Wikisource wawikisource https://wa.wikisource.org/wiki/Wikisourd:Mwaisse_p%C3%A5dje MediaWiki 1.47.0-wmf.20 first-letter Media Sipeciås Copene Uzeu Uzeu copene Wikisourd Wikisourd copene Imådje Imådje copene MediaWiki MediaWiki copene Modele Modele copene Aidance Aidance copene Categoreye Categoreye copene Oteur Oteur copene Pådje Pådje copene Indek Indek copene TimedText TimedText talk Module Discussion module Event Event talk 0 6672 36760 35475 2026-09-17T16:14:07Z Borhan 1003 ([[c:GR|GR]]) [[c:COM:FR|File renamed]]: [[File:Wa Denis Nelly toubaks (1).ogg]] → [[File:Wa Denis Nelly toubaks (I).oga]] [[c:COM:FR#FR1|Criterion 1]] (original uploader’s request) 36760 wikitext text/x-wiki {{modeyes|[[Lë toubak|Feller-Francard]] — [[El toubak|Rifondou]]}} {{tiestire | tite = ‘L toubak | oteur = Nelly Denis | aneye = 2025 }} {{odio | Wa Denis Nelly toubaks (I).oga | Schoûtez Nelly Denis leye-minme<br/>(tecse ene miete diferin) }} <div class="text"> {{tite|‘L toubak}} Dj'va vous côser dou toubak. 'm grand pér et m' pér estin fabrikan' d'toubak se la Smois, à Poupan. C'èsto un p'tit viyadje din la vallée, in pô rafoncî, les toubaks estin plantés dans les côss, ô sud, en françès, on diro se l'adret. S'n esto ni éji pou sy travailli, paske s'esto for en pente. Coumin s' k'on fjo l' toubak ? Bin, a pôrti dou mwè d' mars, on mèlandjo les grîns de toubak ave dou terrô très fin, à pô prè un dé à ceud pour 8 à 10 m2 de coutche. On les metto dans des pots à confiteur du s'ki fjo tchô, par ex. pa dzeu la tchemnée. Aprè kék djour, on wèyo dja les grîns qui kmassin à dgermé. Pendant s'tin-la, on prèparo les coutches, elles s'estin nettyîs, on brûlo minm le terrô sur des toles qu'on zavo mèteu l'fu pa d'zou pour le r'cour. Coum sa, on fjo crèver les p'tites béss et les môvéz grîns. Sa sinto bon din l'viyadje. Pour les afents, sa sinto l'printemps. Vèr le 19 de mars, à l'saint Joseph, on y metto les grîns qu'estin dgermées. On rmetto les carrô se les couches pour ôrdé les toubaks à l'abri dou fra. On les arrouzo de tan en tan. Aprè 2 mwès, y z'avîn poussi d'a pô près 10 cm et y z'avîn à pô près 6 à 8 feilles. Asteur, il est tin de les rplantés dans les tchan qu'en sté labourés et hérsî.. On quadrillo l'tchan ave en grand markou en bo. C'esto une sorte de grand resté dont les 4 ou 5 dins estin espacés de 60 cm. On rpiquo les jdjôn toubak à tchèque coins des lignes. On z'avo à pô près 26 à 27 000 plants pou 1 hectare; On n'estô ni à une bechté près. Pendant les 3 mwès qui chuvan, i fallo les atterteni, nettyî les sôclins qui poussan ô pi des djôn toubaks ave un ratissoir. Fallo fwer attention pou'n ni côper ni spater les toubak; C'est d'la bsougne paske fallo toudi recmacî. C'est ksa pouss vit' les sôclins. Mais c'n'est ni l'tou, il fallo co d'jètouner les toubaks qu'avo créche. E c'est ni rîn non pe. On zè les mwins qui collan ave le goudron kesto dans les d'jètons et les feilles. D'ailleurs, il fallo du sunlich coum on d'jo ou douVim ou dou noir savlon et sertout de l'ewe bin boulante pou s'decrasser. En nich besougne. A la fin du mwé d'ayouss et débe