ዊኪፒድያ tigwiki https://tig.wikipedia.org/wiki/%E1%8A%A0%E1%8C%8D%E1%8B%B3_%E1%8C%88%E1%8C%BD MediaWiki 1.47.0-wmf.21 first-letter ሜድያ ፍንቱይ ህድግ መትነፈዓይ ህድግ መትነፈዓይ ዊኪፒድያ ህድግ ዊኪፒድያ ፋይል ህድግ ፋይል ሜድያዊኪ ህድግ ሜድያዊኪ ሞደል ህድግ ሞደል ሰዳየት ህድግ ሰዳየት ከረርም ህድግ ከረርም TimedText TimedText talk Module Module talk Event Event talk 1 30 9182 8601 2026-09-29T16:16:59Z Ceskabrambora332 2051 /* Closing the Tigre Wikipedia */ new section 9182 wikitext text/x-wiki == Namespaces == Hi! It's great to see the activity in the Tigre Incubator! The localization in translatewiki is going well, too. There is another little thing that needs translation: namespaces. It can't be translated on translatewiki itself, but if you give them here, I'll do it for you. See the explanations here: # [[:translatewiki:Translating:MediaWiki#Translating namespace names]] # [[:translatewiki:Translating:MediaWiki/Basic glossary]] Simply reply to this message with the translations, or fill the following table. (The names in other languages are given in the hope that they will be useful, but feel free to ignore them.) {| class="wikitable" ! English name !! Amharic name !! Tigrinya name !! Arabic name !! ↓ ''Tigre translations'' ↓ |- | Media || ፋይል || ሜድያ || ميديا || |- ደህይ|ሜድያ | Special || ልዩ || ፍሉይ || خاص || |- ክሱሲ | Talk || ውይይት || ምይይጥ || نقاش || |- መቅሪሕ | User || አባል || ተጠቃሚ || مستخدم || |- | User talk || አባል ውይይት || ምይይጥ ተጠቃሚ || نقاش_المستخدم || |- መትነፍዕ መቅሪሕ | ''Wikipedia'' talk || ውክፔዲያ ውይይት || ምይይጥ ዊኪፐድያ || نقاش ويكيبيديا || |-መቅሪሕ ዊኪፐድያ | File || ስዕል || ፋይል || ملف || |- መክረይክቱብ | File talk || ስዕል ውይይት || ምይይጥ ፋይል || نقاش_الملف || |- መቅሪሕ መክረይክቱብ | MediaWiki || መልዕክት || ሜድያዊኪ || ميدياويكي || |- ሜድያዊኪ | MediaWiki talk || መልዕክት ውይይት || ምይይጥ ሜድያዊኪ || نقاش_ميدياويكي || |-መቅሪሕ ሜድያዊኪ | Template || መለጠፊያ || ሞደል || قالب || |-መንበቲ | Template talk || መለጠፊያ ውይይት || ምይይጥ ሞደል || نقاش_القالب || |-መቅሪሕ መንበቲ | Help || እርዳታ || ሓገዝ || مساعدة || |-ሰደዪት | Help talk || እርዳታ ውይይት || ምይይጥ ሓገዝ || نقاش_المساعدة || |-መንበቲ ሰደዪት | Category || መደብ || መደብ || تصنيف || |- ፈረጎት | Category talk || መደብ ውይይት || ምይይጥ መደብ || نقاش_التصنيف || |} መንበቲ ፈረጎት You may find some of these names in [https://translatewiki.net/w/i.php?title=Special:Translate&group=mediawiki&language=tig&filter=translated&optional=1&action=page&uselang=tig the current interface translations]. Tagging active Tigre editors: @[[መትነፈዓይ:Bbeshir|Bbeshir]], @[[መትነፈዓይ:IdrisSeid|IdrisSeid]], @[[መትነፈዓይ:Mensur shekadin|Mensur shekadin]], @[[መትነፈዓይ:Abdu arbay|Abdu arbay]], @[[መትነፈዓይ:Hosann oqbai|Hosann oqbai]]. Thank you! [[መትነፈዓይ:Amire80|Amir E. Aharoni]] ([[ህድግ መትነፈዓይ:Amire80|talk]]) 20:36, 20 September 2024 (UTC) :English name ↓ Tigre translations ↓ :Namespaces ኣካናት-ስሜት :Namespace አካን-ስሜት :Media ሜድያ :Special ፍንቱይ :Talk ህድግ :User መትነፈዓይ :User talk ህድግ መትነፈዓይ :Wikipedia talk ህድግ ዊኪፐድያ :File ፋይል :File talk ህድግ ፋይል :MediaWiki ሜድያዊኪ :MediaWiki talk ህድግ ሜድያዊኪ :Template ሞደል :Template talk ህድግ ሞደል :Help ሰዳየት :Help talk ህድግ ሰዳየት :Category ከረርም :Category talk ህድግ ከረርም [[መትነፈዓይ:Bbeshir|Bbeshir]] ([[ህድግ መትነፈዓይ:Bbeshir|talk]]) 02:14, 21 September 2024 (UTC) ::Thank you Amir for your support and encouragment [[መትነፈዓይ:Bbeshir|Bbeshir]] ([[ህድግ መትነፈዓይ:Bbeshir|talk]]) 02:17, 21 September 2024 (UTC) :::Thanks! [[መትነፈዓይ:Amire80|Amir E. Aharoni]] ([[ህድግ መትነፈዓይ:Amire80|talk]]) 03:17, 21 September 2024 (UTC) ::::Thank you for the support Amir [[መትነፈዓይ:IdrisSeid|IdrisSeid]] ([[ህድግ መትነፈዓይ:IdrisSeid|talk]]) 11:29, 21 September 2024 (UTC) :::::@[[መትነፈዓይ:Bbeshir|Bbeshir]], a couple of related comments and questions: :::::* Are there different words for "User" if it's a man or a woman? For example, in Arabic, there's مستخدم and مستخدمة and also نقاش المستخدم and نقاش المستخدمة. :::::* There were a few words in the existing translations on translatewiki that were inconsistent with the translations. I've marked them for verification and possible fixing at this links: https://translatewiki.net/w/i.php?title=Special:Translate&group=mediawiki&language=tig&filter=fuzzy&action=page . Please check it and fix it if it's necessary. :::::[[መትነፈዓይ:Amire80|Amir E. Aharoni]] ([[ህድግ መትነፈዓይ:Amire80|talk]]) 03:34, 23 September 2024 (UTC) ::::::@[[መትነፈዓይ:Amire80|Amire80]] yes nouns have gender just like Arabic, Tigrinia and Amharic, the interface does not provide a way to enter them ::::::مستخدم መትነፈዓይ ::::::مستخدمة መትነፈዓይት ::::::نقاش المستخدم ህድግ መትነፈዓይ ::::::نقاش المستخدمة ህድግ መትነፈዓይት [[መትነፈዓይ:Bbeshir|Bbeshir]] ([[ህድግ መትነፈዓይ:Bbeshir|talk]]) 18:02, 23 September 2024 (UTC) :::::::Great, thank you. I'll enter those. [[መትነፈዓይ:Amire80|Amir E. Aharoni]] ([[ህድግ መትነፈዓይ:Amire80|talk]]) 18:11, 23 September 2024 (UTC) ::::::::@[[መትነፈዓይ:Amire80|Amire80]] I have been adding Tigre translation to Wikidata but found that some of them are locked, what is the process for requesting to unlock them, just to add Tigre translations. [[መትነፈዓይ:Bbeshir|Bbeshir]] ([[ህድግ መትነፈዓይ:Bbeshir|talk]]) 23:57, 14 October 2024 (UTC) :::::::::You made a little over 30 edits there. After 50 edits, you'll become autoconfirmed, and this will allow you to edit almost everything, except a relatively small number of fully-protected items. [[መትነፈዓይ:Amire80|Amir E. Aharoni]] ([[ህድግ መትነፈዓይ:Amire80|talk]]) 00:58, 15 October 2024 (UTC) ::::::::::Thank you [[መትነፈዓይ:Bbeshir|Bbeshir]] ([[ህድግ መትነፈዓይ:Bbeshir|talk]]) 01:31, 15 October 2024 (UTC) == Closing the Tigre Wikipedia == Hello. Please note that a formal proposal has been submitted on Meta-Wiki to close the Tigre Wikipedia and move its contents back to the Wikimedia Incubator due to low activity, quality issues, and a lack of proper wiki structure. You can participate in the discussion and express your opinion here: https://meta.wikimedia.org/wiki/Talk:Proposals_for_closing_projects. --[[መትነፈዓይ:Ceskabrambora332|Ceskabrambora332]] ([[ህድግ መትነፈዓይ:Ceskabrambora332|ህድግ]]) 19:16, 29 ሴፕቴምበር 2026 (EAT) 52ihikhbftjtml9mb36qgu864q2u3gh 0 173 9183 8949 2026-09-30T07:27:48Z HDR days 1837 /* */ 9183 wikitext text/x-wiki ህርከክ <br> * ሐቴ እሲት አስቡሕ ምን ስካብ ክም ቀንጸት እግል ብእሰ ክም እለ ቴለ ቱ። ዮም አምዕል ሻም ተ። እንተ ስልስለት ደሀብ እብ ኣልማዝ (ሉል) ለትዐራቤት(ላጋባት--ላትሻቀት) እት ተሀይበኒ ተሐለምኮ። እሊ ሕልምዬ ሚ በህለት።ብእሰ ህዬ፡ ከላስ ሰብር ውደይ ተፍሲርለ ሕልምኪ ዮም ምሴት እግል ተኣሚሩ ቱ ቤለየ። ምሴ ምን ሽቅል ዶል አቅበለ ዲብ እዴሁ ዕልበት ሰኒ ግርም ጻብጥ እት እንቱ ርኤቱ።