Wikisource wawikisource https://wa.wikisource.org/wiki/Wikisourd:Mwaisse_p%C3%A5dje MediaWiki 1.47.0-wmf.16 first-letter Media Sipeciås Copene Uzeu Uzeu copene Wikisourd Wikisourd copene Imådje Imådje copene MediaWiki MediaWiki copene Modele Modele copene Aidance Aidance copene Categoreye Categoreye copene Oteur Oteur copene Pådje Pådje copene Indek Indek copene TimedText TimedText talk Module Discussion module Event Event talk 0 6900 36694 2026-08-19T12:24:29Z ~2026-45371-49 1001 Ahivaedje 36694 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XII | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XI]] | shuvant = [[Tåtî l’ pèriquî/Ake III, Sinne XIII]] | aneye = 1934 (rortografiaedje) }} <div class="text"> {{tite|Ake III, Sinne XII}} <poem> '''Tåtî, Djètrou''' DJÈTROU ''(tot dissoflêye).'' Abèye do, nosse monsieû ! n-a lu Rwè qu’èst lâvâ ! TÅTÎ ''(èstoumaké).'' Qui dis-se la !… målureûse !… DJÈTROU. Oyi. TÅTÎ ''(tot foû d’ lu).'' Jèsus′ Mariâ !… Li Rwè låvå !… DJÈTROU. Oyi. TÅTÎ ''(tot corant avå l’ plèce avou dès-èclameûres).'' I sét qu’ dj’a lès cint mèyes Èt, po s’ rinde pôpulaire, å pus vite, i m’ vint vèy ! '''930''' S’il a r’çû l’ pètichon … DJÈTROU ''(a Tåtî).'' Vos djâsoz bin walon ?… TÅTÎ ''(sins l’ètinde).'' … I m’apwèt’reût co bin totes mès dècoråchons ! Binamêye Notru-Dame ås blancs-abits ! qwè dîre ?… S’ Matrognård èsteût chal dè mons !… Sire … je vous … Sire … DJÈTROU. Vos tronnoz lès balzins ! TÅTÎ ''(tot passant s’ main so s’ front).'' Dj’a sogne dè babouyî… '''935''' Po bètch’ter… dji bètch’trè… dj’ so sûr si m’ trèbouhî… DJÈTROU. Fât-i dîre qu’il amonte ? TÅTÎ. Nèni, rawårdez ‘ne gote… Dji sowe… dji tronle… mès djambes div’nèt come dès clicotes… DJÈTROU. Qu’ fât-i dîre ? TÅTÎ. Rawårdez… lèyîz-m’ on pô r’haper… A ! d’hez qu’i monte, alez ! ''(A pårt.)'' Porveû-ce qui dj’ pôye pårler ! </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] diy0841rxyjf12oidf77ejk7muaxzhu 0 6901 36695 2026-08-19T14:13:42Z ~2026-45371-49 1001 Ahivaedje 36695 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XIII | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XII]] | shuvant = [[Tåtî l’ pèriquî/Ake III, Sinne XIV]] | aneye = 1934 (rortografiaedje) }} <div class="text"> {{tite|Ake III, Sinne XIII}} <poem> TÅTÎ ''(tot mètant sès binokes èt alant so l’ pas-d’-gré).'' '''940''' A ! mon Diu ! dj’ô qu’i monte… vochal li côp ås djèyes ! Dji n’ m’a jamåy trové divins ine transe parèye… ''(Tot v’nant so li d’vant dèl sinne.)'' Ay !… dj’ va mori !… dji moûr !