Wikipedia vlswiki https://vls.wikipedia.org/wiki/Voorblad MediaWiki 1.47.0-wmf.21 first-letter Media Specioal Discuusje Gebruker Discuusje gebruker Wikipedia Discuusje Wikipedia Ofbeeldienge Discuusje ofbeeldienge MediaWiki Discuusje MediaWiki Patrôon Discuusje patrôon Ulpe Discuusje ulpe Categorie Discuusje categorie TimedText TimedText talk Module Overleg module Event Event talk 0 26548 327542 318485 2026-09-29T15:11:50Z Kent Wang 31834 Replace with Jerónimos April 2009-4.jpg 327542 wikitext text/x-wiki {{Streektoale|Noordelik West-Vlams}} {{Infobox plekke in Portugal |noame= Lissabon |woapn= Crest of Lisboa.png |koarte=Montagem de Lisboa.png |koartebyschrift= |regio=Lissabon |district=Lissabon |latitudeGraden=38 |latitudeMinuten=43 |latitudeSeconden=0 |longitudeGraden=9 |longitudeMinuten=10 |longitudeSeconden=0 |ipp=100,05 |inw=509.515<br/ >(5.093/km²) |web=[https://www.lisboa.pt www.lisboa.pt] |foto=[[Ofbeeldienge:LocalLisboa.svg|250px]] |byschrift=Liggynge van Lissabon in Portugal |}} '''Lissabon''' ([[Portugees]]: ''Lisboa'') is den hoofdstad en grotste stad van [[Portugal]]. De stad ligt in 't westn van 't [[Iberisch Schiereiland]] ip de rechteroever van de riviere de Taag, dichte by den [[Atlantischn Oceoan]]. == Beziensweirdigheedn == ''Baixa Pombalina'', de 'beneenstad', is 't center van Lissabon met de Dominicoannkerke. E bitje verder ligt de ''Praça dos Restauradores'' mè tusschn de twèe pleings de stoasje Rossio. An de riviere de Taag ligt 't pleing ''Praça do Comércio'' met de toegangspoorte ''Arco da Rua Augusta''. Doa was vroeger 't Ribeirapaleis, de keunynklyke residensje. In de wyk ''Bairro Alto'', te westn van de ''Baixa'', zyn vele restaurangs en uytgoansplekn te vyndn. De dertig meter hoger geleegn wyk is vanuyt 't center te bereikn met e lifte, den ''Elevador de Santa Justa'' in neogotische styl van roend 1900. Tusschn de ''Baixa Pombalina'' en de ''Bairro Alto'' ligt de wyk ''Chiado''. E goeie tweihoenderd joar achter d' [[eirdbevynge]] van [[1755]] wierd de wyk geploagd deur e nieuwe rampe, de brand van [[1988]]. 't Carmoklooster, 't ''Teatro Nacional de São Carlos'' en 't beroemd ''Café A Brasileira'' (mè 't beeld van trouwe bezoeker Fernando Pessoa ip 't terras) zyn te vyndn in die toeristische wyk. Ten oostn van 't center ligt ''Alfama'', 'n oude volkswyk. Met heur smalle, steile stratjes en trapn is 't de moeite vo te bezoekn. Dweis deur de wyk kroenkelt tramlyne 28, woarip da nostalgische trams riën. De bekendste en oudste kerke van de stad, de kathedroale van Lissabon, en 't klooster van ''São Vicente de Fora'' zyn doa te vyndn. De voorstad Santa Maria de Belém ligt te westn van 't center. Doar hè je 't Hiëronymusklooster ''Mosteiro dos Jerónimos'' en de ''Torre de Belém'', alletweie [[weirelderfgoed]]. In 't klooster ligt o.a. den oentdekkyngsreiziger Vasco da Gama begroavn. In die wyk is ook 't ''Padrão dos Descobrimentos'' te ziën, e monument geleegn an den oever van de Taag en gebouwd en herbouwd ter eire van de Portugeesche zeivoarders. Enigte kilometers ten oostn van 't center ligt 't ''Parque das Nações'', bekend van Expo '98, mè 't aquarium ''Oceanário de Lisboa'', 't Vasco da Gama-wynkelcenter, de ''Torre Vasco da Gama'', e koabelboane en de treingstoasje ''Gare do Oriente''. De stad hèt twèe beziensweirdige brugn. De vroegere ''Ponte Salazar'', achter de val van zyn regime ommegedopt toet ''Ponte 25 de Abril'', noa d' Anjerrevoluusje in [[1974]], verbyndt Lissabon met de ''Outra Banda'', de zuydoever van de Taag. 't Oentwerp is van de zelfste firma lyk van de ''Golden Gate Bridge'' in San Francisco. Ip dezelfste oever stoat 't groot beeld Christus keunynk, die uytkykt over Lissabon. Te noordn van 't ''Parque das Nações'' ist er e nieuwere brugge over de Taag, de 17 kilometer lange Vasco da Gama-brugge. In 't ''Museu Nacional de Arte Antiga'', 't belangrykste kunstmuseum van Portugal, is oender andere vele werk te ziën van Noord-Europeesche kunstschilders lyk [[Jeroen Bosch]] en [[Albrecht Dürer]]. <gallery widths="175" heights="125"> Ofbeeldienge:Vista do Miradouro de Sta. Justa - Lisboa (Portugal)3.jpg|<div class="center">Rossio</div> Ofbeeldienge:Lisbon 3.jpg|<div class="center">Tramlyne 28</div> Ofbeeldienge:Jerónimos April 2009-4.jpg |<div class="center">Hiëronymusklooster </div> Ofbeeldienge: Torre de Belem 1.JPG|<div class="center">Torre de Belém </div> </gallery> {{Commonscat|Lisbon}} {{Hoofdsteedn in Europa}} [[Categorie:Stad in Portugal]] [[Categorie:Hoofdstad in Europa]] 0nfrc7noxbezfrenoazbepa3jhfa1wn