እለ ሀድየትለ ዒድ ተ ቤለየ ወመጠያተ። ለዕልበት ምን ፈትሐተ ፈሰሮት ሓላም ለአርእሱ ክታብ ጸንሐየ እተ። <br> * ሐቴ እሲት እግል ብእሰ፡ ምስል መስንየትዬ ገሌ ምሽዋር እግል ኢጊስቱ እት ትብል እጃዘት ጠልበት ምኑ። ህቱ ህዬ፡ ከላስ እት ሰልፍ ክርን ውልዋል አስምዒኒ ቤለየ። ለመርወሐት እንዴ አሽቄት እሉ ከፉፍ ቴለቱ። አዜመ ምን ሐዲስ፡፣ዝላም አዝልሚ እግልዬ ቤለየ። በኻኸት ሀረሰት ወእበ ተማም ረሸቱ። በርቅ ውደይ እግልዬ ቤለየ። ለከህረርበት እለ ዋልዐት ወአትቃሰነት እሉ። ሀዱድ አስምዒኒ ቤለየ። ገሌ ሓጃት ሀረሰት ከእቡ አሕድ ሻወጠት እሉ። እሊ ኩሉ ክም አክለሰት፡ ግድም ደለ እለ ጠለብከ ኩለ ወዴኮሀ እግልከ አዜ እግል ኢጊስ አጅዝ እግልዬ ቴለቱ። ዲብ እሊ ጀው እሊ አዜ እብ ከአፎ ትገይሲ። የለ ትገሰይ ሳምዓምኪ ህሌነ፡ ለመግለል ልጽነሕ እግልኪ ቤለየ። <br> * ኦሮት ነፈር መስኒሁ እግል ልጋንሕ ጌሰ። መደወንለ ባብ ዶል ጨቅጠ ለንኡሻይ ጀናሁ ፈግረ ዲቡ። ህቱ ህዬ ክም እለ ቤለዩ፡ ሰላም ዐሌኩም ያ ሐቢቢ .. አቡከ ሀለ? ለጀነ አይወ ሀለ ቤለዩ። ህቱ ህዬ እግልዬ ስምዬ ተአምረኒ? ቤለዩ። ለጀኔታይ ሻፍግ እት እንቱ አስክ አቡሁ እንዴ ጌሰ፡ ይበ እተ አፍለ ባብነ ኦሮት ስሙ ለኢለአምር ነፈር በጥር ሀለ ቤለዩ። - ሐቴ ምዕል ሐማታት ወአንስ ውላደን ርሕለት እግል ሊጊሰ ቀረረየ። ሐር ለአውቶቡስ ለሐማታት ዐለየ ዲበ ሓድስ ሳደፈየ። ወእብ ሰበብለ ሓድስ ለሐማታት ኩለን ትማየተ። እብሊ ሰበብ ኩለን አንስ ውላድ ፈርሐየ ከዕላላት ወቀለየ። ምናተ ሐቴሀን ምን መውዒ በጢር አቤት። ደሐንኪቱ ሚ ጀሬት እትኪ? ምን ቤለወ፡ አነ እብ በይንዬ በክትዬ አከ። ሐማትዬ ዲብ ዐድ ትረሰዕኮሀ ቴለቶም። hoe39cvbxsnbkbd3i8ksha1exte1qn6 0 312 9185 3936 2026-09-30T07:35:06Z HDR days 1837 /* አወላይ ክፋል */ ንኢሽ አስነዮት 9185 wikitext text/x-wiki <big>ሳዐቼ ኢተሀብ ምንዬ</big> ብንያም ሀይለ ==አወላይ ክፋል== ሐቆ ሰለስ ናይ መጃገረት ሰኖታት፡ ለሕላየት እግል ካልኣይት ዶል እብ ሽዑር ዛይድ ሐልየ ክምሰል ዐልኮ ኣመርኮ። ለለሐን፡ ዐውቴታት ዐስከሪ ዲብለ እንጀቅፍ እቱ ለዐልነ ዲመ እት ንሳልዬ ሽእግ ትብል እቼ ለዐለት -ሳልሳይ፡ ራብዓይ፡ ሓምሳይ ወራራት ፋሽል እቱ ለዐለ እዋን ቱ። የናይር 1980 ላኪን እግል ሰልፍ ወክድ እብ ፍንቱይ ሽዑር ሰናቄኩሀ። ለወክድ ክልኢተን ጀብሀት አባይ እበ ተትዐጅብ ሸፋግ ሀደድሽ ጋብኣት ዐለየ። ‘ከላስ ሕድ እት ከብብ ኣቲ አስመረ ኢገብአ ምንገብእ ብዕድ ሚ ብነ?” እንዴ ሰኤኮ ለእቤሉቱ። ምናተ፡ ለሐርብ ይአተላለ። አስክለ ትብገስነ ምኑ ድፋዓት አቅበልነ። “ በዳሪት ናስኣም ዐልነ፡ ዲብ መርሐለት ተዋዝንቱ ዕዱያም ለዐልነ።” ለልብል ሸርሕ ዐስከሪ ተሀየበ እቱ። አዜ ህዬ፡ ለለሐን ደዓዬ እግል ትግበእ ቀርበት፡- “ኢትሀብ ምንዬ ሳዐቼ ኪዳኔ፡ እመጽእ ህሌኮ እምዬ ዋልዳይቼ…” ዲብ ዮም 21 ፈብራይር 1984፡ ሐሽከርበብ፡ ምነ ዐለት ምግባይት አካንነ ሌጠ ኢኮን ጋሸ ለዔረዉነ። ምን ጀብሃት ነቅፈ ወበርካመ ለመጽአው ብዝሓም ሙናድሊን ዐለው። ዲብ ገረግር፡ ሐቴ መጅሙዐት ተ እግለ ጋሸ ሙናድሊን ትትሐደር ለዐለት - መጅሙዐት ሀንደሰት። አስክ ምድር መሴ ለአዳም እግልሚቱ ዲብ ገረግር ልትከወን ለሀለ ለአምር ዐለ አለቡ። ሐሬ ላኪን አዳም እት ሐቴ አካን እግል ልልጀመዕ ተሐበረዩ። ቃእድ ፈሲለት መሕሙድ እድሪስ ዲብ ቀደምነ በጥረ። ምግባይት ብጥረቱ፡ ጸሊም በዐል ደላግ ዐለ። መሕሙድ እድሪስ ለእግል ሐምስ ሰነት ዲብ ጀብሀት ቅብለት ሳሕል ክምሰል ቅራድ እንዴ ነሽበ ሕሩባት መሪር ለወደ ዴሽ አባይ፡ ‘ውቃው እዝ እግል ልደውሸሽ ክምቱ በሸሬነ። እትለ መደት እላቱ ልብዬ እብ ሸፋግ፡ “ ሳዐቼ ብዕድ ኢተሀበ ምንዬ ኪዳኔ…” እንዴ ትቤ እግል ትሕሌ ለአምበተት። ‘አይወ! ለሳልፋይት በክት ናይ ገርዐት ዲበ ናይነ ጀብሀትነ በጽሐ። ‘ሐሬ ብዕድ ጀብሃት እግል ለዐሬቱ’ እንዴ እቤ ጌመምኮ። እበይኑ ለልትሃጌ አው ለሐሽካሸክ በው! ለዳየጋቱ ልትበሀል። ‘ኣበይኑ ለለሐሌ ላኪን ፈርሐቱ ወሽዑሩ ለሸርሕ እት ኢኮን ብዕደት ተርጀመት ሚ እግል ተሀሌ’ ኣቤ እብ ከብጄ ለእቤሉ ቱ። እብሊ ፈሀም እሊ እንዴ ትቀሰብኮ ህዬ፡ “ሳዓቼ ኢትሀቦ…”ዲብ ሐሌ፡ ገጬ ዲብለ እግል ስኒን ለሐፍዘዉኒ አድብር ሳሕል አቅመትኮ። ለድብር ርሸሙ ዐስተር እግል ልተምትም ለቀርበ መስለኒ። ሰዋትር ደብር እመን፡ ቀጣር (ሀጸይነት) ዲብ አሰድፍ እንዴ ሸነው ወትማደደው ሻናም እት እንቶም ትረአውኒ። ሰውረት ፍድሎምቱ ምን ኣቲ ሱዳን ለደሐነት። እግል ውላድ ሰውረት ክምሰል ርሕም ዋልዳይትቶም ለሐቅፈው። እግል ዴሽ ደርግ እሊ አድብር ውቁል አብዕቦታቱ ለትረገመ ምድር እንዴ ገብአ ለትረአዮም ወቅት ሑድ ኢኮን። ናይ መጅሙዐትነ መካፍላይ ሴፈ ኖሼ ዐልኮ። እብሊ ህዬ እግለ አስክለ መዕረከት ልትብገሰ ለዐለየ መጃምዕ ሴፋሀን እግል ሀበን ሌጠ ኢኮን ሕቡርዬ ለዐለ ኖሼ ምስለን ትበገስኮ። ዲብ የናርይ 1980፡ ዴሽነ ህጁም ምዳድ እንዴ ሀረሰ እግል ዴሽ አባይ ምን አግደ ድጌሁ፡ እምሀሚሜ ግረ እሽኩቱ እትለ ዐለ እቱ ወክድ፡ እተ መደት ለሀ እተ ባካት ለትደፈነ ድድ ደባብ ለቀም ዐለ። ዲብ ሽቅል ሀንደሰት ለደፈነ ልግበእ ወእት ልትደፈን ለረአ ክሎም ምስኡልየት ረፍዖ። ዲብለ ናይ ሰልፍ አምዔላት ለባካት እግል እታይኑ ጀረብኮ። እት እሰክብ ወእቀንጽ ህዬ ክምሰል ደዐ ፈቀድኩዉ። ለወቀት ላኪን አሽሁር ነስአ። መትረሰዖት ዎሮት ለቀም መኪነት ምስል አዳመ ደውሸሾት ሰብብ፡ ረቢ ለአገርም እቼ ርስዑ እግል ይሀሌ! ሰዋትር ጀብሀት ቅብለት ሳሕል እግል ዝያድ 40 ኪሎሜተር ቱ ለልትመደድ። ክሉ አድብር ዐባዪ ወአወድግ እደይ ሕድ ለጸብጠ እት መስል መጦር ሕድ ለትሰርሰራቱ። እግለ አድብር እንዴ በክአ ለለሐልፍ ሰለስ መሓዛት ዐባዪ በህለት ሕሊል መራት፡ ሸግለት ወአልጌነ ህለ። ደባባት አባይ፡ እግል ልህጀም ወዲብ ድጌነ እግል ልእቴ ገብአ ምንገብእ፡ መሓዛት እሊ እግል ልብየእ ብእቱ። ሰዋትርነ ክምሰል ሐጹር አሽዋክ እብ ድድ- አዳም አልቃም ክሉብ ዐለ። እሊ ሰለስ ፋይሕ መሓዛትመ እብ ድድ መካይን ወደባብ አልቃም ተወዝ ለልአብል ይዐለ። ለዲብ ቀዴማይ ዐመልየት ደውሸሾትይ ውቃው እዝ ምን ክል አካን እንዴ መጽአው ዲብ ገረግር ጅምዓም ለዐለው አንፋር ሀንደሰት በገ፡ ዲብ ደፊን እሊ አልቃም እሊ ዶር ዐለ እሎም። ለድፍዓት አባይ እግል ልህጀመ ለተሐረከየ ደባባት ወስለሕ ክቡድ ለከርክረ መካይን ምን እሊ ናይነ አልቃም እብ ሰላም እግል ልሕለ፡ አባይ ለደፍነዩ አልቃም እግል ለደፍነዩ አልቃም እግል ልወርኩ እግሉ… መስኡልየቶም ዐለት። ለእግል ድድ አዳም ላቱ አልቃም መስኡልየት ሀንደሰት በራጊድቱ ለዐለ። ምሴት ምድር ሴፋከ እንዴ ዐቀርከ፡ አድግከ እት ትጌልል ትበገስ ትበሀለ። ምስለ አስክ ቀበር ወአት ለትበገሰት መጅሙዐት ህዬ ትበገስኮ። ሰበቡ፡ ናይ አልጌነ ወእምሀሚሜ እብለ ገበይ ልትአተው። ሰዋትርነ እት ሕሊል አልጌናቱ ለዐለ። እቱ እግል ትብጸሕ ህዬ ዝያድ ክልኤ ሳዐት ነስእ። ለሕግስ ደብር እንዴ ተዐንደቀት ለትገይስ ገራቢት እብ አወድግ ነኣይሽ ለትባተከት ተ። “ውቃው እዝ እግል ልደውሸሽቱ!” ናይ መሕሙድ ህግየ ዲብ ትደጋገም ዲብ ሐንገልዬ ትወቀረት። ዲብ ከብድ ለተሐበዐ ናይ ዐውቴ ሽዑር ልብከ እግል ልፈንቅል ሑድ ተርፍ ምኑ። ገሮብነ እብ ፈርሐት ወለውቀት ትገለበበ። ሐረትምናመ ሒለት ወሰከ። ለታኬናሁ ስኒን ኢሐደ። “ ገሮብነ ልባስ ጀዲድ አው ጨበል እግል ልትከደን ሐቴሀ አፎ ኢወዴነ” ለልብል ከሊማት ሙናድል እት አልባብ ክሉ ዐለ። ቃእድ መጅሙዐትነ ሸዊትሰብ፡ ዲብ ሕሊል አልጌነ ልትጸበረነ ዐለ። ብዕዳም ሙናድሊን እት ብጎሩ አምዕል ቀዳሚት ሓልፍ ዐለ። ሕሊል አልጌነ ምን መትዳላይ ሳድስ ወራር እንዴ አንበተ እብ አርበዕ ሰፍ ለትደፈነ ድድ ደባብ አልቃም ዐለ እቱ። ቀደም ዐነክል ወድ ገብሩ ወዐሊ ሕነ አስክ ሕግስ ወኪ መካይን ለለሐርክ ይዐለ። ስናዐት አምሪከ፡ ሩስየ፡ ቺኮዝለቫክየ፡ ኢጣልየ ወፈረሰን…አልቃም ዝሩእ እቱ ዐለ። ሰሩ አስክ 15 ኪሎ ከባደት ዐለ እሉ። ኣተ ወቅት ለሀይ እግል ደባባትነ ለተሓልፍ ገበይ ሌጠ እግል ንፍተሕ ዐለት እግልነ። ድማን ወድገለብ ናይለ ጽርግየ ለዐለ አልቃም ልጽነሕ ትበሀለ። ዲብለ አምዕል ቀዳሚት እምቡታሙ ለዐለው ሽቅል ትወሰከ እትነ። ጽርግየ ምን አልቃምነ ነድፈት። ደለ ፈግረ ለቀም እንዴ አሪምከ ዲብ ሕብዕት አካን ልትክሬ። ምህለት ለአለቡ ሽቅል አስክ ሳዐት ሴዕ ላሊ አተላለ። ዕንክለት ሰላም፡ መዐደይ ሕሊል አልጌነ፡ ለህለ ድፈዕ ዴሽ አባይተ። እታ ወክድ ለሀይ ላኪን አባይ ኢዐለ እተ። መጅሙዐትነ እተ ጽልመት ዲብ ሕግስ ዕንክለት ሰላም ሸአገት። ሳዐት ሐቴ ምሴ ወቅት ስካብ ዐለ። እት ዐቂብ ለነትል ፍንቱይ ሽእ እግል ልትከለቅ አለቡ። ምን ቅያስ ወለዐል ድዩራም ሰበት ዐልነ ሸዊት ሰበ ዋርድየት እንዴ ረተቤነ አስኬቤነ። እብ ፈተር ህሉቡእ ለዐለ ገሮብ ስካብ እግል ልዕመር እቱ ኢለአድግ። አስክለ ቀሸው ትብል እተ ኢነት ላኪን ገለ ሕሳባት እንዴ ኢተሐስብ ኢትሰክብ። ፈጅራተ እስቡሕ፡ “ልባስ ጀዲድ አው ጨበል ጀዲድ - ሐቴሀ ህሌት፡ እለ ጋሪትእለ ክሉ ልታከየ ለዐለ - ዐውቴ። ጅረሕ ክቡድ፡ እስትሽሃድ… ለኢለነምሩ ብዕድ። ለሰከብነ እተን ሰለስ ሳዐት ሰኒ ጥዑማት ዐለየ። እተ ወክድ ለሀይ ምድር ወዐስተር እተ ዶሉ እብ ዘብጥ ክቡድ ወከፊፍ ስለሕ ትበጭበጨ። ተለል ለልብል ቀናብል ስለሕ ክቡድ ወክምሰል እሳት ለለሐዬ ርሳስ ጀው ህንዲዶ አበለዩ። እተ ዶሉ ሰለስል ለእግረን ላተን አርበዕ ደባበት ሕድ ዲብ መረሐ ጠበሽ ቤለየ። አክለን ለገበአ አንፊብያመ ዐረየ። ናይ አቺዶ ለትትበሀል ቦጦሎኒተ ለዐለት።ሰጉዶ ወፈጣን ለልትበሀሎ ሜርሐት ስርየትመ ምስለን ዐለው። ምነ ትመሬሕ ለዐለት ደባበት፡ ዎሮት ነፈር ምን ቀበት ትሮት ረአሱ አሽበበ። “የለ ሀንደሰት” እት ልብል ህዬ ትላከ። ቃእድ መጁመዐት ሸዊትሰብ እብ ሸፋግ እብ ዎር ዎሮ ዲበ ደባባት ወዘዔነ። “እንተ እብ ሸፋግ ዕረግ” ጪጭ ቤለ። ክሊነ ዐረግነ። ሸዊትሰብ ዲብለ ሳልፋይት ደባበት ጸዐነ። ህቱቱ እንዴ መርሔነ እግል ልሕለፍ። ዲብ ቀብር ወአት ሕሊል አልጌነ እግል ዝያድ ሰለስ ሰነት ዕስኩር ዐለ። እብ ሰበትለ ድዋራት ህቱ ዝያድ አምር ዛይድ ዐለ እግሉ። ለደባባት እብ ስምጥ ተናን ድቁብ እንዴ ፌረቀ ትበገሰ። ለተናን እበ ከልከቀዩ ዕሳስ ድቁብ እንዴ ትወሐጠ እት ሕድ ክምሰል ተሓበረ ነፍስ ዳይግ። ዲብ ሓርያይ ጠረፍ ናይለ ደባበት ዲብ ትሮት ምን ትጸገዕመ ኢለሐድገከ። ሸዊትሰብ ዲብ መሸንገለ ደባበት እንዴ ትጸዐነ፡ እግለ ትሮት ሐቅፈዩ። እግለ መድፍዕመ ሕቃብ ገብአ እቱ። ገጽ ቀደም ዲብ ተክል ህዬ እበ ንኢሽ ምራየት፡ (መርኣዪት ሰብ ደባባት) እብ እደዩ ዲብ ለአሽር ገበይ መርሐ። እብ ፍንቱይ ደባባት ሶቬት ቀበተን ውጡይ ኢኮን። ምን ቅያስ ወለዐል ጨቢብ ሰበት ቱ ምስለ ሐፋነት እንዴ ትወሰከ ዲብ መቅሎ ሕፉን ልትበደለ። ስቀት ናይለ ሰብለ ደባባት ሰኒ አትፈከረተኒ። ክሉ ረአሱ ለበጥሮ መስሎ ይዐለው። ድድ ደባበት ስለሕ እግል ኢልሸውጠነ ለልብል ፈርሀትመ ኢረኤኮ እቶም። እብ ደባባት ለተለ ሐርብ እግል እርኤ ናይ ሰልፍ ተጅንበቼተ። አነ እግል ኖሼ ዲብ ደባበት እንዴ ትጸዐንኮ አስክ ሐርብ እግል እቴ ናይ ሰልፍዬ ቱ። አባይ ክርን ደባባትነ ክምሰል ሰምዐ፡ ድቁብ ናይ መዳፍዕ ወሞርታራት ቀናብል ከዐ እትነ። ምድር ጽልመት ሰበት ዐለ ሀደፉ አክል ሕድ እግል ልዝበጥ ኢቀድረ። ደባበት ለትከልቁ ርዕብ ሰኒ ዐቢቱ። እብ ፍንቱይ ዲብ ጽለመት ክርንተ ዝያደት ምድር ሰበት በልስ ሽክ ለትቤ ትመስል እትከ። ለ’ጥቂት ወንበዴዎች’ (ሑዳም ሸፈቲት) እበ ልብል ደዓያት ቅያደቱ ለትቀሸሸ ዴሽ አባይ ‘ወንበዴታት’ ደባባት እንዴ ሰርሰረው መጹእዉ ዲብ ህለው አክል አዪ እግል ልክሀሉ። ‘ዲፍ-ዲፍ’ ለልብል ትሉሉይዘብጥ ሰምዐኮ። እበ ሞርታር ናይለ ደባበት ለተዐመመ ዐለ። ዲብ ባካት ድፈዓት አባይ ሰበት ዐልነ ድድ አዳም አልቃም እግል ኢልግበእ ሸክ ወዴኮ። ለቀም ገብአ ምንገብእ ምን ስልስል ናይለ ደባበት ለለሐልፍ ኢኮን። ለልትወተድ ወእብ ሐብል ለልትሰሐብ ለቀም ገብአ ምንገብእ ላኪን ለሰጃያት እብ ስምጥ እግል ለአድመዐኒ ቀድር። ግረ እንዴ አንገስገስኮ ዲብ ቱሬት ናይለ ደባበት ትገፍተአኮ። እትሊ ወክድ እሊ፡ ናይ አባይ ድድ ደባባት ዘብጥመ እግል ልርከበነ ክምሰል ቀድር የቀንኮ። ዘብጥ ስለሕ ክቡድ አባይ ምድር ክምሰል አበርቅ ተለል አበለዩ። መብዘሑ ለቀናብል ግራነ ልትካሬ ዐለ። ሰሩ ህዬ ለበዲር እት ነገር ደሐን ኣስር እቱ ለዐለ አድብር ወቀረዩ። ሰብ ደባባትነ፡ “ምን ኒያላ ለክፈ ህለየ” እት ልብሎ ሰምዐኩዎም። ዲብ ባካትነ እግል ልትከሬ ክምሰል አምበተ ላኪን ሽውየ እግል ልብረዶ አምበተው። ደባባት በጥረየ። ሰሮም መድጀዐጂታት እንዴ ትባረነው ትከረው። ታርፋም ለዐልናመ ትከሬነ። ዲብለ እንጅሕ ለበዝሐ እቱ ዐሪብ ህዬ አጭፈርነ። መድፈዐጂታት ደባባት ረድ-ፍዕል እግል ለሀቦ ትዳለው። ደባበት ለክፍ እት ህሌት እብ ደቅብ ሰበት ትትሀንዘዝ እት ረአሰ እግል ትጽነሕ ኢተቀድር። ዴሽ አባይ ቀናብል እግል ዮም ለኢገብአ ኢልግበእ ለቤለ መስለ። እግልሚ አገር ዴሽነ እት ክሉ ሻፍፍ እቱ ለዐለ ድፈዓት ቱ ረመጭ ለከዐው እቱ። ዴሽ አባይ ሙናድል ደባባት እንዴ ሰርሰረ መጽኡ እትህለ እግል ሰልፍ መደት ዐለ። ብዴ ለቤለዩ ቀናብል ገብአ እት ኢኮን እተ ጽልመት ለሀ ደባባትነ እንዴ ፈንቴ እግል ልዝበጥ ለቀድር ይዐለ። ደባበት ቲ-55 ለትወቀለት ሸፋገተ 50 ኪሎሜተር እት ሳዐት ቱ። ምስል አገር ላኪን ስስ ሳዐት እት ኪሎ ሜተር እግል ቲጊስ በ። መጋይስናመ መጆብ ምያየት ቱ ለዐለ። ሰብ ደባባትነ ሬድዮ እትሳል ምን እዝኖም እንዴ ኢፈንቱ፡ አገር ዴሽ ለበጽሐዩ ድዋራት ዲብ ታበዖ፡ እግለ ምስተንክር እግል ልሽቀየ ለትበገሰየ ደባባቶም ምንለ መትንዕያይ ደባበት ከላቱ አርፒጂ ወለ መስሉ እንዴ ልትደገጎ ዲበን ሄረረው። ሕነ ዲብ ነዐርግ ወንትከሬ፡ ህተን ህዬ ዶል ዲብ ለክፈ…. ወዶልመ ዲብ ልሄረ ወቅት ጌሰ። “ለምድር እግል ልጽበሕ ገብእ ኢኮን?” እት አወሐቼ እብ ትሉሉይ እወጅሁ ለዐልኮ ሰኣልቱ።