… ''(I tome di påmwèson d’vins on fauteûy qu’èst so li d’vant dèl sinne).'' </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] nm2uu3ofsfubdhazpr3fg4nnf3njgd4 0 6902 36696 2026-08-19T14:15:07Z ~2026-45371-49 1001 Ahivaedje 36696 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XIV | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XIII]] | shuvant = [[Tåtî l’ pèriquî/Ake III, Sinne XV]] | aneye = 1934 (rortografiaedje) }} <div class="text"> {{tite|Ake III, Sinne XIV}} <poem> '''Tåtî, Lårgosse''' ''(an grande tènuwe di tambour-manjôr dèl går-civique)'' LÅRGOSSE ''(tot-z-intrant).'' Wice ès-s’ don, fré Tåtî ? Proféciyat′, sés-s’, fré, po l’ gros lot ! ''(Tot vèyant Tåtî.)'' Faîs-s’ prandjî ? Qu’è-st-i gåy don, l’ pindård ! ''(tot l’ kihoyant.)'' Hê la ! as-s’ faît t’ sokète ? TÅTÎ ''(tot riv’nant a lu èt fant ‘ne grande révèrince).'' '''945''' Sire !… a vous… ji l’ peux dire… une croix d’honneur… LÅRGOSSE ''(a pårt).'' I s’ piede ! TÅTÎ. … Fèrait tout mon bonheur ! LÅRGOSSE ''(tot prindant Tåtî po li spale).'' Ki racontes tu la ? TÅTÎ ''(tot bodjant ses binokes po mî vey).'' Cwè ! C’ est vos k’ est la, Lårgosse ? LÅRGOSSE. Awè, fré. TÅTÎ. Èt li Rwè ? LÅRGOSSE. È-bin, li Rwè èst v’nou. TÅTÎ. Ainsi, c’èst todi vrêye ? LÅRGOSSE. Awè, èdon, qu’ c’èst vrêye. TÅTÎ. Kéle afwaire !… binamêye ! '''950''' L’avez-v’ vèyou ? LÅRGOSSE. Awè. TÅTÎ. È-st-i todi la -d’zos ? LÅRGOSSE. Quî don, la-d’zos ? TÅTÎ. Li Rwè. LÅRGOSSE ''(a pårt, èwaré).'' Diâle m’arèdje ! il èst sot ! Såbe di bwès ! kéne afaîre ! TÅTÎ. Rèspondez-m’ clér èt nèt′ : È-st-i låvå ? LÅRGOSSE. Awè. TÅTÎ. Fez-l’ monter, dji so prèt′. LÅRGOSSE ''(djinné).'' Rawårdez. ''(A pårt.)'' I våt mî do n’ nén l’ contråriyer. TÅTÎ. '''955''' Dji creû bin k’ i m’apwète lès creûs qui dj’a d’mandé. LÅRGOSSE. Dj’ sé bén… Djels a veyou. ''(A pårt.)'' I lî fåreût ‘ne singnêye. TÅTÎ. Sont-èle bèles ? LÅRGOSSE. Dji creû bin. ''(A pårt.)'' Loukans ‘ne gote èl pavêye. S’ i passéve on méd’cin, djèl pôreu fé monter. ''(I va loukî al finièsse.)'' TÅTÎ ''(tot s’ loukant è mureû)''. Anfin ! Anfin ! Tåtî, vo-t’-la don dècoré ! LÅRGOSSE ''(a pårt, tot loukant èl rowe).'' '''960''' Vochal l’afaîre. ''(A d’mèye vwès.)'' Mitchî ! TÅTÎ ''(tot v’nant tot près d’ Lårgosse). Qu’èst-ce qui li Rwè va dîre, Dèl fé tant rawårder ? C’èst qui ç’ n’èst nin po rîre… S’ènn’ aléve, qué novèle po mès dècoråchons ?