septembre, on cmace la récolte. On côpe les toubak o pî avec in côpou; C'est un 'tit manche en bo ô d'bou du ké on zè mette une lame un po triangulaire. Il fallo p les côpoua des cô r'bat Quand les toubaks estn côpés, on les rassemlo en tas de 6 ou 8. C'esto pe ejî pou les rmett sur la t'cherrette pou les môner dans les hangars; Pour les fwer setchi, on piquo les toubaks 1 à 1 sur des boudriots. C'est un pertche de bo se 'kel y n’yè es pointes sin téss en quinquonce. Y a n'avo a pô près 12 ou p'têt un pau d'pe par boudriot. Ca dèpendo de la lôrdjeur des pindadjes. Le 2 novemb', après la messe des môrts, les zoum se tchindjin pou kmacî à dèpind les premî toubaks bin setches. Les femmes marottin les belles feilles 1 a 1 et les afants s'occepin des p'tites feilles; On rassemlo les feilles de 2 à 3 pî d'toubak, selon leu grocheur. On lio la marotte avec une grande feille de toubak. Ca fjo à po près 30 à 50 feilles pou 1 marotte. Les tellés, s'esto les feilles k'avan sté cassés, on les afijo se des fins fils de fer k'on pindo dans les hangars et din l'tin pa des cô se les façades. A fwé dou marotadje, les zoum botlin; on metto les marottes din 1 boite à botler, une sôrte de caisse en bo sin fond. On les disposo coum i fô. Une botte peso un po d'pe de 20 kg et ça rprésento ± 320 plants. On metto dans les bottes 7 marottes se la lordjeur, 7 se specheur et 2 se la longueur, tout esto bin ficelé. Ces bottes estin vinde à des fabricants d'toubaks. Avant d'vind les bottes, les accisiens v'nin pou contrôler le pwès des bottes. Avant de s'arnaller, î bevin la p'tite goutte coum des trô. {{Note Wikisourd|lî ås [[w:scoles di Bive|scoles di Bive (scole påzès scolîs)]] li 25 di nôvimbe 2025}} </div> [[Categoreye:Ouves sicrîtes dins ene ortografeye espontanêye|toubak]] [[Categoreye:Scoles di Bive|toubak]]]] [[Categoreye:Tecses a mete e depot]] [[Categoreye:Tecses]] dxfp4gjdwh510krd8a7bd6998uoktvc 0 6673 36761 35473 2026-09-17T16:14:09Z Borhan 1003 ([[c:GR|GR]]) [[c:COM:FR|File renamed]]: [[File:Wa Denis Nelly toubaks (1).ogg]] → [[File:Wa Denis Nelly toubaks (I).oga]] [[c:COM:FR#FR1|Criterion 1]] (original uploader’s request) 36761 wikitext text/x-wiki {{modeyes|[[‘L toubak|Mwaisse sicrijhaedje]] — [[El toubak|Rifondou]]}} {{tiestire | tite = Lë toubak | oteur = Nelly Denis | rortografieu = {{l-oteur|Lucyin Mahin}} | aneye = 2025 }} {{odio | Wa Denis Nelly toubaks (I).oga | Schoûtez Nelly Denis leye-minme<br/>(prononçaedje come e tecse) }} <div class="text"> {{tite|Lë toubak}} Djë va vous cauzer dou toubak. Èm grand-pére èt m' pére estint fabricants d' toubak së la Smwas, a Poupan. C'estot in ptit viyadje dins la valée, in pô rafoncî. Les toubaks estint plantés dans les côsses au sud, an françès, on dirot « së l' ''{{lang|fr|adret}}'' ». C'estot ni éjî pou-z î travayî paskë c'estot fôrt an pante. Coumint çk' on fjot l' toubak ? Bin a pårti dou mwès d' mârs’, on mèlandjot les grin.nes dë toubak avë dou tèrô fôrt fin, a pô près in dé a keude pou wit’ a dî mètes cârés d’ coûtches. Tout l' mèlandje, on l' mètot dins des pots a confitëre dû çk’i fjot