ለትበገስነ እቱ ወክድ እብ ዋድሕ ኣምሩ ይዐልኮ። እብ ጀሀትነ ለገብእ ህጁማት መብዝሑ ዶል ጽብሕ ምድር ምን ሳዐት 4-5 ቱ ለዐለ። ምን ስካብነ ሳዐት ክም ክምሰል ቀነጽነ ኢደሌኮ። እብ ወግም ላኪን ዲብ እሊ ስዖታት እሊ ዐለ። ክምሰል ለመድ፡ “ሳዐት ከም ህለ?” እንዴ ትቤ ኢትሰአል። ለገብአ ሙናድል እብ ወጃብ ለሸቅዩ ሽቅል በይኑ ይዐለ እሉ። ሳዐት ለለአስር መስኡል ሌጠ ሰበት ቱ እግል መስኡልከ ክልዶል እግል ትሰአሉመ ኢተሐዜ። እብ ድማንነ ወድገለብነ ልትሰመዕ ለዐለ ዘብጥ ድቁብ ሸንከት ጋድሞታት ገጹ ትደሀረ። ሪም ክርን ዘብጥ፡ ሒለት አባይ ኬን ክምሰል ትሸክተት ለተአስእል ብሸራት ተ። እብ ጀሀት ምፍጋር ጸሓይ ለዐለ ቴለልመ ብዕደት ብሸራት እንዴ ጸብጠ ጠበሽ ቤለ፡ ምድር ቅሎዕ ወደ። ከዋክብ ምክራዩ ዲብ ትትቀዌ ጌሰት። በርሀት ዲብ ደምቅ እግለ ክምሰል ሸፈት ምዪት እትነ ለዐለት ጽልመት ዲብ ትትገልጸጽ ጌሰት። ምን ውሕደቶም ለትከረመው ናይ ብርጌድ 44 መጃምዕ ምቀደምነ ጸንሐውነ። እግል ቃእድ መጅሙዐትነ ምን ቅሩብ ልሰዕ እት መቅጠነ ደባበት ግሱይ እት እንቱ ረኤኩዉ። ዲመ ለትውይ ብላዩ እት ድገለባይት እዴሁ ለውልዩ ዐለ። ነፍሱ ምልእት ላተ ሸዊትሰብ፡ ክምሰል መትንዕያይ ሔዋን ዕንታቱ አስክ ቃብል አቅመተ። “ወድ ከባብ” እበ ትብል ክናየት ቱ ለልትአመር። ዲብለ ናይ ላሊ እብ ግዲደ ሄራር፡ ናይ አባይ ድድ ደባብ ለቀም ምን ኢሳደፌነ ትፈከርኮ። ለወድ ከባብ ጽዑን እተ ለዐለ ደባበት እግል ትዘበጥ ቱ ለትብል ፈርሀት ባይአቼ ዐለት። አልቃም እብ ሽውየ ድማንነ ወድገለብነ ክምሰል ጀሌነ ምኑ ሐሬ ነአቀብል ዲብ ህሌነ ኣመርነ። ምድር ሰበት ጸብሐ፡ ምን ድገለብ አስክ ድማን ለልትመደድ ስልሰለታይ አድብር እምሀሚሜ እብ ዋድሕ ትረኤነ። ለፋይሕ ጋድም ልሰዕ ትወዝ ብህላም እቱ ይዐልነ። መታክል አባይ፡ ጽልመት እንዴ ትወሰከት እቱ ሄራርነ ከሬዕ ዐለ። አገር ዴሽ ምስል ደባባት እንዴ ትመጣወረ እግል ልንጅል አምበተ። ወድ ገረዝግሄር ለልትበሀል ቃእድ ውሕደት መከናይዝድ፡ ግያስነ ገብእ ይአመመአዩ እብ ትሉሉይ “ቀደም ሕለፍ! ቀደም ሕለፍ” ቤለ። ዲብለ መሓዛት ለዐለ ዖበል ምን ቃብል እግል ተአንጽር ለለአቀድር ይዐለ። ክምሰለ መስለኒ፡ ድድ ደባበት ምነ ተዐንደቀው ዐሳክር አባይቱ ፋርህ ለዐለ ወድ ገረዝግሄር። ክምሰል ከረ አርፒጂ፡ B-1፡ ላቱ ስለሕ ምን ቅሩብ ደባበት እግል ልሸውንን ቀድር። ምስል ደባባት ለትረተበው አገር ዴሽ ህዬ እግል እሊ ጅንስ ስለሕ እግል ልታይኖቱ አግደ ወቀዮም። ለጸሊም ትሩድ ወድ ገረዝግሄር፡ እንዴ ልሄርር እትሳል ገብእ ኢትወጠ እሉ እብ ዐቢታዩ ጣረሐ። መዐደይነ እት ኣንፊብያን ጹዑናም ለዐለው አንፋር ሜከ፡ ዲብ ለሀጅሞ ወዲብ ለትአሳቅሮ ትሰመዐው። ገሌ ዐውቴ ድሩራም ክምሰል ህለውመ ሸክ ኢወዴነ። “ ሚ ትረከበት?” በዋሪዶም እንዴ አገደመው ለዐለው ሙናድሊን ሕድ ትሰአለው። ዲብለ ኣንፊብያን ገጬ ሸአግኮ። እብ ሬድዮ እትሳል አውጌት ጅማዐትነ ክምሰል ጸብተወ ኣመርኮ። ክሉ ለብሸራት ለሰምዐ “ዐውቴ እግል ገቢል!” ዲብ ልብል አሳቀረ። አናመ ለእፈትየ ሕላየት ዲብ አፉዬ ሽእግ ሽእግ ትቤ እቼ… ‘ሰዓቼ ብዕድ ኢተሀብ ምንዬ ኪዳኔ፡ እመጽእ ህሌኮ እምዬ ዋልዳይቼ…” እተ ዶልዬ ስጋጄ እንዴ ጠዌኮ አስክ አድብር ሳሕል አቅመትኮ። እብ ልብዬ “መዐሰላመ እንተ በዐል ኬር፡ እብለ እንዴ ወዴነ ጋድሞታት ሰማእታት፡ ወለት ሽከር እንዴ ሐለፍነ ጀብሀት ነቅፈ ህዬ ጅማዐትነ ካሩጀ ገብኦ። የምክን ሕናመ ዲብለ ጀብሀት ንትረደፍ እንገብእ፡ አዜ ላተ ካረጆቱቱ…” አፍካር ብዞሕ ረፍዐኮ ወከሬኮ። ምን ረዪም ሐቴ መልህየት እብ ዐቢታየ ዲብ ትተሀራሀር ሰምዐኩወ። “እንቱም ዲብ ሕድ ኢትትከወኖ” እብ ትሉሉይ ተሐሰበት። አሰልፍ ነፈር ሀንደሰት ብርጌድ 44፡ ወለት አብረሀ መስለት እቼ። ጽልመ ወግዝፈ ትክ እት ብርክ እለ ትመስል። ወለት-አብረሀ ቃእደት መጁሙዐት ዐለት። ምን አነ ለቤላቱ እት ቀደመ ለገብእ፡ አንፋር መጅሙዐተ ምን ቅያስ ወለዐልቶም ለለአምኖ እበ ወለለሐሹመ። “እንቱም ትፈንጠሮ” ለሙቃትለት እምበል እለ ብዕደት ህግየ ኢተሃጌት። አማናቱ፡ ጥያራት ሐርብ እብ መሸንገልነ ምንመ ይሐልፈየ ምን ቃብል ላተ ክርንተን ትሰመዕ ዐለት። ዶል ሐቴመ እት ባካትነ ለክፈየ። ዘብጥ መዳፍዕ አባይ ላተ ምንመ በርደ፡ እት ምግብነ ትከረ ምንገብእ ላተ፡ ከሳር ዐባይ እግል ለአጅሬ እትናቱ። ዲብለ ሄራር እንዴ ኢልትፈሀመካቱ ለትትአከብ። ፍንጌሀ ልሄርር ለዐለ ዴሽ፡ ብዝሓም ሐዳይስ ክምሰል ዐለው ሸክ ኢወዴኮ። ሰበቡ፡ ዲብ ሰነት 1983 እብ ሊከ ወጠን ለመጽአው ሽባን ብዝሓም ቶም። ዲብ መጃምዕ ክምሰል ትወዘዐው ላኪን፡ ዲብ ክል መጅሙዐት ክልኦት አው ሰለስ ዐለው። ለንሄርር እቡ ለዐልነ ሕሊል ፋይሕ ክምሰል ገንሐኩዉ አትዋየንኮ። ለድዋራት ሰቦት ቱ። ላመ ሕሊል ውሒዝ እንዴ ኢደሬ ብዞሕ ስኒን ለወደ መስል። ምናተ ዲብ ረወሪት ለዘልመት ዝላም ለትከልቆ ውሒዝ እብ መሓዝ አልጌነ ልትደሬ እት ህለ ለልርሕም ኢኮን። ቀደሙ ለጸንሐዩ እት ገሽሽ ቱ ለገይስ። ዲብለ ሕሊል ሳክባም እት እንቶም ውሒዝ ለደረ እቦም ዐሳክር አባይ ብዝሓም ክምሰል ዐለው እብ ህጅክ ሳምዕ ዐልኮ። ሱድፈት፡ ርሳስ “ጭው ጭው’ ቤለ። ዐሳክር አባይ ምነ ዴሽ አባይ ልሰዕ ለዐለ እቱ “ዕርዲ ኮማንዲስ” ለልትበሀል ሰዋትር ለትጠለቀ ክምቱ ኣመርኮ። ‘ካልኣይ አው ሳልሳይ ናይ መዳፈዐት ሰዋትሮም ቱ ለዐለ’ ምንመ እቤ፡ ቅዋትነ እግል ሰሩ ድፍዓት አባይ እንዴ በክአየ ገጽ ቀደም ክምሰል ሐልፈየ፡ዴሽ አባይ ለበዝሐ ክፋሉ እንዴ ኢልትሓረብ ሀርበ። ዕርዲ ኮማንዲስ እግለ ፋይሕ ጋድሞታት ለትራቅብ እስራተጅያይ ደብር ቱ። ዐሳክር አባይ ህዬ ዲቡ እንዴ ገብአው እግል ልዳፍዖ ላዝም ቱ። ለደብር እት ሕግሱ ወርሽመቱ ለህለ ሰዋትር ምን ቃብል ልትረኤ። ዴሽ አባይ ልሰዕ ሙናድል እንዴ ኢልሽእጎም ቶም ዘብጥ ለከስተው። ከቢን እንዴ ወደው እግል ልህገቶ ላኪን ኤማነ ኢወደው። ሰበቡ ህዬ ደባባት እንዴ ሰርሰረ ለልትሓረብ ‘ወንበዴ’ እብ ከርበርመ ሳምዓሙ ሰበት ኢኮን። ዴሽነ እት ባካቱ ለዐለ ተነክል ሰዋትር ጸብጠ። ናይ ቅባል ዘብጥ አተላለ። ለወድቅ ወለአወድቅ ላኪን ይዐለ። ክልኢቶም መትሻፈት ከላሽን እትለ ኢተዐሬ እቱ አካናት ይዐለው። እተ ዶሉ ሰብ ደባባትነ እግለ ደብር እብ ቀናብል ረጅመው። ዲብለ ሳልፋይ ድፈዕ፡ ሕግስለ ደብር ለዐለው ዘማች (ዐሳክር አባይ) ምን ድፍዖም እንዴ ትፋገረው ገጾም ለዐል ዲብለ ካልኣይ ድፍዖም ፈግረው። ምስለ ክቡድ ጀዘሞም ወፋይሕ ልባሶም፡ ዲብ መራክቦም ለረፍዐው ክቡድ ሽነጦም…. ምን ቃብል ትርእዮም እት ህሌከ፡ ክምሰል ኩረት እንዴ መስለው ልትረአውከ። እተ ዶሉ፡ ‘ዘማች ሐባጥ እግሪ ንታባ ሓኮራ…’ (ዘማች ሕቡጥ እገሮም ለዕንክለት ፈግረየ…) ለትብል ሕላየት ወድ ትኩል ፈቀድኮ። ሰብ ደባባትነ ዲብ ኔሽኖ አዜመ ቀናብል ካረው እቶም። ዘማች ህዬ ለወድቀ ልውደቅ እምበል ዲብ ትትመንቀሽ ፈጊር ብዕድ ሕርያን ይዐለ እሎም። ኢኮን አደርብ ለጾረ ዘማች ሽደ ወምስል ገሮቡ ለነሽበ ርደ ለለብሰ ሙናድልመ፡ ለታኪ ደብር ዲብ ልስዔ እግል ልፍገሩ ለልትቀደር ይዐለ። ዘማች፡ ዲብለ ካልኣይ ድፍዖምመ ኢሰብተው። ለእንዴ በድረየ ሐልፈያሆም ደባባት ሙናድሊን ይአስከበያሆም። ሰበት ኢታከወንቱ ሚ ድድ ደባብ ሰበት ኢተዐንደቀው። ሕድ ዲብ ከቦ ዲብለ ግራሆም ለዐለ ጋድም ትከረው። ዴሽነ ህዬ ዲብ ዕርዲ ኮማንዲስ ፈግረ። ዲብ ረአስለ ዕንክለት ህዬ እብ ዶሽከ ወደባባት ለትጀለፈ ገናይዝ ምሉእ ጸንሐ። እብ ሸፋግ መካይን ድሩዓት፡ ደባባት ወኣንፊብያን ዴሽ ሸዕቢ ለጋድም እብ ገያደት ዲብ ልትገምበየ እቱ ረኤኩወን። “ አለ!.. እትክንመ ኢትጸዐንኮ” እቤ እብ ከብጄ። ናዬ ሌጠ እንዴ ኢገብእ ሽዑር ናይ ክሉ ዲብለ ደብር ፋግር ለዐለ ሙናድልቱ ለዐለ። አኪድ ህዬ ዲብ ረአስ መድፈዐጂታተን አስክ ዐስር አገር እግል ልጽዐነ ቀድረ ዐለየ። ዲብ ባካቼ ለዐለው ቃእድ ስርየት ሬድዮ እትሳል (PRC) ለጸብጠ ኦፐሬተሩ ቀረብክዉ። አነ ለመስኡል እበ ዕንዱቁ ለዐለ ፈርድቱ መስኡል ክምቱ ለኣመርኮ። አናመ ክምሰል ነፈር ሀንደሰት፡ ዲብለ ናይ ዶሉ ናይ ተውጅህ አካኖም መትጸገዖት ለተክለኒ ጋር ይዐለ። ምኖምመ መምርሕ ሽቅል እግል ትትከበት ትቀድር። ለቃእድ ስርየት እበ እት እዴሁ ጻብጡ ለዐለ ሬድዮ ንኢሽ እትሳል እብ ዐቢታዩ ልትሃጌ ዐለ። “ዲብለ ህሌከ እተ ብጠር” ህዬ ቤለ እት ምግብ። ምተሐቱ ለህለው መስኡሊን ክምሰል ትከለለው እቱ፡ ዲብ ለሐሸክሽክ ተሃገ። “እብ ጀሀት ንያለ ወአውጌት ለአቴት ብርጌድ 23 ገሌ መሻክል ሱዱፈ ህለ።” “መንኮር!” እቤ። አነ ‘ለብጠር’ ልብል አዋምር፡ ምን ሐዲስ እንዴ ትነዘምከ፡ ሀደፍከ እንዴ አንተበህከ ህጁም እግል አተላለዮትቱ መስል እቼ ለዐለ። ‘ሚ ምሽክለት ገብእ ሳደፈት?’ ክምሰል ውድ-ከባብ ረአስነ እንዴ ኢልትበረሕ ምን ሳሕል እግል ኢንፍገር ገብእ ተሐከመ እትነ መስለኒ!’ ምስል ርሕዬ ዲብ እትሃጌ ዲብለ ኦፐሬተር ስርየት እብ ቅሩቼ ቀረብኮ። ገሌ ወሱክ ሐብሬ ምን ለአመልጭ ዲብ እትመሰኬከን አቅመትኩዉ። አንፋር ሀንደሰት፡ ለዲብ አገር ዴሽ ለህሌት እዬ ሕሽመት እግል እትነፈዕ እበ ጀረብኮ። ኦፐሬተራት ሸዕብየት ላኪን ሐብሬ ምስለ ኢከስሱ ነፈር መትሃጋይ ለልትሐሰብ ኢኮን። ዲብለ ደብር እግለ ሐጫር መደት ፍንጌ ለሀ ወለሀ ጸንሐነ። ክሽነት ወመውዐሊ ዐሳክር እንክር ኬኑ፡ ዲብ ሕግስለ ደብር ዐለ። ገሌ ጅማዐት አስኩ ዲብ ልትከረው ክምሰል ረኤኮ አሰሮም ተሌኮ። ስፍሩያም ሰበት ዐልነ ሑድ ስቃጥለ (ዕለብ) ወጉስማጥ (በስከዊት) ይሐገልነ። እትከ ተሐይስ እት እምብል ህዬ ትካፈልናሁ። ዲቡ ባክ ሐቴ ገዛፍ ጸላም ግናዘት ምድት ጸንሐተነ። “ጋምቤላቱ መስለኒ” እግለ ልብል ወግም ዎሮት መለሀይነ አማኑ ክምቱ አናመ ሸክ ኢወዴኮ። ረሐምነ እቱ ህዬ። ምን ሐዲስ እተ ደብር አቅበልነ። ደባባትነ ወኣንፊብያናትነ ቄብረት እት መስለ ምን ባካት እምሀሚሜ እብ መልሃየን ዲብ ለአቀብለ ረኤኩወን። ሕናመ ዲብለ አካን ለተአጸንሕ ሴመ ይዐለት እግልነ። እምሀሚሜ፡ ቀደም እንሰሓብ ብዝሓም ሽባን ለደረበው እተ ታሪካይት አካን በክት ሕርየት ኢረክበት። ምስለ ፋይሕ ጋድመ ወሻፍቅ ዖበለ ግራነ እንዴ ሀብናሀ አስክለ ትብገስነ ምኑ ሕሊል አልጌነ ትወለብነ። ለድፈዕ ለኢፈግረ ድድ አዳም አልቃም ናይ ክልኢቱ ጀሃት ዐለ እቱ። ለደማን ዐለት እሉ ህዬ ሕሊል አልጌነ ሌጣቱ። ቀብር ወአት ዲብ ምግባይ መዐስከር ፈሲለትነ ለዐለት በጽሐኮ። ለእብ ሕሊል አልጌነ አተው ጅማዐትነ ከረ ወድ ከባብ፡ ክብሮም ልሕቲት፡ ኪዳኔ አፍሮ፡ ገረንኪኤል አቺቺ፡ ቴድሮስ (ወጣት)…. እብ ዎር-ዎሮ ተጀመዐው። ፈጅራተ ሄራርነ አስክ ገረግር ዐለ። ሀንደሰት ብርጌድ 44፡ ፍንጌ ቀብር ወአት ወገረግር ዲብለ ዐለ ሕግስ ደብር ዐለው።ወድ ከባብ እንዴ መርሔነ አስኮም ጠወ እብነ። እንዴ ትከበተውነ ሻሂ አፍለሐው እግልነ። ወድ ከባብ ምኒነ እንዴ ትፈንተ ምስል መሳኡሊን ናይለ ፈሲለት ልትሃጀክ ዐለ። መስኡል እግል መስኡል ለለሀይበ ሐብሬ ህዬ ሕድ መጠው ወትፋሀመው። ጽጌዕ እንዴ ቤለ ለአተናሳቱ ህዬ ሽውየ ምነ ትበሀለት ገሌታይ ለሰምዕ፡ “ቃእድ ደባበት አቺዶ ለቤሌኒተ፡” እንዴ ቤለ ህጅኩ አምበተ ወድ ከባብ። ገሌ ምነ ዲብ አተናሴ ለሰምዐኩወ ሐብሬ ክእነ ዐለት፡- “አንፋር ብርጌድ 23 ምን ግረ ንያለ እንዴ አተው ዲብ አግደ መዐስከር አባይ (መምርየ) ሀጀመው። መፈዐጂታት አባይ፡ ‘ኣንድ…ሁለት….ሶስት!’ ዲብ ልብሎ ወለዐልቦ፡ እበ መጽአው እንዴ ኢልትበሀሎ ሀዝመው እቶም፡ ለናይ ላሊ ዐመልየት እብ ዐውቴ ምንመ ተመተ ለምሽከለት ጽብሕ ምድርቱ ለመጽአት። እብ አሳስለ ስታት ደባባትነ ዲብለ ተአስትህል ኢነት እግል ለዐሬ ኢቀድረ። ዲብለ ጋድም ደባባት አባይ እምበል እብ ደባበት እብ ብዕድ እግል ተአብጥረን ለልትቀደር ይዐለ። እብሊ ህዬ፡ ለኤማኑ ስሉብ ለዐለ ዴሽ አባይ እተ ዶሉ ትነዘመ። 106 ለልትበሀል ስለሕ ለጸዐነ ጂፕ መካይን አባይ ምን ቀደም ደባባትነ ሐልፈየ። ምስለ እት ብሩር ጋድም ለዐለ ሙናድል ህዬ ሸብከየ። ለወድክ፡ እምብለ አርወሐትከ አፍገሮት ብዕድ ሕርያን ይዐለ።