ہئی، کتھائیں ہووݨ اضافی ہا ۔۔۔۔۔۔۔۔۔۔۔۔۔۔۔۔۔۔۔ بدن بدن تے قیامت دے نیل ہِن شاہد خدا ہݨ آپ ٹکورے ہا ساݙے ہووݨ کوں احباب! اے کتاب سرائیکی غزل کوں ہک نویں پٹڑی تیں ٹوریندی پئی اے۔ اے کتاب اچوں کجھ بئے اشعار ہک اݨ ݙِٹھے نظارے کوں میں ایتلا ݙٹھم اُوندا جمال میݙے ہاں تے چھپیج ڳئے ۔۔۔۔۔۔۔ زمانہ نقطے دے وانگوں جتھو نظر آندے ہک اینجھے اُچ تو میں ݙیہدا کھڑاں زمانے کوں ۔۔۔۔۔۔۔۔۔۔۔۔۔۔۔ او تاں کوئی تریجھا مقام ہے، جتھو پئے ابھردے ہیں رات ݙینہہ اساں شاہد ابھریے ہسے کݙاہیں، نہ زمیں وچوں نہ خلا وچوں ۔۔۔۔۔۔۔۔۔۔۔۔۔۔۔ نئیں نکلدے کلھوک دے ٻہرو لحظہ لحظہ اگر اڄوک دا ہے ۔۔۔۔۔۔۔۔۔۔۔۔۔۔۔ رات لتھی ہئی پہلے ݙینہہ بھوئیں تیں ݙینہہ پتے کتویں سال پیدا تھئے غرد رہندا ہے تہوں اݙاری وچ چیتا، پکھڑو مثال پیدا تھئے ۔۔۔۔۔۔۔۔۔۔۔۔۔۔ آپݨا آپ وِساری پھردِن وقت اچ بھوندے لوکی رات ݙیہاڑے انہاں کیتے یاد بݨیندے ٻیٹھوں تیڈے اگوں ویݨ کرݨ دا جیکوں ݙا نئیں آندا اوندے کیتے چنگی جھئیں فریاد بݨیندے ٻیٹھوں ۔۔۔۔۔۔۔۔۔۔۔۔۔۔۔۔۔۔۔۔۔۔ میڈا مسلہ شعاع تاں نئیں اصلو عشق سجھ نال میں اگر کیتے اُچ بݨائی اُوں جو پیر تھار سگوں ول بݨائی سی رِڑھاند ݙر کیتے ۔۔۔۔۔۔۔۔۔۔۔۔۔۔۔۔۔۔۔۔۔۔ اساں ایویں سُنڄاپو رہ ویسوں ساڈے متھڑے تے لیک رہ ویسی بُت اندھارے دے کئی گھڑیے ویسن روشنی لاشریک رہ ویسی ۔۔۔۔۔۔۔۔۔۔۔۔۔۔۔۔۔۔۔۔۔ عینی شاہد ہاں خود وقوعے دا ہامی کینا میں جتھ نظر آیاں ۔۔۔۔۔۔۔۔۔۔۔۔۔۔۔۔۔۔۔۔ او سیر گاہ، جتھاں میݙا آوݨ ونڄݨ ہا ٻہوں اُتھ چندر ہا تے رات دی رانی دا باغ ہا عبرت دے رنگ وِچھیندی ہئی، جتھو گزردی ہئی بھانویں ہوا دے راہ تے، نشانی دا باغ ہا ۔۔۔۔۔۔۔۔۔۔ کھڑا رِیہاں تاں خلق کھادے پھل میݙا ڈَٹھاں تاں مٹی دی خُراک تھی ڳیاں ہوا دے رُخ دی سبھ سمجھ ہے ہُݨ میکوں اَوارہ تھی کے ٻہوں اُشاک تھی ڳیاں ۔۔۔۔۔۔۔۔۔۔۔ رَکھ کے بُھل وینداں اوکوں ہک پاسے چارے پاسے ڳولیندا رہ وینداں ہک جہان اے جہاں دے اُوں پارو میں جتھاں آندا ویندا رہ وینداں ۔۔۔۔۔۔۔۔۔۔۔ آپݨی وی سنڄاݨ بُھل ڳئی اے کہیں کوں مَیں ایتلا سنڄاتے می ۔۔۔۔۔۔۔۔۔۔۔۔۔۔۔۔۔۔۔ ہک چھیکڑی دیوار ہے، تے چھیکڑی در ہے تنہائی دی کہیں چھیکڑی چُنڈھ تے میݙا گھر ہے میں وقت دے ٻہرو ہاں، تے وقت اے میڈے ٻہرو میکوں کوئی اوندی، نہ اوکوں میݙی خبر اے ۔۔۔۔۔۔۔۔۔۔۔۔ ۔۔۔۔۔۔۔ عمل ہے اینجھا وی ساݙے اعمال نامے وچ نہ دنیا کیتے ہے جیرھا ، نہ دین کیتے ہے ۔۔۔۔۔۔۔۔۔۔۔۔۔۔۔۔۔۔۔۔ ساڈے گھرّیں کتاب نیئں رہ ڳئی اساں موریں دے پر کتھاں رکھسوں بھوئیں وی ہیٹھو تے گھِلک ڳئی جیکر خود کوں پیریں دے بھر کتھاں رکھسوں ۔۔۔۔۔۔۔۔۔۔۔۔۔۔۔۔۔۔۔ ہمیش رہندے اُݙار اچ نویں جزیریں دو پتے خیال کوں پکھڑو مثال کیں کیتے ݙساؤ اساݙی روایت دا کون بانی ہے ݙساو زمین تیں پہلا سوال کیں کیتے ۔۔۔۔۔۔۔۔۔۔۔۔۔۔۔۔۔۔۔ پہلے ہا وہم ،راہ پتے ملدا وی ہے یا نہ؟ مل گئے تاں خوف رہندے ، ولا گم نہ تھی ونڄے سفریں توں واپسی دا ارادہ وی کینا ہا چاہندا وی ہم جو پیرا میݙا گم نہ تھی ونڄے ۔۔۔۔۔۔۔۔۔۔۔۔۔۔۔۔۔۔ لُکا کے ٹُردے ہیں خود کوں جو کوئی سُنجاݨے نہ ول ایہدے پردے اَساݙی سُنڄاپ تھی ویندِن یقین کیوں میݙے دل دی اواز نیئں بݨدا گمان کیوں میݙے چیتے دی چاپ تھی ویندِن ۔۔۔۔۔۔۔۔۔۔۔۔۔۔۔۔۔۔ اساݙے شیشے دی، جَیں جَیں تے، چِھٹک پوندی ہئی اوں دُھپ تو چا کے اندھارے تے رکھ ݙیتے اوکوں شعاع اساݙی ہے میلی کچیلی بہوں شاہد ݙیہاڑے کھن لو نتارے تے رکھ ݙتے اوکوں ۔۔۔۔۔۔۔۔۔۔۔۔۔۔۔۔۔۔۔۔۔ گھر دے اندر ڳلی دا زور آندے گھر دے ٻہرو ڳلی وی نہ ہووے ۔۔۔۔۔۔۔۔۔۔۔۔۔۔۔۔۔۔۔۔۔ چِھٹک تیݙی ہݨ اندروں تاݨی کیہ ڳئی ہے عکس بݨینداں اپݨا ، تیݙا بݨ ویندے حیلہ بݨے یا نہ بݨے واپسی دا رستہ ݙیکھݨ نال ارادہ بݨ ویندے ۔۔۔۔۔۔۔۔۔۔۔۔۔۔۔۔۔۔ میں دشت وچ ہاں ، میݙی پنج دا کیا بھروسہ ہے چدھارو خشکی ہے لیکن تری سمجھ اینکوں ۔۔۔۔۔۔۔۔۔۔۔۔۔۔۔۔۔ اے ساݙے خون، تے ہنجوں دی بھاپ تے چلدے اَساݙا عشق، دُخانی جہاز ہے بھانویں ۔۔۔۔۔۔۔۔۔۔۔۔۔۔۔۔۔ میں ٹکڑے کٹھے کریندا وداں کہانیاں دے جڑیساں ٹکڑے تاں قصہ وݙا ٻلا بݨسی مقام کہیں وی ستارے دا، گھپ خلا ہوندے میں دل کوں خالی کریساں ، تہاݙی جا بݨسی ۔۔۔۔۔۔۔۔۔۔۔۔۔۔۔۔۔ ساݙا قدم زمین تے نئیں تھاردا پیا اسمان ساکوں تَلّی تے چاوَݨ ݙتا ونڄے ۔۔۔۔۔۔۔۔۔۔۔۔۔۔۔۔۔ کینجھی سُنڄ رات اے ݙو جہانیں تے زور دی کوکڑی مریجے ہا ۔۔۔۔۔۔۔۔۔۔۔۔۔۔۔۔۔ 6j51q0hv0vm9y0in98883q19idt3gk2