… Si dj’ n’aveû nin mès creûs, dj’åreû on maîsse… LÅRGOSSE ''(tot lî côpant l’ parole). Djans don ! Divant dè r’çûre li Rwè, ratîtotez-v’ ine gote : '''965''' Fez on pô mîs raler vosse crawate, vosse capote. TÅTÎ ''(tot ralant d’vant l’ mureû).'' Djans ! </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] ecflns114s87p9p2gs68aptyjc2kquv 0 6903 36697 2026-08-19T14:29:41Z ~2026-45371-49 1001 Ahivaedje 36697 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XV | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XIV]] | shuvant = [[Tåtî l’ pèriquî/Ake III, Sinne XVI]] | aneye = 1934 (rortografiaedje) }} <div class="text"> {{tite|Ake III, Sinne XV}} <poem> '''Tåtî, Lårgosse, Mitchî''' ''(pwèrtant ‘ne bwète)'' MITCHÎ ''(a pårt a Lårgosse).'' Qu’ n-a-t-i d’ vos-ôrs ? LÅRGOSSE ''(a pårt a Mitchî, tot mostrant Tåtî).'' Chût′ !… vola ‘n-ome qui d’vint sot, Di grandeûr. MITCHÎ ''(a pårt a Lårgosse).'' A ! LÅRGOSSE ''(a pårt a Mitchî).'' I pinse qui l’ Rwè seûye la-d’zos. MITCHÎ ''(a pårt a Lårgosse).'' I fåt t’ni avou lu. LÅRGOSSE ''(a pårt a Mitchî).'' Fåreût lî d’gager l’ tièsse. MITCHÎ ''(a pårt a Lårgosse).'' I n’a rin d’aute a fé. Lî tinrez-v’ bin lès brès′ ? LÅRGOSSE ''(a pårt a Mitchî, tot disfant s’ poyou bonèt èt s’ såbe,'' ''qu’i mèt′ so ‘ne tåve å fond dèl sinne).'' '''970''' I-n-a on dômèstique qui dj’a vèyou låvå, Qui f’reût bin voste afaîre : ‘l a l’aîr fwért come on dj’vå. Dji n’ sé d’ wice qu’i s’ troûve chal. MITCHÎ ''(a pårt a Lårgosse).'' C’èst mutwèt ‘ne kinohance. LÅRGOSSE ''(so l’ pas-d’-gré, a pårt a Pènêye).'' Hê ! pchit′!… vinéz′ on pô ! </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] f4xtb3w40wdmc2azqwruxvzm3h90wd1 0 6904 36698 2026-08-19T14:46:15Z ~2026-45371-49 1001 Ahivaedje 36698 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XVI | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XV]] | shuvant = [[Tåtî l’ pèriquî/Ake III, Sinne XVII]] | aneye = 1934 (rortografiaedje) }} <div class="text"> {{tite|Ake III, Sinne XVI}} <poem> '''Tåtî, Lårgosse, Mitchî, Pènêye''' LÅRGOSSE ''(a pårt a Pènêye).'' Di rin, ni fez lès qwanses… Vola ‘n-ome qui d’vint sot… i fåt qu’on l’ sogne. PÈNÊYE ''(a Lårgosse).'' È-bin ? MITCHÎ ''(a pårt a Pènêye).'' '''975''' Ni pôrîz-v’ nin l’ tini po qu’i n’ si rimouwasse nin ? PÈNÊYE ''(a pårt a Mitchî, tot volant brokî so Tåtî).'' Èl tini ?… Nom tot-oute ! siya, djol pou bin dîre, Djo n’ dumande qu’one saqwè : dol sutrinde a m’ manîre ! LÅRGOSSE ''(a pårt a Mitchî, rat’nant Pènêye).'' Aléz′ èl plèce djondant… MITCHÎ ''(a Tåtî).'' Vinez ‘ne gote avou mi… TÅTÎ. Quî èstez-v’ ?… qui volez-v’ ? MITCHÎ. Vinez, vinez todi. '''980''' C’èst li Rwè qui m’avôye… TÅTÎ. A !