ወድ ጎማ እብ ደባበት ዲብ ልትፌተት ዲብለ አካን ክምሰል በጽሐ ላኪን ደባባት ወኣንፊብያን አባይ እብ ሀረብ ምክራየ ትቀዌት። ዲብ እሊ ሐደስ እሊ ቦጦሎኒ ሐቴ ተአዜት። ቅያደት ቦጦሎኒ ክፍለ ወወድ ጊለ አስተሽሀደው። እቅትሳድ መጅሙዐትነ ሰበት ዐልኮ፡ እብለተፈናተ አስባብ ዲብ ገረግር እትለ ህለ እቅትሳድ ተንዚም፡ መዋሰላት ወሳርቶ…. እግል እትሐረክ በክት ዐለ እዬ። ዲብ ሳምንለ ሐርብ፡ ዲብ መውገፍ፡ ነፈር ብርጌድ 44 ጸንሔኒ። ምስል አንፋር ብርጌድ 44 ለጀብሀት ምን ትትአሰስ ሕነ ወህቶም ምስል እንሸቄ ሰበት ዐልነ አምር ሰኒ ዐለ እግልነ። አንፋር አጅህዘት ናይለ ብርጌድ ወአንፋር ፍርቀት ዓዳት ብርጌድ ዲብ መናሰባት ሕድ ነዐዝም ዐልነ። ለነፈር ናይ ካልኣይት ቦጦሎኒ ክምሰልቱ ክም አሰአሌኒ። “በለኒ ምስል ከረ ነጻግ ትኪ ወኣድም በገኤ እንተ!” እቤሉ። “ለአምዕል አውዐለያኩም… ሰኒ ትካረጅኩም ማሚ?” እብ ድግማን ትሰአልኩው። “ኬን በሉ!” ቤለ ከእብ ሐሩቀት ወትዕስ ህግያሁ አምበተ። “እግለ ዐለ ሑዳይ ዴሽ አባይ ምን ደቃይቅ ወለዐል ይአጽነሐናሁ። እሉ ዲብ እንከብብ ዲብ ዕንክለት ‘እንዳ አናጹ’ ሻፋም ለዐለው ዐሳክር ትወጀሀነ። ክልኤ ሳዐት ገብእ ትሓረብነ። ካረጅናሀን - ለመይት ሞተ፡ ለተርፈው ህዬ ሀርበው። ገጽ ቀደም አተላሌነ። ምድር ክምሰል ጸብሐ፡ ሳዐት ሰማን ገብእ፡ ‘ዲብለ ህሌኩም እተ ጽንሖ’ ትበሀልነ። ልሰዕ ምስል ሐፋነትናቱ ለዐልነ። ክልኤ ሳዐት ታማት ዲብ ዔፍየት ትበደልነ። ንትበገስ እት ህሌነ፡ ዲብለ ጀብሀት ለዐለት ሒለት አባይ እብ ተማመ እግል ትደውሸሽ ክምቱ ትሸረሐ እግልነ። ጽንሖ ክምሰል ትበሀለ፡ አዳም ክለ “የሀው ሚ ወዴናሆም?” ዲብ ትብልቱ እግል ትትገራገም ለአምበተት። ሳዓት ሐቴ አዳሕየት ክምሰል ግበአ ‘ዲብ አካናትኩም አቅብሎ’ ትበሀለነ። … 23 ተጃርብ ሰኒ ናይ ሐርብ ለበ ብርጌድ ተ። ሜካ እግለ ደባባት ጠምዐወን ወለ ሚ መሻክል ሳደፈዮም? እግል ንፍሀሙ ኢቀደርነ…’’ ለናይ መጅሙዐት እቅትሳድ መስኡልየቼ ሐድ መቅደረተ፡ ምስል ክሎም ዲብ ገረግር ለዐለው መስኡሊን አጅህዘት ተአትዋጀሀኒ ዐለት። ምስለ ዲብ ሐሊበት ለዐለ እቅትሳድ ጀብሀት ቅብለት ሳሕል፡ ገብረ-ሲላ እንዴ ኢተርፍቱ እብ ሽቅል ለአትዋጀሀተኒ። ሀንደሰት ተንዚም እምበል እሊ እግል ዴሽ ለልትሀየብ ዋጅብ ሴፈ ወሱክ ለልትሰመሕ እግለነ መሳሪፍ ዐለ። ለዎሮት ዲብ ሽቅል እተ ንትሐረክ እቱ ለልተሀየበናቱ። መብዝሑ ሽቅልነ ምን ገጽ ላሊቱ ለዐለ። እምበል እሊ ‘ሀንደሰት ሕክምናሆም ምስሎም ቱ ሰበት ትበሀለ፡ እቅትሳድ ተንዚም እት ወግም እንዴ አተ፡ ለልትሀየበነ መሳሪፍመ ዐለ። ኖሱ ገብሬ-ሲላቱ መሳሪፍዬ ለለአዝዝ እዬ። ገብረ-ሲለ ዲብ መስኡል መክተብ ዐስከሪ ጀብሀት እብ ሽቅል ለአትቀባብል ዐለ። አምዕል ሐቴ ሰበት ተአከረ ምንዬ፡ ምስል ዎሮት ዲቡ ለጸንሔኒ ሙናድል ህጅክ አምበትኮ። ሻፍግ መትኣማር ምን ጠባዬዕ ጅኑድ ቱ። መትአንባት ድግም፡ “ናይ ከም እንተ?” ለልብል ሰኣል ቱ። ነፈር ብርጌድ 23 ክምሰል ዐለ ወዐንዶም ክምሰል ልትበሀል አሰአሌኒ። ‘አነ ናይ ሀንደሰት እቅትሳድ አነ’ እንዴ እቤ ተኣመርኮ ምስሉ። ህቱ፡ አው ናይ ስርየት አውመ ናይ ቦጦሎኒ እቅትሳድ ለአመስለኒ ዐለ ። ሰበቡ ናይ መጅሙዐት እቅትሳድ ምስል ናይ ጀብሀት መስኡል እቅትሳድ እግል ልትዋጀህ እቡ ለቀድር ቴለል ኢተአመረ እግሉ። ዐንዶም ነፈር ናይለ ዲብለ ህጁም አባይ ለከርደነየ ወመብዘሖም አንፋረ ለሰበለት ውሕደት ቱ ለዐለ። “ከፎ ዐለ ለሐርብ?” ለቴለል ምን ቅርዱ እግል ለአጽብጠኒቱ እብ ዋድሕ ትሰአልኩዉ። “ያኪ ሚ እግል ንዘከር እቱ” ቤለ ከለአስተሽህደው መልሂቱ ገብእ ትፋቀደ አስተንተነ ወአተንፈሰ ወእባሁ ለዐለ ቴለል እግል ለአትሃጅከኒ አምበተ። “ብርጌድነ፡ ዐነክል ወድጋን እንክር ድገለብ እንዴ አትሌት ዲብለ ፋይሕ ጋድም ትከሬነ። ዲቡ ወድ-ልብሱ ወብሪራይ እት ረአስ ትዮተ እንዴ በጥረው ሸሬሕ ሀበውነ። ለጀብሀት እግል ትደውሸሽ ክምቱ እተ ዶሉ ተሐበሬነ። እብ ፍንቱይ ቦጦሎኒ ሐቴ እግል ክራይ ወአውጌት ለተአትራክብ ስከት እንዴ በትከት፡ አውጌት እብ ምፍጋር ጸሓየ እግል ትእቴ እተ ክምቱ ተሐበረየ። ምድር ለዐወድውድ እት ህለ ብርጌድነ እንዴ ተአሴርር ትበገሰት። ንትለበስ እንዴ ትመዬነ፡ ዲብለ ተሐበረነ ድዋራት እንዴ ይእንበጽሕ፡ ዲብ ክለ ጀብሀት ሐርብ ትከሰተ። ሕነ ላተ አባይ ሻፍፍ እቱ ለዐለ ከናሌታት እብ ሸፋግ እግል ንርከቡ ኢቀደርነ። እብ ሰበብ ጽልመት እብ ዋዴሕ እግል ልትረኤነ ኢቀድረ። ለከናሌታት እግል ንርከብ ረዪም ወቅት ከልአነ። ልሰዕ ዲቡ እንዴ ይእንበጽሕ ህዬ ርሳስ ክምሰል ዔደር እግል ልዝለም እትነ አምበተ። ገሌ ዲብ ለአስተሽህዶ ምኒነ፡ ሰር ዲብ ትትጃረሕ አተላሌነ። እግለ መጀርሒን እንዴ ሰፈፍነ ዲብለ ዐለው እተ አካን ነሐድጎም። ለገብአ መሐብዒ አለቡ። ጋድም ጥሉቅ ቱ። ርቅየ መሐመድ ለትትበሀል መልህየትነ ዲቡ አስተሽሀደት። ክሉ ረአሱ እግል እትረሰዐ ለይእቀድር ሙናድለት ተ። ሐኪም እግል ዎሮት ጅሩሕ ዲብ ሰፍፍ ህተ ትሰድዩ ዐለት። ርሳስ ዙ-23 ረሻሽ እግለ ወእግለ ጅሩሕ ምስል ሸወጠቶም። ለርሳስ እብ ክል-ክልኦት ርቅየ እንዴ እቴት እግለ ጅሩሕ አትዐሬት። ለለአስፍ ርቅየ እትሊ ወቅትለ ሐርብቱ ምን አካን ሐራሳት (17) ማጽአትነ ለዐለት። ‘ጽንሒ’ ዲብ ትትበሀል ‘ይእተርፍ’ እንዴ ትቤቱ ዲብለ ሐርብ ለአቴት….” ዲብ ሄለል ሰነት 1980 እብ ጀሀትነ እበ ትነሰአ ህጁም ምዳድ፡ ዲብለ ባካት ባጽሕ ዐልኮ። ለሰቦት ወምልሆይ ጋድም ተሐስቡ ዲብ ህሌካቱ ለልአፈረሀከ።እብ ህጅክ ዐንዶም ደምዬ እግል ለአፉር አምበተ። “ዲብ ደንጎበ ህዬ ለሰዋትሮም ረከብኩሙ ማሚ?” ዲብ እትረመጭ ትሰአልኩው። “ኢትደነሰ እግልነ እት ኢኮን ምድር ክምሰል ጸብሐ ረከብናሁ። ሕነ ወዴሽ አባይ ሕድ አቅመትነ። ቃእድ ስርየትነ ዱቅሪ ‘የለ ህጁም” ቤሌነ። እንዴ ሀጀምነ ከናላቶም ጸብጥናሁ። ክምሰል ጸበጥናሁ ሕጌ ሰበት ገብአ እግልነ፡ ሽውየ ምህለት ረከብነ። ለዲብ ክል አካን ሽቱታም ለዐለው ሙጀርሒንነ ዲብ እንጸውር ዲብለ ከናል አቴናሆም። ዲብለ ህጁም ለአስተሽሀደውመ ዐለው። ዎሮት አብረሃም ቢንቢነ ለእንብሉ እብ አርፐጂ ትዘበጠ ምኒነ። ዲብ ሰፉፍ በጽሐ። ሐሬ ላኪን አስተሽሀደ። ሐባሪት ለእምብለ ትርሓስ ሀይሌ ወካልኣይተ ሳበ ሀይሌ ኢጸንሐየ እብ ርሳስ ክምሰል ትዘበጠየ እተ ዶለን አስተሽሀደየ።” አስማይ ናይለ እንቲሓር ለወደየ፡ እንዴ ተሐከረየ ለተርፈየ፡ እግለ ጋድም እንዴ በትከየ ለፈግረየ አዋልድ ውሕደቱ ዲብ ሳሜ ልትሃጀክ እት ህለ ክሉ ገሮብዬ ሰከክሕ ገብአ። ዲብ ህጅኩም ትርሓስ ሀይሌ፡ መረ ቀየሕ ሰበት ተ “ሐባሪት” ለትብል ክናየት ክምሰል ፈግረት እለ፡ ዶልዶልመ “ክሻፈ” ክምሰል ልቡለ… ለሸምለ ጭገረ፡ ወለት አስመረ… ዲብ ንኡሽ ዕምረ አስክ ንዳል ክምሰል ፈግረት ምነ ህለየ ለልትበሀለ ምሔርበት አዋልድ ናይለ ስርየት ክምሰል ዐለት ሸርሐ እዬ። “ሐቆለ ከናል ህዬ እበየ ረትዐኩም?” “ዲብለ መምርየ (መርከዝ ቅያደት) እግል ንእቴ ሑዳይ ታርፍ ምኒነ ዐለ። ሒለትነ እንዴ ጌመመው፡ አገር ሌጠ ክምሰል ሕነ ሰበት አግረሰው እብ ደባባት መጽአውነ። ለደባባት እንክር ምፍጋር ጸሓይ ሐልፈየ። እግለ ጠረፍ ለዐለት ስርየት በድረያሀ። እብሊ ለቴለል ትቀየረ። መስኡሊን ‘እብ ሸፋግ ፍገሮ’ ቤለውነ። እሊ አዋምር እሊ ኢረዴናሁ። ጀማል ለልትበሀል መለሀይነ እብ ፍንቱይ፡ “አሰልፍ ከዝነቼ አተትምሙኒ” ዲብ ልብል ዘብጥ አተላለ። ዲብ ደንጎበ ቃእድ መጅሙዐቱ እንዴ ሰሐበ አፍገረዩ። ምን ከርዶንለ ደባባት እግል ንፍገር እበ ብነ ሒለት እግል ንስዔ አምበትነ። ቃእድ ስርየትነ ደምባ ‘ሸንከት ድማን ርተዕ’ ዲብ ልብል እብ ትሉሉይ ለነአንስሕብ እቡ መርበይ ሐበሬነ። ለለትዐጅብ 13 ለገብኦ ለጸበጥናሆም ዐሳክር አባይ ምስልነ ዐለው። ህቶምመ ምስልነ ሀርበው። ለሕውናሆም፡ ምነ ፍንጡር ለዐለ መናዱቅ እንዴ ረፍዐው እግል ለአትርፎ ምኒነ ቀድሮ ዐለው። ዲብ እሊ ሰዐይ እሊ አዳም ሒለቱ በጥረት። ለለዐሬነ ዴሽ ይዐለ። ደባባትተን ልትካረፋነ ለዐለየ… “ዲብለ ከናል ዲብ ህሌነ ለስልሰለት እገረን ደባባት መጸአያነ። ምኑ ክምሰል ፈገርነ ላኪን ኣንፊብያናት ተን ልትነዐያነ ለዐለየ። ምስለ ገያደተን ወለ እት መሸንገለን ለህለ ረሻሽ ህተን ተን እግል ለአድመዐ ለቀድረ። ለሐቴ ክምሰል እለ ስስ እግረ እንዴ ገብአት ትትረኤኒ። ለምለም ሐጎስ ምን ከናል እንዴ ፈገርነ እግል ንስዔ ክምሰል አምበትነ፡ አንተሐረት። ናይ በዲር ጅረሕ ሰበት ዐለ እተ ሽውየ ተሐንክሽ ዐለት። ሐቴ ወለት ጸጋይ ለእምብላመ ክምሰልሀ ቅምብለተ ፈጀረት ከአስተሽሀደት። ቀየሕ፡ ክርድ ጨገረ፡ ሓጥረት ምሔርባይት። ለምለም ወለት ጎይታናመ ምነ አንተሐረያተ።… ሰር ገሌ ጅማዐትነ ህዬ ማይታም እንዴ ትመሰለው እግለ ደባባት እንዴ አክረረው ለሓለፈወን ዐለው። ሰሮም ህዬ እብ ከላሽን መጃምዕ ለከፎ እተን ዐለው። ለደባባት ላኪን እሊ ክሉ እንዴ ኢለሀምመን እግለ ልትለከፍ እተን ረድ ፍዕል እንዴ ኢለሀይበ እግለ ሳልፋያም እግል ለዐርየ ልትባደረ ዐለየ። ኤልሰ ታደሴ፡ ሳረ፡ አብረሀት ጎይትኦም ሕኩራት እንዴ ተመሰለየ ለወድቀያ ተን። ሳዐት ሐምስ አምሱይ ተን ለፈግረየ። አነ ምስለን ዐልኮ። ባካትከ ምን ህለ ሌጣቱ ለተአምር። ሐሬ ላኪን መፍገሪ ዲብ ተሐዜቱ ምን ሐዲስ ለትትዋጀህ…ኤልሰ ተደሴ ነፈር ፍርቀት ዐለት። ህተ ወወለት ጨሕመ ለልቡለ አብረሀት ጎይትኦም ወአነ ምስል ፈገርነ። 20 ለገብኦ አንፋር ፍርቀት ዓዳት ዲቡ ዐለው። ምን ብርጌድ አርበዕ ለመጽኤነ እሙር ወፍቱይ ኮሚሳር ስርየት ሰለሙን ወድ ዮሴፍመ ዐለ። ህቱ ኖሱ አስተሽሀደ…። “ዲብ ደንጎበ፡ ከላስ ክምሰል ሒለትካ ወበክትካቱ ለዐለ። ምን ከሚን ደባባት አባይ እግል ንፍገር ክምሰል ቀረብናቱ ገሌ ደባባትነ ለዐረየ። ምናተ፡ ለሐርብ ካርብ ዐለ።’ደባባትነ መጸአየ’ ለልብል ሐሬ ለሰምዐናሀ ህግያተ። ‘ሕደገነ ያኪ’ እተየ ሽሩባት ዐለየ ከአዜ መጽአ’ ዲብ ልብል እሊ ክሉ ሙናድል ጪጭ ቤለ…። እታከዩ ለዐልኮ ገብረ-ሲለ ወቅት እንዴ ነስአ መጸአ። ደሐን መሳሪፍ ይአዘዘ እዬ ምንገብእ እብ ቅሩቼ አትሓልዩ። አማን ተሐይስ፡ እዬ እንዴ ረሐማቱ ወለ ለወሕደትነ ፈቴ ልትፈረግ እዬ ይዐለ። ዲብ እትገራገም ለአቅበልኮ እተ አምዕል ኢትዘከረኒ። ጠለብዬ አትመመ እግልዬ። ገብረ-ሲለ! ምስለ ፍቲት ብጥረቱ ወሱሰቱ ትፈንቴኮ ምኑ። ምን ገጽ ምሴ መኪነት እንዴ ታኬኮ ሴፋዬ ጸዐንኮ ከአስክ ገረግርዬ ትወከልኮ። ==ካልኣይ ክፋል== ዲብለ ሳልፋይ ፋሽል ህጁም፡ እምበለ መብዘሖም አንፋረ ለሰድቀት ቦጦሎኒ 23-1 ብዕዳት ውሕዳት ላተ ብዙሕ ኢተአዘየ። ዲብለ አወላይ መዓል፡ ሰበብ ደባባት ሚ መታክል ክምሰል ሳድፈዮም ለኣመርናሁ ይዐለ። ሐቆለ እግል ክሉ ሙናድል ለነከደ ሳልፋይ ጀርቤ ላኪን፡ ዲብ ክሉ እብ ክል ውሕደት ለገብአ እጅትመዓት፡ “ለዐመልየት እግል ትደገም በ፡” ለልብል መትነካድ ለተሓበረ እቱ ረአይ ተንከረ። “….ሹሀዳነ አውጌት ክምሰል ጸበጥናሀ፡ ማርሰ-ተክላይ ነሐምስ ክምሰል ህሌናቱ ለለአምሮ። ምን ሐዲስ ዲብለ ትሳረሐነ ምኑ ሰዋትርነ እግል ነአቅብል ዐገብ!” ለልብል ሀገጊት ደጋገመ። ለሳረሐካሁ ጋሸ ኢለአቅብለከ ክምሰለ ልትበሀል፡ ሙናድል እግለ ምን ሐዲስ ዲብ ሰዋትሩ ለአቅበለ አባይ እግል ልርአዩ ሰኒ ወአማን ከርሀዩ። ሐቆ ወሬሕ፡ ዮም 18 ማርስ 1984፡ መጅሙዐት ሀንደሰት ገረግር ምን ሐዲስ አስክ ሕሊል አልጌነ አቅበለት። አናመ ለመስኡልየቼ ዐለ እቅትሳድ መጅሙዐት እግል ብዕዳም እንዴ ሰለምኮ ህዬ ምስለ ትበገሰው ትብገስኮ። ለሳልፋይ ህጁም ደባባት እግል ልሕለፉ ምን ሕሊል አልጌነ ለፈግረ ድድ- መካይን ወደባብ አልቃም፡ ዲብ አካነቱ እቅቡል ዐለ። ምን ሐዲስ እግል ልፍገር ህዬ ናይ ምሴት ሐቴ ሀላክ ጠልበ። ምናተ ቀደምለ ህጁም ዲብ ገሮብ እግል ልትከለቅ ለቀድር ወሱክ ጸገም ህለ። እምበሌሁመ ዐስር ዶል አልቃም ደፊን ወአፍገሮት ላምዳሙ ዐልነ። ወሒዝ ከረም አግደ መለሀይናቱ። እንዴ ከምከመ እግል ኢልንሰአነ ቴለል ዝላም ወውሒዝ ዝያደት እንታብዕ። ዲብ ድዋራትለ አልቃም ለደፈነ እተ አካን፡ ሕስ ጅጊር ሰምዐከ ምንገብእመ ዲብ ትዳገነ ለትውዕል።