Vikipedii vepwiki https://vep.wikipedia.org/wiki/P%C3%A4lehtpol%E2%80%99 MediaWiki 1.47.0-wmf.5 first-letter Media Specialine Lodu Kävutai Lodu kävutajas Vikipedii Paginad Vikipedii Fail Lodu failas MediaWiki Lodu MediaWikiš Šablon Lodu šablonas Abu Lodu abus Kategorii Lodu kategorijas TimedText TimedText talk Moodul Mooduli arutelu Üritus Ürituse arutelu 0 11240 188385 180257 2026-06-09T15:14:48Z CommonsDelinker 4665 Removing [[:c:File:Bamako_Montage.jpg|Bamako_Montage.jpg]], it has been deleted from Commons by [[:c:User:Infrogmation|Infrogmation]] because: per [[:c:Commons:Deletion requests/Files uploaded by Mousssa NIAKATE|]]. 188385 wikitext text/x-wiki {{10000}}{{A10000}} {{Eländpunkt | Nimi = Bamako | Lidnanznam = Blason ville ml Bamako (Mali).svg | Flag = | Lidnanznam text = Bamakon lidnanznam | Flag text = Bamakon flag | Valdkund = Mali | Eläjiden lugu = 4,227,569 | Voz' = 2022 | Pind = 2,992 | Fail = | Pämez' = Adama Sankore<br/>(heinku 2007—,<br/>''Adama Sangaré'') | Telefonkod = +223-20. +223-44 | Aigvö = [[UTC]]+0 }} [[Fail:OSM Bamako-Badialan (Mali).jpg|thumb|left|250px|Lidnan keskuzpalan kart (2018)]] '''Bamako''' (mugažo [[francijan kel'|francijan kelel]]; [[bamanan kel']]: ߓߡߊ߬ߞߐ߬ ''Bàmakɔ̌'' «krokodiloiden jogi», [[fulan kel']]: 𞤄𞤢𞤥𞤢𞤳𞤮 ''Bamako-Adlm.'') om [[Mali]]n pälidn da kaikiš suremb lidn. Se om valdkundan pälidnaine ümbrik administrativižešti. == Istorii == Ristitun eländsijad oleliba neciš mectahondas amussai. Nügüdläižen eländpunktan aluz om pandud 17. voz'sadal. Kätihe Bamakod Francine Sudan-kolonijan päižeks lidnaks vspäi 1899. Om ripmatoman valdkundan pälidnaks vspäi 1960. Bamako šingotase pälidnan funkcijoil, valdkundan äjiden kompanijoiden päfateral sijadasoiš täs. Malin industrijan seičeme kümnendest om keskitadud Bamakon rajonas. Amussai lidn šingotase torguindal i käzitöil. Holitišiden sfer om kaikiš enamba šingotadud. == Geografijan andmused == [[Fail:Un-koulikoro region.png|thumb|left|250px|Lidnan ümbrišton kart (2008)]] Lidn sijadase valdkundan suvipäivlaskmas, [[Niger (jogi)|Niger-jogen]] muugotil lapakoil randoil, 350 m ü.m.t. keskmäižel korktusel. Tegimišton zon levineb jogen pohjoižel randal. Koume avtotesildad om saudud joges päliči vozil 1960, 1992 i 2011. Klimat om [[tropikad|tropižen]] savannan kaks'sezonine, subekvatorialižen pirdoidenke. Voden keskmäine lämuz om +28,0 C°, kuidme vajehtase +24,9..+32,3 C° röunoiš. Ekstremumad oma +6,1 C° (tal'vku) i +46,0 C° (sulaku, semendku). Il'man lämuz voib ületada +38 C° miččel taht kul, ei voi olda madalamb mi +17 C° semendkus i heinkus-sügüz'kus. Paneb sadegid 947 mm vodes, enamba heinkus-sügüz'kus (176..264 mm kus), kuiv sezon oleskeleb kül'mkus-sulakus (26 mm pordos), ei ole vihmoid tal'vkus. Kun keskmäine relätivine nepsuz vajehtase 20..27 % röunoiš tal'vkus-keväz'kus, 65..81 % kezakus-redukus, se om 33 % sulakus, 50 % semendkus i 38 % kül'mkus. == Tobmuz == Bamako jagase kudeks nomeruidud kundaks (kommunaks, I − VI). Ičeze municipaline suim i mer valičesoiš kaikuččes kundas. == Eläjad == Vl 1960 (ripmatomuden voz') 160 tuhad ristituid elihe lidnas. Vl 2009 eläjiden lugu oli 1,809,106 ristitud 245 km² pindal. Kaik 3,337,122 eläjad oli kaiken lidnan regionas 2992 km² pindal vl 2016. Migracii külišpäi i verhiš lähižiš maišpäi om luja. Lidn kogoneb valdkundan ristitišton videndest, no tegimišton pästandan enamba pol't. == Transport == Maršruttaksid oma kundaližeks transportaks Bamakos. Lidn om «[[Dakar]] — [[Niger (jogi)|Niger]]»-raudten lopstancijaks, ottas Nigerad laivjogeks. Bamako om ühtenzoittud avtoteil valdkundan agjoidenke. Rahvahidenkeskeine soda- da civiline lendimport Malin ezmäižen Modibo Keita-prezidentan nimed<ref>[http://www.aeroport-bamako.com/ Bamakon Rahvahidenkeskeižen lendimportan sait (''aeroport-bamako.com'').] {{ref-fr}}</ref> (edel 2016. vot nimitihe {{lang-fr|Bamako-Sénou}}, ''BKO / GABS'', 533 tuh. passažiroid vl 2012) sijadase vižtoštkümnes kilometras suvhe lidnan keskuzpalaspäi. Tehtas reisid Afrikan päivlaskman i pohjoižen pälidnoihe, Parižha i Stambulha. == Galerei == <gallery mode="packed" heights="125px"> Tour d'Afrique - Bamako.jpg|Afrikan čuhunduz (2008, ''Tour d'Afrique'') Bamako Cathedral.jpg|Iisusan Pühän Südäikeran kafedraline päjumalanpert', vn 2001 nägu (riman katoline) Mosque-maison-guide.jpg|Islaman uz' pühäpert' kommunas I, vn 2014 nägu CORRIGE USJPB 2.jpg|Juridižiden da politižiden tedoiden universitet, rektorat (2021) Vue du ciel de l'hôpital GT.jpg|''Gabriel Touré''-läžundkodi (2007) Aéroport international Modibo Keïta1.jpg|Bamakon rahvahidenkeskeižes lendimportas vl 2019 Bamako Train Station (6364786).jpg|Bamakon päraudtestancijan sauvuz (kuvan tagamal) vl 2001 </gallery> == Homaičendad == <references /> == Irdkosketused == * [http://bamako.ml/ Lidnan ohjastusen oficialine sait (''bamako.ml'').] {{ref-fr}} {{Commons|Bamako}} {{Afrikan pälidnad}} [[Kategorii:Bamako| ]] [[Kategorii:Malin lidnad]] [[Kategorii:Eländpunktad kirjamišton mödhe]] [[Kategorii:Mali|*]] [[Kategorii:Pälidnad]] [[Kategorii:Malin agjad]] s1lhzh63leljf5twxscz5taip8478ec