… po l’ creûs ?… poqwè èst-ce ? MITCHÎ ''(tot ‘nn’ alant po l’ pwète di dreûte).'' Vinez, dji v’s-èl dîrè qwand n’ sèrans è l’aute plèce. ''(Tåtî èt Pènêye èl sûvèt).'' LÅRGOSSE ''(tot loukant ‘nn’ aler Tåtî).'' Pauve Tåtî ! å moumint qu’il aléve avu bon, Piède li tièsse come çoula ! fåt-aveûr dè guignon ! </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] lf21agj7w64o3gqixkrzvpj5fsqxnot 0 6905 36699 2026-08-19T15:02:17Z ~2026-45371-49 1001 Ahivaedje 36699 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XVII | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XVI]] | shuvant = [[Tåtî l’ pèriquî/Ake III, Sinne XVIII]] | aneye = 1934 (rortografiaedje) }} <div class="text"> {{tite|Ake III, Sinne XVII}} <poem> '''Lårgosse, Tonton, Djètrou, Nonård''' DJÈTROU ''(tot volant èspêtchî Tonton d’intrer).'' Duhindoz ! TONTON. N’ mi plaît nin ! DJÈTROU. V’ n’inturroz nin ! TONTON. C’èst ‘ne bone, '''985''' Qui ti m’ vêreûs disfinde dè rintrer è m’ mohone ! DJÈTROU. V’ n’inturroz nin ! TONTON. Nèni ?… dji tèl va fé vèy, mi ! ''(Èle flahe so Djètrou a côps d’ paraplu.)'' NONÅRD ''(tot riyant).'' A la bone eûre, matante ! DJÈTROU ''(tot s’ sètchant d’ costé).'' Diâle qui t’ vègne assoti ! NONÅRD ''(a Lårgosse).'' Quî èst-ce don, c’ste ågneûse-la ? LÅRGOSSE ''(a Nonård, tot haussant lès spales).'' Dji v’s-èl dîrè, d’hez mèl. ''(A Tonton.)'' Save bin avou vosse fré ? TONTON. Qu’i-n-a-t-i ? LÅRGOSSE I s’ troûbèle. '''990''' I dit qu’ li Rwè èst chal ! NONÅRD ''(èwaré)''. Mi monnonke ? TONTON ''(èwarêye).'' Si troûbler ! NONÅRD ''(a pårt).'' Vola s’ marièdje so flote !… Asteûre, fåt can’dôzer Mi matante ! ''(A Tonton, d’in-aîr di fåstrèye.)'' Pauve matante ! TONTON ''(anoyeûse).'' Mon Diu ! </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] deeqiexlde7oc0c5741ft1p63537ny8 0 6906 36700 2026-08-19T16:13:16Z ~2026-45371-49 1001 Ahivaedje 36700 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XVIII | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XVII]] | shuvant = [[Tåtî l’ pèriquî/Ake III, Sinne XIX]] | aneye = 1934 (rortografiaedje) }} <div class="text"> {{tite|Ake III, Sinne XVIII}} <poem> '''Lårgosse, Tonton, Nonård, Djètrou, Mitchî, Tåtî, Pènêye''' MICTHÎ ''(a pårt, tot-z-acorant foû del plaece d’ a costé).'' I s’ dimône come on diâle divins dèl bèneûte aîwe ! LÅRGOSSE ''(a Mitchî).'' Qu’i-n-a-t-i ? MITCHÎ. N-a qu’i faît come on distèrminé. TÅTÎ ''(tot-z-acorant avå l’ sinne come on pièrdou,'' ''avou dès bwètes tot plin s’ hanète).'' '''995''' Å voleûr ! å moudreû ! TONTON ''(tot s’ sètchant d’vins ‘ne cwène).'' Signeûr ! MITCHÎ ''(tot s’ såvant d’vins ‘ne cwène, a Pènêye).'' V’ l’avez laché ! LÅRGOSSE ''(a Pènêye, tot rèscoulant d’ deûs pas).'' Rapicîz-l’ ! ''(Pènêye rihape Tåtî d’vins sès brès′.)'' MITCHÎ. Tinez-l’ bin ! PÈNÊYE. Il èst come èn-on vis′. NONÅRD. Prindans ‘ne cwède èt loyans-l’. TÅTÎ ''(tot sayant di s’ sètchî foû dès brès′ d’ a Pènêye)'' Oûy ! way ! PÈNÊYE. N’a pus nou risse ! TONTON. Dji m’ènnè dotéve bin qu’ çoula toûn’reût ainsi. LÅRGOSSE. Ci sèrè po s’ måleûr qu’i s’årè-t-aritchi. NONÅRD. '''1000''' N’a måy situ sûti. MITCHÎ. D’on sot il aveût l’ mène. PÈNÊYE. On vèyéve bin qu’ ‘l aveût on bwès foû d’ si faguène. TÅTÎ ''(a Pènêye).'' Mi lach’rez-v’ ?… sélèrat ! DJÈTROU ''(a pårt).'' Qu’a-t-i faît, hèy ? TÅTÎ ''(tot loukant Nonård).'' Djubèt ! TONTON. Fårè bin qu’on l’ rèssére… LÅRGOSSE. Mètez-l’ amon Pilèt. NONÅRD ''(a Tonton).'' Ås Lolås ! v’s-è sèrez bin mèyeû martchî qwite ! TÅTÎ ''(i s’ sètche foû dès brès′ d’ a Pènêye, potche so l’ såbe'' ''d’ a Lårgosse qu’èst so l’ tåve, èt s’ mèt′ an garde).'' '''1005''' Qu’on vinse asteûre ! ''(A Nonård, tot l’ loukant è cwèsse.)'' Rin-n’-våt ! ''(A Mitchî, tot håssant d’ssus avou s’ såbe.)'' Twè bodje-mu tès bwètes, vite, Ou dji t’ towe ! MITCHÎ ''(tot rèscoulant disqu’a conte li meûr).'' Dj’ lès bodj’rè… Tos doûs ! TÅTÎ ''(so l’ timps qu’on lî bodje sès bwètes).'' Mi rèssèrer ? Èst-ce mi qu’èst sot ?… Pårlez… D’hez poqwè !… LÅRGOSSE ''(djinné).'' Pa !… vos d’hez… Qui li Rwè… èst låvå… ''(I r’prind tot doûcemint l’ såbe foû dès mains d’a Tåtî.)'' TÅTÎ ''(tot mostrant Djètrou).'' Vola quî l’a v’nou dîre. TONTON ''(a Djètrou).'' Poqwè d’hez-v’ çoula, vos ?… DJÈTROU ''(a Lårgosse qui rèy).'' Bin, vos poloz bin rîre !… '''1010''' C’èst vos qui m’a faît dîre quu lu Rwè èsteût v’nou… LÅRGOSSE ''(tot riyant).'' A Lîdje ! DJÈTROU ''(tot-èwarêye).'' Çu n’èst nin vos ?… PÈNÊYE ''(a Djètrou).'' Grosse bièsse ! DJÈTROU. Dj’aveû pinsou … NONÅRD ''(mostrant Lårgosse).'' Qui c’èsteût lu li Rwè ?… ''(Djètrou tote honteûse faît sègne qu’awè ; tot l’ monde hah’lêye, såf Tåtî èt Tonton.)'' NONÅRD ''(tot riyant)'' Fåt-aveûr l’oûy Pérèye ! PÈNÊYE ''(a Djètrou).'' N’ veûs-s’ nin qu’ c’è-st-on jandâr ? DJÈTROU ''(tot loukant è tére èt mostrant Tåtî).'' I d’héve qu’i v’néve quéqu’fèye… TÅTÎ ''(a pårt, tot honteûs, loukant Djètrou è cwèsse).'' Ågne ! ''(Pènêye èt Djètrou ènnè vont tot djåsant tot bas èssonne.)'' </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] oockzm8wpdre3gn1xkfxti35qs3ve8f