ዶል ለሃቡይ ድድ-አዳም አልቃም እንዴ ኬደት ትጀለፍ። ፈጅሪተ ናይነ አልቃም እት ነአፍግር ለትመዬነ እተ ላሊ፡ ዲብ ድፈዕ ለዐለ ሙናድል አስክ ዐስተር አንቀዕረረ። ሐት ሐቴ ዶል ሌጠ ለልትረኤ ቴለል ምህም ሐወጸ - እሙን ሳትር ሙናድል። ለሃባት ፌርቅ ለዐለት ዐስተር እብ ደበኒት ጸላይም ወጊም ትገልበበት። ረቢ ‘ጻብጣመ ለህሌኩም እሳት ከፌኩም’ ለቤለ መስል። ሳዐት 12፡30 ናይ አደሓቱ ለዐለ። መዳፍዕነ - መዳፍዕ ዴሽ ሕርየት፡ እብ ጀሀት ጀሀቱ እግል ልጀምጅም አምበተ። አንፋር ክቡድ ስለሕ አሰልፍ ኣስራም እቱ ለዐለው አካናት ወቀረው። አደሐ ምድር ዴሽ አባይ እንዴ ትጸበሐ እስትሩሕ ዲቡ ለዐለ ወክድ፡ ለክምሰል እሳት ለለአነድድ ምድር ወዐስተር ለትሐምርግ ምስተንክራይት ሒለት እግል ተሀሌ ስኢ ይዐለ። አባይ፡ ሐቆለ ሳልፋይ ህጁም ፋሽል፡ ወሬሕ እትለ ኢገብእ ዴሽ ሸዕቢ፡ ምን ሐዲስ እንዴ ትወለበ እግል ልህጀም ቀድርቱ ለልብል መስኢት ክሉ ረአሱ ይዐለ እሉ። እብሊ ህዬ እተ ምዕል ለሀ አምሱይ “በራስ” ዲበ ትትበሀል ሽብህ ድጌሁ አካን፡ ዕፌ ዓዳት እግል ለአቅርብ ዲብ መዳላይቱ ለዐለ። ምን አዲስ አበበ እበ መጽአት ፍርቀት ዓዳት ለቀርብ ዕፌ አውረሐት አው ሰኖታት እንዴ ዐለብከ ለትረክበት ሐቴ ናይ ፈረሕ መናሰበት ተ። አገር ዴሽነ አምሱይ እግል ኢልክሰል ሽውየ ‘ቀሸው’ ቤለ። ዲብለ ከደን ለሀይ፡ ሐቆ ረዪም ወቅት ደሚርከ ለተትሐድስ እቱ በርናምጅ እብ መስኢት ዛይድ ዲብ ትታኬ፡ ዲብ ናይ ሕልም ጀነት እት እንተ አመተ ኢተአመረት ዲብ ናይ አማን ጀሀነብ እትየት አክል-አዪ ገብእ ትደቀብ! 130, 122 ሚሊሜተር መዳፍዕ አባይ ረድ ፍዕል ሀበ። ወድ-ከባብ “ዲብ ብለቅ ትጸገዕ ዲብ በዐት እቴ” እግል ሊበል አምበተ። መጅሙዐትነ፡ ዲብ ሕግስ ዕንክለት ሰላም እንዴ ትጸገዐት ታኬት። መስኡሊን እግል አንፋሮም “ትጸገዖ” ዲብ ልብሎ ኖሶም ኬን ወእንዜ ዲብ ልደወኮ ልትገናበው። ዲብለ እት ቀደምነ ኬን ወእንሰር ልብል ለዐለ ወድ-ከባብ አቅመትኮ። አነ ወህቱ ምስል ምን ከበሰ እንዴ ትቀየርነ ዲብ እለ ጀብሀት ለመጽአነ። ዲብ ቀበትለ ሐምስ ሰነት ደምቀቱ ክሉ ረአሰ ብርሕት ዐለት። ነፍሱ ወሒለቱ ላኪን ኢተምተመ። ለጥልፍሕ ብህል አንፉ እንዴ አሸርከ ‘ኣንፍ ማግ’ ቴልካሁ ምንገብእ እግል ልካይደካቱ ለለሐዜ። ሽሂድ ሀብተስላሰ (ጎደይቲ) ልትደአሉ እት ህለ “ማግ” ቤለዩ ወክናየቱ ገብአት። ማግ፡ ስናዐት አምሪከ ላተ መኪነት ዐስከርየት ተ። ምድር ለበልስ ዘብጥ አተላለ። ናይ ጅማዐትነ ወአባይ ለኩፍ መዳፍዕ እብ መሸንገልነ ሐልፈ። ጋድም እምሀሚሜ አባይ ክል-ዶል ልትመከሕ እቡ ለዐለ እብ ደባባት ወመዳፍዕ ለረግሐዩ ቱ። እብ እንዴ ደምነ፡ ‘ህቶም ናይ አድብር፡ ሕነ ህዬ ናይ ጋድሞታት መናቢት ሕነ’ ቱ ልብል ለዐለ። መትመክሕ ውዳቅቱ ልትበሀል። ደባባትነ ወመካይን ድሩዕ እበ ልግዕር አክራኑ እብ ሕሊል አልጌነ ሸበየ። ምን ጥያራት እግል ልትሐበዕ ‘ሸልዕ፡ እልብ ወድህን’ ለልትበሀል ጥናብ እንዴ ትገልበበበ ገጹ ቀደም ለአራብድ እት ህለ፡ ዲብለ ሕሊል ለዐለ ዕጨይ ጋምል ዐዳይ ኖሱ ልትሐረክ ለህለ መስል ዐለ። እብ ሐት-ሐቴ ዐለብክወን። ለደባባት ወለመካይን ሰማን በጽሐኮ። ስልስል ለእገሩ ደባባት ወጎመ ለእገሩ ኣንፊብያን ቱ። እክለን ለገብአ እብ ሐላይል ሸግለት ወወድጋን ክምሰል ለሀልየ ህዬ ሸክ ኢወዴኮ። የምክን እብ ምግብ ዐነክል መሬሕ ወፍጻሜታት ለለአትያመ ኢልትሐገለ እንዴ እቤ ጌመምኮ። አባይ 30 ለገብእ ደባባት፡ አክሉ ለገብእ መካይን ድሩዕ ክምሰል ዐለ እሉ እብ ሕፍዝ ለተከዳቱ። “የለ ሰፍ ጽበጥ!” ወድ-ከባብ እብ ዐቢታዩ አዋምር ሀበ። እንዴ በድሬነ ህዬ ሸንከት ጽርግየ ገጹ ሐልፈ። መጅሙዐት ደባባት ዲብ ቀደምነ በጥረት። ሜርሐት ፈሳይል፡ ገሌ መድፈዐጂታት እንዴ ዐረዎም ትከረው። ዎሮት ምነ መድፈዐጂታት ዲብ ባክ ደባባቱ ምስለ ዐለውቱ መስለኒ፡ “ሪም እንተ ጅነ አዳም ጼንየ ህለ እለ ደባበቼ፡ ዮም እግል ዘማች እብ ርሳስ እንዴ ኢገብእ እብ እገርዬ እግል እለምጨንቱ…” ቤለ ሽውየ እንዴ ለአትሳቅር ወልትመከሕ። ተህዲድ ሰር ሒለትቱ ሰበት ልትበሀል አርወሐትከ እግል ተአትራዴ ሰኒ ሴዳይ ቱ። ለሰብ ደባባት ክሉ ረአሱ እግል ልደንግሮ ለሐዙ ይዐለው። “ዮም ላተ እግል ልካዩደን ቱ መስለኒ” እቤ። እበ ለሐልፈ ደማነት ለዐለት እቱ ኤማኖም ህዬ አናመ ኤማንዬ ዐስተር በጽሐ። ሸዊትሰብ (ወድ-ከባብ) እተ ደባባት እግል ልወዘዐነ አምበተ። አስክዬ አቅመተ። “እንተ ዲብ እለ ገበይ ጽነሕ። መካይን ምን ጽርግየ እግል ኢልሽከፈ ሐብር።” ቤሌኒ እትሕጭር እንዴ አበለ። ደንገጽኮ….ልብዬ ዝያደት ሀንደገት። አመት እንዴ አለብዬ አሰአሌኒ። ለይፋሕ ሽዑር እግል ተርኤ ለለትዐግበከ ኢኮን። ለመትሐራጋም ላኪን ናይ ካልኢት ወቅትመ ኢከልእ። ለልትሀይበከ አማውር ዐንደል ሶመ ዲብ ጠምጥመከ ቀርድዖቱ ሌጣቱ። ሰበቡ ህዬ እብ ሰበብ ለቀም ለትጀሬ ብቆት እምር ሰበት ተ። ለድዋራት እብ ተናናት ደባባት ትገልበበ። ደባባት፡ ከረ 40 ሚሊሜትር ለልትሰሐብ መዳፍዕ ለጸዐነ መካይን እንዴ መርሐየ ተሀርበበየ። እብ ብዝሔለ ስለሕ ትፈከርኮ። “እት አየ ዕቁር ለዐለ ስለሕቱ?” ህዬ እቤ፡ በሊስ ለለሀይበኒ እንዴ አለብዬ። ሸፋገት ናይለ ሰዋጌንለ ምካይን፡ ‘ሐቴሀ ህሌት፡ አው እግል ለአትርፉናቱ አውመ እግል ነአትርፎምቱ፡ ለልብል መስለ። እበይንዬ ተረፍኮ። እብ እንክር ቀደምዬ ዕንክለት ሰላም ምነ ጋድሞታት ሓብዐቼ ሰበት ዐለት ምን ቃብል ለአነጽሩ ይዐለ እዬ። ለለሐልፍ ክምሰል ሐልፈ ሕሊል አልጌን መስኩበት ዐሽለት እቱ። በዐት እንዴ ሐዜኮ ዲበ አቴኮ ወእብ ስምጬ ገአኮ። ክርን ዘብጥ ክምሰል መበሽራይ ኬር እብ መልሃዩ ኬን እት ቀርብ ሬመ። ቅያደት ዴሽ አባይ ዲብ ዎሮት ስልስለታይ ድፈዕ ሌጠ ለደምነው ይዐለው። ሐቆለ አግደ ድፈዕ፡ ክልኦት ብዕድ ድፈዓት ዐለ። ክል ዕንክለት ዲብ ሕግሰ ወርሽመተ ሰዋትር ወሕፈር ዐለ። ዐሳክሮም ዲብ ዎሮት ድፈዕ እንዴ ከምከመዉ ናይ ሞት ወሐዮት ሐርብ ዲብ ወዱ መራነቶም ክምሰል ትከዔት እሙር ዐለ። ሳዐት አርበዕ፡ አልዐስር ሙጀርሒን እብ ዎር-ዎሮት ዲብ ልትመንቀሾ ሕሊል አልጌነ በጽሐው። እግል ወድ ስርየቼ ሰለሙን ሀይሌ (ሸቀልቀል) ረኤኩዉ። ዲብ ስጋዱ እንዴ ተዐሸበት ለተአሰረት እዴሁ እት ነሐሩ ዓጽፈ ዐለ። ሰሌ፡ ዲብ ሐርብ ክምሰል ልባን ለጼነዩ አብሊስ ልተርከሽ። “ጅማዐትነ አየ በጽሐው?” ቴለል ጅርሑ ክምሰል ኣመርኮ ትሰአልክዉ። “ዕርዲ ኮማንዲስ ሐልፈው፡ አስክ እምሀሚሜ አተላለው።’ “ዕርዲ ኮማንዲስ ህዬ ጸበጥኩሙ?” “ትጸበጠ፡ ወለ ከረ መድሂጤ፡ በራድ ወቀርመ ጽቡጥ ገብእ። ሰለሙን ወድ- ግደይ እግሩ ጅሩሕ ህለ…. ሰበት ኢቀድረ ሐደግኩዉ።” “ዲብ አየ ሐደግካሁ?” “ገበይ ሳዐት ገብእ፡” ሰለሙን ውግ-ግደይ ደረሳይ መድረሰት ሰውረት እትገብእ ምስለ እተ ወክድ ለሀይ ምን ምግባይት አካን ሀንደሰት እግል ሰዳይት ለመጽአዉነ ዐለ። ክመ ልትአመር አንፋር ሀንደሰት ወቀይከ ተረግ እንዴ አበልከ ምስል ቅዋት እንዴ ተሓበርከ ህጁም ኢለሐዱጉ። እሊ መዋዲት እሊ ሐሬ ዲብ ወክድ እጅትመዕ ዲብ ዐገብ ወአትዐገቦት ነፍስ ልትከሬ… ለትሰሜዕ እዝን ላኪን አለቡ። ምስል ወድ-ግደይ ዎሮት ብዕድ ሰለሙን ለልትበሀል ጅሮሕ፡ ነፈር ቅዋት ጸንሔነ። ሰለስ ሰለሙናት ሱድፈት ምስል ክምሰል ትጃረሐው ተዐጀብኮ። እግል ወድ- ግደይ እንዴ ረፍዐክዉ ትብገስኮ። ነፍሱ ታመት በጽሕ ቱ። ለእለ ሐድገ እቼመ አለቡ። ዲብ ክል ምእት ምትር እት ዓርፍ ሕሊል አልጌነ አብጸሐክዉ። ህቶም እበ ገበይ ለሀ እንዴ ወደው ገበይ ቀብር ወአት ጸብጠው። ምድር እግል ልጸልምት አምበተ። ምያየት እት ዕንክለት ሰላም ለሔሳ ቱ። እትጀሀለ ሐርብ እግል ትታቤዕ ሰበት ትቀድር። እንዴ እተ ዕንክለት ይዐርግ ምስል ውድ-ፍሬ ነፈር መከናይዝድ ትዋጀሀነ። ወድ ምስልዬ ዓቢ ላቱ ወድ ቼንትሮ ቱ። ህቱ ዲብለ ውሕደቶም ሐጺን ለሳኔዕ ቱ። ፈርድ ዕንዱቅ ርኤክዉ። አነ ወህቱ ምስል ዲብ ዕንክለት ሰላም ፈገርነ። ሐርብ ልሰዕ ሰበት ይዓረፈ፡ ክርን ዘብጥ ሸንከት እምሀሚሜ ገጹ ትጄቀቀ። ክርን መዳፌዕ እበ ተለል ለልብል በርሀቱ ምን ኢገብእ፡ ክርን ስለሕ ከፊፍ ላተ ለሰመዕ ይዐለ። ወድ ፍሬ፡ “ዐነክል አምበሳደር ወንያለ ላተ አዜ ጽቡጣት ለሀልየ፡ ተሐት ዲብ አነ ባካተን ሽእጋም ዐለው” ቤሌኒ። ምን መስኡሊን ለሰምዐዩቱ እንዴ እቤ ጌመምኮ። ፈርድ፡ ዲብ ደረጀት ቃእድ ስርየት ለሀለ ነፈር ለልትዐንደቁቱ። እተ ምሴት ለሀ፡ ሳዐት ሴዕ ናይ ላሊ፡ ለዘብጥ ሽውየ ሀድአ። ሕናመ ድዩራም ሰበት ዐልነ፡ ብላይነ እንዴ ፈተሕነ ሰከብነ። ዲብ ስካብ ጥዑም እት ሕነ ላኪን ምን ሐዲስ ዘብጥ ድቁብ ናይ መዳፍዕ ምድር በለሰ። ወድ-ፍሬ ሳዐቱ አቅመተ፡ 11፡20 ላሊ ዐለ። ለቀናብል ልትከሬ እቱ ባካት እበ በርሀት እንርእዩ ሰበት ዐልነ ረዪም ዐለ። ወድ-ፍሬ፡ “እሊ ሐርብ አስክ አውጌት ገጹ ድሩይ ህለ መስለኒ፡” ቤለ ፋሬሕ ወልውቅ ዲብ እንቱ። ዲብ ክል-ሳዐት ቀሸው እምብል ወእበ መዳፍዕ ህዬ ምን ሐዲስ ነሐሶሴ እት ህሌነ፡ ምድር ፈራጅ ቤለ። “አላላ ሐቴ ርሳስ እንዴ ይአፈግር እግል ልትመም?” እንዴ እቤ ነፍሼ አትሓመቅኮ። አምጸ።ት መጅረሒን ወቀቢር ሹሀደእ ሽውየ ለለሐድጉ እትከ ሽዑር ህለ።አውቄኮ ሰበት ትብል። ሐርብ እብ ከበር እግል ትስምዑ ዐዛብቱ። ክርን ዘብጥ ምድር እንዴ ኢጸብሕ ሀድአ። ሐቆሁ በርሀት ጸሓይ ጽልመት ላሊ እግል ትበድል ይአደገት። ‘እሊ ምድር ሚ ገብእ ወልደ?’ ምስል ወድ-ፍሬ ሕድ ዲብ ንትሰአል ምን ተሕሊላት ዐድ ኢትገሴነ። መካይ ኬን ወእንስር እት ልብል አክራናቱ እግል ልትሰመዕምን አምበተ። ምን ዕንክለት ሰላም ገጽነ ተሐት አድሮሬነ። እግለ ሰብለ መካይን፡ “ምን ገበይ ኢትፍገሮ” ለትብል ሐብሬ እብ ትሉሉይ እግል አስእል ዐለ እዬ። ለተሀየቤኒ ንኡሻይ ወቀይ ዲብ እቀብብ፡ “እትለ እበንይዬ እግል ልሕደገኒ” እት እብል እግል ቃእድ መጅሙዐቼ እብ ልብዬ አምረርኩው። ለገበይ እብ ክየድ መካይን ዝያደት ዲብ ሐቴ ዐባይ ስከት ብድልት ዐለት። “ከላስ እንዴ ዐሬክዉ ቀይረኒ ኢበሉ?” ዲብለ ልብል ፍክር በጽሐኮ። ሳዐት ሰቦዕ እስቡሕ፡ ጸሓይ እብ ረአስለ ጋድም ለፋይሕ ቅብለት ሳሕል ሐወጸት። መካይን ተንዚም፡ ክምሰል እሊ ተካሲ ዲብለ ገብአት አካን እንዴ ጸንሐከ እግል ተአብጥረን ወትጸዐን እተን ምሽክለት አለብከ። እተ ዶሉ “ኤፋ” ለጅንሰ መኪነት እንዴ ትጸዐንኮ አስክ እምሀሚሜ ገጬ ተሀርበብኮ። መዐስከር አውጌት እስቡሕ ሳዐት ሐምስ ክምሰል ትጸበጠ ዲብ ረአስለ መኪነት ክምሰል ዐረግኮ ሰምዐኮ። ዲብ መዐስከር እምሀሚሜ፡ እንዴ ትሰርሰረው ለገይሶ አሲሪን ረኤኮ። ምን አርበዐ አስክ ሕምሰ ለበጸሖ አስሪን እብ ሰለስ ሙናድሊን ልትጌለሎ ዐለው። ለዐሳክር ኤማኖም ምድር ሰበት ሸወጠ፡ ናይ ሀረብ ፍክር ይዐለ እቶም። ብራሾ ማይ ምን እዴሆም ኢፈንተው። እግለ ረአው ሙናድል ‘ታጋይ ወሃ - ተጋይ ውሃ’ ሌጠ ልቡሉ። ዲብለ መዐሳክሮም ለዐለ መምተለካት ልሰዕ ነድድ ዐለ። ቅያደት ዴሽ አባይ ዲብ እምሀሚሜ፡ እተ ምሴት ለሀ፡ ሄሰት ዐባይ እግል ሊደው ፋይሕ መዳሊትስስ ክምሰል ዐለ እሎም ሸዊትሰብ ሐሬ ደግመ እዬ። ዲብለ መዐሳክር ቅያስ ለአለቡ ስተይ (ቢራ)፡ ጽብሕ፡ አስክ ለኢተሐረደየ አባግዕ ጸንሐዮም። ለቀደም ወርሕ ለፈሽለ ህጁም እት ወርሑ እግል ለዐዩዱ ለአዳለወ ሄሰት ተ ለዐለት። አነ ገጽ ቀደም ኢገብአ ምንገብእ፡ ዲብለ መዐሳክር እግል እሽከፍ ንየት ይዐለት እዬ። ወድ-ከባብ ለብእቶም ገሌ አንፋር መጅሙዐትነ፡ ለዲብ ሰነት 1980 ለትደፈነ ድድ-ደባብ አልቃም አመቱ እግል ልደው፡ እግል መካይን ወደባብ ደማን እግል ልክለቆ ዲቡ ታርፋም ዐለው። ምን እምሀሚሜ እንክር አውጌት ልትቀደም ለዐለ ደባባት ረከብኮ። ዲበን ክምሰል ትጸዐንኮ ፋሽ ወሐበን ትሰመዔኒ። ሀንደሰት ደማነት ደባባብ ሕነ…. እት ኢኮን እብ እገር ሸፈሕ ልብሎ ለዐለው ሙናድሊን ሑዳም ኢኮን። እተ ዶልዬ ርሱዐ ለዐልኮ ሕላየት ዲብ አፉዬ ጠብሽ ትቤ እዬ “ኢትሀብ ምንዬ ሳዐቼ…. እመጽእ ህሌኮ እምዬ ዋልዳይቼ! እሊቱ ሐቴ ምን ጀብሃት አባይነ መቅበረተ ተመት። ዲብ ነቅፈ ወሐልሐል ለዐለው ጅማዐትነ ክእነ ናይነ ወደው ምንገብእ፡ ከላስ ሚ ተርፈ! ለነኣይሽ መዓሳክር አባይ ዲብ እንደምር አስክ ዐዶታትከ መረሾት ቱ። …” ዲብ መሸንገለ ደባበት ዐባይ እንዴ ገብአኮ ሚ ይሐሰብኮ! ወእት አየ ኢበጽሐኮ! ለአምዕል ቀዳሚት ለትጸበጠየ ዐነክል አምባሰደርወንያለ እንክር ድማን እንዴ አትሌነ ሐለፍነ። ለብሩር ጋድም እት ክል አካን ለትማደደ ገናይዝ ዐሳክር አባይ ወለነደ መዐደኒታት ቅያስ ይዐለ እሉ። መዐስከር አውጌት ሸአግናሁ። እሳት ለትቀረሐት እቱ ድጌ ዐቢ መስል። ዲብ መንገአት አውጌት፡ ዲብ ውቁል ዐነዲ ለትሰቀለ ናይለ ክፈል ዴሽዴ ስሜት ለትከተበ እቱ ያፍተት ረኤኮ። ምን ደባበት እንዴ ትከሬኮ ዲብለ መዐስከር እግል እትጅወል አምበትኮ። ጽዋሮም እብ ግሬደር እንዴ ወደው አቅረት ክዉናሙ ዐለው። ለናይ ዙባጥ መሳክብ ሰኒ ለትሸቀ ሰበት ቱ ግሩም ቱ። ዲብ ቀበትለ መዐስከር ለህለ አብያት ክምሰል ረኤኮ ሰኒ ተዐጀብኮ። ግሩም ሳሎናት፡ እብ ናይ አፍራድ መምተለካት ለትመለአ፡ ክሉ ለለአጭረዋርሕ ዐፍሽ፡ ለጸብጠ ዐለ። “እሎም ላተ ዐሳክር እግል ልትበሀሎቱ?”እቤ ሰበት ትፈከርኮ። ምን ክል ቅዋት እንዴ ትወከለው ለተርፈው ሙናድሊን፡ ለምህም መምተለካት ምነ አካናቱ ዲብ ሸኑኩ ረኤኩዎም። ገሌ መስኡሊን “የለ ርፈዕ፡ ለዐርቀ ህዬ ልልበስ” ዲብ ልብሎ ሰምዐኩዎም። ክምሰለ እተ ሳልፋይ ህጁም ለሳድፈ ፈሸል፡ አዜመ እንዴ ሐደግናሁ እግል ኢነአንስሕብ ምኑ ሰበት ፈርሀውቶም መስለኒ። ዴሽነ ዴሽ አባይ እት ለሀልች ክራይ በጽሐ። አነ ህዬ ‘እንሰር ርተዕ’ ለልብል መስኡል ይዐለ እዬ። እተ ዶሉ አምበል ዐረዮት ዴሽነ ብዕድ ይአትዋየንኮ። ‘ኢተሀብ ምንዬ ሳዐቼ..”