tchôd. Adon, souvint, c'estot së la tchëmnée. Après kékes djoûrs, on wèyot dja les grin.nes ki cmacint a djêrmer. Së ç' tins la, on prèparot les coûtches. Elle estint nètiyîes. On brûlot min.me lë terô së des toles, k'on-z avot mètë lë fû padzo, pou lë rcoûre. Coume ça, on fjot crèver les ptites bêsses èt les mauvêses grin.nes èt tout çk'astot mauvês. Ça sintot bon dins l' viyadje. Dayeûr, pou les afants, ça sintot l' printans. Vè l’ 19 dë mârs’, a l' Sint-Jozef, les ptites grin.nes k'estint djermées, on les smot dins les coûtches. On rmètot les cârôs së les coûtches pou aurder les toubaks a l'abri dou frad, hin, èt on les arouzot d' tanzantans. Après deûs mwès, il avint poûssé d'a pô près dîs çantimètes èt tchake pitit toubak avot a pô près chîj a wit fèyes. Asteure, il est tins d' les rplanter dins les tchamps. Mês les tchamps avint sté labourés; avint sté êrsîs. Pou les rplanter, on prënot in grand markoû an bos. C'estot coume in grand rësté èt tchake dint estot séparé dë swassante çantimetes. On lë fjot dins les deûs sanses pou fwêre des cârés. Èt on rpikot les djon.nes plantes a tchake cwin. On n'estot ni a ëne bètchtée près. On rpicot, don, tous les djon.nes toubaks. On-z avot a pô près 26 a 27.000 plants pou ën ectâre. Tins des twas mwès ki chûvint, i falot les atërtëni. Don, i falot nètiyî les sauclins ki poûssint toudi ou pî des djon.nes toubaks avë in ratiswâr. On ratissot atèr les toubaks. Èt, come il estint ptits, i falot fwêre atancion pou n’ ni les spater. Èt dë n' ni les côper non pës. {{dal}} C'estot d' la bzougne pask’ i falot toudi rëcmacî. C'est k’ ça poûsse vite, les sauclins. Mais ç' n'est ni l' tout. I falot co djètouner les toubaks k' avint créchë. Èt c'est ni rin non pës. On-z è les mwins ki colant avë l’ goudron k’est dins les djètons èt les fëyes. Dayeûr, i falot dou sulnich coume on djot ou dou Vim ou dou noir savlon èt sërtout dë l'êwe bin boulante pou s' dëcrasser. Ëne niche bëzougne. A l’ fin dou mwès d'ayousse èt dèbët sètambe, on cmace la rècolte. On côpe les toubaks ou pî avec in côpou. C'è-st in ptit mantche an bos, k’ on-z è mètë ëne lame in pô triyangulaire ou dbout. Il falot pa des côps rbate lë côpou. Cand les toubaks estint côpés, on les rassan.not a tas de chî u wit’. C'estot pës éjî pou les rmète së la tchèrète pou les mon.ner dans les hangârs. Pou les fwêre sètchi, on pikot les toubaks ink a ink së des boudriyots. C'est ëne pertche dë bos k’ i gn è des pwintes sins tésse en kinconce dissu. I gn è-n avot a pô près douze ou ptète in pô dpës pa boudriyot. Ça dèpandot d’ la laurdjeûr des pindadjes. Lë deûs d’ nôvambe, après la messe des môrts, les oumes së tchindjint pou cmacî a dèpinde les prëmîs toubaks bin sètchs. Les fames marotint les bèles fëyes ëne a ëne èt les afants s'okëpint des ptites fëyes. On rassan.not les fëyes dë deus a twas pî d' toubak, sëlon leu grocheûr. On loyot la marote avë ëne grande fëye dë toubak. Ça fjot a pô près 30 a 50 fëyes pou ëne marote. Les tëlés, c'estot les fëyes k'avint sté cassées. On les afijot së des fins fils dë fêr k'on pindot dins les angars èt dins l' tins