Wikisource wawikisource https://wa.wikisource.org/wiki/Wikisourd:Mwaisse_p%C3%A5dje MediaWiki 1.47.0-wmf.19 first-letter Media Sipeciås Copene Uzeu Uzeu copene Wikisourd Wikisourd copene Imådje Imådje copene MediaWiki MediaWiki copene Modele Modele copene Aidance Aidance copene Categoreye Categoreye copene Oteur Oteur copene Pådje Pådje copene Indek Indek copene TimedText TimedText talk Module Discussion module Event Event talk 0 6920 36751 36745 2026-09-14T16:29:09Z Scribus electronicus 501 36751 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XX | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XIX]] | shuvant = [[Tåtî l’ pèriquî/Ake III, Sinne XXI]] | aneye = 1934 (rortografiaedje) }} <div class="text"> {{tite|Ake III, Sinne XX}} <poem> '''Lårgosse, Tonton, Mitchî, Tåtî, Matrognård''' TÅTÎ ''(tot s’ grètant drî l’orèye)''. Iy ! îy ! copète di Diu !... ''(Tot s’ måvlant.)'' O ! l’ rin-n’-våt !... o ! l’ savate ! Dji vou qui l’ diåle mi magne si dj’ nèl hèye nin è qwate ! '''1030''' Il assotihe è s’ pê pace qui dj’ lî a r’côpé Si avône dizos s’ pîd… S’i saveût çou qu’ dji sé !… Mins djèl rårè, savez ! MATROGNÅRD. Ni v’ dinez nin tant d’ pône ; On sét tot al Gazète èt il a r’çû s’ kich’tône : Il a ravu s’ lîvrèt. ''(Lårgosse djåse tot bas avou Mitchî, tot r’mètant s’ såbe èt s’ poyou bonèt.)'' TONTON ''(a s’ fré)''. Si v’ m’avîz hoûté … hin ?… TÅTÎ. '''1035''' S’on saveût todi tot, on n’ pièdreût jamåy rin. Mins dj’a ine pome po l’ seû : dj’ va sayî dè marièdje Avou Marèye. S’ matante lî laît in-ètitèdje D’a pô près cint mèyes francs, èt, d’après l’ mèssèdjî, C’è-st-ine rôye rabatowe… èlle èst po l’ laîd Wåtî. '''1040''' Çou qu’ dji pièd′ d’on costé, ainsi, djèl rårè d’ l’aute : C’èst tére èwale. TONTON ''(èwarêye)''. Si vite ?… V’s-èstez dès droles d’apôtes ! ''(Èle si mèt′ a djåser tot bas avou Matrognård)''. </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] 7meywihw8lkw40n19v1yod74su76mas 0 6924 36750 2026-09-14T12:52:18Z Scribus electronicus 501 Ahivaedje 36750 wikitext text/x-wiki {{tiestire | tite = [[Tåtî l’ pèriquî]] | oteur = Édouard Remouchamps | seccion = Ake III, Sinne XXIV | rortografieu= {{l-oteur|Jean Haust}} | divant = [[Tåtî l’ pèriquî/Ake III, Sinne XXIII]] | aneye = 1934 (rortografiaedje) }} <div class="text"> {{tite|Ake III, Sinne XXIV}} <poem> '''Tonton, Tåtî, Matrognård''' TONTON ''(a Matrognård)''. Vos, rindez-li sès çanses ; i s’ pass’rè bin d’ lèçons ! MATROGNÅRD. Lès çanses ? dji n’ lès-a pus ; mins i lès-årè d’ bon. I n’ pièdrè rin ; dj’inme mîs d’èlzî d’veûr tote mi vèye '''1105''' Qui dè måy lî noyî. ''(A pårt.)'' C’è-st-ine råre, èdon, lèy ? TONTON ''(a Tåtî)''. È-bin, è-bin ! asteûre, qué novèle