ለትብል ሐቴ ረአሰ ፍቲት ሕላየቼ እት ሐሌ አዜመ እት መኪነት ትጸዐንኮ ወገጽ ቀደም ትሀርበብኮ። ክራይ ምን አውጌት እንክር ቅብለት ምፍጋር ጸሓይ፡ ምን ማርሰ ቴክላይ ህዬ 18 ኪሎ ሜተር ራይመት ለህሌት አካን ተ። ዲበ ጋድም ሐቴ ማይ ለብእተ አካን ህታተ። ምን ቃብል ምስለ ከረቢት ክራይ ዲብለ ለአተቅብል ጋድም፡ ዴሽነ ክምሰል ዐሬክዉ ሀያይ እቤ። ምንለ አስክ እለ እት እብል እግለ ጅቁፍ ለዐለ ዐውቴታት እት ዐልብ እግል ነፍሴ አስአልክወ። ‘ምነ ህሌከ እተ አካን ኢትሕለፍ’ ለልብል አማውር ተሐላለፈ። አባይ ናይ ደንጎበ መዳፈዐቱ ዲብ ክራይ እግል ልግበእ ቀድር፡ ምንኬኑ፡ አስክ ማርሰ ቴክላይ ምዱድ ጋድም- እግል ልዳፌዕ እቱ ለቀድር ዐነክል ይዐለ እሉ። ደባባትነ፡ ሰበጣናት መዳፈዐን አስክ ክራይ ወጀሀያሁ። ክሉ ሙናድል አመት ከብዱ እግል ሊዴ ለዐል ወተሐት ልብል ዐለ። ምን ሰሩ መጃምዕ ስቃጥለ ወጉስማጥ ትከበትኮ። ስቃጥለ እንዴ ፈተሕከ ሐምሌ ገብአ ምንገብእ ቱ እግል ትብሉዑ ለትትናየት - ዲብለ ሰቦት አካን ማይ ወነብረ ሰበት ከሬዕ እግልከ። ስገ አው ሽሮ ገብአ ምንገብእ ጽምእ ወስክ እትከ። ዲብ ቀበትለ ዐለ መሳድድ ማይ፡ ቦጥ ማይ ዲብ ትወዜዕ ረኤክወ። ጀሪካናት እንዴ ጸብጥከ አስከ ሰዐይ ገብአ። ሐቆሀ ጃዝ ለትወዜዕ መኪነት መጽአት። ለካቤት ለትትከሀል ይዐለት። ገሌ መጃሜዕ በለሊት ዲብ ከተክት እንዴ አስረየ ምን እንጮጨሓይ ጸሓይ ዓዘለየ። ገሌ ግረ ለዐለው ሙናድሊን ህዬ ውሕዳቶም እግል ልሕዘው ክምሰል ንዋይ ሕባራት ኬን ወእንሰር አንጎገው። አመተ ኢተአመረት፡ ክልኤ ጥያረት ሐርብ እንዴ ትደሀረየ ሐልፈየ። ዲብለ መሐብዒ ለአለቡ ጋድም ለገብእ ሰበት ይዐለ፡ እብ ሸፋግ ትፈንጠርነ። አናመ ክምሰል አዳምዬ እንዴ አንቀዕረርኮ አስክለ ጥያራት አቅመትኮ። ድድ-ጥያራት ረሻሻት ለጸዐነየ መካይን ለጸብጠው አንፋር ሜከ ልትረገሶ ረኤኩዎም። ስልሖም እንዴ አዳለው ታከወን። ለጥያራት ምንመ ሆበለየ ኢለክፈየ። አንፋር ስለሕ ክቡድመ ሰበብ ይሐዘው እተን። ዶል-ዶል ሓለትለ ጥያራት ለአትፈክረኒ። እግልሚቱ ለኢለክፈየ አስክ እለ ለኢበልስክዉ ሰኣልቱ። የምክን ዴሽነ ወዴሽ አባይ ለዐለ እቱ ባካት እግል ልትፈረግ እለን ኢቀድረ ገብእ? ኮንዶእ! እላመ ይአከድኩወ። ለአምዕል ነፍስከ ለተአከርህ ካቤት ዐለት እተ። እብ ፈወራን ዲብ ቅያብ ለአተ ሙናድል ላኪን ይዐለ። ሙናድል አመት ከብዱ ወዕንዳቄሁ ወደ። ዲብለ ከተክትለ አቅበ እንዴ ትሳቀቀ ህዬ ታከ። አናመ ክምሰል አዳምዬ ዲብለ ዕዜላይ ሐዋን ባልሰት ለዐለት ክትክተት ረአሼ አድነንኮ። አስክ ምድር መሴ ህዬ ታኬኮ። ዘብጥ ንዩት ምንመ ዐልኮ ናይ በገስ አሻይር ላኪን ኢረኤኮ። ምስለ ኢተአምሩ ዴሽ እበይንከ አንጎጋይ አጊድ ትመሽጎ። ምን ሰልፍዬመ ቀይድ በተኮ እት ኢኮን እግል ሕለፍ ለሰምሐ እግልዬ ይዐለ። ለዲብ ሕሊል አልጌነ ለረፍዐክወ መስኡልየት ክምሰል አትዋየንኮ ከርተፍ እቤ ወዲብ መኪነት ትጸዐንኮ። ዲብ ቀበት ደቃይቅ ዲብ አውጌቼ ጠበሽ እቤ። መዐስከር አውጌት እብ አርዛቅ ልባስ ወነበረ ርጉሕ ጸንሔኒ። እስቃጥለ፡ ፈርማጆ፡ ሐሊብ ዕለብ… ምነ እሉ ትሸነሀከ ሕሬ ወክሬ ገብአ። ምሴት እብ ግዲደ ለእሉ ሐሬኮ እቡ ከብጄ መልአኮ። ምን እናድል ዲብ ዓርፍ እግል እሽቄ እት ኢኮን ዲብ ዓርፍ እግል እብለዕ እሊ ናይ ሰልፍዬቱ ለዐለ። ኬልም ነፍስ እግል ሐምስ ሰነት ለኢረክበተ ሙነት እትለ መደት እለ ተአወከተ። እተ ምሴት ለሀ ሳዐት 11፡30 እብ ጀሀት ክራይ ዘብጥ አስተብደ። ለህጁም ናይናቱ ሚ ናይ አባይ? ሐቴሀ ቀዌኮ። ሐቆ ክሉ እሊ ፈነ ወደማር ሒለት አባይ ሬሕ እግል ትብለስ መስኢት ይዐለ እዬ። ክምሰል ዐስከሪ ላኪን እግል ትትሸከክ ላዝምቱ። ለዝያድ ክልኤ ሳዐት ለጸንሐ ዘብጥ ድቁብ፡ ሳዐት 2፡45 ላሊ ሀምደ። ፈጅራተ ብሸራት ዐውቴ ትሰመዐት - ክራይ ተሐረረት። እስቡሕመ ሐርብ አተላለ። አሰልፍ ዴሽ አባይ ህጁም ሀረሰ። ዴሽነ ላኪን እንዴ በድረ እብ ህጁም ምዳድ ሰበት ትከበተዩ፡ አስክ ማርሰ ተክላይ እግል 18 ኪሎሜተር አትጋለበዩ። ለበዝሐት ሒለት አባይ ምን ማይት እት እሱር ገብአት። ሰር ህዬ ዲብ በሐር እንዴ አተው አንተሐረው። ቃእድለ ጀብሀት ለቴናንት ጀነራል ሑሴን አሕመድ፡ ሑዳት ደባባት ወመካይን ድሩዕ እንዴ ጸብጠ ምን ማርሰ ተክላይ አስክ ማርሰ ግልቡብ ገጹ ተረግ ቤለ። ሐቆ ሰለስ አምዕል፡ አንፋር መጅሙዐትነ፡ ዲብ መዐስከር አውጌት ተአከብነ። እብ ጀሀት መሓዛት ሸግለት ወወድጋን ለአተው እንዴ ኢተርፎ ምስልነ ተሓበረው። ወድ ከባብ፡ ሙሉጌታ (ቀራቂረ)፡ ተስፋንኪኤል (አባ-ጎይለ)፡ ክብሮም (ልሕቲት) መሐመድስዒድ (ቲናይ)፡ ዑመር (አቡዐምረ) ወብዕዳም …. ክል ነፈር እበ መጽአየ ልባስ ጀዲድ ለበሰ። እበ ናይ ዐውቴ ፈርሐት አንያብ እግል ሸማል እግል ልትቀለዕ ሕንከቶ ደአል ከፈዩ። ዲቡ ለዐለ ቢራመ ሑድ ኢኮን። መጅሙዐትነ ቢረ እግል ትቀራዴዕ አምበተት። ዲብለ ቅያስ ለአለቡ ቴፓት (መሰጀላት) አሽርጠት ዲብ ተሐሬ ወትከሬ ናይ ሱዳን፡ ናይ እንግሊዝ፡ ናይ ትግርኛ ወአምሐርኛ፡ ዛርከ ለቤሌካቱ እንዴ ወለዐከ ክስከስ ገብአ። ቢረ እንዴ ይእናድል ቀደም ስስ ሰነት ክም ሰቴክዉ ርኢሁ ይአነ። አክል እሊ ሴትያይ ምንመ ይዐልኮ ዲብ ናይ ፈርሐት መናሰበት ላኪን እጨርብቡ ዐልኮ። ቀደም አዳምዬ ህዬ ዲብ ሐፍን ልዘከረኒ። አሲሪን ዐሳክር እብ ቀደሜነ እንዴ ሐልፈው ዲብለ ጋድም ዝርኣም ለአስመነው። ገሌ እበ ቢረ ለትረይሐው ጅማዐትነ ምነ እስቃጥለ እንዴ ነስአው ናወለዎም። ለአሲሪን ህዬ ምን ሕድ ትሻተፈዉ። ለማሌ ማሎም ለዐለ ሴፈ! ለቢረ ህዬ ዲብ ደብር በራስ ሄሰት ዲብ ወዱ እግል ልሰተዉ ለተሐሰበ ዐለ። ረቢ ብዲበ እድንየ ክእነ ዕዛል ምሴ ወፈጅርተ። “ዐጀብ ውላድ አስመረ፡ እግል እሊ ሽን ለልጥዕምቱ ቢረ ዲብ ትብለ ትዳግመ እቡ ለዐልክን፡ ምን እሊዲ ለድሙ ድሙነ ልጥዕም ማሚ?” ቤለ ዎሮት ወድ ብሩር እግል ሰልፍ መረቱ ቢረ ክምሰል ጠምጠመ። “ትም በል ስቴ፡ እንተ ሐረስታይ፡ ዲብ ክል አካን ሐተለ ትጨርብብ ዐልከ እት ኢኮን ለዘት ቢረ ምን አትአመሬካቱ!” በልሰ እግሉ ዎሮት ምን ውላድ አስመረ…..። እብ ሰሓቅ ህጥቅ ገብአ። “ሐቆ ሕርየት ሚ ሽቅል እግል ትሽቄቱ?” ለሰሮም ጅማዐት ለክፈወ እቱ ሰኣል፡ አቡ-ዐምረ እንዴ ትከበተ፡ ‘ሙኒቺፒዮ’ ቤለ። አቡ-ዐምረ ወድ ግንደዕ ምስል መዲነት ሰኒ አምር ለቡ መለሀይናቱ። ክብሮም ልሕቲት፡ እበ ሕሽሕሽት ሕልቅሙ፡ “እንተ ኬልም ዲብ አፍ-ቤት ማይ ከዔክን፡ ግማመት ለከፍክን ዲብ ትብል ውላድ ብዳመ ወባሪስተ እግል ትሻቅል ሐዜከ!” ቤለዩ። አዜመ ሰሓቅ ዐመረ። “ወድ ሀይሌ ህዬ ሐቆ ሕርየት ሚ ጅንስ ሽቅል እግል ትሽቄቱ?” ለትሰአሌኒ ነፈር ይእዘከሮ… ላኪን ዲብዬ ለትወጀሀ ሰኣል ዐለ። “ እምበል እለ አደርስ እበ ለህሌኮ ትግርኛ ብዕድ ሚ እግል እሽቄ ቴልኩኒ! መምህር።” “እንተ ላተ ደሐን ህሌከ፡ ሽዕር እንዴ አፍገርካመ እግል ትንበር ትቀድር፡” ውላድ መጅሙዐትነ እብ ደአል ተሃገውኒ። ገረንኪኤል አቺቺ አፉሁ ከስተ። “ዲብ ማርሰ ተክላይ ምስል ወለት ተኽሌ እግል ነሐንብስቱ መሐምበሲ አዳሊ ወለት ተኽለ ነብሲ!” “ሚቱ መሐምበሲ ህዬ!” ዲብ ትትፈከር ትሰአለት። “መሐምበሲ ነክሲቱ ነክሲ!” “ግስ፡ ሚ ገብአኮ ከእብ ነስኪ ምስል ውላድ ሐምብስ፡ መንጠሎን እንዴ ወዴኮ ሐምብስ፡” ክምሰል ትቤ ክሊነ እብ ሰሓቅ በረጌዕ ገአነ። ወለት-ተኽለ ነፈር አገር ዴሽ ተ። ቍኣተ ሰበት በደ ምናቱ ምስልነ ለአስመነት። ለቢረ እት ረአሼ እግል ልዕረግ ወቅት ኢነስአ። ሐፋነት ለከልቀቱ እቼ ሽዑር፡ ምስለ ናይ ዐውቴ አዋይን እንዴ ትወሰከ ለውቀት ከልቀ እቼ። “ኢተሀብ ምንዬ ሳዐቼ፡ እመጽእ ህሌኮ እምዬ ዋልዳይቼ….” ሐቆ ሑድ ናይ ‘ሕጸናት’ አምዔላት፡ አስክ ድገለባይት ጀብሀት ነቅፈ ነከስነ። ሐቆሁ ሕርየት ሰቡዕ ሰነት እግል ንታከየ ክምቱ ለሐስበ ዎሮትመ ይዐለ! ሰለሙን ሀይሌ ሸዊትሰብ (ወድ ከባብ) 9ccmmg2z662kwb8l7hezxwczwlldwo9 0 325 9184 3994 2026-09-30T07:29:15Z HDR days 1837 /* */ 9184 wikitext text/x-wiki <big>ድራር ላሊ</big> መስፍን ተስፋይ ዲብ ክፍለት ስሳታት፡ ዲብ ቀላቅል ሰራዬ፡ ዐዲናይ ሃርፎ ጉሮቶ ዲበ ትትበሀል ዐድ ቱ። አምዕል ሐቴ አሰይድ መብራህቱ ተኽሉ፡ “አበበ” እንዴ ቤለው ትላከው። አበበ ማይ እግል ትወረድ ዕትሮሀ ዲብ መርከበ እንዴ ረፍዐት ትትበገስ ዐለት።እግል ቤዐል ቤቶምመ ትላከወን። አበበ ዕትሮሀ እንዴ ከሬት ፍንጌ አቡሀ ወእመ ክርክም እንዴ ትቤ ትገሴት። “አበበ ወለቼ….ገድም ደንገልኪ እግል ነአትሀዴኪ ቱ! እሊ እኪ ለነሀይቦ ነፈር በዐል ርስቲ ወበርከት እት ገብእ፡ አርበዕ ጽምድ አብዕረት ወከሌብ ለመልእ ንዋይ ሀለ እግሉ” እት ህግያሁ እግል ትወስክ አስክ እም ዕያሉ ወልብ ቤለ።እም ዕያሉ ላተ ኢፈርሐት፡ “ ሚ ትብሎ ህሌኩም? 16 ሰነት እንዴ ኢተአተምም አዪ ድንግልነ እንዴ ዐረ እባ ቱ፡ እሲቱ ለሞተት ቀሽ ነሀይበ” ንክድ እንዴ ትቤ በልሰት እሉ። አበበ ክምሰል መበል እግል ትፍገር ኢኮን ህዳይ ለልብል ፍክር እግል ኖሱ ዲብ ሙከ ሕውጽ ኢለአምር። “ኣምር ኢትግበእ ሜልካይ ግበእ” ክምሰለ ልትበሀል አሰይድ መብራህቱ፡ “ፈንጎሕ በዐለማርያም ለህሌት ሰነበት ዐባይ … ወለት ሀቡነ ለልብሎ እግል ልምጸ።ቱ እብለኪ ህሌኮ!” ሐቆለ ቤለ በሊስ እንዴ ኢልታኬ ወድብ ወራቱ ጌሰ። አበበ ዕትሮሀራፍዐት እት እንተ እንዴኢልትአመረ ማይ እግል ትወረድ አስክ ምዕጥን ጌሰት። አበበ አስክ ቤት ይአቅበለት፡ዕትሮሀ ዲበ መሓዝ እንዴ ሐድገት፡ ሕተ ዐባይ ዲበ ዐለት እተ ዐድ አስክ ቆሓይን ጌሰት። ሐቆ ሰለስ ሰነት ህዬ እግል ኪዳነ ተፈሪ በዐል ደርህላሴ ተሀዴት። ኪዳነ እብ ሐርስ ለነብር በዐል ተዋብ ዐለ።እተ ክምሰልሁመ ድያቆን ክታበት ወቅራአት ለለአምር ሰበት ቱ “ ቅረእ ወክተብ እግልነ” እበ ልብሎ ውላድ ዐዱ ፍቱይ ወሕሙድ ዐለ። ዲብ ሰር ስሳታት አበበ ሰለስ አጀኒት ዋልደት እት እንተ፡ ኪዳነ አስክ አስመረ ክምሰል ጌሰ እንዴ ኢለአቀብል አስመነ። እብላሁ ህዬ አውረሐት እንዴ ሐልፈ ዲብ ሰነት ተዐደ። “ማይ ለሰተ ጼነ አለቡ ወበልቀት ለኬደ አሰር” ክምሰለ ልትበሀል ኪዳኔ ምክራዩ ትቀዌት። ሐቆ ክልኤ ሰነት፡ መሕሙድ ዐሊ ለልትበሀል ጬወት እብ እክል ለበድል ዲብ ደርህላሴ መጸአ። መሕሙድ እግል ሐቴ እም “አበበ መብራህቱ ለትትበሀል እሲት አትዋጀሀኒ” እንዴ ቤለ ትሰአለ። ለእሲት ህምልት እት እንተ ሰኒ አው አቤኮ ኢትቤ። “አበበ…. አበበ እተየ ተአምረ? ምን አየ ለመጽአከ እንተ?” ሚ ሐዜካሀ?” ሰኣላት አተንከረየ እቱ። መሕሙድመ ኢተሀመለ፡ “ጬወት እንዴ ነስአት እክል ሰበት አንቀሰት ምንዬቱ ለሐዜኩወ” አመሳመሰ። ቴለሉ ሰበት ይአፍርሀየ፡ “ በል እላተ ቤት ኪዳኔ ‘አበበ’ እንዴ ትቤ ትላከየ!” እንዴ ትቤ አስክ ወራተ ጌሰት። አበበ ብዞሕ እንዴ ኢትትሃለግ ትከበተቱ። ህቱ ላኪን ጠዋሊ አስክ ከርስ ቤት አተ። “ሰኒ ሙዩያም?” ቤለ። አበበ ማይ አስቲኒ ለልብለ መስለየ ድብድየት ማይ መጤቱ። መሕሙድ እንዴ አስተረሐ ዲብ ንእዲ ትገሰ።አበበ መልሀይ እግል ትግበእ እግለ“ዝማም”እት ትብል ወለተ ትላኬት። ወቅት ኢነስአ፡ ምን ጂብ ስዴርየቱ ሐቴ ቡስጠት እንዴ አፍገረ እለ ኪዳኔ ነድአየ እትኪ” ዲብ ልብል አትከበተየ። “ እተየ ህለ....? ምዶል ረከብካሁ?” ህታመ ሰኣል ወጀሀት እቱ እግል ትእመን ሰበት ኢቀድረት። “ኪዳኔ ምስል ጀብሀት ህለ” ክርንቱ ድህር እንዴ አበለ ትሃገ። ኢፈሀመቱ፡ “ሚተ ጀብሀት?” ትቤት ከትሰአለት። “ሰውረት ኢተአምሪ!? ስለሕ እንዴ ተዐንደቀ ምስል ዐዋቴ ህለ።እበ ሱብርት ትግርኛሁ ደግመ እለ። “ሚ ወዱ? እብ ሽፍትነት ልትናበሮ?” “ኢኮን፡ ሕርየት እግል ለአምጽኦ ናድሎ፡’ አበበ እግለ ጀዋብ ዲብለ ቀርኦ አንፋር እግል ኢትንሰአ ፈርሀት፡ መሕሙድመ እግል ትደገግ እቱ ሐበረየ። <nowiki>****</nowiki> አበበ “ሚቱ ህዬ ጀብሀት …ሕርየት?” እት ትብል ስካብ በደ ምነ። ሐቆ ሳምን ዝያድ 50 ስለሕ ለተዐንደቀው አንፋር እግል ደርህላሴ ዐሽለው እተ። ምን ስካን ደርህላሴ ለዲብ አርወሐቶም ልሸከኮ በርገግ ቤለው። ሰር ህዬ ዲብ ቀበት አብያቶም ትወሸቀው።ዎሮ ምነ ሙሰልሒን አስክለ ቤትለ ሹምለድጌ እንዴ ጌሰ “ሕነ ሙናድሊን ሕነ፡ እብ ሸፋግ ነብረ አዳሉ እግልነ፡ ለሐመው አው ጸልዕ ለቦም ምን ለሀሉ ዶቶር ብነ ዲብነ ንድኡዎም፡” ክልኤ ሐብሬ ሓለፈው። አበበ፡ ኮማንዲስ መጽአው እንዴ ትቤ፡ ርሐ ወአጀኒተ እተየ ክምሰል ትትሐበዕ ቀዌት።