pa des côps së les façâdes. A fwét dou marotadje, les oumes botlint. On mètot les marotes dins ëne bwate a botler, ëne sôrte dë kêsse an bos sins fond. On les dispôzot coume i faut. Ëne bote pëzot in pô dpës dë vint likos èt ça rprèzantot a pô près 320 plants. On mètot dins les bwates sèt’ marotes së la laurdjeûr, sèt’ së la spècheûr èt deûs së la longueûr. Tout estot bin fiçlé. Ces botes la estint vindëes a des fabricants d' toubak. Dëvant d' vinde les botes, les accizyins vnint pou controler lë pwès des botes. Dëvant dë s'arnaler, i bëvint la ptite goute coume des trôs. {{Note Wikisourd|lî ås [[w:scoles di Bive|scoles di Bive (scole påzès scolîs)]] li 25 di nôvimbe 2025}} </div> [[Categoreye:Ouves sicrîtes e Feller]] [[Categoreye:Ouves sicrîtes e Feller-Francard]] [[Categoreye:Ouves sicrîtes e Feller-Francard-Mahin]] [[Categoreye:Scoles di Bive]] [[Categoreye:Bouyon]] [[Categoreye:Ouves avou des eredjistrumints oyåves direk]] [[Categoreye:Tecses a mete e depot]] [[Categoreye:Tecses]] jlc2ck240xm5vh8f48rkcgebv12nop4 0 6675 36762 36758 2026-09-17T16:14:11Z Borhan 1003 ([[c:GR|GR]]) [[c:COM:FR|File renamed]]: [[File:Wa Denis Nelly toubaks (1).ogg]] → [[File:Wa Denis Nelly toubaks (I).oga]] [[c:COM:FR#FR1|Criterion 1]] (original uploader’s request) 36762 wikitext text/x-wiki {{modeyes|[[‘L toubak|Mwaisse sicrijhaedje]] — [[Lë toubak|Feller]]}} {{tiestire | tite = El toubak | oteur = Nelly Denis | rortografieu = {{l-oteur|Lucyin Mahin}} | eplaideu = [[Li Rantoele]] l° 116 | shuvant = [[Les toubaks (II)]] | aneye = 2025 }} <div class="text"> ''On côp les toubaks di l' anêye di dvant vindous, les planteus n’ avént pus rén a fé d’ l’ ivier. Mins, e moes d’ måss, li såjhon ratakéve.'' {{tite|Les toubaks<ref>Gn av dedja on rapoirtaedje so les toubaks ezès limeros 74, 75, 80, 82 & 83 di nosse gazete, ey ene videyo sol tévé walon-cåzante, espliké pa Yvon Barbazon - li Bon Diu si åme.</ref>}} {{odio | Wa Denis Nelly toubaks (I).oga | Schoûtez Nelly Denis leye-minme<br/>(tecse ene miete diferin, accint d' Pouphan) }} Dji vos va cåzer do toubak. Èm grand-pere et m’ pere estént fabricants d’ toubak so li Smwès, a Pouphan. C’ est on ptit viyaedje dins l’ valêye, on pô refoncî. Les toubaks estént plantés dins les coisses [''{{lang|fr|côte, versant}}''] a Nonne [''{{lang|fr|sud}}'']. On dit eto e l’ toponimeye « a solrin » [''{{lang|fr|endroit ensoleillé}}'']. Ci n’ esteut nén åjhey po-z î travayî paski ça î disvaléve foirt. {{c|'''Comint çk’ on fjheut l’ toubak ?'''}} Bén, a pårti do moes d’ måss, on maxhive les grinnes di toubak avou do tero foirt fén, a pô près on dé a keude po ût a dijh metes cwårés d’ coûtches. Tot ç’ maxhaedje la (tere et grinnes), on l’ meteut dins des pots al confiteure poizés dou çk’ i fjheut tchôd. Adon, sovint, c’ esteut so l’ tchiminêye. Après kékes djoûs, on veyeut ddja les grinnes ki cmincént a djermer. So ç’ tins la, on aprestéve les coûtches. Elle estént netieyes. On broûléve minme li noere tere so des toles, k’ on-z aveut metou l’ feu padzo, po li rcure. Come ça, on fjheut crever les ptitès biesses et les mwaijhès