don, Tåtî ? Vo-t’-la bin crås, hin ? TÅTÎ ''(a pårt a Tonton)''. Chût′ dji pou co fé l’ rintî : D’pôy qui l’ Govèrnèmint a-st-aboli l’ contrainte, On pout viker d’ sès dètes, come on vike di sès rintes ; '''1110''' Dji f’rè-t-on p’tit comèrce divins n’impôrtè qwè, Dji f’rè-t-ine grosse falyite, adon dji m’ ritir’rè ! TONTON ''(lès pogn so sès hantches)''. Tot fant l’ voleûr, ainsi ? TÅTÎ ''(d’vins l’imbaras)''. Li voleûr !… c’è-st-a dîre … C’èst l’ môde… TONTON ''(tot r’lèvant l’ tièsse)''. Mi, dji n’ vou nin dès çanses di mål aqwîr ! Dj’oûvurrè po viker, dji n’årè qu’ine cote è m’ cou, '''1115''' Mins dji rot’rè l’ tièsse lèvêye ! M’avez-v’ bin ètindou ? ''(Tot mostrant Matrognård.)'' I v’ fåreût, vos èt lu, come dji v’s-èl va fé vèy, Qui l’s-ålouwètes èl boke vis toumîse totes rostèyes !… ''(A Matrognård, souwêyemint.)'' Vos d’mandîz po m’ èl fans-n’ ? dji vou bin. MATROGNÅRD ''(èspaw’té)''. Qwand ? TONTON. Tot dreût. MATROGNÅRD ''(tot lèyant pinde ine grosse lèpe)''. O !… si c’èsteût… divins sîh… ou saze ans… TONTON ''(a Matrognård)''. '''1120''' Dinez l’ main diqu’al coûde a m’ fré èt a Marèye ; Vos-èstîz tos lès treûs amoureûs… dès cint mèyes ! ''(A Tåtî, tot s’ creûh’lant lès brès′.)'' Asteûre, qu’alans-n’dju fé, qui vo-v’-ri-la, boubiè, Ritche d’on tonê d’aflitches èt d’on trawé huflèt ? Dihez, qu’alans-n’dju fé ? rèspondez don, vî lwègne ! TÅTÎ ''(tot s’ grètant drî l’orèye)''. '''1125''' Savez-v’ bin qwè, Tonton ?… Aléz’ ripinde l’èssègne ! TONTON. Après çou qu’ lès-autes ont, i n’ fåt jamåy linw’ter. Li ci qu’ vout dès djônes tchins, i n’a qu’a ‘nn’ ac’lèver, Èt d’vins tos lès cas, qu’il arive çou qui ç’ voye, I n’ fåt jamåy compter so l’oû è cou dèl poye. ''(å public.)'' AIR : ''On dit partout que je suis bête'' '''1130''' Tos treûs il ont batou l’ campagne, Tot fant leûs tchèstês è l’Èspagne, Ca i pinsît dèdja turtos È leû potche aveûr li magot. Il ont roûvî qui måy sins pônes '''1135''' Come dit li spot, ni vint avône, Èt d’ pus′ qu’on n’ deût jamåy compter So ‘n-oû qui n’èst nin co pouné. ''(Tos èssonne.)'' Èt d’ pus′ qu’on n’ deût jamåy compter So ‘n-oû qui n’èst nin co pouné. TÅTÎ ''(å public)''. '''1140''' L’auteûr, tot fant cisse comèdèye, Èl tièsse n’aveût qu’ine îdèye : Ç’a stu di v’ fé rîre on p’tit côp, Po-z-èsse pus sûr di vos bravôs. I sohaîte qui s’ piéce vis-ahåye, '''1145''' Mins por lu, c’èst l’oûhê so l’ håye ; Ossu, n’a-t-i wåde dè compter So ‘n-oû qui n’èst nin co pouné. ''(Tos èssonne.)'' Ossu, n’a-t-i wåde dè compter So ‘n-oû qui n’èst nin co pouné. </poem> </div> [[Categoreye:Ouves sicrîtes e Feller|Tåtî l’ pèriquî]] [[Categoreye:Ouves sicrîtes e Feller-Haust|Tåtî l’ pèriquî]] ew6a1xe6yxg82asyahfd7s5ccie6fx2