ለህተ ወመሕሙድ ለአሙሩ ምስጢር ዲብ ኮማንዲስ ለበጽሐ እግል ኢልግበእ ህዬ ፈርሀት። እብ ሸፋግል ለጀዋብ ምነ ዐለ እተ አካን እንዴ አፍገረት ዲብ ሕፍረት ተነተ እንዴ ኣቴት አንደደቱ። ክምሰል ዋልዳይት ህዬ ቀደም አርወሐተ እብ ውላደ ትሻቀለት። ሕሙም ለአስነመ ንኡሽ ወልደ እንዴ ሐቅፈት ህዬ ዲብ ቆፎ አቴት። ይአደገ ኣባልገ ወልደ ቤተ ከርከሐ። ምናተ ቤት ምን ጀወ ሰበት ጠርበሰት ሕስ እግል ልሰመዕ ኢቀድረ። “አበበ፡ አበበ” እብ ትሉሉይ ትላከ፡ በሊስ ላኪን ኢረክበ። እት ከደን ትተልሄ ለዐለት ዝማም (ወለተ ለዐባይ) “ይመ ዲብ ቃረት ስለሕ ለረፍዐው የም አለቦምአንፋር ህለው። ባልጌ ብርሃነ ሑዬ ህዬ ልትላኬኪ ህለ’’ ትቤ ዲብ ትልህስ። አበበ ይአምነት። እበ ዎሮ እንክር ለቴለል እግል ተአክድ ወእበ ካልእ እት ከደን ለጸንሐት ወለተ ቤት እግል ተኣቴ ምነ ሕብዕት እተ ለዐለት አካን እንዴ ፈግረት ባብ ቤተ ከስተት። “ሚቱ ከሲት ምን አቤኪ?” ሙናድሊን እንዴ መጽአው ሐማይም ልርኡ ወዳው ሰበት ህለው ንዒ እሊ ጀነ አስኮም ኒጊስ እቡ” ቤለ ለባልጌ። አበበ ልበ ዲብ ለሀንድግ ወገሮበ ዲብ ረጅፍ ዲብ ቃረት ፈግረት። ሐኪም “ከፎ ራክብ ህለ… እንዴ ቤለ ልባሱ አፍገረ ምኑ….” “ለበለዐ ነብረ እባሀ በልሰ፡ ከብዱ ተሐብጥ፡ታከቦትመ አከረ” ቴለቱ። “ምን እሊ ከናይን ሐቴ እስቡሕ፡ ሐቴ ፋዱስ፡ ሐቴ ምሴት ምን እሊ ሽሮቦ ህዬ ሐቴ መዕለቀት እስቡሕ ወሐቴ ምሴት ሄቡ” ስሜቱ እግል ልሰጅል ምን ሸንጠቱ ከራስ እንዴ አፍገረ፡ “ስሜቱ?” “ብርሃኔ” “ብርሃኔ መን?” “ብርሃኔ ኪዳኔ ተፈሪ።” እብ ድግማን ፈጥነዩ። ክትምየቱ ተምሳል ናይለ ለአምሩ ነፈር መስለ እቱ። “ብእስኪ አየ ህለ?” አበበ፡ እብ ሸፋግ እግል ትብለስ እሉ ይሐዜት። እንዴ አድኖኔት ትም ትቤ። እብ ድግማን ትሰአለየ፡ ኢበልሰት እሉ። “እብ አማን እሊ ሕጻን ወድ ኪዳኔጐበዝ ቱ?” እለ ዶል እለ እብ ድንጋጽተወው ትቤ። ዲብ ባካተ ውላድ ዐድ እግል ኢለሀሉ ዕንታተ ድማን ውድገለብ ባለሰቱ። ሐኪም እግል ቃእድ ስርየት ወናይቡ ትላከ። እብ ህግየ ዐረቢ፡ እሊ ልትዳዌ ለዐለ ጅነ ወድ ኪዳኔ ጐበዝ ክምቱ ሐበረዮም። ቃእድ ስርየት፡ “አዜ እጅትመዕ ሰበት ብነ ክምሰል አትመምነ እግል ንምጸእቱ” እንዴ ቤለ ትሳረሐ። ምናተ፡ ክምሰለ ቤለወ ይአቅበለው። አቃርበ፡ ‘ብእስኪ እንዴ ሸፈተ አዳም ጀርስ ህለ ዲብ ሕኩመት እቴ ቤሉ። አው ህዬ እሲት ሽፍታይ ሰበት እንቲ ኢትምጽኢነ’ እግል ሊቦለ አምበተው። አበበ፡ “እሲት ሽፍታይ!” እንዴ ትበሀለት ሰበብ እግል ኢልምጽአ ሰኒ ፈርሀት። ሐቆ ሳምን ሰቦዕ ስሉሓም ሙናድሊን ዲብ ቤት ሹም ናይለ ድጌ አተው። ሹም እብ ድንጋጽ ለልብሉ ወከይዱ እንዴ በደ ምኑ ለዐል ወተሐት ትረገሰ። አበባመ ትላከወ፡ፋርሀት እት እንተ ህዬ ዲብ ቤትሹም ናይለ ዐድ በጽሐት። ኪዳኔ እት ቀደሙ ብሬኑ እንዴ የመመ ወዝናር እንዴ ተዐንደቀ ትከበተየ። ደንገጸት ወገጽ ግረ ውልብ ትቤ።ኪዳኔ ለፋይሕ ጸሎ አበበ ክእነ እንዴ ትጸረበ አምዒተ ሸብ ብህል እት እንቱ፡ ለዲብ ክል ሳምን ልትገደል ለዐለ ጭገረ ሊፍ ዲብ መስል ጸንሐዩ። “ እብ አማን አበባተ ገብእ?” እግል አርወሐቱ ትሰአለ። ዲበ ባካት እግል ብእስከ እብ ስሜቱ መትላካይ ወእት ቀደም አዳም ስዕመት ዔብ ሰበት ገብአ ወሰበት ለአከጅል ክምሰል ሰዐመቱ ተሐት ደነት ወከጅለት። ኪዳኔ እግል ክልኦት ውላዱ ድማኑ ወንድገለቡ እንዴ ሐቅፈ ጣሰሰዮም። “እሊ ስራይ አተላላይ ናይለ ቀደም እለ ለሀበውኪቱ ቱ። እብ መደጋግ ሄቡቱ፡ ” ህግያሁ እንዴ ኢልአተምም ሐቴ ሕጽሕጸት ዐባይ እት ቀደሙ ትከሬት። “ውህር አነ!” ፍርግጽ ቤለ።ዎሮት ምነ ምሔርበት “ስለሕከተዐንደቅ!” ምነ ምሔርበት እት ልብል አማውር ሀበ። “ይበ አስክ አየ እንተ?” ትሰአለ ለዐቢ ወልዱ። “እግል ነአቅብልቱ ቤትኩም ጊሶ” ቤለዮም ወእባሁ እግል ደርህላሴ ግራሆም እንዴ አትለው ሸንከት ምውዳቅ ጸሓይ ገርበው። ሹምለ ዐድ አርወሐቱ እግል ለድሕን አስክ ቦሊስ እንዴ ጌሰ “ ማሌ ሽፍተ ዲብ ዐድነ እንዴ መጽአው እብ ሒለት ነብረ አዘዘውነ ወእንዴ በልዐው ጌሰው” ለልብል ተቅሪር አቅረበ። እትሊ ወቅት እሊ ኢኮን እሲት ሽፍተ እግል ትትበሀል፡ እግል ሽፍተ አድረርኩም ወጸበሕኩም” እንዴ ትበሀለ አብያት አዳም ነድድ እቱለዐለ ወቅት ቱ። ሰብ ሰልጠት ንዛም ሀይለስላሴ፡ ሽፍተ (ጀብሀት) ለልትከበተ ዐዶታት ማለን እግል ልዘመት ወአብያተን እብ እሳት እግል ልንደድ እዙዛም ዐለው።ደርህላሴ ህዬ ሐቴ ምነ እግል ልንደደ ለትፈረደየ ደገጊት ሰበት ዐለት፡ ዐድ ክለ ትሻቀለት። ለትእዛዝ ሰምዐው አንፋር አበባ ውላደ እንዴ ነስአት ምነ ዐድ እግል ትፍገር ሐበረወ። ህተ ላኪን እኩይ ወሰኒ ምስል ሸዐብዬ ዲብ ዐጄ ትቤ። <nowiki>****</nowiki> ላሊ ሐቴ አክላብ ናይለ ዐድ ምን ቅያስ ወለዐል ነብሐው። አበበ ኢኮን አክላብ እግል ልትናበሕ ሽውየ ሐከሽ ስድ ሰምዕ እንዴ ኢትሰክብ ትትመዬ። እብ ፈርሀት ልባሰ እንዴ ገልበት ለብሰቱ። ፈርሀተ ኢሰረተ። ቤተ ትቀርቀፈት።“መን እንተን” ኢትቤ። ካሕ ….ካሕ ደጋገመ። ትም ሌጠ ትቤ። “ኪዳኔ አነ፡ ክሰቲ እዬ?” ቤለት ክሬነት ድህርት። “ እግል ለአትሀምሉኒ ቱ …!” ትቤ ትንፋሰ እንዴ ሐብዐት። ትም ሌጠወዴት። ኪዳኔ፡ “ለመሐልከ ሀቢኒ” ቤለየ። ክምሰለ ሙናድሊን “ድራር ላሊ ለልቡሉ አሰልፍ ክልኢቶም ለለአሙረ ከሊመት እንዴ ትነፍዐነቅመየ። ብዕድ ክልኢቶም ለለአሙረ ከሊመት እግል ልድገም ሐቆለ ትድዔት ኪዳኔ ክምሰልቱ ክም አከደት ፈጥፈጥ ዲብ ትብል ከስተቱ። ኪዳኔ ዝናሩ ኢፈትሐ። “እግል ፈጅር ከሚሽ ኮማንድስ እግል ልንስኡኩም እግል ልምጽኦክም ቱ ሰበት ኣመርነ፡ ሰለስ አምዕል እምበል ዕርፍ እንዴ ሄረርኮ ማጽእ ለህሌኮ። ወቅት ሰበት አለብነ እንቲ ትረፊ ውላጄ እግል እንስኦም” ቤለየ። ውላደ እንዴ ሳረሐት ህተ እግል ትትረፍ ይሐዜት።“የለ ትብገሶ ጅማዐቼ ዲብ ለይቶ ልትጸበሩኒ ህለው።እምበለእንዴ ቀነጽነ ግያስ ብዕድ ሕርያን አለብነ!” ለሐደስ አመተ ኢተአመረት ገብአ እተ። “እግል ተላክሞታቼ አስእሎም ሚ ትም እንዴ እቤ ኢጊስ?” ዲብ ሀመት አቴት። ዲብ ደንጎበ ምስል እመ እንዴ ትፋሀመት፡ ሳዐት ክልኤ ላሊ፡ እንዴ ትወለደው ለዐበው እተ ዐዶም ተረግ እንዴ አበለው ሄራር አምበተው። እግል መዲነት ማይ-ድመ እንዴ በትከው ሸንከት ምፍጋር ጸሓይ ገጾም አስክ ለይቶ ተሀርበበው። ለይቶ እብ ዕጨይ ሻፍቅ ወረአስ ሕድ ለትከወነ አክዑን ወአብዓት ለትመለአት ሕድ እንዴ ትላኬከ ለኢተአሰሜዕ እተ፡ ክም ምራድከ ለኢትትአቴ ከደን ከደን ተ። አመተ ኢተአመረት ሰበት ትብገሰው ለጸብጠው ሴፈ ልግበእ ወማይ ይዐለ ምስሎም። ስዖታት ሄረረው። አጀኒት ሰፍረ፡ ጽምእ ወተዐብ ምን ሕድ ትሰደደ እቶም። አበባመ እብ ክትር ግያስ ደካክ ገብአ ዲበ። ምነ አጀኒተ ሰበት ሐምቀት ገበይ እግል ትብተክ ኢቀድረት። ክም ተዐበው ህዬ፡ ዲብ ሐቴ በዐት ዓረፈው። ማይ ልግበእ ወነበረ ሰበት ይዐለት እሎም ላኪን እምበል እንዴ ትገልበብከ እብ ስምጥከ ገብእ ለረኩበ ራድኢት ይዐለት። ምን ክትረትለ ፈለል ወተዐብ ሕድ ዲብ ትርኤ ትም ሌጠ ገብአ። ኪዳኔ ምን ቃብል አስክ ዐስተር ለለዐቦርግ ተናን ሰበት ረአ፡ ማይ ወነብረ ምን ረክብ እንዴ ቤለ፡ ውላዱ ወእሲቱ ዲብ ዕዛል ሐቴ ዐባይ ዕጨት እንዴ ሐድገ አስክለ ተናን ለረአ እቡ ስያብ ጌሰ። ምን ቃብል ቅሩብ ለመስለ እቱ ቶጭ ዲብ ረይሙ ጌሰ። ህቱ ህዬ እንዴ ኢልትአመሩ ምን አጀኒቱ ወእሲቱ ዲብ ልሸተት ጌሰ። ሐቆ ሑዳይ ወቅት፡ እበ ኪዳኔ ልጌሰ እቡ እትጀህ ጠጠዕ ለልብል ክርን ርሳስ ትሰምዐ። ለርሳስ ረድ ፍዕልመ ዐለ እሉ። አበበ እንዴ ደንገጸት ዲብ ተአቴ ወትፈግር ሳዐት ታኬት። ኪዳኔ ላኪን ይአቅበለ።አጀኒተ ዲበ በዐት እንዴ አስከበት ቴለል ብእሰ እግል ቲዴ ሸንከትለ ዘብጥ ለትሰመዐ እቡ እንክር ነወል ወዴት። ለገብአት ሐብሬ ላኪን ኢረክበት። ህታመ እንዴ ኢልትአመረ ዲብ ትረይም ወምን መርበየ እት ትሸክፍ ጌሰት። አስክ አጀኒተ እግል ተአቅብል ክምሰል ትቤ ተግ ወካን ብራቀ።አስክ አየትገይስ ክምሰል ህሌትኢደሌት። እግል ተዓርፍ ዲብ ሕግስ ዕጨት ዐባይ ጅግሕ ትቤ። ምን ክትረተ ተዐብ ህዬ እተ አካነ ቀሸው እንዴ ትቤ ዲብ ስካብ ክቡድ ትሸመመት። ኪዳኔ እብ በኑ፡ አበበ እብ በይነ፡ ውላዶም ዲብለ ከደን ክርን ሰራይር ወኣው ከደን ሕድ እንዴ ትላኬከ ለኢተአሰምዕ እቱ ከደን እብራቁ ምን ሕድ በደው። ሐቆ አንጎጋይ ረዪም ኪዳኔ ማይ ወነበረ እንዴ ጸብጠ ዲብ ውላዱ አቅበለ። “እምኩም ህዬ አየ ጌሰት?” “ከንዶእ!” በልሰ ለዐቢ ወልዶም ገበረሂወት። ኪዳኔ በረ እንዴ ፈግረ “ዎ…አበበ… ዎ አበበ!” እብ ትሉሉይ ትላከ። ክርንቱ ምስል ክልኦት ደብር እንዴ ትዳገሸት ቃሎተ ሌጠ በልሰት እቱ። አበበ ትትሐለም ለህሌት መስለ እተ። ሐቆ ሊካ ብዝሕት “ዲብ እለ ህሌኮ” ትቤ እብ ክሬነት ድህር። ኪዳኔ ላኪን እግል ልስመዐ ኢቀድረ። ህቱመ ምን አጀኒቱ እግል ኢልብዴ ሰበት ፈርሀ ዲብ አካን ውቅል እንዴ ፈግረ እግለ ድዋራት እብ ዕንታቱ ዶረዩ።ውላዱ ለዐለው እቱ ዕዛል እሻረት እግል ሊዴ እቱ ሐዘ። ለድበዕ ወመካሪት ምድር ላኪን ክሉ ሐቴ ገብአ እቱ። ኪዳኔ አጀኒቱ ምነ ህለው እተ አካን እግል ኢልትሐረኮ እንዴ ሐበረዮም አበበ እግል ልሕዜ አስክለ ድበዕ አተ። ረዪም እንዴ ኢልሄርር ክርን ለወዱ መነትል፡ ሐሻይል ወሰራይር ምን መሳክቦም እንዴ ፈግረው ሐከሽ ቤለው። ናይለ ነኣይሽ ሔዋናት ብዙሕ ወይአፍረሀ፡ከራይ ምነ ድበዕ እንዴ ፈግረት አስክለ ውላዱ ዐለው እተ አካን ጌሰት። ኪዳኔ ለከራይ ምነ ድዋራት እግል ልልከፍ እተ ሐዘ። ምናተ፡ ከራይ እግል ትዳገን ለገብእ ዘብጥ ዝያደት ቤልዓይ ብዕድ ለልትላኬ ክምቱ ሸክ ኢወደ። ለሐስበዩ ሕሳብ ምኑ እንዴ አዝመ አስክ ውላዱ አቅበለ። ምን መስከበ ለፈግረት ከራይ እግለ አጀኒት ለዐለው እተ አካን ድማን እንዴ ሐድገተ ገጽ ቀደም ሐልፈት።ኪዳኔ እት ወርጠት ድቅብት ትከረ። ምስል አጀኒቱ ትገሰ ምንገብእ አበበ እብ ጽምእ ወሰፍረ እግል ቲሙት ቱ። አስክ አበበ ጌሰ ምንገብእ ህዬ አጀኒቱ ድራር ከረች እግል ልግበእ ቱ። ለእለ ወዴ ቀወ። ምን ሐዲስ እት ዕጨት እንዴ ዐርገ “ዎ…አበበ ዎ….አበበ!” እንዴ ቤለ ትላከ። ኪዳኔ ክምሰል ሙናድል ዲብ ከም ሕፉን ወብሩድ ለአተ ምንመ ዐለ፡ ድበዕ ለይቶ ላኪን አፍረሀዩ። አበበ እብ ክርን ድህርት እትለ ህሌኮ ትቤ። ኪዳኔ፡ እትጀህ ናይለ ሰምዐዩ ሕስ እንዴ ጸብጠ ምን ጌሰ ሐንቴ ዕጨት ጽግዕት እት እንተ ጸንሐቱ። ምን ብራሾሁ ማይ እንዴ አቀርደዐየ ምነ እንጌረ ንኢሽ እንዴ ከፍለ እንኪ ቤለየ። ምናተ፡ ሕልቅመ ሰበት ነሽፈት እግል ትደርየ ኢቀድረት።እብ ሰፍረ ወተዐብ ግያስ ሰበት ሰአነት፡ ኪዳኔ እንዴ ረፍዐየ ስጋደት ፈግረወትከረ እበ። አበበ እግል ተዓርፉ ምንመ ሐስበት መጋባተ እንዴ ትለሀፈ ተወዝ እግል ለአብለ ኢቀድረ። “ዎሮት ከእብ አምዕሉ ለትወለደ እንተ እት ሐቴ ዮም እግል ተአብዴነ!” ንክድት ዲብ እንተ ተሃጌት ወትቀጸበት። ዐይለት ኪዳኔ አስክ ጸልዐ ለሐዬ ምን በዐት ሐቴ ዲብ ብዕደት በዐት እት ትትናከስ ሰለስ አምዕል ዲብ ለይቶ ጸንሐት። <nowiki>*</nowiki> * * ለዘብጥ እት ፍንጌ አበበ ምስል አጀኒተ እንዴ አስረው እግል ልምጽኦ እብ ሕኩመት አቶብየ አስክ ደርህላሰ ለትለአከው ኮማንድስ ወፍንጌለ ኪዳኔ ልታከው ለዐለው ሙናድሊን ቱ ገብእለዐለ። ዲብለ መትባዳል ዘብጥ ኮማንድስ ክልኦት ማይታም እንዴ ሐድገው አስክ ዐረዘ ለሀርቦ እት ህለው፡ ሙናድሊን ህዬ ዎሮ ጅሩሕ ሰበት ዐለ እሎም ገጾም ተሐት አስክ በርከ አንሰሐበው።ዐይለት ኪዳኔ ህዬ ምን ዎሮት ወደግ ዲብ ብዕደት አካን እትትግዕዝ ለሰፍረ ወጽምእ ለተሓበረ እቱ ሰፈር እንዴ አትመመትወሬሕ ከሰለ- ሱዳን አቴት። ለዐይለት እብ ሰበብለ ፍንጌ ጀብሀት ተሕሪር ለትከለቀ ፈንጨጋር ዲብ ከሰለ ረብሸት ጸንሐተ።ኪዳኔ ምን መለገት ፈገርኮ ወድብ ደማን ለበ አካን በጽሐኮ ሕኔት ልብል፡ ዲብ ሐዘን ትሩድ ወእስትንተን አተ። አበበ፡ “ ዐድ አዳም አቴነ እት እምብል ሚ ጀሬት?” እግል ብእሰ ትሰአለት።እብ ሰበትለ ዐለ ቴለል ስያሰት ብእሰ እግል ለአስእለ ይሐዘ። ኪዳኔ ሐቆ ሳምን አጀኒቱ ወእሲቱ ዲብ ብሶቶም እንዴ ሰዐመዮም አስክ ሜዳን አቅበለ። ሐቆ ክልኤ ሰነት ህዬ እግል ዕርፍ እብ እጃዘት ከሰለ አቅብለ። መብራት ትወለደት ከጸንሐቱ። አውረሐት እንዴ ሐልፈ ዲብ ሖል ተዐደ። ኪዳኔ፡ ዲብ እለ ህሌኮ ለብል ከበር ኢነድአ።ዲበ ባካተ ለዐለየ እማት ወአንስ ሙናድሊን፡ከበር ውላደን ወአብእስተንረክበ እት ህለየ፡ከበር ኪዳኔ ላኪን ትሰተረ። አበበ፡ ምን ሜዳን ለመጽአው ጅኑድ ከበር ብእሰ ዶልትሰአሎም እት ሕድ ለይበይእ ሐብሬ እግል ትስመዕ አምበተት።ዎሮት ዲብ ከበሰ ሐደግክዎ ልብለ እንዴ ዐለ፡ ብዕድ ህዬ አዜ ዲብ ገረግር አስመረ ምስልዬ ዐለ ልብለ። ገሌ እግል ኪዳኔ ምን ቅሩብ ለለአሙሩ ህዬ ምን አበበ እግል ልሕብዖ፡ ገሌ ህዬ ገጾም ዲብ ልትባደል ወአልጠእ በልጠእ እግል ሊበሎ አምበተው። እበትፈናተ በሀል ወመታበዐት ጉገ ኢቀሰነ፡ ስካብ ህዬ በደ ምነ። አበበ ምን ሜዳን እንዴ ሪምከ ነቢር ይአመመአየ። “ኪዳኔ ዲብ ከሰለ ለሐድገኒ እት ህለ፡ በዐል ዐቅድኪ ሐቆ ገብአኮ እግል ክሉ ሰኒ ወእኩይ እግል ትትከበቲ ትዳለይ፡ ምን እለ ወሐር ወጠንተ በዐል ዐቅድኪ ብህልዬ ዐለ። እብሊ ገለድ ወጠን እንዴ ረፍዐኩምትወድዎ እግልነ ለህሌኩም ሹክረን። ምን እለ ምዕላይ ወሐር ምስል አጀኒቼ አስክ ሜዳን እንዴ ፈገርኮ አሰር በዐል ቤቼእግል እትሌቱ…!”