grinnes. Ça sinteut bon dins l’ viyaedje. Dayeur, po les efants, ça sinteut l’ prétins. C’ est a ç’ moumint la k’ i metént les coûtès coulotes, cabén k’ il avént les djambes tote edjalêyes. Viè l’ 19 di måss, a l’ Sint-Djôzef, les ptitès grinnes k’ estént djermêyes, on les rseméve dins les coûtches. On rmeteut les cwåreas so les coûtches po wårder les toubaks a screute [''{{lang|fr|à l'abri}}''] do froed. Et on les arouzéve di tinzintins. Après deus moes, il avént poûssî d’ a pô près dijh cintimetes et tchaeke pitit toubak aveut a pô près shijh a ût foyes. Adon, il esteut tins d’ les rplanter dins les tchamps. Des tchamps k’ avént stî tcherwés et rahenés [''{{lang|fr|hersés}}'']. Pou les rplanter, on prindeut on grand markoe d’ bos. C’ esteut come on grand rustea avou des dints tos les swessante cintimetes. On rusteléve dins les deus sinses po fé des cwårés. Adon on rpikéve les djonnès plantes a tchaeke cwén. On n’ esteut nén a ene betchtêye près, di dj’ mi. Mins mi ome mi rprinda : « siya k’ on esteut a ene betchtêye près ! ». On rpikéve, don, insi tos les djonnes toubaks. On-z aveut a pô près 26 a 27.000 plants po èn ectåre. {{c|'''Såcler et djetoner'''}} Tins des troes moes ki shuvént, i les faleut etertini, don. I faleut netyî les såclins ki poûssént todi å pî des djonnes toubaks avou on ratiswer (ene binete u on crawet). On ratisséve etur les toubaks. Et, come il estént ptits, i faleut fé atincion po n’ les nén spater. et di n’ les nén côper non pus. {{odio | Wa Denis Nelly toubaks (II).ogg | Schoûtez Nelly Denis leye-minme<br/>(tecse foirt diferin, accint d' Pouphan) }} C’ esteut del bezogne, pask’ i faleut todi ricmincî. C’ est k’ ça poûsse vite, les såclins. Mais ç’ n’ est nén l’ tot. I faleut co djetoner les toubaks k’ avént crexhou, et c’ n’ esteut nén rén non pus. On-z aveut les mwins ki colént avou l’ goudron k’ est dins les djetons et les foyes. Dayeur, i faleut do Sulnich ‒ come on djheut ‒ ou do Vim ou do noer savon et sortot di l’ aiwe bén bolante po s’ discrasser. Ene niche bezogne, ça. {{c|'''Côpaedje et souwaedje'''}} A l’ fén do moes d’ awousse et debut setimbe, on cmince li recole. On côpe les toubaks å pî avou on côpoe. C’ e-st on ptit mantche di bos, k’ on-z a metou ene lame on pô triyingulaire å dbout. Il faleut pa des côps rbate li côpoe. Cwand les toubaks estént côpés, on les rashonnéve a tas di shijh u ût. C’ esteut pus åjhey po les rmete so la tcherete po les moenner dins les hangårs. Po les fé setchi, on pikéve les toubaks onk a onk so des boudriyots. C’ est ene pietche di bos k’ i gn a des poentes sins tiesse a kinconce dissu. I gn è-n aveut a pô près doze ou ptete on pô dpus pa boudriyot. Ça depindeut del lårdjeur des pindaedjes. {{Note Wikisourd|lî ås [[w:scoles di Bive|scoles di Bive (scole påzès scolîs)]] li 25 di nôvimbe 2025}} </div> [[Categoreye:Ouves sicrîtes e rfondou]] [[Categoreye:Scoles di Bive]] [[Categoreye:Ahivaedjes a pårt]] [[Categoreye:Bouyon]] [[Categoreye:Ouves avou des eredjistrumints oyåves direk]] [[Categoreye:Li Rantoele]] [[Categoreye:Tecses]] 2wqndixjco19s43zgh1hsynbg4305wu