ትቤ ከአስክ ሙናድል ኢሰያስ አፈወርቂ ጀዋብ ለአከት። በሊስ ሻፍግ እንዴ ተሀየበየ ህዬ ዲብ ሄለል ሰነት 1976 እግል ጸሓይ ወዕሳስ (ካምሲን) ከሰለ ግረ እንዴ ሐድገት አስክ ቅብለት ምፍጋር ጸሓይ ሳሕል ፈሕ አቴት። እምበለ ንኢሽ መብራት ለብዕዳም ገበረሂወት፡ ዝማም ወብርሃኔ እት መድረሰት ሰውረት እግል ልድረሶ አስክ ዜሮ ጌሰው። ዲብ መክተብ ስያሲ ለጸንሐያሀ፡ ዘውዲ ሀይሌ ወአልማዝ ሀይሌ ለልትበሀለ ዕሹራት ሙናድላት እግለ ወእግል ወለተ ሰኒ ራዐያሀ። መብራት ግርዝ ሰበት ዐለት እምበል ብለዕ ወሲቶ በዐል ሴመ ይዐለት። ምስል አንፋር ቅያደት ሌጠ ትውዕል ለዐለት። እሲት ጋሻይት ይህሌት ክምሰለ ልትበሀል አበበ እብ ሸፋግ ምስለ መናበረት ትላመደት። አንፋር መክተብ ስያሲ ዲብሽቅል ድቁብ ወእጅትመዓት ልትቀረኖ እት ህለው፡ ከረ ዘውዲ ህዬ ሽቅል በዝሕ እተን እት ህለ ህተ ሽቅል ክሽነት ናዬ እንዴ ትቤ ጸብጠቱ። <nowiki>*</nowiki> ** አምዕል ሐቴ ሸሪፈ ምን አምን ሰውረት፡ እብ ሽቅል አስክ ፈሕ መጽአት። እግል ኪዳኔ ጐበዝ ሰኒ ተአምሩ ዐለት። ዲብ ህጅክ አምዕል ሐቴ “ኪዳኔ ጐበዝ ዎሮት ምነ አነ እግል አስተሽህድ እንተ ጽነሕ….አነ እግል እሰፍሬ እንተ ብለዕ አነ እግል እጽመእ እንተ ርዌ ለልብል መብደእ ቁዋት ተሕሪር እብ ፍዕል ለተርጀመው ፍራስ ቱ። እለ እናድል እተ ለህሌነ ደውለት እግል ሓርያም አግማም ሰበት ገብአት ሕነ እግል ንሕለፍቱ ለልብል፡ ዲብ ነኣይሽ ለዐለት እሉ ፍቲ ወረሕመት ህዬ ቅያስ ይዐለ እለ” ትቤ። ሸሪፈ ህግየ እግል ትወስክ ተሐዜ ምንመ ዐለት፡ ዘውዲ እብ ዕንታታ አሸረት እለ። ሸሪፈ እብ ዓኒ ትትሃጌ ለህሌት እግል ትምሰል “ስምዒ እንዴ አበበ ኪዳኔ ጐበዝ ምዶልቱ እት ሰውረት ለፈግረ?” ምን መጸአኪ ህዬ ከም ወደ?” ሰኣል አትሌት። “አሃ ሚ ሰምዐኪ? ኪዳኔ ህዬ አነ እግል ሕለፍቱ ወብዕዳም እግል ለዐሩኒቶም እንዴ ቤለ ፈግረ ዲኢኮን እግል እንበርቱ ኢቤለ” አበበ ንክድ ትቤ። ዘውዲ እግል ሸሪፈ እብ ገጸ እግል ተአፍህመ ምንመ ጀረበት ሸሪፈ ላኪን ለህግየ ሰበት አትበገሰተ “ክሊነ ሙናድሊን ሕነ እንዴ እቤቱ። ሐሬ ህዬ ክሊነ እግል እስትሽሃድ ቱ ማሚ ለመጽአነ?” ወሰከት። አበባመ ፈሀመተ። አወለ እግል ልትዐሌ ለቀርበት ጀበነት እንዴ ሐድገት አስክ ምስካበ ጌሰት። ዘውዲ እብለ ውዲት እለ እግል ሸሪፈ ትበአሰተ። ዘውዲ ወአልማዝ አበበ እንዴ ዐረየ እግል ልሰጀዓሀ ጀረበየ። አበበ ላኪን ልባሰ እንዴ ወዴት መውዒታት ምንመ ኢወዴት፡ ሸፈት እንዴ ለብሰት ሲቅ ዲብ ትብል ትመዬት። ፈጅራተ መክተብ ዐስከሪ “ምሔርባይ ሽሂድ ኪዳኔ ተፈሪ (ጐበዝ) ዲብ ስርየት ዐብዱሩሕማን ክምሰል ዐለ ወድብ ዮም 17/1/1974 ዲብ ዛግር እተ ለገብአ ሐርብ እብ ፈራሰት ክምሰል አስተሽሀደ አሰአለወ። አበበ፡ እስትሽሃድ በዐል ቤተ ረስሚ ሐቆለ ኣመረት ኢሰክበት። ፈጀር ሐቴ ከረ ዘውዲ ወረቀት ቃርጨ እቡ ለዐለየ መቀስ እንዴ ሰርቀት አስክ አካን ሽን ጌሰት። ምን ብሶተ አስክ ዐረደ ሽሉክ ለዐለ ጭገረ እንዴ ቃረጨት ዲብ ከረ ዘውዲ አቅበለት። ዘውዲ ደንገጸት። ለገብእ ሰበት ይዐለ ህዬ እግለ ሙሩቅ ለዐለ ጭገረ አትሳኔት እለ። ሐቴ አምዕል ዲብ አካን ቅያደት ዲብ መክተብ ኢሳይያያስ አፈወርቂ ሽክ ትቤ። ዲብ ወቅት ዕርፍ ወጸብሕ ክሎም አንፋር ናይለ መክተብ ምስል ቡን ሰቱ ወትልጸበሖ ሰበት ዐለው፡ ዲብለ መክተብ ኣቲ ኢሐደሰ እተ። ለይአመለ ክምሰልሁ ወድሀ ኢሳይያስ ልብ ሰበት ለከረ እቱ “ደሐንቱ ማሚ?” እንዴ ቤለ ምነ ግሱይ እቱ ለዐለ ክርሲ እንዴ ቀንጸ መጦረ እተ ዐለት ምግሳይ ተዐደ። አበበ ወቅቱ እግል ተአብዴ ምኑ ይሐዜት። “ሰልሲቶም ውላጄ ዲብ መድረሰት ሰውረት ሰበት አተው፡ መብራት ህዬ ምስልኩም ሰበት ህሌት አስክ ሀይአት ተድሪብ እግል እትከሬቱ” ቴለቱ።ወድ አፈወርቂ “ዓይለት እብ ከማለ ዲብ ሰውረት….” ቤለ ከትም ወደ። “ክሎም አጀኒትኪ እት ሰውረት ፋግራም ሰበት ህለው ደለ እበ መጽአው ጀላብ እግል ልርከቡኪ ዲብ አካን ላጅኢን (እት ሐንቴ ሰውረት ለዐለ ሸዐብ) ደብዐት እንዴ ግስኪ ዋጅብኪ እግል ተአትምሚቱ፡ ” ዲብ ልብል በልሰ እለ። “ለወለድኩዎም አጀኒት አስክ ደፈዕ እንዴ ነድአኮ፡ አነ ግረ ምስል ላጅኢን እግል እግበእ?!” ገጸ አቀራጠነት። “ደብዐት መርከዝ ላጅኢን ምንመ ልትበሀል ክምሰል ክሉ አጅህዘት ጀብሀት ሸዕብየት ናይ ኖሱ እዳረት፡ ዔቅቢት፡ዕንዱቅ፡ እግል አከይ መቅሬሕ እብ ዐገብ ወአትአዐግቦት ነፍስ ለለአሰክብ፡አንፋሩ ዲበ ከብደ ወመረ ወራታት ተንዚም ለሻርኮ መርከዝ ዐለ። ክምሰል ክሉ ሙናድል ዲበ ትወዘዐ እተ አካን ለአደምዕ ወከድም።እንቲመ ዲቡ እንዴ ትወዘዐኪ እግል ትሽቀይ ቅሩር ህለ፡” ኢሳይያስ እግል እለ ሐብሬ እለ እንዴ ጨቅጠ ሐቆለ አሰአለየ የም ብዕድ ወቀዩገብአ። አበበ ዲብለ ጌሰቱ ሽቅል ሰውረት ኢከሰኒቱ እንዴ ትቤ እዴሀ እንዴ ከበት ወእግረ እንዴ ከርከመት ትም ኢትቤ። ምስለ እብ መጃምዕ እንዴ ትረተበየ ዲብለ አምኣት ሙጀርሒን ልትሳረው እተ ለዐለው እስብዳልየት መርከዝየት፡ አምኣት ሙናድሊን ምህሮ ስያሰት ለነስኦ ዲበ ቤት ምህሮ ካድር፡ መድረሰት ካድር፡ ዲብለ ላሊ ወአምዕል ስለሕ ወሴፈ ለልጽዕኖ ሰዋጌን መካይን ለዐስከረው እቱ መራክዝ፡ ዲብለ አላፍ ደረሰ መድረሰት ሰውረት ለዐለው እቱ ደገጊት ተንዚም፡ አስክ ሰዋክን፡ መራፊት፡ ቶከር ኮርበረከ ጭልሕንቴ፡ሐወሌዕ…. ለልትበሀል ምድር ሱዳን ዲብ ገይስ ዋጅበ እግል ተአግዴ አንበተት። ዲብለ ዝያድ 41 ዲግሪ ሰንትግሬይት ለበጽሕ ሐፋነት፡ ምድገ እንዴ አግሀረት፡ ሕለል ዐባዪ እግል ትኮክስ፡ ለሸቄተ ነብረ እግል ትካፍል፡ ለረስሐ ሸሓናት እግል ተአንድፍ፡ ልባስ ሙጀርሒን እግል ትሕጸብ ወትወርዕ እብ ደረጀት ቃእደት መጅሙዐት እግል ወቅት ረዪም ሸቄት። መደት ሐቴ ዝማም ዲብ እመ ደብዐት መጽአት። አበበ፡ ንኢሽ እት እንተ ለትፈንቴተ ድንግል ወለተ ክምሰል ረኤት “ ረቢ ውላድነ ኢልአቅዌነ ገደ እምኪ፡ እንዴ ፍዛኪ እግበእ “ ትቤ። ዝማም እብ ጀሀተ እት ረአስ እመ ለዐለት ፉጠት ረፍዐተ። “ጭገርኪ እግልሚ ቀረጭክዩ?” ቴለተ ንክድ ብህለት እት እንተ። “እንቲ ህዬ እግልሚቱ ጭገርኪ ድግድገ ወዴክዩ?” አበበ እግል ዝማም ወለተ ሰኣለ እብ ሰኣል በልሰት እቱ። ዝማም ለሰኣል አተዐሰየ። ክምሰል እሊ እግል ግርዝ ህንቅጥቅጥ እንዴ አበልከ ለተአስሕቆ፡ “ይማዬ…. ዲብ መጅሙዐትነ… ክእነ ክምሰል ወዴኮ…! ወድ ፍላን ራክቡ ዐልኮ…ክእነ ክምሰል ቤሌኒ….! ክእነ ክምሰል እቤሉ… ምን ከበሰ ለመጽአው አቡኪ ዲብ ሰሜናዊ ባሕሪ ረከብኩዎ ቤሌኒ …ብዙሕ ተሃጌት። አበበ ላኪን ኢበልሰ እተ። “ምን ስነንኪ ኢትሕመቂ ወለቼ” እንዴ ቴለተ ትም ትቤ። ዝማም፡ አስክ ዜሮ ለትትበገስ መኪነት ሰበት ቀንጸት ትበገሰት። እመ እብ ሰበት አቡሁ ትም ብሂለ ላኪን ኢፈቴተ። <nowiki>*</nowiki> * * ወቅት ብዕድ፡ ዲብ ባቆስ መድረሰት ካድርቱ። አበበ ድስ ዐቢ እንዴ ተኬት ዲብ ኮክሱ፡ ነፈር ዎሮት ምን ግራሀ እንዴ መጽአ ዕንታተ ገልበበ ምነ። ሕጻንቱ ሚ ወለት እግል ትፈርግ እት ገጸ ክሩይ ለዐለ አጫብዕ እብ ትሉሉይ ተማተመቱ። ምነ መድእለት ደረሰ መድረሰት ካድር ኢልግበእ፡ “ወድ ዐሊ…?አበረሀት… ወድ ሚካኤል”…ትቤ። ለሳሜቶም ላኪን ይዐለው። ገበረሂወት እብ ቀደመ እንዴ መጽአ፡ “ከፎ ህለየ ወይዘሮ አበበ” ቤለ። “መልህየት አፎ ኢትብል… መለሀይ…” ምን ክምሰልቱ ይኣመረት። እብ ትሉሉይ ሰዐመቱ።ገበረሂወት፡ “እግል ብርሃኔ እግል እርኤ ክምሰል መጽአኮቱ ለለወጥኪ እትኪ፡” ቤለ ለጭገረ እት መርከበ ለበጽሕ…እሙ ዲብ ልትዘከር።“አበባዬ…እሊ ክሉ ጭገር ትከንተ…?እንዴ ቤለየ ዝን ቤለ።አበበ ላኪን ገሌ ደሀይ አብእስተን እንዴ ኢረክበ ስኒን ለሓለፈየ፡ ገሌ እስትሽሃድ ውላደን ለሰምዐየ አዋልድ መጁምዐተ ምስለ ሰበት ዐለየ ክምሰል ረኤቱክም ዋልዳይትመ ዕልል አው ተበሰም ኢትቤ። “ጸርከ ከፎ ህለው…? ክምትጀርሐከ ሰምዐኮ ቅያርዬ ክምሰል መጸአተኒ እግል እግል እጋንሐከ ሓስበት ዐልኮ፡ ሑከ ደሐን ህለ ማሚ?” ቴለቱ። ዲብ ሕክምነ ጀብሀት ሸዕብየት ለበጽሐ ጅሩሕ ልግበእ ወሕሙም ክምሰል ኢለአስተሽህድ ሰበት ተአምን እብ ሕማም ብርሃኔ ወልደ ብዙሕ ኢትሻቀለት። “ብርጌድ 58 ዲብ ትሉሉይ ሸፍ ክምሰል ህለው ሰመዐኮ፡ ደሀይ ዝማም ሕትከ ብከ? ገብሪሂወት ደሀይ አቡከ እንዴ ኢትብሉ ደሀይ ሕትከ ትብሉ እት ህሌት ትፈከረ። እብ ሰበት ሕቱ ለለአምሩ ምንመ ዐለ እሉ፡ “ሕነ ላተ ዲብ ቅብለት ምፍጋር ጸሓይ ሳሕል ድዋራት አልጌነ ኢኮን ህሌነ። ከረ ዝማም ህዬ ዲብ ነቅፈ ህለው። ከበር ክምሰል አለቡ እግል እሙ እግል ለትአምነ ጀረበ። ዲብ ገሮቡ ገሌ ተቅዪር እግል ኢለአርኤ ዲብ ልትደገግ። <nowiki>*</nowiki> * * አበበ፡ ሰዋክን እንዴ ጸንሐት ዲብ መድረሰት ካድር፡ መድረሰት ካድር እንዴ ጸንሐት፡ መድረሰት ሰውረት፡ መድረሰት ሰውረት እንዴ ጸንሐት ሕክምነ፡ ዲብለ ምህለት ለኢለሀይብ ኬዋ ዲብ ትትፈረር አስክ አካነ እንዴ ኢተአቀብል ብዙሕ ወዴት። ክልዶል ላኪን እግለ ወእግል አጀኒተ እንዴ ኮትት ስካብ ለከልአ ቴለል ዐለ እለ። ውላደ እስትሽሃድ አቡሆም ስድፈት እግል ኢልስመዖ ዲብ ትደገግ ወለሰምዐቱ ከበር እብ ምስጢር ሕኩኪት እቡ ዲብ እንተ አጀኒታመ እምነ ከፎ እንዴ ወዴነ እስትሽሃድ አቡነ ነስእለ ዲብ ልብሎ ስካብ ሰአነው። መደት ሐቴ ቴለል ሸበህ እተ ረሀ እቱ ወክድ፡ አበበ እብ ዕርፍ አስክ ደብዐት መጽአት።ውላዳመ ምነ ዐለው እቱ አካናት እብ ዕርፍ አስክ እሞም መጽአው። ዲብለ ጨብላይት ቴንደት፡ ጠሊት ተሐረደት። ዓይለት ትጀመዐት። አበበ ውላደ እግል ቲበሎም ተለሐዜት ገሪት ዲብ ከብደ እንዴ ወሸቀት፡ አጀኒተ እብ ጀሀቶም ምስጢሮም እንዴ ዐቅረው ክልኤ ምዕል ሐልፈየ። አበበ እስቡሕ እንዴ ቀንጸት ቤተ አትናደፈት። ለዐለ እግለ ሸለትት ህዬ ዲበ እብ ብስር ለሸቄቱ ንእዲ ናጸፈት። ውላደ እብ ዎር ዎሮት ሃረሰቶም። መብራት ላተ ንኢሽተ ኢኮን “ይእቀንጽ” እንዴ ትቤ አቤት። “እግል ኒጊስ ሰበት ቱ ቅነጺ” እንዴ ቤለው ሀረሰወ። ምድጋመ ዕጨይ እንዴ አትሳወረው እቱ ለብ ወደ። ክምሰል አሰአልኩዎም ጪጭ እብ ብካይ ገብእ እግል ሊበሎቱ? ጪጭ… ቤለው ምንገብእ ምን እግል እጽበጥ…?” ምስል አርወሐተ ተሃጌት አበበ። “ከበር አቡኩም ርኩብ ህለ፡” ሚ ክምሰል ልብሎ ለረፍዐተ ህግየ ዐለት። ሐቆሁ ሚ ክምሰል ወዴት ላኪን ኢተአመረየ። እት ቀደም አጀኒተ ክርክም እንዴ ትቤ ጀለም እብ እንብዕ ትቤ። ገበሪሂወት ፈሀመየ “እግል ቲበሊናተ ለሐዜኪ ትፈሀሜነ” እግል ትእዘም ፎቃየ ጠፍጠፈ። በድረቱ እት ኢኮን ለእሙ እግል ቲበለ ሓስበት ለዐለት ህቱመ ሓስበ ዐለ። አበበ ዕንታተ ወኣንፈ እብ መንዲል ማሰሰት። “ወላጄ ፈዳብያም ገድም ሸንገልኩም ከላስ፡ እት ብርድት ወሕፍን ተአቱ ህሌኩም። አቡኩም “እሊ ንዳል ሕነ ነአነብቱ ውላድነ ህዬ እግል ተአተላሉው ወፍሬሁ እግል ትርአውቱ” ልብል ዐለ። እብ አመተ ኢተአመረት ምን ብዕዳም እግል ኢትስምዕወ አብኩም ዲብ ሰነት 1974 ዲብ ዛግር እብ ፈራሰት ወኤማን አስተሽሀደ…” እንዴ ትቤ አድሐ ጸዕደ አሰአለቶም። እግለ ዲብ መክተብ ዐስከሪ ለተሀየበተ ወረቀት እስትሽሃድ ህዬ መጤቶም። መብራት ከትምየት አቡሀ ተአምር ምንመ ይዐለት፡ እመ ዲብ ነብዕ ክምሰል ረኤት ሲቅ እት ትብል አዚም አቤት። ዝማምመ ደርበ ተሌት። ገብረሂወት እግል መብራት ዲብ ሕቅፉ እንዴ አጸግዐየ እግል ለትሓልየ ጀረበ። “… ሕነ እግል አበበ ከአፎ ነስእለ እምብል ዐልነ እት ኢኮን እስትሽሃድ አቡዬ ምን እንሰምዕ ረዪም ወዴነ ማሚ” እንዴ ቤለ ጾር ክቡድ ክምሰለ ሐድረ…ረዪም አተንፈሰ። አበበ እንዴ ኢትሰምዕ አጀኒተ እንዴ ሰምዐው እንዴ ኢለስኡለ ጸንሖም አትፈከረየ። “ከፎ ሰመዐኩም…? ክምሰል ቴለቶም ገብሪሂወት ዲብ ለአተናፍስ፡ ለሰምዐ እበ ገበይ ትዋሰፈት እሉ። “ዲብ መደት ተድሪብ መደርበት ኖስኖሶም ጀላብ እግል ልትኣመሮ ወልትፋሀሞ፡ እት ክል-ምዕል ለልትባደል ድራር ላሊ ለልትበሀል ምስጢር ዐለ። ለድራር ላሊ ዲብ ክለ ጀብሀት፡ መዓሳክር ሀይአት ተድሪብ መድረሰት ሰውረት፡ እብ አስማይ እሙራም ሹሀደእ ምሔርበት ቱ ለልትሀየብ። ዲብ ዜሮ እተ ዐለው እተ መደት ድራር ላሊ፡ ‘አብረሃም ተወልዴ…በራኺ ፈንቅል… ሳልሕ ጠጠው… ዲብ ልትበሀል ልትሀየበነ ዐለ። ምሴት ሐቴ ላኪን አነ ወዝማም ሕቼ ምስል ስርየትነ እት ተሽኪል እት ሕነ ‘ኪዳኔ ጎበዝ ለልብል ድራር ላሊ እብ ሕሽክሸክ ትከበትነ። ክልኢትነ ምስል እስትሽሃድ አቡነ እብ ድራር ላሊ ኣመርነ።’’ * አድብር ቅብለት ምፍጋር ጸሓይ ሳሕል - ድዋራት ዕንክለት ሰማይ አበበ መብራህቱ ኪዳኔ ተፈሪ (ጎበዝ) iq7qvp3vou763tojsxbqo8zehyw2x30